Badator Bilboko IX. Gutun Zuria, Letren Nazinoarteko Jaialdia
2016-03-10 13:35 Kulturea
Azkuna Zentroak IX. Gutun Zuria Letren Nazinoarteko Jaialdia hartuko dau apirilaren 19tik 24ra. Krimena eta delitua literaturan gaia ardatz hartuta, idazleek euren narrazinoetan gai hori zelan aztertzen daben azaltzeko aukerea izango dabe.
Zapalduaren Antzerkiaren ganeko bigarren topaketea Gernika-Lumon
2016-03-10 12:02 Kulturea
Zapalduaren Antzerkia Augusto Boalek sortutako metodo eta mobimentua da, ikuslea bere errealidadearen eraldakuntzearen aktore bilakatzea helburu dauena. Saio horreetan Israel eta Palestinatik datozen Combatants for Peace taldeko (bakearen aldeko burrukalariak) zenbait kide egongo dira.
Gipuzkoako Arteen eta Kulturearen Kontseilua sortu dau Foru Aldundiak
2016-03-09 14:39 Kulturea
Gipuzkoako Aldundiko gobernu kontseiluak, Kultura sailaren proposamenari jaramon eginez, Gipuzkoako Arteen eta Kulturaren Kontseilua sortu dau. Autortutako prestigioa daben profesionalak aukeratu doguz gure asmoa dalako Arteen eta Kulturearen Kontseilua plataforma bat izatea kulturako sorkuntzearen, zabalkundearen zein konsumoaren erronkei aurre egiteko.
Bermeoko Liburu eta Disko Azokea, martiaren 11tik 20ra
2016-03-09 11:55 Kulturea
Euskerazko eta gaztelaniazko nobedade literarioakaz batera, diskoak be erosi ahal izango dira Bermeoko Lameran, martiaren 11tik 20ra, urteroko Liburu Azokan. Idazleak bertara hurreratuko dira liburuak sinatzera eta Bertso papelak erakusketea be ikusi ahal izango da.
Konserbazino Bereziko Eremu izentau dabe Gorbeia ingurua
2016-03-08 17:12 Kulturea
Eusko Jaurlaritzako Gobernu Kontseiluak holan erabagita, Gorbeiako naturgunea Konserbazino Bereziko Eremu izango da aurrerantzean, Natura 2000 sarearen barruan. Naturea eta biodibersidadea babesteko neurria da. Izan be, Jaurlaritzearen arabera, ekosistema aberatseko gunea da Gorbeialdea eta mehatxatutako bizidun espezie batzuen bizileku da.
Eneritz Artetxe gernikarra izentau dabe EHAZE Euskal Herriko Antzerkizaleen alkarteko buru
2016-03-08 13:19 Kulturea
Eneritz Artetxeren esanetan, mekanismo batzuk aldatu behar dira, ze azken urteotan, urtekerarik bako kalezulo batean ibili da EHAZE; uste dot konponbideak topetako ahalegina behar dala. Gauza asko lortu dira, gauza asko sortu dira ezerezetik, baina, aurrera egiteko, zeozer apurtu behar zan, dinamika bat apurtu, eta jente barria sartu. Bestela, ez aurrera ez atzera geratzeko arriskua egon da.
Mikel Martinez izango da Eskena alkarteko zuzendari barria
2016-03-08 09:42 Kulturea
Euskadiko Produktore Eszenikoen Alkartea da Eskena. Gogoeta sakon baten barruan, erronka barriei aurre egiteko asmoz izentau dabe Mikel Martinez zuzendari. Pilar Lopez, Gorka Minguez, Ana Pimienta eta Ane Aiestaran be zuzendaritza talde barrian sartu dira.
Eriz Morenoren erakusketea ipini dabe Bilboko Rekalde aretoan, Barriek programearen barruan
2016-03-07 16:35 Kulturea
Bizkaiko Foru Aldundiak artista gazteen lana bultzatzeko antolatzen dau Barriek beka deialdia eta erakusketa zikloa. Martiaren 8tik maiatzaren 8ra, Eriz Morenoren txandea da. Bratstvo/Jedinstvo izeneko erakusketea ipini dau artista bilbotarrak Rekalde aretoko Kabinete Abstraktuan, Jugoslavia zaneko lurretan sortutako eta batutako materialakaz.
Laura Freixas eta Anna Caballe idazleek literatur produkzinoan dagoan genero bardintasuna aztertuko dabe
2016-03-07 13:11 Kulturea
Eztabaidak literatureagaz, jentaurreko alkarrizketa lasaiaren bitartez literaturako zenbait gai jorratzeko proposamena dakarren Bidebarrieta Kulturgunearen ekimenak, Laura Freixas eta Anna Caballé idazleak alkartuko ditu martiaren 8an, martitzenean, Emakumearen Nazinoarteko Egunagaz bat etorriz, literaturearen alorrean dagoan benetako genero bardintasuna aztertzeko.
Bardintasunaren aldeko Zirgari sariak sortu ditue
2016-03-07 10:43 Kulturea
Zirgarien figuran oinarrituta sortu dabe sari barria Bizkaiko Foru Aldundiak eta BBK Fundazinoak, emakumeen eta gizonen arteko bardintasunaren alde egindako lana autortzeko asmoz. Lehenengo edizinoko sarituak aukeratu ditue dagoeneko: Askabide, Haize Berria, Maite Albiz zentroa eta Piper Txuriak. Sariak martiaren 8an emongo dira, Emakumeen Nazinoarteko Sariagaz bat eginaz.
Susana Talayeroren ia hiru hamarkadako lana ipini dau ikusgai Bilboko Arte Eder Museoak
2016-03-04 13:27 Kulturea
1987tik gaur egunera arteko ehun lan inguru batu ditu Bilboko Arte Eder Museoak, Susana Talayero bilbotarrari eskainitako Kronika geldiezina erakusketan. Ohiko atzera begirakoa baino, artisteak bere ibilbidean euki dituan kezkak eta lan egiteko modua dira ardatza. Estudiotik museorako aldaketea eta obrak bizirik manteniduteko erronkea gogoz hartu dituala dino Talayerok.
ArgiHizkiak literatura-lehiaketearen erakusketea Sopelan da
2016-03-04 10:30 Kulturea
Leioan abiatu zan erakusketa ibiltaria eta Getxon, Berangon, Urdulizen, Plentzian eta Lemoizen egon ostean, Sopelara heldu da ArgIHIzkiak erakusketea. ArgiHizkiak literatura-lehiaketearen 10 argazkiak eta horreetan oinarritutako euskerazko 20 testu labur onenak batzen dituan erakusketea martiaren 20ra arte bisitau ahal izango da Kurtzion.
Udabarriko eta udako egonaldietan izena emoteko epea zabaldu dau Kutxabankek
2016-03-04 09:34 Kulturea
Eguneko kanpus, udaleku eta hizkuntza ikastaroen programazino zabala antolatu dau Kutxabankek aurtengo udabarrirako eta udarako, 3 eta 18 urte bitarteko gazteei zuzenduta. Gaztedi programan izena emoteko epea zabalik dago eta 11.000 plaza dagoz guztira, Araba, Bizkaia eta Gipuzkoako neska-mutilentzat. Jarduera gehienak euskeraz dira.
'Maitasunaren ostean, maitasuna' antzezlanak irabazi du Donostia Antzerki Saria
2016-03-03 14:41 Kulturea
Ados Teatroa konpainiaren lan ezaguna da orain saritua, ezaguna, eta oso berezia, sarri landu izan dan gai bati, alzheimerrari eta gaixotasun horrek dituan eraginei modu berezian heltzen deutsolako, zuzendari lanak be beregan hartu dituan Garbi Losadaren testua eta Dora Salazar margolariaren lan plastikoa buztartuz, hain zuzen be.
Bilboko Guggenheim munduko museorik ederrena izentau dau Conde Nast Traveler aldizkariak
2016-03-03 13:49 Kulturea
Irakurleen eretxia kontuan hartuta egindako zerrendan, lehenengo lekuan agiri da Bilboko Guggenheim Museoa 2016an. Turismoaren alorrean erreferente dan Conde Nast Traveler bidaia-aldizkariak urtero egiten dau museoen zerrendea. Artea eta kulturea kategorian lortu dau Guggenheimek munduko museorik ederrenaren izendapena.
Euskal batailoietako gudarien argazkiak ipini ditue Batzar Nagusien egoitzan, Bilbon
2016-03-02 13:05 Kulturea
Mauro Saravia txiletarrak ataratako argazkietan 1936ko gerratik bizirik geratzen diran gudariak agiri dira. Intxorta 1937 alkarteagaz batera antolatutako erakusketa hori Bilbon egongo da martiaren 29ra arte, Bizkaiko Batzar Nagusien egoitzan. Gudari gehienak gizonak ziran, baina emakumeek be gerrea sufridu ebela gogoratzeko, omenaldia egingo jake apirilean eta hareei buruzko argazki erakusketea datorren urtean aurkeztuko dau Saraviak.
'Basque Yourself', ikasleentzako EHUko udako ikastaroa
2016-03-02 12:22 Kulturea
I. Basque Yourself International Summer School, datorren bagilaren 26tik garagarrilaren 15era bitartean eskainiko da Donostian. Bere helburuak mundu mailako ospea daben profesionalen eskutik lehen mailako eduki akademikoak eskaintzea, eta ikasleak euskal hizkuntza eta kulturan buru-belarri sartzea dira.
Akitania-Euskadik, Etxeparek eta EKEk alkarlanerako kultur egitasmo barria aurkeztu dabe: Aquitaine.eus
2016-03-01 17:00 Kulturea
Hitzarmenaren bitartez sinatzaileak lankidetzan ibiliko dira bi norabidetan: batetik, Iparraldeko eta Hegoaldeko euskal kultur sortzaileen lanak Akitaniako diziplina desbardinetako jaialdi eta ekitaldietan erakutsiko ditue; bestetik, Akitaniako eta Euskadiko kultur sortzaile eta eragileen arteko mugaz gaindiko hartu-emonak eta alkarlana sustatuko ditue.
Askotariko proposamen kulturalak Bilbon, Blas de Oteroren mendeurrena gogoratzeko
2016-03-01 13:35 Kulturea
1916ko martiaren 15ean jaio zan Blas de Otero poeta bilbotarra eta mendeurrena gogoratzeko ekitaldi piloa antolatu dau Bilboko Udalak, kultur eragile eta artistakaz alkarlanean. Irakurraldiak, antzezlanak eta lora eskaintzak egingo ditue. Ganera, Andres Urrutiak euskerara itzuli dau Oteroren Istorioak, alegiazkoak nahiz egiazkoak, prosa poetikoan idatzitako liburua.
CodeSyntaxek goitik behera barriztau dau Blogak.eus bere 10. urteurrenerako
2016-03-01 11:43 Kulturea
Hamar urteotan plataformeak (hemendik aurrera blogak.eus domeinuan) Interneten euskerazko edukien kopurua handitzen lagundu dau, 3.000 blog eta ia 50.000 publikautako artikulugaz, kontuan hartu barik horreek sare sozialetan eragin dituen milaka sarrera eta alkarrizketak. Hain zuzen be, audientzia datu esanguratsuak ditu: 700 erabiltzaile dabiz egunero, urtean miloe bat ikusitako orrigaz.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...