Badator DF Bertsozale Eskola 2010
2010-02-24 10:08 Bertsolaritzea
Aurtengo martian izango da Durangoko Plateruenako DF Bertsozale Eskolearen bigarren zikloa. Eskola hau bertsozaleriari zuzendutakoa da, zaleari oro har; bertsoaz gehiago jakin eta gozau gura duen edonori bertsogintzeari buruzko dibulgazino saio didaktikoak eskaintzea da asmoa.
Julio Sotok finalean kantauko dau Etxarriko saioa irabazita
2010-02-22 13:08 Bertsolaritzea
Julio Soto Gorritiko bertsolari gaztea txapela irabazteko zorian egon zan igaz, eta aurtengo Txapelketan egindako lehen agerraldian argi itxi dau hautagai sendoa dala. Lasai eta seguru ibili zan Soto, eta saioan zehar erakutsitako maila ona kartzelako lanean biribildu eban.
Aramaion abiatu da Arabako Kuadriillarrteko Lehenengo Bertso Txapelketea
2010-02-22 09:43 Bertsolaritzea
Astegoienean, Izarra eta Aramaio izan ziran lehian. Gaia bakotxak bere herria eukalarik bertso politak entzun ziran. Aramaioren kasuan, gorriz jantzita, trikitixa, panderoa eta kajoiaren soinuagaz lagunduta 15 lagun ibili ziran kantuan. Izarrako taldean, baltzez jantzita, 3 lagun ibili ziran ederto asko bere herriaren barri emoten. Azkenean Aramaio taldeak irabazi eban lehiaketa honetako finalerdietarako txartela.
Martiaren 12ra arte aukeztu zeinkiez Bermeoko bertso paper lehiaketarako lanak
2010-02-12 10:25 Bertsolaritzea'Neurri eta gai libreak' izango dituan lehiaketan hezkuntza zentroen laguntzinoa izango dau Udalak. 'Pasa dan urtean 80 gaztetxuren lanak batu ziran', adierazo dabe, 'eta aurten parte-hartzaile kopuru bardintsua' espero dabe. Lehiaketea bi mailatan banatuko da: 11 eta 14 urteko gazteena; eta 14 eta 18 artekoa.
Arabako Kuadrilla Arteko Bertso Txapelketea 2010
2010-02-08 14:15 Bertsolaritzea
Aurten, Arabako Bertsozale Alkarteak urteroko bertsolari txapelketea bi urtean behin egitea erabagi dau, eta tarteko urte horretan, modu herrikoi batean eta taldeka beste txapelketa bat antolatzea, bertsolaritzearen parte aktibo jente gehiago bihurtzeko, sarea handitzeko, eta erakusteko bertsolaritzea ez dala gitxi batzuen kontua.
Estitxu Arozenak Nafarroako Bertsolari Txapelketako finalaurrekoetan kantauko dau
2010-02-08 12:09 Bertsolaritzea
Garesen jokatu zan pasa dan zapatuan, Nafarroako Bertsolari Txapelketako lehenengo faseko azken saioa, finalaurrekoen atarikoa, hain zuzen be, eta kopla barik Estitxu Arozena izan zan nagusi, bi aldiz Nafarroako txapelduna izandakoa, hiru urteko atsedenaldi baten ostean barriro itzuli dana.
Ander Fuentes 'Itturri' zubietarra jaun eta jaube Agoitzen
2010-02-01 11:02 Bertsolaritzea
Igazko finalistea izandako Ander Fuentes 'Itturri' zubietarra jaun eta jaube izan da astegoienean Agoitzen jokatutako Nafarroako Bertsolari Txapelketako saioan.
'Elur-melur ez naz zure bildur'
2010-02-01 09:41 BertsolaritzeaKlima aldaketagaz
luze barik ziur
esan beharko deutsut
betirako agur
esakera aldatu
behar dogu, edur
laster ez da izingo
inor zure bildur.
Jorge Oteizak bertsolaritzeari egindako ekarpena izango da aurtengo Bertso Egunaren ardatza
2010-01-26 14:34 Bertsolaritzea
Zapatu honetan, urtarrilak 30, Donostiako Kursaalean Jorge Oteizaren ekarpena ardatz izango dauen 41. Bertso Eguna ospatuko da. Eskultore eta pentsalariak bertsolaritzearen munduan itxitako gerizpea oso garrantzitsua dala eretxi deutso Bertsozale Alkarteak eta, 'besteak beste, bertsolaritzeari autortu eutson begiruneak be bultzatu gaitu aurtengoa Oteizaren inguruko Bertso Eguna izan daiten'.
Arkaitz Goikoetxea eta Xabier Legarreta bikain Nafarroako txapelaren bila
2010-01-25 10:58 Bertsolaritzea
Astegoienean hasi dan txapelketan, Aizaroz eta Sunbillako saioak irabazita Arkaitz Goikoetxea eta Xabier Legarreta zuzenean sailkatu dira Nafarroako Bertsolari Txapelketako finalaurrekoetarako.
Egitarau potoloa Okelar, Mutrikuko Bertsopaper Sariketearen XXV. urteurrenagaz bat
2009-12-17 10:51 Bertsolaritzea
Hogeita bost urte bete dira aurten Mutrikuko lehen bertsopaper sariketea antolatu zanetik. Tarte horretan, sariketeak bere bidea egin dau eta orain urteurren berezia tarteko Mutrikuko Bertso Eskoleak atzera begirako propioa egin eta 'Okelar: Ahotik paperera' liburua argitaratu dau. Bi lan edo liburuxka dira.
Aitor Mendiluzek eta Jone Alberdik irabazi dabe IX. Balendin Enbeita Bertsopaper Lehiaketea
2009-12-15 10:56 Bertsolaritzea
Aitor Mendiluze bertsolari irurarraren 'Nork ez du lorerik entzun?' lanak Balendin Enbeita Bertsopaper Lehiaketearen 9. edizinoko gailurra jo dau. BECen zazpigarren postua lortutako bertsolaria ispiluagaz izandako alkarrizketa batean oinarritu da sorta saritua osotzeko. Gazteen mailan, barriz, Jone Alberdi urretxuarraren 'Bizitzaren bila' lana izan da onena.
Zorionak, Maialen; eskerrik asko, Andoni
2009-12-14 09:19 Bertsolaritzea
Txapelketa Nagusia irabazi dauen lehenengo emakumea da. Joxe Agirre bertsolari beteranoaren eskutik jaso dau txapeldun barriak txapela
Maialen Lujanbio da Euskal Herriko Bertsolari Txapelketa Nagusiaren txapeldun barria. 33 urteko hernaniarrak saio osoan goitik ibili eta gero lortu dau azkenean. Amets Arzallusegaz egindako buruz burukoa akorduan eukitekoa izan da.
Dana prest abenduaren 13an Euskal Herriko Bertsolari Txapelketa Nagusiaren finala jokatzeko
2009-12-10 10:51 Bertsolaritzea
Goizean, 9:30etan zabalduko ditue Bizkaia Arenaren ateak eta 11:00etan hasiko da bertso saioa. 14:00etan, bazkaria eta arratsaldean, barriz, 15:40an, Zura taldeak Bertsoka-bertsoka' lana eskainiko dau. Bertso saioa 16:00etan hasiko da eta 20:00-20:30ak inguruan sari-banaketa ekitaldia izango da.
Jone Uria txapeldun Bertxoko Sariketan
2009-12-09 09:52 Bertsolaritzea
Gaueko protagonista handiak sei finalistak izan ziran, Mikel Artola alegiarra, Enaitz Alustiza bergararra, Jokin Labayen arrasatearra, Iñaki Viñaspre abetxukoarra, Ander Solozabal gasteiztarra eta Jone Uria algortarra. Azken honek, jantzi eban txapela saio on bat eginez.
Joxe Agirrek jarriko deutso txapela 2009ko irabazleari
2009-12-02 14:27 Bertsolaritzea
Abenduaren 13an, domekan, Santa Luzia egunean jokatuko da Euskal Herriko Bertsolari Txapelketa Nagusiaren finala; 14.500 lagunentzat lekua egin da (orain dala lau urteko ekitaldian baino 1000 lagun gehiagorentzat) eta sarrerak orain egun batzuk agortu ziran, 'kultur adierazpide arrakastatsuaren seinale'.
Bertxoko'09 Sariketearen finala abenduaren 4an Aramaion
2009-12-01 13:50 Bertsolaritzea
Ander Solozabalek, Jokin Labayenek, Mikel Artolak, Iñaki Viñasprek, Jone Uriak eta Enaitz Alustizak kantauko dabe finalean Manex Agirreren aginduetara. Hitzordua datorren zapatuan, abenduaren 4an dogu Aramaioko Iturrieta sagardotegian, 20:30etan.
Finaleko ateetan sarritan parau danak kantauko dau BEC-en
2009-11-30 09:59 Bertsolaritzea
Aitor Sarriegi da falta zan azken finalistea. Aurreko finaletan ateetan parau ostean, lortu dau beasaindarrak. Belodromoko saioan 651,75 puntu batuta, Sustrai Colina be aurreratu dau sailkapenean.
Azken finalaurrekoa Donostiako Belodromoan egingo da domekan, zemendiaren 29an
2009-11-23 17:44 Bertsolaritzea
Maialen Lujanbio, Jon Maia, Aitor Sarriegi, Uxue Alberdi, Arkaitz Estiballes eta Iñaki Gurrutxagak kantauko dabe azken finalaurrekoa. Duda barik, saio erabagiorra izango da, saioaren amaieran jakingo dalako abenduaren 13an, BECen Andoni Egañagaz batera kantauko daben beste zazpi bertsolariak nortzuk izango diran.
Sustrai Colina eta Unai E.T.rriaga estralurtarra lehenengo
2009-11-23 10:03 Bertsolaritzea
Sustrai Colina zapatuko irabazlearen eta beste guztien baimenagaz protagonista bana egon dira astegoieneko saio bakotxean: Igor Elortza, Gernikan eta Unai Iturriaga, Iruñean. Hori bai, kontrako arrazoiengaitik.
Nabarmenak
Eskerrik asko zuri. Suberterik onena opa deutsugu!!!
»» Bertso Udalekuetako hezitzaile bila dabiz