'Gure Xabiertxo' erakusketea martiaren 12tik bagilaren 23ra ikusgai Bilbon, Euskadiko Artxibo Historikoan

Bizkaie! 2015-03-12 14:37   Kulturea

Gure Xabiertxo erakusketea Eusko Legebiltzarrak eta Sancho el Sabio Fundazinoak antolatu dabe, Ixaka Lopez Mendizabalek Xabiertxo izenburuko liburua argitaratu zala 90 urte beteten baitira 2015ean.

»» Ikusi argazki guztiak (5)

Joan Mari Irigoienek 'Bi urtetako kronika fakultatiboa (2012-2014)' poema-liburua aurkeztu dau

Bizkaie! 2015-03-12 10:38   Kulturea

Azkenengo urteetan izandako gaixotasun bi ditue ardatz Joan Mari Irigoienek Bi urtetako kronika fakultatiboa (2012-2014) (Elkar) jasotako olerkiek; bata da disartria, edo berba egiteko zailtasuna, eta bestea, depresinoa. 68 orrialdeko autortza baten antzekoa dala esan eben aurkezpenean.

Balenciaga, Dior, Givenchy eta Hermés diseinatzaileen lanak, Bilboko Arte Eder Museoan

Nagore Ferreira Zamalloa 2015-03-10 14:53   Kulturea

Hirurehun objektu batu ditue 50eko hamarkadea. Modea Frantzian 1947-1957 erakusketan, ehun jantzitik gora eta makina bat osogarri eta dokumentu. Palais Galliera Parisko moda museoa eta Bilboko Arte Eder Museoaren arteko lankidetzearen emoitzea da. Abuztuaren 31ra arte egongo da zabalik.

»» Ikusi argazki guztiak (6)

'Naturaren Argazkilariak' erakusketeak 67 herrialdetako 81 artistaren argazkiak batu ditu Bilboko Ondare aretoan

Bizkaie! 2015-03-10 14:39   Kulturea

Wildlife Photographer of the Year lehiaketa entzutetsuan saritutako 67 herrialdetako 81 argazki batzen ditu erakusketeak, eta, horrezaz gan, Urtzi Vera artista bizkaitarraren 11 argazki be jarri ditue ikusgai. Erakusketea apirilaren 18ra arte bisitau ahal izango da.

»» Ikusi argazki guztiak (2)

Elena Ferranteren 'Adiskide paregabea' nobelea plazaratu dau Igelak

Bizkaie! 2015-03-10 12:02   Kulturea

Fernando Reyk euskeratu dau Adiskide paregabea Elena Ferranteren Napoliko tetralogiako lehenengo nobelea, Igela argitaletxearen eskutik. Lila eta Lenu auzo pobre bateko neskatoen istorioa kontetan dau liburuak.

V. Aixe Getxo! sarietan 14 kultur ekimenen eta eragileren lana nabarmendu ditue

Bizkaie! 2015-03-10 10:04   Kulturea

Datorren eguenean, martiak 12, Getxoko Udalak Aixe Getxo! sariak banatuko ditu kultura munduaren hainbat arlotan, udalerrian sortutako zenbait eragilek eta ekimenek egindako lana, konpromisoa eta zabalkunde ahalegina azpimarratzeko asmoagaz.

'Juan Larrea (El hombre al que perseguían las palomas)', Fernandez de de la Sotaren azken liburua aurkeztuko dabe

Bizkaie! 2015-03-09 14:11   Kulturea

Bidebarrieta Kulturguneak, El Gallo de Oro argitaletxeak kaleratu dauen José Fernández de la Sotaren azken liburuaren Juan Larrea (El hombre al que perseguían las palomas) aurkezpen ekitaldia jasoko dau martiaren 10ean. Lan hori, Juan Larrea poeta bilbotarrari buruz idatzi dan lehenengo biografia eta bakarra da. Martiaren 13an 120 urte beteko dira jaio zanetik.

Mikel Ayllon laudioarrak 'Ez tiro egin anbulantziei' nobelea kaleratu dau

Bizkaie! 2015-03-06 10:50   Kulturea

Argitaratutako lehenengo eleberria dau Mikel Ayllonek, eta Igartza saria bekearen laguntzinoagaz idatzi dau. Bildurra eta atsekabea nagusi diran gizarte distopiko batean kokatu dau istorioa. Hilaren 26an, Ez tiro egin anbulantziei (Elkar) liburuaren aurkezpen-barriketaldia egingo dau Ayllonek Bilboko Elkar aretoan, 19:00etan.

Gutun Zuria letren jaialdiak erotismoa eta literaturea izango ditu ardatz

Nagore Ferreira Zamalloa 2015-03-05 14:24   Kulturea

Apirilaren 16tik 25era bitartean egingo da zortzigarren Gutun Zuria Letren Nazinoarteko Jaialdia, Bilboko Alondigan. Eros oroituz izenburupean, makinatxu bat berbaldi eta eztabaida eskainiko ditue bai bertoko, bai kanpoko idazleek. Bilbon batuko dira, besteak beste, Itxaro Borda, Edorta Jimenez, Javier Marias, Wendy Guerra, Alvaro Pombo, Fernando Arrabal eta Tzvetan Todorov. Sarrerak salgai dagoz daborduko.

XX. mendeko emakume kirolariak protagonista, Bilboko Euskal Museoan

Dabi Piedra Robledo 2015-03-05 13:49   Kulturea

Argazkiak, bideoa eta kirola egiteko materiala batu dau Euskal Museoak Emakumea eta Kirola erakusketarako. Joan dan mendearen erdialdeko hamarkadetan Bizkaian egondako emakumezko kirolari azpimarragarrienetako batzuen barri emoten da bertan. Izan be, sasoi haretako emakumeek traba asko topetan zituen goi mailako kirolean jarduteko eta euren ahalegina azpimarratu nahi dabe erakusketeagaz.

»» Ikusi argazki guztiak (3)

Guggemheim museoa, Bizkaiko Futbol Federazinoa eta Bilboko Akordeoien Orkestrea, 2015eko Bizkaitar Argiak

Bizkaie! 2015-03-05 09:29   Kulturea

Bizkaitar Argia ohorezko saria Bizkaiko Foru Aldundiak emoten dauen ohorezko titulu garrantzitsuena da. Sariaren bidez, foru erakundeak edozein gizarte jardueratan beren jokabide, zerbitzu eta jarduereagaitik Bizkaia eta haren balioak sustatzen lagundu daben persona fisiko edo juridikoak, erakundeak edo herritarren taldeak aintzatesten ditu.

Blanca Urgellek atondutako Axularren 'Gero' liburuaren edizino kritikoa aurkeztu dau

Bizkaie! 2015-03-03 14:53   Kulturea

Nafarroako Gobernuaren egoitzan aurkeztu dau gaur eguerdian Axularren Gero liburuaren edizino kritikoa Blanca Urgell filologoak. Aurretik, Nafarroako Gobernuko Hezkuntza Departamentuko Euskarabideak eta Euskaltzaindiak aurtengo lankidetza hitzarmena sinatu dabe.

»» Ikusi argazki guztiak (3)

Niki de Saint Phalleren ibilbide osoa ikusgai, Bilboko Guggenheim museoan

Bizkaie! 2015-02-27 11:38   Kulturea

Berrehun artelan batu ditue Niki de Saint Phalle artista frantsesaren atzera begirako erakusketan Bilboko Guggenheim museoan, orain arte egileari buruz egindako handienean. Pinturak, eskulturak eta ikus-entzunezko lanak jaso ditue, tartean artxiboko hainbat dokumentu. Erakusketea bagilaren 11ra arte egongo da zabalik.

»» Ikusi argazki guztiak (5)

Jon Kortazarren 'Literatura vasca. Siglo XX' liburuaren 25. urteurrenean, erakusketea antolatu dau Mungiako Udalak

Bizkaie! 2015-02-26 17:41   Kulturea

Erakusketearen osogarri, zezeilaren 26an, Euskal Literaturea: atzo, gaur... bihar izenburuko mahai-ingurua egingo da leku berean, iluntzeko 19:00etan. Xabier Etxaniz EHUko Irakasle-ikertzaileen arloko errektoreordeak, Andres Urrutia euskaltzainburuak, Kirmen Uribe idazleak eta Jon Kortazarrek berak parte hartuko dabe.

Bilboko II. Artisau Garagardaoaren Azokea barikuan eta zapatuan izango da

Bizkaie! 2015-02-26 09:39   Kulturea

Helburua artisau garagardaoaren sorrerearen artea alkarbanatzea eta zabaltzea da, eta horretarako 11 garagardao marka izango dira, gehienak Euskal Herrikoak.

»» Ikusi argazki guztiak (2)

Carreras Mugica eta Altxerri, Arco Arte Garaikidearen Azokan

Bizkaie! 2015-02-25 14:41   Kulturea

Mundu osoko 32 herrialdetako berrehun bat galeriek bat egingo dabe egunotan, gaur hasi eta martiaren 1era arte, Madrileko Arco Arte Garaikidearen Nazinoarteko Azokan. Aurte be euskal ordezkari bi besterik ez dira izango bertan, Bilboko Carreras Mugica eta Donostiako Altxerri.

Dejabu Panpin Laborategiaren 'Arrastoak' lanak irabazi dau XV. Donostia Antzerki Saria

Bizkaie! 2015-02-25 12:08   Kulturea

Donostiako Udaleko Euskera Zerbitzuak eta Donostia Kulturak antolatutako XV. Donostia Antzerki Saria jaso dau Dejabu Panpin Laborategiaren Arrastoak beharrak. Martiaren 27an, Antzerkiaren Nazinoarteko Egunean, egingo dabe sari-emote ekitaldia Victoria Eugenia antzokian.

»» Ikusi argazki guztiak (3)

Hemen da Leioako Kultur Maratila 2015

Bizkaie! 2015-02-23 17:56   Kulturea

Leioako Udalak, Artedrama eta Kultur Leioak alkarlanean sortutako aste kulturala aurkeztu dabe gaur goizean Kultur Leioako prentsa gelan. Laugarren urtez jarraian egingo da Kultur Maratila, antzerkia, musika, performantzea, etab. buztartu eta plazaratzea helburu dauelarik, euskal sorkuntzea beti oinarri izanik.

Jose Mari Segurolak 'Ukabilak eta loreak' ipuin liburua aurkeztu dau

Bizkaie! 2015-02-19 12:04   Kulturea

Ignacio Aldekoa sariketea birritan irabazi ostean, liburua argitaratu barri dau Jose Mari Segurolak azpeitiarrak Elkar etxeagaz. Julen Belamuno ezizenagaz sinatu dau Ukabilak eta loreak. 2007 eta 2013 artean idatzitako kontakizunak batu ditu bere lehenengo lan honetan.

Laurita Silesek 'helARTE es morirse de frío' erakusketea aurkeztu dau Rekalde aretoan

Bizkaie! 2015-02-18 16:56   Kulturea

barriek 2015 programaren barruan, Laurita Siles artistearen erakusketearen ardatz nagusia hiru lekutan egindako ikus-entzunezkoa da, Islandiako Laugarvatn, Bizkaian eta Marbellan, jaioterrian. Erakusketea martiaren 22ra arte egongo da Bilboko Rekalde aretoan. Zezeilaren 19an, Silesek berak eta Joseba Edesak Lurra iruten izeneko presormancea egingo dabe, erakusketea inauguretako.

»» Ikusi argazki guztiak (3)