Kulturea

Neska-mutilek egunero jasoten dituen mezu sexistez ohartarazoko dau Emakundek martiaren 8ko kanpainan

Sexuen arteko desbardintasunak eta bidebakokeriak manteniduten laguntzen dabelakoan, neska-mutilek egunero jasoten dituen mezu sexisten inguruan ohartarazo nahi dau Emakundek, martiaren 8a dala eta hasi dauen kanpainan. Oraingoan umezaroan eta nerabezaroan ipini dabe arretea, personearen nortasuna zehazteko une erabagigarria dalako.

Nanga Parbateko (8.126 m.) tontorra zapaldu dau Alex Txikonek

Zorionak Alex eta talde osoari!!!

Zorionak Alex eta talde osoari!!! Mendizaletasunaren historian, munduan lehenengoa da Alex Txikon, neguan, Nanga Parbeten tontorra zapaldu dauena. Igazko ahaleginaren ostean, aurten bai, posible izan da.

UNESCOren 'Hezkuntzea berraztertzea: mundu osoko ongia lortzeko bidea' txostena aurkeztuko dabe Bilbon

UNESCOren txosten honek hezkuntzearen ikuspegi humanistearen aldeko apustua egiten dau. Hezkuntzearen ikuspegi humanista horren alderik  esanguratsuenetako bat personearen garapen integrala bultzatzea da, garapen ekonomikoagaz loturiko funtzino erabilgarriaz harago.

Mieltxo Monfort joan jaku

Zoritxarreko eguna dogu gaur Bilbo Hiria irratian, izan be, gaur goizaldean hil da Mieltxo Monfort Aiestaran, 62 urte zituala, gure irratiko esatari, koordinatzaile eta, ororen gainetik, LAGUNA. Bilbo Hiriako eta Zenbat Garako familian hutsune ordezkaezina itxiko deusku Mieltxoren desagerpenak.

Pastoral bihurtuko dabe Katalina de Erauso monja abenturazalearen bizitzea

Maite Berrogain egilearen zuzendaritzapean, Katalina Pastorala Alkartea izeneko taldea lanean dabil Katalina Erauso personaia ezagunaren bizitzea taula ganean erakusteko. Taldea Iparraldeko musikari, jantzari, kantari eta aktore amateurrek osotzen dabe eta aurtengo bagilean estreinauko dabe pastorala.

Bilboko Injinerutza Eskoleak bokazino teknologikoen harrobia sustatuko dau

Urtean behin, Bilboko Injinerutza Eskoleak etorkizuneko ikasleei begiratzen deutse, unibersidaderako pausua emoteko prest dagozan gazteei, eta Injinerutzearen Aurkezpen Jardunaldiak antolatzen ditu. Zezeilaren 24an eta 25ean izango dira, arratsaldeko 16:30etik 19:00etara, eta aurreikuspenen arabera, bi jardunaldietan batxilergoko 600 ikasle baino gehiago hurreratuko dira.

Nazinoarteko Arpilleren Foruma izango da Donostian, Gernikan eta Bilbon zezeilaren 25etik 28ra

Bakea josiz: Gatazka, Arpillerak, Memoria erakusketea, Balmasedan egon zana, gaur egun Gernikako Bakearen Museoan ikusgai dagoana eta apiriletik aurrera Donostiako Aieteko Bakearen Etxean egongo dana, zezeilaren 25etik 28ra egingo dan nazinoarteko forumaren ardat izango da. Hiru izango dira foruma hartuko daben lekuak: Bilbo, Donostia eta Gernika-Lumo.

Maitasuna eta emakume presoen gorabeherak jorratu ditu Estíbaliz de Miguel Calvok

Relaciones amorosas de las mujeres encarceladas liburua gizartearen eta kulturearen, ikasketa akademikoen eta eztabaida feministen bazterretan bizi diran emakumeen bizipenei buruzko lan aitzindaria da. Estíbaliz de Miguel Calvok, liburuaren egileak eta UPV/EHUko Soziologiako doktoreak, ikusgai egin ditu emakume presoak, bikoteko maitasuna aztertu dau, eta kartzelako maitasun amatiarren garrantzia deskubridu dau.

Umorezko monologoak zientziaren aldeko bokazinoak sustatzeko

Aurten, LocosXCiencia Euskadira helduko da lehenengo aldiz, UPV/EHUko Kultura Zientifikoko Katedrearen eskutik. Umorearen bidez zientziaren aldeko bokazinoak sustatzea, hori da LocosXCiencia ekimenaren helburua.

Eguraldi oneko tarte bat aprobetxauta, Nanga Parbateko tontorrerako bidea hartu dau Alex Txikonek

Ia-ia ezustean, horrenbeste itxarondako eguraldi egonkorreko tartea heldu da Nanga Parbat ingurura. Hortaz, astirik galdu barik, tontorrera bidean jarri dira Alex Txikon eta bere hiru taldekideak, Ali Sadpara, Tamara Lunger eta Simone Moro. Atzo goizaldean abiatu ziran (Pakistanen 5:30ak zirala) eta Bigarren Kanpalekura heldu (hango 16:30ean) gaua pasetako, ondoren tontorrera igoteko ahalegina egiteko.

Nerea Arrien lekeitiarrak irabazi dau XXXIV. Lizardi Saria

Nerea Arrien Elordi (Lekeitio, 1976) irabazi dau aurten Zarauzko Udalak antolatutako Lizardi Saria. Hamalau lan aurkeztu dira aurten, eta Nerearena nabarmendu dau Yolanda Arrietak, Alexander Gurrutxagak eta Miren Agur Meabek osotutako epaimahaiak. Bigarren urtez jarraian, beraz, bizkaitar batek eskuratu dau Lizardi Saria: igaz Alaine Agirre bermeotarrak irabazi eban Hau ez da zoo bat! lanagaz.

Azkuna Zentroak IX. Gutun Zuria-Letren Nazinoarteko Jaialdia hartuko dau apirilaren 19tik 24ra

Azkuna Zentroak Gutun Zuria-Bilboko Letren Nazinoarteko Jaialdiaren bederatzigarren edizinoa hartuko dau apirilaren 19tik 24ra. Jaialdi hau hitzordu garrantzitsua da literatura zaleentzat gaur egungo literaturako idazle ezagunenak hurretik ezagutzeko aukerea emoten deutselako.

Fran Lasuen, Francisco de Borja eta Gorakada zein Markeliñe antzerki taldeak, XIX. Max Sarien hautagaien artean

Arte Eszenikoen XIX. Max Sarien Antolakuntza Batzordeak aditzera emon dau lehian diran 22 kategoriei eutsiko deutseen hautagaien zerrendea. Helburua, emonaldi guztietan lez, antzerki zein jantzearen munduko profesionalen doe eta birtuteak sustatzea eta saritzea da, eta, bide batez, denporaldiko ikuskizunei be bultzada bat emotea.

'Kevin McClouden Grand Tour' dokumental-berbaldi zikloa Bilboko Berreginen Museoan

Dokumentalaren lau atal aurkeztuko dira. Lehenengoa, Frantzia eta Italiako iparraldea gaur bertan, hilak 18, ikusi ahal izango da, 18:00retatik aurrera. McCloudek bere heroietako baten pausuei jarraituko deutse: Iñigo Jones arkitektoaren pausuei. Martiaren 17an, Florentzia eta Erroma izango da atala. Apirilaren 14an, Erroma, Napoli eta Ponpeia izango dira protagonista eta maiatzaren 12an, barriz, Greziaren txandea izango da.

Ahozko adierazpen artistikoak Bilboko 2. barrutian, 'Istorio Biziak' programearen eskutik

Bilboko Udalaren Kultura Sailak antolatuta, ahozko kontaketan oinarritutako adierazpide ugari entzun ahal izango ditue Bilboko 2. barrutiko auzotarrek eta hara hurreratzen diranek. Zezeilaren 22tik martiaren 6ra bitartean, egitarau bete-betea dakar Istorio Biziak programeak: Ipuin-kontalariak, antzerkia, bertsoak, hip-hopa, ikus-entzunezko saioak eta abar. Umeek zein helduek disfrutetako moduko egitaraua atondu dabe.

Lauro ikastoleak 50 urte beteko ditu aurten

Aurten beteko da Lauro ikastolea legeztatu zaneko 50. urteurrena. Orduan Resurreccion Maria Azkue eban izena eta bi hizkuntzatan, euskeraz eta gaztelaniaz, eskolak emoteko legeztatutako lehenengo ikastolea izan zan. Euskaltzaindiaren babesagaz lortu eban.