ETBk gaur eten dau emisinoa Nafarroan
2016-05-05 15:12 Kulturea
ETBk bere emonaldi digitalak eten ditu gaur goizeko 10:00etan Nafarroan. EiTBren eta Itelazpiren kontra Industria, Energia eta Turismo Ministerioko Telekomunikazinoetarako Estadu Idazkaritzeak hasitako zehapen-espedienteek eragin dabe emisinoa bertan behera ixtea.
Zorrotzak VII. Klown jaialdia hartuko dau, Bilboko auzoetako udabarriko kultur programazinoaren barruan
2016-05-04 11:11 Kulturea
Bilbok kaleko arte eszenikoen Euskadiko eskaintzarik zabalena jasoko dau maiatzean eta bagilean, Bilboko Udaleko Kultura Sailak, uriko barrutietara zuzenduta batez be, diseinau dauen programazinoagaz. Eskaintza anitz hori astegoien honetan helduko da Zorrotzara, Azoka parkean eta auzoko udal liburutegian egingo dan clown jaialdiaren zazpigarren edizinoagaz, eguen honetatik, maiatzaren 5etik aurrera.
'Bisbita platense', Damaris Panen eta Claudia Rebeca Lorenzoren erakusketea Bilbon
2016-05-03 17:56 Kulturea
Damaris Panen eta Claudia Rebeca Lorenzoren Bisbita platense Bizkaiko Batzar Nagusiek eta Arte Eder Fakultadeak alkarregaz bultzatzen daben erakusketa barria da, joan dan legealdian erakunde biek sustatu eben lankidetzarako programatik sortua. Programa horren bitartez, artista gazteek espazioa izango dabe Bilbo erdialdean euren sorkuntza lanak erakusteko.
Arte garaikidea bultzatzeko Eremuak programea herrietara zabalduko da aurten
2016-05-03 14:25 Kulturea
Pello Irazuren, Itziar Okarizen eta Leire Vergararen gidaritzapean, seigarren urteari ekin deutso Eremuak programeak. Euskal arte garaikideari testuingurua ipintea eta sortzaileei aukerak emotea dira helburu nagusiak. Artea gizarteratzeko asmoz, Harriak ekimena egingo dabe lehenengoz, Eremuak hainbat herritako kultur etxeetara eroateko.
180 kultur proposamen baino gehiago Bilboko Udalaren 'Kultura Kalez Kale' kanpainan
2016-05-02 13:33 Kulturea
Bilboko Udaleko Kultura Sailaren ekimen horren helburuak, kultur proposamenak auzoetara hurreratzea, kaleak girotzea eta biztanleen partaidetzea eta eurekaz izan beharreko hartu-emon zuzenak sustatzea dira. Horrezaz gan, aukerea emoten jake bertako musika eta antzerki taldeei, estadu eta nazinoarte mailako beste proposamen batzuekaz batera euren lanak jenteari hurreratzeko.
'Muga' antologia aurkeztuko dabe Felipe Juaristik, Juan Ramon Makusok, Pello Otxotekok eta Aritz Gorrotxategik
2016-05-02 11:36 Kulturea
Bilboko Udaleko Kultura Sailaren esku dagoan Bidebarrieta Kulturguneak, El Gallo de Oro argitaletxeak kaleratu dauen Muga antologia poetiko elebidunaren aurkezpen ekitaldia jasoko dau martitzenean, maiatzaren 3an, arratsaldeko 19:30etik aurrera.
Euskadiko Antzoki Sarearen hitzartutako zirkuituak hamar konpainiaren 232 emonaldi eskainiko ditu
2016-04-29 15:01 Kulturea
Euskal antzerki konpainien produkzinoaren eta programazinoaren arteko koherentzia bultzatu eta antzezlan barriei egutegi sendo bat eskaintzeko asmoz antolatzen dabe urtero hitzartutako zirkuitua Eusko Jaurlaritzeak eta Antzoki Sareak. Aurten, hamar konpainiaren hamaika lan aukeratu eta 232 emonaldi programau ditue. 187.000 euroko laguntzinoak emongo ditu Jaurlaritzeak.
Bost opera dakarz Bilbora ABAO-OLBEren denporaldi barriak
2016-04-29 10:30 Kulturea
Barrikuntzearen eta kalidadearen aldeko apustua egin dau ABAO-OLBE alkarteak 2016-2017 denporaldirako. Holan, Euskalduna jauregian, Don Giovanni eta La Cenerentola opera handi eta ezagunak ikusi ahal izango dira eta, Bilbon lehenengoz, Verdiren Stiffelio egongo da. Lucrezia Borgia eta Andrea Chenier lanek osotuko dabe programazinoa.
'Jantzea lanbidea da' aldarrikapena dakar Jantzearen Nazinoarteko Egunak
2016-04-29 10:21 Kulturea
Gaur, apirilak 27, Jantzearen Nazinoarteko Eguna danez, BilbaoEszenak, Bilboko Udaleko Antzerki Baliabideen Zentroak, bat egin dau ADDE, Euskal Herriko Jantza Profesionalen Alkarteak jantzearen ezagutza orokorra hobetzeko eta jantzeagaz lotutako profesionalei duintasuna emoteko asmoz bultzatu dan kanpaineagaz.
Euskal Herria Museoak 'Gernika Arbolaren kokalekua (1366 - 2016)' erakusketea hartuko dau
2016-04-28 18:28 Kulturea
Uribilduaren sorrerearen 650. urteurrenaren harian, Gernikako Euskal Herria Museoak Arbolaren kokalekua erakusketea zabalduko dau bihar, barikua. Gernikaren historia erakusten jaku hor, 1366tik 2016ra arteko mugarri garrantzitsuenetan zehar ibilbide bat eginez. Erakusketea Bizkaiko Foru Aldundiak eta Gernikazarrak antolatu dabe.
Zabalik dago aurtengo Rikardo Arregi kazetaritza sarietarako proposamenak aurkezteko epea
2016-04-28 14:45 Kulturea
Donostian aurkeztu dabe Rikardo Arregi sarietako 28. edizinoa. 2015eko maiatzetik aurtengo maiatzera bitartean argitaratutako lanak aurkeztu ahal izango dira eta sari bi emongo ditue: Sari nagusia eta Kazetari Berria atalekoa. Andoaingo Udaleko zinegotzi Ainara Rodriguez, Jaurlaritzako Hizkuntza Politikako sailburuorde Patxi Baztarrika eta Goiena taldeko Oihane Agirre egon dira aurkezpenean.
'Powder her face' opera polemikoa Bilboko Arriaga antzokira helduko da maiatzaren 6an eta 8an
2016-04-27 15:09 Kulturea
Argyll dukesearen bizimodu gorabeheratsua kontetan dau Powder her face opereak. Londresko Covent Garden-eko ikuskizun polemikoa Bilbora helduko da, Arriaga antzokira, maiatzaren 6an eta 8an. Aurretik, obrearen eszena eta musika esplizituek zeresana emon dabe hainbat herrialdetan, lizunegiak diralakoan.
Literaktum Donostian, maiatzaren 3tik 14ra
2016-04-27 12:00 Kulturea
Narratibea ardatz hartuta, datorren maiatzaren 3tik 14ra, 40 konbidadu inguru pasauko dira Literaktumetik, 20 jardueratik gorako programa batean, literaturearen zeharkako ikuspegia eskainiz: alkarrizketak autoreakaz, antzerki eta musika-proposamenak, erakusketak, literatur ibilaldiak eta umeentzako jarduerak, euskeraz, gaztelaniaz, ingelesez, galegoz edo zeinuen hizkuntzan.
Karrikan plataformea sortu dabe, Euskal Herri guztiko kaleko arte eszenikoei laguntzeko
2016-04-27 10:32 Kulturea
Sorkuntzea bultzatu eta berau erakusteko aukerak emotea da Karrikan plataformearen helburu nagusia. Ipar zein Hego Euskal Herriko hainbat eragilek bat egin dabe erakunde barrian, kaleko arte eszenikoak lurralde guztian sustatu nahi dituelako, muga administratiboak ahaztuta. Karrikanek dino, aukeratutako proiektuak kale arteen hitzordu garrantzitsuetara eroango dituala.
Katixa Agirreren 'Atertu arte itxaron' nobeleari saria emongo deutso 111 Akademiak
2016-04-26 10:48 Kulturea
2015eko euskerazko libururik onena dala erabagi dabe, bozketa bidez, 111 Akademiako kideek. Katixa Agirreren Atertu arte itxaron eta Ramon Saizarbitoriaren Lili eta biok izan dira aurtengo finalistak. Maiatzaren 5ean, ekitaldia egingo dau 111 Akademiak Andoainen eta bertan emongo deutsie saria Agirreri.
Gaur, hilak 28, Gernika sortu zaneko 650. urteurrena beteko da
2016-04-25 14:04 Kulturea
Asteon bat egiten dabe Gernika-Lumon, bonbardaketearen 79. urteurrenak (Apirilaren 26an) eta Gernika sortu zaneko 650. urteurrenak (Apirilaren 28an), izan be, Gaztelako Alfonso XI.a eta Guzmaneko Leonor andrearen semea izan zan Tello jaunak sortu eban Gernika 1366ko apirilaren 28an.
Ander Gartziak eta Eva Vidal Álvarezek irabazi dabe VIII. Bizkaidatz lehiaketea
2016-04-25 09:55 Kulturea
VIII Bizkaidatz lehiaketan, euskerazko atalean, lehen saria, Ander Gartzia Badiolarentzat izan da. Gaztelaniazkoan, barriz, Eva Vidal Álvarezentzat El don lanagaitik, Aixa de la Cruzen testua oinarri hartuta.
'Su à feu' kaleko ikuskizuna dakar Deabru Beltzak konpainiak bere 20. urteurrenean
2016-04-22 14:53 Kulturea
Inozko ahaleginik handiena egin dau Deabru Beltzak taldeak Su à feu ikuskizuna preparetan, 16 hil behar izan ditue. Jantzea, sua eta efektu modernoenak batuko ditu obra barriak, Deabru Beltzaken ibilbidean ohikoa dan estilo ikusgarriaren bidetik. Miarritzen egingo dabe aurre-estreinaldia, maiatzaren 6an, eta hil horren 19an eta 20an Leioako Umore Azokan estreinauko dabe.
New Yorketik 50 artelan ekarri ditue Bilboko Guggenheim museora, Parisko Eskolaren ganeko erakusketarako
2016-04-21 15:27 Kulturea
Orain dala urte bi New Yorkeko eta Bilboko museoek sinatutako hitzarmenaren lehenengo emoitzea da Hiriko ikuspegiak: Parisko Eskolea, 1900-1945 izenburuko erakusketea. Estadu Batuetatik ekarritako goi mailako 50 artelanen bidez, 20. mendearen lehen erdiko abangoardien barri emongo dau Bilboko Guggenheim Museoak, apirilaren 22tik urriaren 23ra.
Kobazuloetako eta gaur egungo arteak bat egin dabe Arkeologi Museoaren erakusketa barrian
2016-04-21 10:08 Kulturea
Apirilaren 21etik abuztuaren 14ra arte, Bilboko Arkeologi Museoan, erakusketa berezi baten batu dira orain dala milaka urtetako gizakiek sortutako irudiak eta gaur egungo artista baten sorkuntzak, Haitzuloetako artea, arte garaikidea izenburupean. Maximina Espeso artista garaikideak Euskal Herriko kobazuloetan topautako irudiak barriro interpretau ditu.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...