Teknologia barrietan euskerea gehiago erabilteko gomendioak plazaratu ditu Jaurlaritzeak
2016-05-16 15:46 Euskerea berbagai
Euskerearen Aholku Batzordeko IKTen atalak aurkeztutako agirian, hamabi gomendio jasoten dira, herri-erakundeei eta interneten dabilzan profesionalei zuzenduak. Teknologia barrietan eta interneten euskera gehiago erabilteko helburua daukie gomendiook. Hizkuntza txikiek interneten badaukiela lekua baina lanean segidutea ezinbestekoa dala dino Jaurlaritzeak.
Nafarroan ETBren emisinoa eteteko erabagia barriro aztertzeko eskatu deutso Euskaltzaindiak Rajoyri
2016-05-13 13:05 Euskerea berbagai
Akademiak Mariano Rajoy Espainiako jarduneko presidenteari eskatzen deutso, Nafarroan Euskal Telebistaren emisinoa eteteko hartutako erabagia barriro aztertzeko, aginduak foru erkidegoko hizkuntza ofizialetako baten telebista ikusteko aukerea ukatzen deutselako nafarrei.
Lurralde antolaketan ELEren balioa praktikan erakutsiz emon jako hiru urteko zikloari amaierea
2016-05-13 10:58 Euskerea berbagaiHainbat jardunek euskerearen garapenean izan leikiezan ondorioez hausnartu eta beste herri batzuetan egoera horreei zelan erantzun jaken aztertu da; gurean eragin linguistikoaren ebaluazinoa egiteko tresnea eskatu zan; tresna hori sortu, aplikau eta ebaluau egin da, eta azkenik, gure lurraldearen zati batean eragin linguistikoaren erabilerea legez egin daitela jaso da.
Ibilaldiaren egitaraua, kontzertu handi bakoa eta parekidea izango da aurten
2016-05-13 08:24 Euskerea berbagai
Bizkaiko Ikastolen Ibilaldiaren ibilbidea Durangoko kaleetatik izango da maiatzaren 29an. Neska eta mutilen bardintasunaren alde, ahalegin berezia egingo dabe aurten, baita ingurumenaren alde be. Egitarau herrikoi eta parte-hartzailea helburu, kontzertu erraldoiak egitarautik kendu ditue.
Euskerearen Aholku Batzordeak bere egin ditu osoko bilkuran aurkeztutako hiru dokumentu
2016-05-12 11:56 Euskerea berbagai
Gu gazteok ikerketearen laburpen txostena eta lan-ildoen proposamena aurrera begira dokumentua aurkeztu eta eztabaidatu dabe, eta hau be bere egin dau Euskerean Aholku Batzordeak. Zein da gazteen errealidadea eta egunerokotasuna?; ze eretxi dabe euren gizarteaz, euren testuinguruaz?; zer esaten dabe euren buruei buruz?; zelan definiduten dabe euren burua gazte euskaldunek?; ze hizkuntza erabilten ditue, zelan?; zer dinoe hizkuntzei buruz?
Euskerearen erabilerea handitzeko, 'Geuk eus' kanpainea martxan ipini dabe Bermeon
2016-05-10 18:39 Euskerea berbagai
Bermeoko Udalak eta herriko eragile ugarik bat egin dabe,Geuk eus, euskaraz bizitzeko mila arrazoi izeneko kanpainea antolatzeko. Gogoetea egin dabe Bermeon euskereak daukan egoerearen ganean eta ondorio garbi bat atera dabe: Herritar gehienak euskaldunak dira baina erabilerea beherutz doa.
Euskerearen erabilerea bultzatzeko lankidetzeari ekin deutsie Osakidetzak eta Bizkaiko Foru Aldundiak
2016-05-09 18:21 Euskerea berbagai
Erakunde biek sinatutako protokoloan jasoten danez,Osakidetzak eta Bizkaiko Foru Aldundiak hainbat konpromiso hartuko ditue, euren arloan euskerearen erabilerea bultzatzeko. Hitzarmenean adostutakoa beteten dan ikusteko jarraipen batzordea eratuko dabela aurreratu dabe.
Euskerearen etorkizuna zein izango dan iragarri eben Iurretarrek Mintzopotean
2016-05-09 18:20 Euskerea berbagai
Maiatzaren 6an, Iurretako lehenengo Mintzopotea egin eben, euskerea herriko kaleetara aterateko helburuagaz. 30 herritar inguru batu ziran Iurretako Dantzari auzunean, sei mahaitan banatuta euskerearen iraganaz, etorkizunaz eta beste hainbat kontuez berba egiteko.
Senperen milaka lagunek babestu dabe Bernat Etxepare Lizeoaren eraikin barria
2016-05-09 12:08 Euskerea berbagai
Atzoko jai egunean lortutako diruagaz Bernat Etxepare Lizeoan eraikin barria eregitea da asmoa eta ez hori bakarrik, izan be, lehenengoz Lanbide Heziketako eskaintzea be egingo dabe jazotako laguntasun eta babes ekonomikoari esker.
Euskerazko testuen corpusik handiena aurkeztu dau Euskara Institutuak
2016-05-06 14:27 Euskerea berbagai
EHUren Euskara Institutuak eta Eusko Jaurlaritzeak daukien hitzarmenaren emoitzea dira Egungo Testuen Corpusa (ETC) eta Hizkuntzen Arteko Corpusa (HAC). Lehenengoa, euskerazko corpusik zabalena da, 270 miloe berba jasoten ditu. Bigarrenak, euskerazko testuetako berbak, gaztelaniazko, frantsesezko eta ingelesezko baliokideakaz erakusten ditu.
'Europan hizkuntza guztiak oinarrizkoak dira gizartearen kohesinorako eta aberastasun personal eta kolektiborako'
2016-05-06 12:10 Euskerea berbagai
Sixto Molinak interes handia erakutsi dau NPLD sareak egiten dauen lana jarraitzeko. Bere borondatea erakutsi dau sareagaz alkarlanean Europako hizkuntzen sustapena aurrera eroateko. Bere ustez, Europako kontinentean hizkuntza guztiak oinarrizkoak dira gizartearen kohesinorako, ekonomiaren bizitasunerako eta aberastasun personal eta kolektiborako.
Hizkuntza politikearen inguruko agiria adostu dau Euskerearen Aholku Batzordeak
2016-05-05 17:18 Euskerea berbagai
Donostian batzartu da Euskerearen Aholku Batzordeko Euskara 21 lantaldea, hizkuntza politikan hartu beharreko bideaz eta euskerearen geroaz eztabaidatzeko. Eusko Jaurlaritzeak igaz plazaratutako testu bati egindako ekarpenak aintzat hartuta, Eta hemendik aurrera zer? izeneko agiria adostu dabe. Euskerearen normalizazinoan aurrerantzean ze alor izango diran giltzarri jasoten da hor.
Euskalkien eta herri-hizkeren inguruko erakusketea ipini dabe Bilboko Zabalguneko eraikinean
2016-05-03 15:08 Euskerea berbagai
Euskararen Herri Hizkeren Atlasaren zazpigarren liburua aurkeztu dau Euskaltzaindiak Bilbon, Zabalguneko eraikinean, Euskara ibiltaria erakusketea aurkezteaz batera. Liburuaren zein erakusketearen oinarrian, euskalkiak eta herriz herriko berbetak jaso eta aztertzeko Euskaltzaindiak egindako lana dago. 1980ko hamarkadan hasitako proiektu erraldoia da Atlasa eta jakintza hori gizarteratzen hasteko ordua dala dino Akademiak.
Euskaltzaindiak sei urgazle barri izentau ditu
2016-04-29 13:21 Euskerea berbagai
Euskaltzaindia Osoko bilkurea egiten dago Iruñean eta hor akademiak sei euskaltzain urgazle barri izentau ditu: Amaia Apaulaza Ollo, Xabier Erize Etxegarai, Maite Lakar Iraizoz, Patxi Petrirena Altzuguren, Rosa Ramos Alfaro eta Castillo Suarez Garcia.
III. Lurraldea eta Hizkuntza. Oraina & Geroa jardunaldiak maiatzaren 12an egingo ditue Donostian
2016-04-28 15:45 Euskerea berbagai
Edizino honetan Eragin Linguistikoaren Ebaluazioa (ELE) tresnaren oraina eta etorkizuna irudikatu nahi da, esperientzia zehatzak aurkeztuz, balizko kalteak apaltzeko neurri zuzentzaileez hausnartuz, eta ELE tresnearen txertaketa legal posiblea iradokiz.
Labayruren hiztegiak eskuko telefonoan doban ikusteko aplikazinoa sortu dabe
2016-04-28 13:45 Euskerea berbagai
Labayru Hiztegia eta Hiztegi Fraseologikoa interneten ipini zituan aurreko udan eta, orain, eskuko telefonotik be konsultau ahal izateko aplikazinoa sortu dau Labayru Fundazinoak. Dobakoa da eta offline ikusi ahal izango da, hau da, interneteko konekzino barik. Hurrengo pausua, hiztegiak tableterako egokitzea izango dala dino Labayruk.
Lanbide Heziketara begira jarriko da Herri Urrats aurten
2016-04-28 10:41 Euskerea berbagai
Gaur egun, Ipar Euskal Herrian ez dago Lanbide Heziketea euskeraz egiteko ezelako aukerarik. Egoera horri bueltea emon guran, aurtengo Herri Urrats jaialdian batutako diruagaz Baionan lizeo profesionala eregiko dabe. Maiatzaren 8an izango da Iparraldeko ikastolen jaia, ohiko moduan Senpereko lakuaren inguruan.
Iruña-Veleiako aztarnen benetakotasunaren aldekoek nazinoarteko topaketea egingo dabe maiatzean
2016-04-26 12:49 Euskerea berbagai
Ia hamar urte bete dira euskerazko eta latinezko idatziak topau zirala Arabako aztarnategi haretan. Faltsuak dirala ondorioztau dan arren, Euskeraren Jatorria, SOS Iruña-Veleia, Martin Ttipia eta Lurmen alkarteek benetakoak dirala aldarrikatzen dabe eta biltzarra antolatu dabe gaia aztertzeko, maiatzaren 2an hasita. Iruña Veleia Europako altxor arkeologiko, linguistiko eta historikoa dala dinoe.
Gazteak, kirola eta euskerea lotu behar dirala nabarmendu dabe Udaltop jardunaldietan
2016-04-22 10:18 Euskerea berbagai
Udaletako euskera zerbitzuen arteko topaketea, Udaltop, egin dabe Lasarte-Orian, atzo eta gaur. Jardunaldietan, udaletan euskerea bultzatzeaz arduratzen diran profesionalak eta erakunde publikoetako ordezkariak batu dira. Aurtengo izenburua, honako hau: Kirolean D eredua noizko? Nork eta zer egin geinke gazteen euskerazko kirol jarduna ziurtatzeko. Umeen astialdian euskerea sartzea ezinbestekoa dala uste dabe parte-hartzaileek.
Ziortza-Bolibarreko Udalak UEMAn sartzea onartu dau
2016-04-19 15:32 Euskerea berbagai
Astelehen iluntzean egindako osoko bilkuran, Ziortza-Bolibarreko Udaleko zinegotzi gehienek Udalerri Euskaldunen Mankomunidadean, UEMAn, sartzearen alde egin eben. Maiatzean egingo dau UEMAk Batzar Nagusia eta bertan onartuko dabe Ziortza-Bolibar, ezusterik ezean. Gaur egun, 73 kide daukaz UEMAk, tartean Bizkaiko 20 udalerri.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...