2016ko Ikastolen Ibilaldiak kantua, bideoklipa eta koreografia izango ditu, parte-hartzea bultzatzeko
2016-03-10 14:34 Euskerea berbagai
Dagigun! lelopean egingo da, maiatzaren 29an, Ikastolen Ibilaldia Durangon. Alkarlanaren, auzolanaren eta parte-hartzearen aldeko mezua zabaldu nahi dabe eta, horregaz bat eginaz, aurtengo kantea berezia da: Ikasle eta musikarien artean alkarlanean sortu eta grabau dabe. Ganera, koreografia bat asmau deutsie abestiari eta horregaz jantzan egitera animau gura ditue euskaltzale guztiak.
Aiaraldeko Euskalgintzearen Kontseilua gaur hasiko da martxan
2016-03-09 09:34 Euskerea berbagai
Aiaraldeko 40 eragile inguru batzen ditu erakunde barri horrek, eskualdean euskerearen normalizazinoa bultzatzea helburu. Gaur, eguaztena, egingo dau lehenengo batzarra batzorde eragileak, estatutuak onartzeko. Horrenbestez, era ofizialean martxan izango da Aiaraldeko Euskalgintzearen Kontseilua.
Lexikoaren Behatokiaren korpusa eguneratu dau Euskaltzaindiak
2016-03-07 13:38 Euskerea berbagai
2015ean egindako lanaren emoitzea batuta, Lexikoaren Behatokiaren korpusaren bersino barria martxan dagoala azaldu dau Euskaltzaindiak. Hainbat hedabide eta argitaletxeren testuetatik abiatuta, erabilitako berben zerrendea batzen dau korpusak, hiztegigintzan erabilteko oinarri legez. Dagoeneko, 50 miloe testu-hitz dagoz zerrendan.
Hizkuntza Eskubideak Bermatzeko Protokoloaren nondik norakoak argitu ditue Bilbon
2016-03-04 14:17 Euskerea berbagai
Abenduan gauzatzea espero dan Hizkuntza Eskubideak Bermatzeko Protokoloaren egitasmoaren zehaztasunak eta gizarte eragileek ekarpenak zelan egin leikiezan azaldu eben atzo Bilboko Kafe Antzokian, Kontseiluaren idazkari nagusi Paul Bilbaok eta Donostia 2016ren kultur programearen zuzendari Xabier Payak.
Hogei eragile baino gehiago batuko ditu Zubideiak topaketeak maiatzaren 7an, euskerearen normalizazinoa aztertzeko
2016-03-02 16:59 Euskerea berbagai
Euskerea, aniztasuna eta bizikidetzea izango dira Zubideiak topaketako ardatzak. Hogei erakunde eta eragile baino gehiagok adostu dabe gizarte-alkarrizketarako hitzordua antolatzea, maiatzaren 7an. Euskerearen normalizazinoa gizarte guztiaren ardurea danez, danen ahotsa entzutea izango da asmoa.
'Handia da euskerearen balioa, baita termino ekonomikoetan be'
2016-03-01 10:15 Euskerea berbagai
Ikerketa honek agirian jarten dauenez, jarduera sektore bat gehiago da euskerea euskal ekonomian. Herri-administrazinoek zuzenduriko jarduera publikoaz gan, euskereak merkatu gero eta zabalagoa dauka, eta berezko industria bat. Euskereagaz lotura estua daben merkatu pribatuaren jarduerek enplegua sortzen dabe euskal ekonomiaren sarean.
Athletici buruzko galderen jokoa sortu dabe, euskeraz, eskuko telefonoetarako
2016-02-29 13:04 Euskerea berbagai
AppaAthletic jokoa eskuragarri dago Android zein iOS erako eskuko telefonoetarako, doban. Athletic Cluben historiako gertakari, pasadizo eta datuak ezagutzera emoteko galdetegia dakar, ondo paseteagaz batera euskerea zabaltzeko asmoz. Teknologia barriak, euskerea eta Athletic modu ludikoan batu ditu Topaguneak aplikazino honegaz.
Euskal Herriko bost uriburutako alkateek euskerearen erronkak aztertu ditue
2016-02-26 09:33 Euskerea berbagai
Euspot lehiaketearen bosgarren edizinoa martxan da
2016-02-24 17:07 Euskerea berbagai
Euskeraz egindako spot edo iragarkien lehiaketea da Euspot. Mondragon Unibersidadeak antolatzen dau ekimena eta, horregaitik, hango ikasleen ikasgaietako bat da Euspoterako lana aurkeztea. Ganera, beste edozeinek be parte hartu leike lehiaketan. Ikus-entzunezko lanak entregetako epea apirilaren 28an amaituko da. Lau sari banatuko dira.
Euskerearen ganeko diskursoaren zoru komuna aurkezteko batzarrak egin ditu Jaurlaritzeak
2016-02-24 10:42 Euskerea berbagai
Enpresa munduko arduradunakaz egin dau batzarretako bat Patxi Baztarrika Jaurlaritzako Hizkuntza Politikako sailburuordeak eta, bestea, gazteria eta kirol arloetako ordezkariakaz. EGOD egitasmoa eta euskerearen ganeko diskurso partekaturako zoru komuna aurkeztu deutsez Baztarrikak, Iñaki Martinez de Luna soziolinguistearen laguntzinoagaz.
Etxepare Institutuko ordezkariak Filipinetan eta Japonian izan dira
2016-02-23 12:13 Euskerea berbagai
Aizpea Goenaga Etxepare Institutuko zuzendariak eta euskerearen hedapenerako erakunde horretako arduradun Mari Jose Olaziregik egunotan egindako bidaian, Japonia eta Filipinetako erakundeetako arduradunakaz batzar ugari egiteko aukerea euki dabe. Holan, Manilan euskal ikasketak sortzeko asmoan beste pausu bat egin dabe. Hainbat unibersidadetako ordezkariakaz hartu-emona indartzeko be aprobetxau dabe egonaldia.
Euskereak orain dala ehun urte foru aldundietan izandako lekua aztertu dabe jardunaldi baten
2016-02-19 14:34 Euskerea berbagai
Sabino Arana Fundazinoak, Euskaltzaindiak eta Zuzenbidearen Euskal Akademiak antolatuta, Euskara foru aldundien ibilbidean izeneko jardunaldia egin dabe Bilbon. Euskereak 20. mendearen lehen herenean eukitako garapena aztertu dabe, batez be administrazinoari jagokonez. Erakunde publikoak euskerea idatziz erabilten hasi ziran sasoi haretan eta horrek ekarri eban onurea azpimarratu dabe.
Gaur jarriko dabe martxan Mungiako Asau Barik! gazte ginkanea
2016-02-19 10:19 Euskerea berbagai
Mungiako Gazteguneak gidatutako ekimen barri honek herriko euskerea eta ingurua ezagutzea sustatzen dau dinamika ludiko eta parte-hartzaile baten bidez. Bestetik, Bizkaiko Foru Aldundiaren eta Eusko Jaurlaritzearen babesa dauen proiektu honek euskerazko teknologia barriak ezagutzea ahalbidetzen dau, horreen erabilerea modu praktiko baten bultzatuz.
Patxi Saezen ikuspuntua: 'Euskerea, beharra da gakoa'
2016-02-17 16:27 Euskerea berbagai
Patxi Saez soziolinguista eta Azpeitiko Udaleko Euskera Patronatuko arduradunak Euskaltzaindiaren jardunaldian parte hartu eban joan dan barikuan. Bertan, euskerearen geroaz gogoetea egin eben aditu ugarik eta datozan urteetarako paradigma barriaren beharra azpimarratu eben, hizkuntzearen etorkizuna ziurtetako. Jardunaldian berak esandakoak laburbatzen dituan artikulua bialdu deutso Saezek Bizkaie!-ri.
Euskerearen erabilerea areagotzeko eta sendotzeko hiztegi barriak aurkeztu ditue
2016-02-11 16:36 Euskerea berbagai
Hizkuntza Politikarako Sailburuordetzeak euskerearen erabilerea areagotzeko eta sendotzeko hiztegi barriak aurkeztu ditu gaur goizean Donostian. Hiztegi guztiak on line konsultau daitekez hemen.
'Euskerea Foru Aldundien ibilbidean' jardunaldia egingo da Bilbon, zezeilaren 19an
2016-02-11 09:43 Euskerea berbagai
Euskaltzaindiak, Sabino Arana Fundazinoak eta Zuzenbidearen Euskal Akademiak antolatuta, Euskerea Foru Aldundien ibilbidean izeneko jardunaldia egingo da Bilbon, zezeilaren 19an. Euskereak euskal herritarren erakunde-bizitzan izan dauen erabileraz hausnartuko da.
Euskereari hegoak emoteko eskatu deutse Bizkaiko Foru Aldundiak gizarteko eragileei
2016-02-11 09:32 Euskerea berbagai
Unai Rementeria Ahaldun Nagusia buru dala, ekitaldi jentetsua egin dabe bart Bilboko Euskalduna jauregian eta, bertan, gizartean eta kulturan euskerea lantzen daben eragile ugaritako ordezkariak egon dira. Euskerearen aldeko konpromiso publiko eta sinbolikoa hartu dabe danek eta herritar guztiei euskerara hurreratzeko deia egin jake.
Bizkaiko Foru Aldundiak 400.000 euro banatuko ditu euskerazko aldizkariak bultzatzeko
2016-02-09 17:20 Euskerea berbagai
Lekuan lekuko informazinoa emoten daben euskera hutsezko agerkariak babesteko onartu dau Bizkaiko Foru Aldundiak diru-laguntzinoen programea. Euskerea esparru guztietara zabaltzeko sektore estrategikoa da aldizkariena Aldundiaren ustez, herritarrakana heltzeko bide zuzena dira eta. Guztira 400.000 euro banatuko dira 2016an.
'Euskerearen Historia Soziala lantzeko eredu metodologikoa' aurkeztuko dabe Donostian
2016-02-05 13:55 Euskerea berbagai
Euskerearen Historia Soziala lantzeko eredu metodologikoa liburua Euskaltzaindiaren Euskerearen Historia Soziala (EHS) egitasmoa aurrera daroen Mikel Zalbidek, Lionel Jolyk eta Nikolas Gardnerek idatzi dabe. Metodologia-liburua da; hizkuntza-soziologiaren eta soziolinguistikearen teorietan oinarritzen da, batez be, metodologia hori. Hizkuntzen gizarte-dimensinoaren historia aztertzeko atondu da berariaz.
Berlingo Freie Unibersidadean euskerea eta euskal kulturea erakusteko irakurlea aukeratzeko deialdia egin dabe
2016-02-05 11:30 Euskerea berbagai
Etxepare Euskal Institutuak deialdi barria egin dau Berlineko Freie Universität unibersidadean euskerea eta euskal kulturea erakutsiko dituan irakurle bat aukeratzeko, 2015-16 ikasturterako, 2016-17 ikasturtera luzatzeko aukereagaz. Eskaerak aurkezteko epea ozezeilaren 20an amaituko da.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...