Bilbo eta Bizkaiaren izena Himalaiara eroango dabe Txikon, Madariaga eta Tamayok
2013-03-25 13:51
Azkue Fundazinoak babestuta, Lhotse eta Nuptse mendietara igoteko helburuagaz urtengo dabe bihar hiru mendizale bizkaitarrek. Teknologia barriak erabilita, euskerea zabaltzeko asmoz doaz Himalaiara Alex Txikon, Juanra Madariaga eta Jose Carlos Tamayo, mendizaletasuna ulertzeko beste modu bat aldarrikatzeaz batera.
Aurrekontua txikitu arren, eskaintzeari eusten deutsie EHUren Udako Ikastaroek
2013-03-22 14:29 jardunaldiak
Gizartean sortzen diran kezka eta eztabaidei erantzutea da Udako Ikastaroen helburu nagusietako bat, horregaitik, urtero ahalegina egiten dabe pil-pilean dagozan gaiak aukeratzen. Iñaki Goirizelaia EHUko errektoreak esan dauenez, termometro sozial eta kultural bikaina dira gure ikastaroak. Udako Ikastaroakaz, urtean zeharreko eskaintza akademikoa osotuten dogu.
Euskerazko corpusik handiena aurkeztu dau EHUk, 205 miloe berbakoa
2013-03-11 14:48
On line konsultetako moduan ipini dabe ETC, Egungo Testuen Corpusa. EHUren Euskera Institutuak garatu dauen lantresna honi esker, euskera batuaren gaur egungo erronkei erantzutea itxaroten dabe. Izan be, XXI. mendeko prosazko testu piloa batu eta aztertu dabe, guztira 205 miloe berba daukiezanak.
'Gidabaimena Euskaraz' kanpainan ehun gazte baino gehiago ibili ziran 2012an
2013-03-06 13:34 Euskerea berbagai
Gidabaimena aterateko azterketak euskeraz egitera animetan dituan kanpaineak hirugarren urtea bete dau eta gorako bidean dago. Izan be, 2012an, lehenengo aldiz gainditu da ehun parte-hartzaileren kopurua.
Korrikaren unidade didaktikoa aurkeztu dabe AEK-k eta ikastolek
2013-02-25 14:17 Euskerea berbagai
Eskolara hasten diranetik 18 urtera arteko neska-mutilentzat preparau dabe unidade didaktikoa, edade bakotxarentzat beren beregi egokitutako jarduerakaz. Korrika zer dan, ze ezaugarri daukazan eta euskerearen aldeko jarrerea lako kontzeptuak transmitidu gura ditue eta, bide horretan, irakasleen lagungarri izan nahi dabe.
Hesian taldeak bere lehenengo zuzeneko diskoa aurkeztu dau, 'Hemen eta orain'
2013-02-22 13:56 Musikea
Lau disko eukazan orain arte Nafarroako Sakana eskualdeko taldeak, danak estudiokoak eta, azkenaldion, Hesianen oihartzuna asko zabaldu dan ezkero, zuzeneko bat plazaratzeko erabagia hartu dabe. Holan, abuztuaren 14an Gernikan eskaini eben kontzertu jentetsua grabau eta CD eta DVDa egin ditue.
Espainia eta Frantziako konpositoreak gogoratuko ditue Bilboko Musika-Musica jaialdian, martiaren 1etik 3ra
2013-02-14 14:33 Musikea
70 kontzertuko egitaraua iragarri dabe, martiaren 1, 2 eta 3ko astebururako, beraz, Bilboko Euskalduna Jauregiko aretoak musikaz beteko dira. Beste urte batzuetan legez, goi mailako musikariakaz batera, kontserbatorio eta musika-eskoletako ikasleei be aukerea emongo deutsie parte hartzeko.
Erronka barriei aurre egiteko, Hezkuntza Lege barria eskatu dabe Ikastolek
2013-01-29 14:50 Euskerea berbagai
1992ko ituna zaharkituta dago, euskal gizarteak harrezkero izan dituan aldaketa eta beharrizan barriei aurre egiteko, Koldo Tellitu Ikastolen Alkarteko lehendakariaren esanetan. Egoerea aztertzeko, etzi, urtarrilak 31, topaketea egingo dabe ikastoletako arduradunek Bilbon, Bizkaia aretoan.
Jabi Elortegi: 'Sasoi guztietako arrantzaleei omenaldia egin gura izan deutset filmagaz'
2012-08-06 10:58 Barriketan
Euskal sortzaileak batzeko asmoz sortu dabe Taupaka alkartea
2012-08-01 15:25 Musikea
Oraintsu desagertutako MusikHerria diskoetxean ibilitako taldeek bat egin dabe Taupaka egitasmo barrian, kulturea modu autogestionauan banatu eta produkzinoa interes ekonomikoetatik urrun ipinteko, gizarte osora heldu daiten. Taupaka, beraz, musikariek sortutako proiektua da, baina sorkuntzearen ganerako arloetara hedatzeko asmoa dauke.
'Mundua aldatzeko ideiak' batuko ditue garagarrilean Bilbon
2012-06-21 14:35 jardunaldiak
Bakearen eta Askatasunaren aldeko Kulturen Urtea programako jarduerek aurrera jarritzen dabe eta, oraingo honetan, mundu osoko 18 pentsalari alkartuko ditu Euskadi 2012 Fundazinoak. Bizikidetzea lortzeko bidean, euren gogoetak azaldu, alkarbanatu eta eztabaidatuko ditue parte-hartzaileek, garagarrilaren 5etik 7ra Bilboko Euskalduna Jauregian.
Krisiari aurre egiteko asmoz, kalidadeari eutsi eta prezioak merketu ditue BizBAK-en udako eskaintzan
2012-06-14 15:39 jardunaldiak
La pulga jantzariak, Ángel Ocray kantariak eta Mikel Aveiro eta Aitor Korta txalapartariek ekitaldi ofiziala animauko dabe hilaren 18an, 19:00etan, Bilboko Bizkaia Aretoan (Abandoibarra pasealekua, 3), UPV/EHUko Bizkaiko Campusak antolatzen dituen Bizkaia Bilbao Arte eta Kultura (BizBAK) uda ikastaroen inaugurazino-ekitaldian.
Estilo aniztasuna da aurtengo ezaugarria, Aste Nagusiko bertoko Pop-rock erakustaldian
2012-06-07 15:09 Musikea
Bizkaiko taldeentzako pop-rock erakustaldirako hamasei talde aukeratu ditue eta binaka joko dabe Aste Nagusiko arratsaldeetan. Aukeraketa prozesura 83 talde aurkeztu dira, beraz aurreko bost urteetako kopuruak gainditu ditue.
Deustuagaz lotutako bizipenak eta gogoetak batu ditu Ignacio Villotak liburu baten
2012-06-06 15:41 kulturbiz
Lehenagoko jazoerak eta pasadizoak batu ditu Recuerdos del Deusto de mi niñez liburuan, herri giroa bizirik egoaneko sasoikoak. Argazki ederrez apaindu dau lana.
Bakea aldarrikatuko dabe poesiaren bidez, Gasteiz, Donostia eta Bilbon
2012-06-05 15:28 jardunaldiak
Donostian eta Gasteizen, bagilaren 7an eta 8an egongo dira jaialdiagaz lotutako ekintzak: errezitaldiak, musika emonaldiak, eztabaidak eta abar. Bagilaren 9an eta 10ean, barriz, Bilboren txandea izango da eta gaur, jaialdiko arduradunek, Bizkaiko uriburuko egitaraua zehaztu dabe.
Kontalaritzearen garrantzia azpimarratu dau Kirmen Uribek, Bilboko Liburu Azokearen inaugurazinoan
2012-05-31 15:47 Kulturea
Gizarte justuago bat eregiten laguntzen dau istorioak konteteak, horixe nabarmendu dau ondarroatarrak azokearen hasierako pregoian. Uribegaz batera, Eduardo Zuritak eta Toti Martinez de Lezeak be egin dabe berba ekitaldian. Behin inaugurazinoa eginda, beraz, bagilaren 10era arte, euskerazko eta gaztelaniazko liburugintzearen uriburua izango da Bilbo.
Eduardo Galeano eta Kirmen Uribegaz zabalduko dabe Bilboko Liburu Azokea
2012-05-30 15:35 Kulturea
Uruguayko idazlea Los hijos de los dias liburu barria aurkezten etorri da eta, ganera, kritikearen saria jaso dau. Maiatzaren 31tik bagilaren 10era egongo da Bilboko Arenalean liburu azokea eta ohiko moduan, azkenaldiko nobedadeak ezagutzeko, idazleakaz solasalditxua eukiteko eta antolatzaileek eratutako jardueretan parte hartzeko aukerea egongo da.
Gidatzeko azterketa praktikoa euskeraz egiteko bidea zabaldu dabe Bizkaian
2012-05-21 15:33 Euskerea berbagai
Foru Aldundiak, Bizkaiko autoeskolen alkarteak eta Eudelek hitzarmena sinatu dabe, Gidabaimena Euskaraz ekimena luzatzeko. Aurtengo kanpainan, azterketa praktikoari begiratu deutsie eta ez teorikoari bakarrik. Holan, irakasleak trebatuko ditue, eskola praktikoak be euskeraz eskaini ahal izan daiezan.
Jatean asko dogu jokoan, Daniel Innerarity eta Andoni Luis Adurizen liburu barriaren arabera
2012-05-16 15:37 Jan edanak
Bilbon aurkeztu dabe Cocinar, comer, convivir lana, sukaldaritzea eta filosofia batzen dituan proiektua. Jatearen inguruan daukaguzan ideia, ohitura eta aurreretxiak aztertu eta gogoetea plazaratu nahi izan dabe Daniel Innerarity filosofo bilbotarrak eta Andoni Luis Aduriz sukaldari donostiarrak.
Bilbo-Bizkaia nazinoarteko kantu lehiaketea barrituta dator aurten, Maria Bayo epaimahaiburu dala
2012-05-09 15:18 Musikea
Izena aldatu deutsie ekimenari, lehen Bilboko Nazinoarteko Kantu Lehiaketea zana, orain, Pedro Maria Unanue Bilbo-Bizkaia izango da. Epaimahaia be aldatu dabe eta, Maria Bayoren gidaritzapean, nazinoarteko musika-adituak egongo dira. Ganera, parte-hartzaileakaz emonaldiak egin nahi ditue Bizkaitik kanpora, nazinoartean.
_sidebar.png)
Bakotxari berea... Eskerrik asko Adolfo zuzenketeagaitik. Eutsi goiari!!!
»» Idatz eta Mintz literatur aldizkaria ...