Kulturearen eta uriaren arteko hartu-emonak aztertuko ditue Bilbon martian, Avignoneko Foroan
2014-02-06 14:20 jardunaldiak
2008an sortu zanetik, lehenengoz egingo da foroa Frantziako Avignon uritik kanpora, izan be, Bilboko Alondigara etorriko da kulturearen ganeko pentsalari eta eragileen topaketea martiaren 5etik 7ra.
Mikel Diez Alaba bilbotarraren artelanak ipini ditue Arte Eder Museoan
2014-01-24 14:28 Kulturea
2012an eta 2013an egindako piezak dira guztiak. Gehienbat koadroak dira, eskulturaren bat be badagoan arren, eta abstraktuak dira. Neurri arrunteko 33 artelan dira eta, ganera, neurri txiki-txikiko 144 koadroren seriea be ipini dabe Bilboko Arte Eder Museoan. Denbora iraganez izenburua ipini deutsie erakusketeari.
Antzezlan amateurrak Bizkaia osoan zabalduko ditu beste behin 'Emakumeak Eszenan' zirkuituak
2014-01-23 14:35 Kulturea
Urtarrilean hasi eta, urte osoan, abendura arte, zazpi konpainia ez-profesional herririk herri ibiliko dira, euren sorkuntza lanak erakusten. Antzerkigintza amateurra aldarrikatzea eta emakume aktoreei lekua egitea dira zirkuituaren helburu nagusiak.
Bagilaren 1eko Euskal Eskola Publikoaren jaia antolatzen hasi dira Balmasedan
2014-01-22 14:25 Euskerea berbagai
Aurten, Enkarterrira helduko da jaia, Mendia ikastetxe publikoaren eskutik eta hango egoera soziolinguistikoa aintzat hartuta. Izan be, gero eta gazte gehiagok dakie euskeraz Enkarterrin, baina erabilerea txikia da. Euskal Eskola Publikoaren jaiagaz, beraz, euskerea Balmasedako txoko guztietara zabaldu nahi dabe.
Izenaren morfologia aztertu dau Euskaltzaindiak Euskararen Herri Hizkeren Atlasaren bosgarren liburukian
2013-12-12 13:53 Euskerea berbagai
Andres Urrutia euskaltzainburuak dinoanez, dialektologia ikertzea ezinbestekoa da hizkuntzen garapenean, batez be euskerearen kasuan, euskalkiek gorpuztu dabelako gaur egun daukagun ondarea. Oinarrizko batasun batetik abiatuta, herrian herriko forma desbardinak ikustea aberasgarria dala dino Urrutiak.
Juanito Dorronsoro ikerlariak jarriko deutso txapela Bertsolari Txapelketa Nagusiko irabazleari
2013-12-04 14:26 Bertsolaritzea
Juanito Dorronsorok ipiniko deutso txapela irabazleari. 1936an Ataunen jaio zan Dorronsoro, baina aspalditik Zumaian bizi da. 60 eta 70eko hamarkadetan, ikastolen mobimentuaren sortzaileetako bat izan zan eta, ganera, eskoletan bertsolaritzea sartzen aintzindari izan zan. Dana dala, bere lanik aitagarriena bertsoen doinuak aztertzea izan da.
Bilboko Arte Ederren Museoko zaharbarritze programeagaz, hamar artelan lehengoratu dira aurten
2013-12-02 14:27 Kulturea
Sortu ziraneko itxurea berreskuratuta, gaur aurkeztu ditue XV. mendeko margolan bi, Joan Gonzalezen sei marrazki eta euskal artista biren koadro bana, Aurelio Arteta eta Rafael Balerdirenak hain zuzen. Ganera, zaharbarritze teknikak ikasten dabilzan gazteentzat, prestakuntza beka barria aurkeztu dabe.
Nazinoarteko egileen 40 film proiektauko ditue Bilbao Mendi Film Festival jaialdian, abenduaren 13tik 22ra
2013-11-29 14:29
Euskadin betidanik egon da mendirako zaletasuna, aitatu dau Eduardo Martinez jaialdiko presidenteak. Martinezek azaldu dauenez, 9.400 leku egongo dira guztira lehiaketako pelikulak ikusteko. Euskalduna Jauregian, BBK Salan eta Alondigan proiektauko dira. Martinezek aurreratu dauenez, 27 herrialdetatik etorritako 40 film lehiatuko dira.
Kartzeletan egindako idazlan eta marrazkiak argitaratu ditu, beste urte batez, Ataramiñek
2013-11-28 14:35 Kulturea
Bilbon aurkeztu dau Ataramiñe alkarteak euskal presoek egindako lanen aurtengo bildumea. Alde batetik, 23 presok egindako lana batzen dauen koadernoa kaleratu dabe eta, bestetik, Mikel Antzak idatzitako antzerki-liburu bat eta Jokin Urainen hausnarketa eta ikerketa lana be atara ditue. Ganera, Preso nago 2 marrazki-liburua berrargitaratu dabe.
Kulturgintzea sustatzeko, erakundeek zelan lagundu behar daben aztertu dabe Bilbon
2013-11-27 14:25
Egun osoan egiten dabilz berbaldi eta mahai-inguru ugari, Euskal Kulturgintzea XXI. mendean izenburupean, Bilbon Fundazinoak daukan egoitzan. Artearen esparruko konbidauak eta erakundeetako ordezkariak, Euskal Herrian egiten dan kulturea zelan bultzatu eta sortzaile eta instituzinoen arteko hartu-emonak zelan gauzatu aztertzen dabilz.
Argitaratu eta 200 urtera, Jane Austenen 'Harrotasuna eta aurrejuzkuak' euskeraz irakurri geinke barriro
2013-11-19 14:58 KultureaEIZIE eta Eusko Jaurlaritzearen arteko akordioari esker, Ana Isabel Moralesek egindako itzulpena berrargitaratu da, Elkar argitaletxearen Urrezko Biblioteka bilduman. Harrotasuna eta aurrejuzkuak, XIX. mendearen hasierako Ingalaterrako gizartea ezagutzeko liburu aproposa da eta lekua egin dau literatura unibersalaren obra gorenen artean, Austenen idazkera zorrotzari esker.
Juan Bautista Eguzkitzaren sermoi eta berbaldi nabarmenenak liburu baten batu ditu Labayruk
2013-11-14 13:49 kulturbiz
Neure entzule maiteak Labayru Ikastegiak argitaratu dau, Jarein bilduman, BBK Fundazinoaren laguntzinoagaz. Bertan, Juan Bautista Eguzkitzaren sermoi hautatuak ez eze, haren bizitzearen ganeko zertzeladak, bibliografia eta abar topauko doguz. DVDa be badakar argitalpenak.
Mikel del Rio eta Augusto Aliseda artista gazteen lanak ipini ditue Batzar Nagusien erakusketa aretoan
2013-11-13 14:29 Kulturea
Arte Eder ikasketak amaitu barri ditue EHUn Mikel del Riok eta Augusto Alisedak eta, belaunaldi barrien lanaren erakusgarri, Bilbon, Batzar Nagusien egoitzan, erakusketea ipinteko aukerea emon deutsie. Abenduaren 13ra arte, bederatzi kuadro egongo dira ikusgai.
Tradizinoaren bersino barria dakar Korrontzik 'Tradition 2.1' lanean
2013-11-07 14:08 Musikea
Nazinoarteko 60 musikari baino gehiagoren kolaborazinoagaz egindako disko honetan, Korrontzi taldeak trikitixearen doinuak beste kultura batzuetako musikeagaz nahastau ditu. Emoitzea, 16 kanta eta extra track bat daukazan CD-a, bideoklip biko DVDa eta proiektuaren nondik norako guztiak azaltzen dituan liburutxua, Baga-Biga diskoetxeagaz argitaratua.
Era askotako euskaldunak eta euskera ikasleak batuko ditu Berbaguneak Bilbon, urriaren 23an
2013-10-17 14:56 Euskerea berbagai
Goiz eta arratsalde, 400 laguneko lau txandatan banatuta, 1.600 persona inguruk parte hartuko dabe Berbagunean. 70 mahaitik gora egongo dira eta triptikoak banatuko dira, berba egiteko gaien proposamenakaz. Urko Aristi (goizean) eta Xabier Euzkitze (arratsaldean) telebista aurkezleak izango dira dinamizatzaileak.
Elhuyar Hiztegiaren laugarren edizinoa eta webgunea aurkeztu ditue
2013-10-10 15:35 kulturbiz
Gaztelaniatik euskerara eta euskeratik gaztelaniarako Elhuyar Hiztegiaren laugarren edizinoa da gaur Bilbon aurkeztutakoa. Gaurkotuta eta, 91.000 sarreragaz, zabalduta dator tresna barria. Ganera, Elhuyar Hiztegiak izeneko webgune barria be aurkeztu dabe. Bertan, euskeratik gaztelania, frantses eta ingeleserako hiztegiak konsultau ahal izango dira.
47 euskal artistaren lanak ipiniko ditue ikusgai Getxoko dendetan
2013-09-26 15:32 Kulturea
Urriaren 1etik 31ra bitartean egingo da Getxoarte erakusketea, Areeta, Erromo eta Algortan. Berezitasun nagusia da artelanak denden erakusleihoetan eta ostalaritza lokaletan egongo dirala, artea herritarrei hurreratzeko eta herriko merkataritzea indartzeko asmoz. Bisita gidatuak be egongo dirala aurreratu dau Getxoko Udalak.
Zinema soziala Bilbotik Bizkaia osora zabalduko da aurten be
2013-09-25 15:27 Barriak
KCD gobernuz kanpoko erakundeak antolatuta, Zinema Ikusiezinaren 5. Jaialdia hasiko da asteon. Aurreko urteetan zabaldutako bideari jarraituta, Bilbon ardatza euki arren, Bizkaia osoan ikusi ahal izango dira proiekzinoak. Mundu osoko zuzendarien 66 pelikula egongo dira zinemaldi honetan, gizarteko arazoak salatu eta, zinemearen bidez, errealidade sozialaren ikuspegi zorrotza emoten.
Hamar euskal zinemagileren lanak, Bilboko 19. Fant jaialdian
2013-05-02 15:47 Barriak
Zinema fantastikoaren Fant jaialdian igaz hasi ziran bertoko zinemagileei beren-beregi gordetako sailagaz. Arrakastea ikusita, aurten hamar film labur eskainiko ditue Fant laburrean-Euskal filmak atalean, barikuan, gaueko hamarretan hasita. Fant jaialdiak hilaren 3an hasi, eta maiatzaren 10era arte iraungo dau.
Bizkaiko jantzariek gorazarre egingo deutsie zapatuan Iñaki Irigoien Etxebarriari
2013-04-09 15:34 Kulturea
Euskal Dantzarien Biltzar-eko sortzaileetako bat izan zan Iñaki Irigoien eta euskal jantza tradizionalen ganeko ikerlanak egiten aintzindaria izan zan. Jantzea da bere bizitzako pasino nagusietako bat eta, frankismoaren sasoi ilunenetatik gaur egun arte egindako ahalegina eskertzeko, ekitaldi ugari egongo dira zapatuan Bilboko Euskal Museoan, tartean erakusketea, jantzaldia eta omenaldi-ekitaldia.
_sidebar.png)
Bakotxari berea... Eskerrik asko Adolfo zuzenketeagaitik. Eutsi goiari!!!
»» Idatz eta Mintz literatur aldizkaria ...