Sexu bereko personen arteko ezkontzearen eta sexu aldaketearen alde dagoz Euskadiko gazte gehienak
2016-05-16 16:04 Kulturea
Maiatzaren 17a, Homofobia, Transfobia eta Bifobiaren kontrako Nazinoarteko Eguna dala gogoan hartuta, Gazteen Euskal Behatokiak Euskadiko gazteak 2016 ikerketearen datuen aurrerapena plazaratu dau.
X. Mangamorek badauka kartela
2016-05-16 13:01 Kulturea
Amorebieta-Etxanoko Mangamoreren hamargarren edizinoak badauka kartel ofiziala. Marcel Pérez eta Marisa Martinez dira egileak eta protagonisten eboluzinoa ikusten da, Mangamoreren bideo-joko ofizialean be agertzen diranena.
'Lurrak' euskal zirku ikuskizuna bagilean estreinauko dabe
2016-05-16 12:23 Kulturea
Bilboko eta Gasteizko udalek alkarlanean produzidu dabe ikuskizuna eta bagilaren 10ean izango da lehenengo emonaldia, Arabako uriburuko Kaldearte azokan. Hil horren 27an Bilboko Kalealdian egongo da Lurrak. Zirku garaikidea eta euskal kulturea buztartzen dituan kalidadezko ikuskizuna dala dinoe bultzatzaileek.
Hemen da Bizkaie! barriztua
2016-05-16 10:32 Kulturea
Bizkaierea erabiliz eta berbakera hau sustatuz kazetaritza produktu duina eskaintzeko jaiotako agerkariak estetika eta barrualde barriak dakarz: argia, zehatza, zuzena, dinamikoagoa, parte-hartzea sustatuko dauena, komunidadeari garrantzia emongo deutsona.
Literaturea eta gastronomia ardatz, Ines Ortega eta Xabier Gutierrezen arteko barriketaldian
2016-05-16 10:18 Kulturea
Eztabaidak literatureagaz ekimenak, Inés Ortega gastronomia idazle ezaguna, eta Los aromas del miedo eleberri baltz seriearen bigarren partea dan El bouquet del miedo liburua argitaratu barri dauen Xabier Gutiérrez, Arzak jatetxeko Barrikuntza Zuzendaria alkartuko ditu datorren martitzenean, maiatzaren 17an. Literatura entre fogones izeneko topaketea Almudena Cacho kazetariak gidatuko dau.
Iker Sancho Insausti, Zaitegi Sariaren irabazle
2016-05-13 12:20 Kulturea
Igazko urte amaieran Suediako Akademiak Nobel saridun hautatutako Svetlana Aleksievitx idazle bielorrusiarraren kronika liburu bat (U voiny ne zhenskoe litso - Gerreak ez dauka emakume arpegirik) euskeratu beharko dau itzultzaileak urte amaierara bitartean, eta 2017 urte hasieran emongo dau argitara Elkar argitaletxeak.
Eija-Liisa Ahtila-ren 'Deikundea' instalazinoa aurkeztu dau Guggenheim Bilbao Museoak
2016-05-12 13:18 Kulturea
Hiru proiekzinoz osotutako instalazinoa da; horreetan, Lukasen Ebanjelioaren (Lk 1,26–38) pasarte ezagun bat agertzen da, Deikundearena; ikonografia kristinauaren gairik garrantzitsuetako bat da eta, ganera, perspektibea behar bezela lehenengoz erabili eben antxinako pintura batzuek pasarte hori irudikatzen dabe.
Leioako Umore Azokan 18 euskal konpainia egongo dira aurten
2016-05-12 12:24 Kulturea
Hamaika estreinaldi aurkeztuko ditue bertoko konpainiek Leioako Umore Azokan, maiatzaren 19tik 22ra. Antolatzaileek dinoenez, talde gazteak eta beteranoak dagoz egitarauan eta horrek kaleko arte eszenikoek geurean osasun ona daukiela erakusten dau.
David Martinez Suarezen 'Menos da una piedra' erakusketea, Bilboko Rekalde aretoan
2016-05-12 16:04 Kulturea
Garagarrilaren 3ra arte ikusi ahal izango da artista asturiarraren sormen lana, Rekalde aretoko Kabinete Abstraktuan. Sortzaile gazteen lana bultzatzeko Barriek programearen bidez eratu da erakusketea.
Hogei artistaren artelanak batzen ditu Ertibil erakusketa ibiltariak
2016-05-11 15:13 Kulturea
Ertibil programearen aurtengo edizinoan, hogei artistaren beste horrenbeste obra aukeratu ditue eta Bilboko Rekalde aretoan ikusi leitekez guztiak. Ondoren, Bizkaiko beste hamar herritara eroango dabe erakusketea.
Badator V. Galdakaoko Oroimenaren Astea, orain 79 urte jazotakoak gogoratzeko
2016-05-11 12:14 Kulturea
1937ko udabarria benetan gogorra izan zan Bizkaian, izan be, tropa faxistek hainbat herri bonbardeau zituen, besteak beste, Galdakao. 79 urte pasau dira, baina ez dogu ahaztu, eta ez dogu ahaztu gura be. Horregaitik, aurten be,Galdakao Gogora alkarteak, Galdakaoko Udalaren laguntzino eta babesagaz, Oroimenaren Astea egitarau kulturala antolatu dau.
Bizkaitar Argia saria emongo deutso Bizkaiko Foru Aldundiak Radio Euskadiri
2016-05-11 12:13 Kulturea
Ganera, beste irrati biri, Bizkaia Irratiari eta Radio Nervioni, Bizkaia saria emongo deutse.
'Bahnar deitu salbaiak' liburua webgunean jarri dau Euskaltzaindiak
2016-05-11 12:11 Kulturea
Bahnar deitu Salbaiak liburua Euskaltzaindiaren webgunean konsultagai dago. Liburuaren egilea Pierre Dourisboure da. Jean Elissalde Zerbitzari-k egin eban euskerazko itzulpena eta edizino honetako paratzailea Henri Duhau izan da.
Artea kalera aterako dabe Bilboko galeriek, IV. Art District ekimenean
2016-05-10 18:36 Kulturea
Maiatzaren 13an eta 14an egingo dabe Arteen Asteburua Bilbo erdigunean, uriko galeriek antolatuta, Bilboko Udalaren eta Bizkaiko Foru Aldundiaren babesagaz. Artea jenteari hurreratzea eta galeriek egiten daben lana ezagutarazotea da Art Districten helburua. Horretarako, egitarau zabala antolatu dabe barikurako eta zapaturako.
BilbaoEszenak lan jardunaldia atondu dau euskeraz egiten dan antzerkiaren erronkak ardatz hartuta
2016-05-10 18:42 Kulturea
Beste batzuen artean Xabi Paya bertsolariaren edo Patxo Tellería dramaturgoaren partaidetzea izango daumaiatzaren 14ko jardunaldiak.
'Pentsatzeko txokoa', Nerea Arrien lekeitiarraren lana plazan
2016-05-10 18:36 Kulturea
Nerea Arrienek, XXXIV. Lizardi 2015 sariaren irabazleak, Pentsatzeko txokoa izeneko liburuan adimen emozionalari keinu egiten deutso. Hauxe da bere lehenengo liburua.
Errefuxiatuak gogoan datoz EHUren XXXV. Udako Ikastaroak
2016-05-10 18:34 Kulturea
Aniztasuna eta eskaintza zabalagoa dira XXXV. Udako Ikastaroen berezitasunak. Nabarmen areagotu da jarduerea, ia 200 hitzordu akademikogaz, erakunde publiko zein pribatuen babesa indartu egin baita. Danetara, presentziazko 142 ikastaro, beste 24 online, 27 biltzar eta 8 jarduera edegi aurreikusi ditue debatea eta pentsamendu kritikoa garatzeko.
'Langraitz bisean bis' liburuaz egingo dau berba Humberto Unzuetak gaur Bilbon
2016-05-10 18:31 Kulturea
ETAtik urten eta autokritikea egin daben presoen lekukotzak batu ditu Humberto Unzueta gernikarrakLangraitz bisean bis, ETAren disidentziarekin aurrez aurreliburuan (Erein). Berau aurkeztuko dau jentaurrean gaur, arratsaldeko 19:30ean, Bilboko Bidebarrieta liburutegiko kulturgunean. Langraitz Bidea dalako horren alde egin eben Carmen Gisasola eta Joseba Urrosolo be bertan izango dira.
'Bizkaiko boto-eskaintzak, itsasoko sinismenak' erakusketea Bilbon ikusgai maiatzaren 9tik garagarrilaren 27ra
2016-05-09 10:41 Kulturea
Gaur, maiatzaren 9an, Bilboko Ondare Aretoak Bizkaiko boto-eskaintzak, itsasoko sinismenak erakusketea zabalduko dau. Itsasoaren arloko historialaria eta erakusketearen komisarioa dan Xabier Armendarizek batutako 35 boto-eskaintza eta opari egongo dira ikusgai.
Museoen Eguna ospatuko dabe Bizkaiko 22 herritan, maiatzaren 14tik 22ra
2016-05-06 15:12 Kulturea
Bizkaiko Foru Aldundiak eta herrialdeko museo eta azpiegitura kulturalek bat egin dabe Museoen Nazinoarteko Egunagaz. Maiatzaren 18an da egun hori, baina bederatzi eguneko egitaraua preparau dabe. Bizkaiko 22 udalerritako 35 azpiegituratan egongo dira jarduerak. Museoak eta paisaia kulturalak leloa erabiliko dabe.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...