Nontzefilmak 2010 Zine eta Animazinoko film laburren lehiaketea martxan
2009-12-11 14:11 Barriak
Igazko edizinoan, jaioterri desbardineko (AEB, Peru, Argentina, Japonia...) 200 lanetik gora aurkeztu ziran. Oraingoan be, deialdia danentzat dago zabalik, adina, jaioterria zein bizilekua edozein izanda be. 2010eko zezeilaren 26ra arte egongo da izenak emoteko epea zabalik.
V. Kameratoiak 115 gazte batuko ditu zapatuan Bermeon
2009-12-11 10:31 Barriak
Erlojuaren kontrako lehiaketea da Kameratoia, eta lehiakideek hamar orduko epea dabe gehienez hiru minutuko bideo baten gidoia idatzi, irudiak grabau eta edizino lanak egiteko. Lana egunean egiten dela ziurtatzeko, egunean bertan jakingo daben gaia eta herriko zenbait ezaugarri sartu beharko ditue bideoetan.
'Kantatzen ez duen herria herri hila da' dokumentalak irabazi dau Lekeitioko Euskal Zine eta Bideo Bilerearen Urrezko Antzarra
2009-11-30 14:22 Barriak
Amateur mailan aurkeztutako lan batek irabazi dau Lekeitioko Euskal Zine eta Bideo Bilerako sari nagusia, Iban Gorriti kazetariak zuzenduriko 'Kantatzen ez duen herria herri hila da', 15 minutu inguruko film laburrak, hain zuzen be.
Euskera hutsez bakarra dan Lekeitioko XXXII. Euskal Zine eta Bideo Bilera zemendiaren 24tik 28ra
2009-11-24 13:01 Barriak
Aurten, 37 lan jaso arren, epaimahaiak aukeratutako 35 dira ‘Urrezko Antzarra’ sariarengaitik ekitaldi honetan lehiatuko diranak. Horreetatik 27 amateurrak dira eta 8 profesionalak. Hamabi lehiakide Gipuzkoakoak dira, 3 Arabakoak eta 20 Bizkaikoak (4 Lekeitiokoak eta beste 4 Lea-Artibaikoak).
'La causa de Kripan' filmak ablazinoaren errealidade gordina erakusten dau
2009-11-23 14:54 Barriak
Omer Okeren bigarren film luzea, La causa de Kripan, estreinau barri da. Film horrek ez dau izan beste askok besteko oihartzuna eta baleiteke publikoak ez ezagutzea. Bistan da medio gitxigaz eginda dagoala eta, ondorioz, oso promozino eskasa izan dau. Halanda be, beharrezkoa da oso gordina dan errealidade hau publikoari hurreratzea.
'Making Ria' film laburra ZinebiExpress Lehiaketearen irabazlea
2009-11-23 14:45 Barriak
Daniel Ortega Cuencak 48 ordutan egindako film laburren lehiaketea, ZinebiExpress irabazi dau 'Making Ria' lanagaz. Bigarren saria Aritz Albainaren 'Atsegin dut zugaz egotea' film laburrak jaso dau. Lehenengo saria 600 eurokoa da eta bigarrena, barriz, 300ekoa.
'Zinema bultzatuz' programeari esker, Gabonetan euskerazko filmak eskainiko dira hainbat zinema-aretotan
2009-11-18 11:16 Barriak
Abenduaren 2tik 2010eko urtarrilaren 6ra arte, Araba, Bizkaia eta Gipuzkoako 19 udalerritan euskeraz produzidutako edo euskerara bikoiztutako filmak izango dira ikusgai. Eusko Jaurlaritzako Kultura Sailak eta Euskadiko Filmategiak alkarlanean abiarazotako 'Zinema Bultzatuz' kanpainea antolatzeko 100.000 euro erabili dira.
Zinebiren Ohorezko Mikeldi saria Jeanne Moreau frantziarrarentzat
2009-11-17 10:51 Barriak
Zinebi zemendiaren 23an hasiko da René Vautier zinegile frantziarrari eginiko omenaldiagaz eta zemendiaren 28an amaituko da Jeanne Moreau aktoreari, nouvelle vagueko musetako bat eta 60ko eta 70eko hamarkadaetako zinema europarreko arpegi ezagunetako bat izan zanari Ohorezko Mikeldi saria emonaz.
Bidasoako IX. Nazinoarteko Zinemaldi Arkeologikoa hilaren 17tik 21era
2009-11-16 17:52 Barriak
Zinemaldiaren helburua jenteari arkeologia ezagutzera emotea da, arkeologoek egindako lanen ondorioz preparautako ikus-entzunezko lanen bidez eta lan horreen sustapena eta zabalkundea ziurtatuz.
II. Zinebiexpress lehiaketeak Bilbon filmautako labur onenak sarituko ditu
2009-11-11 14:32 Barriak
Astegoienerako iragarri dabe II. Zinebiexpress. Izen-emotea zapatuan, hilaren 14an, izango da, 9:00etatik 11:00etara, Zabalgune Eraikinean. Eskaerak ez dira mugatuak izango, antolatzaileek jakinarazo dabenez. Lehiaketearen oinarriak kontsulta daitekez hurrengo web orrian www.zinebiexpress.es.
Daniel Monzon eta Jorge Guericaechevarriagaz hasiko dira Bilboko Pre-Zinebi 51ren jarduerak
2009-11-10 14:44 Barriak
Daniel Monzon zuzendaria eta gidoilaria eta Jorge Guericaechevarria gidoilaria izango dira Bilboko Pre-Zinebi 51ren ekitaldiak hasteko arduradunak. Biek 'La Caja Kovak' (Espainia, 2007) filma aurkeztuko dabe gaur, hilak 11, arratsaldeko 20:00etan Bilboko Zabalgune eraikinean.
Egitarau potoloa Zinebi 51ren aurretik be
2009-11-04 17:38 Barriak
Kontuak kontu, Pre-ZINEBI 51 ekitaldiak zemendiaren 11n, eguaztena, arratsaldeko 20:00etan hasiko dira Jorge Gericaechevarriaren gidoiagaz, Daniel Monzonek zuzendutako 'La Caja Kovak' (Espainia, 2007) filmaren aurkezpen eta proiekzinoagaz.
Bermeon izango da bosgarren 'Kameratoia'
2009-11-04 16:37 Barriak
Lehiaketearen helburua gazte euskaldunen sormena bultzatzea da. Argazki-rallyen mekanikea ikus-entzunezkoen mundura ekarrita, hamar orduko epea emoten jake parte hartzaileei irudiak hartu eta editetako. Aurten, abenduaren 12an izango da zitea.
Jose Luis Lopez Vazquez aktorea hil da
2009-11-02 16:49 Barriak
Aktorea 1922ko martiaren 11n jaio zan. Egin eban azken filma '¿Y tú quién eres?' izan zan, Antonio Mercerorena, orain dala urte bi. Gaixotasun luze baten ondorioz hil da, 'El pisito' edota 'Mi querida señorita' filmetako protagonistearen familiako kideek azaldu dabenez.
Donostiako Fantasiazko eta Beldurrezko Zinemaren XX. Asteak leku garrantzitsua emongo deutse euskerazko emonaldiei
2009-10-29 09:49 Barriak
Donostiako Fantasiazko eta Beldurrezko Zinemaren Asteak, aurten urriaren 31tik zemendiaren 6ra, euskeraz eskainiko dau programazinoaren zati bat bere 20. edizinoan, bai bertsino bikoiztuetan (haur-zinema), bai eta jatorrizko bertsinoetan azpitituluak euskeraz jarriz be, jaialdiaren antolatzaileek azaldu dabenez.
Urriaren 26tik 31ra Frank Lloyd Wrighten bizitza eta lana zinema-zikloa izango da Guggenheim Bilbao Museoan
2009-10-23 14:40 Barriak
Arkitekto estadubatuar handiaren bizitza eta lanari buruzko dokumentalen eta fikzinozko zinemaren aukeraketa bat izango da ikusgai Guggenheim Bilbao Museoan Milano Doc Festival-egaz lankidetzan antolatuta. Filmak Museoko Entzungelan eskainiko dira urriaren 31ra arte. Jatorrizko bertsinoan eta gaztelaniazko azpitituluakaz, proiekzinoak 19:30ean hasiko dira.
Badatoz Getxoko zinema zikloak
2009-10-22 11:56 Barriak
Zinea urtebete egon da Getxoko kultura egitarautik kanpo, Getxo Antzoki barria eregiteko lanakaitik, eta aurten proiekzinoak bueltan dira, oraingo honetan Areetako Andrés Isasi Musika Eskolan. 2009-2010 zinema denporaldia barikuan, urriaren 23an, hasiko da Clint Eastwooden 'Gran Torino' filmagaz.
Euskal ikus-entzunezkoak nazinoarteko merkaduetan zabaltzeko diru-laguntzinoak eskainiko ditu EJk
2009-09-29 17:38 BarriakEusko Jaurlaritzako Gobernu Kontseiluak Euskal Autonomia Erkidegoko (EAE) ikus-entzunezkoen sektorea osotzen daben enpresek nazinoarteko ikus-entzunezko merkaduetan parte hartzeko laguntzen neurriak arautzen dituan agindua onartu dau. Niniak programearen helburua da Euskadiko produktore eta banatzaile independenteei laguntzinoa emotea nazinoarteko ikus-entzunezko ekitaldietan parte hartzeko.
Fernando Truebaren 'El baile de la victoria' Oskarretarako hautagai
2009-09-29 15:26 Barriak
Espainiako Zine Akademiak Fernando Truebaren 'El baile de la victoria' aukeratu dau Oskar sarien 82. edizinoan Espainia ordezkatzeko. Gainera, aurten barrikuntza legez, Zine Akademiak jakinarazo dau Iberoamerikako film onenerako hautagaia be izango dala Mexikoko Ariel sarietan.
Leonardo Di Capriok produzidutako 'The 11th hour' dokumentala eskainiko dabe EHUn, Leioan
2009-09-29 14:24 Barriak
Leonardo Di Caprio aktore estadubatuarrak produzidu eta iruzkinduriko 'The 11th hour' dokumentala eskainiko dau urriaren 7an Euskal Herriko Unibersidadeko Zientzia eta Teknologia Fakultadeak, Leioako campuseko Paraninfoan. 95 minutuko dokumental honetan, Lurreko bizitza sistemak dituan arazo larriak eta berotze globalaren ondorioak azaltzen dira.
Nabarmenak
BizkaiFilma egitarauan badagoz helduentzako pelikulak be
»» Euskerazko pelikulak zine-aretoetara eroateko egitasmo ...