Euskereak ekonomiari ekarpen adierazgarria egiten deutsala dino Eusko Jaurlaritzeak

Bizkaie! 2015-10-15 15:18   Euskerea berbagai

Euskereak Euskal Autonomia Erkidegoko ekonomian daukan pisua eta eragina neurtu ditu Jaurlaritzeak eta emoitzak batzen dituan txostena jentaurrean aurkeztu dau Patxi Baztarrika sailburuordeak. Askoren aurreretxiek dinoenaren kontra, euskereak badauka pisu nabarmena erkidegoko ekonomian, datuetan jaso danez. Barne Produktu Gordinaren % 4,2 hartzen dau euskereagaz lotutako jarduereak eta 56.000 lanpostu dagoz sektorean.

Zientzialariak eta DBHko ikasleak alkarregaz berbetan Bilbon, Top@dipc topaketan

Bizkaie! 2015-10-15 14:31

Urriaren 20an Euskal Autonomia Erkidegoko Derrigorrezko Bigarren Hezkuntzako 315 ikasle eta irakaslek goi mailako zientzialari eta ikerlariakaz berba egiteko aukerea eukiko dabe, Top@dipc Zientziarekin Solasean! topaketan. Ekimenaren zazpigarren aldia izango dan hori Bilboko Bizkaia Aretoan egingo da. Donostia International Physics Centerrek antolatzen dau.

Zazpi emonaldi izango dira 25. Bertsoaroan

Bizkaie! 2015-10-15 14:25   Bertsolaritzea

Urriaren 22an hasi eta zemendiaren 12ra bitartean, berbaldi bat, Hor Konpon Marianton eta Bertsolaritzaren Sekretuak emonaldi bereziak, 2ZIO rap kontzertua eta hiru bertso saio eskainiko dira Iruñean.

»» Ikusi argazki guztiak (2)

Ana G. Lartitegui, Joseba Zulaika eta Juan Garzia be, Euskadi Sarietako irabazle

Dabi Piedra 2015-10-15 13:19   Kulturea

Joan dan astean saritu batzuen barri emon eben eta, gaur, ilustrazinoaren, gaztelaniazko saiakerearen eta euskerarako itzulpenaren arloetako sarituen barri. Ana G. Lartiteguik El libro de la suerte lanean egindako irudiak, Joseba Zulaikak idatzitako Vieja luna de Bilbao eta Juan Garziak itzulitako Shakespeareren Sonetoak aukeratu ditu epaimahaiak.

Hemen da VII. Zinema Ikusezinaren Bilboko Zinemaldia

Bizkaie! 2015-10-15 11:31   Barriak

VII. Film Sozialak Zinema Ikusezinaren Nazinoarteko Bilboko Jaialdiak 43 herrialdetako 79 film eskainiko ditu urriaren 15etik 22ra. Oro har, itzalpean gordetan diran hamaika gai argitu eta pantailara eroango ditu Jaialdiak.

»» Ikusi argazki guztiak (3)

Mundubat-ek emakumeen erabagiteko eskubidearen aldeko kanpainea abiarazoko dau Bilbon

Bizkaie! 2015-10-15 10:49

Mundubat garapenerako gobernuz kanpoko erakundeak (GGKE) emakumeen erabagiteko eskubidearen aldeko #Somostodasnosotras #Emakumeguztiokgara kanpainea jarriko dau abian eguenean, urriaren 15ean, Tirante Plataformeak Bilboko Unamuno plazan arratsaldeko 18:00etan egingo dauen performance baten bitartez.

»» Ikusi argazki guztiak (2)

'Yoko eta lagunak' umeentzako filma zinema-aretoetara helduko da zemendiaren 13an

Bizkaie! 2015-10-15 10:20   Barriak

Juanjo Elordik eta Rishat Gilmetdinovek zuzendutako Yoko eta lagunak pelikulea lau eta zortzi urte bitarteko umeei zuzenduta dago. Kontakizun laburren bidez, istorio nagusi bat kontetan dau, aire zabalean jolastearen garrantziaren ganean. Zemendiaren 13an helduko da zinema-aretoetara, Barton Films banatzailearen eskutik.

»» Ikusi argazki guztiak (5)

EAEn lan egiten daben 9 finantza erakundek bezeroen hizkuntza eskubideak bermatzeko konpromisoa hartu dabe

Bizkaie! 2015-10-14 17:52   Euskerea berbagai

BBVA, Laboral Kutxa, Santander, Kutxabank, Bankoa Crédit Agricole, Caixabank, Rural Kutxa, Banco Popular eta Banco Sabadell Guipuzcoano dira hitzarmena sinatu dabenak.

AzPlay bideo jokuen lehiaketea egingo dabe Bilbon, zemendiaren 27tik abenduaren 1era

Bizkaie! 2015-10-14 17:07

Azkuna Zentroak antolatutako lehiaketan, 30 herrialdetako 158 joku erakutsiko dira. Aurtengoan, topaketea inoz baino nazinoartekoagoa izango dala nabarmendu dabe antolatzaileek. Helburu nagusia da, produkzino independenteko bideo jokuak eta euren sortzaileak ezagutzera emotea, euren lanari bultzadea emoteko. Lehiaketea sektorean erreferente bihurtu dala dino Azkuna Zentroak.

Asterixen liburu barriko 4.000 ale, euskeraz

Bizkaie! 2015-10-14 13:55   Euskerea berbagai

Lehenengo laginak astelehenean zabaldu bazituen be, hilaren 22ra arte itxaron beharko da emoitza osoa ikusteko. Egun horretan, Asterixek 56 urte beteteko astebete faltako danean, aldi berean argitaratuko ditue 4 miloe ale, frantsesetik 20 hizkuntzatara eroanak. Gaztelaniazkoak 160.000 izango dira, 25.000 katalanezkoak eta euskerazkoak, barriz, 4.000. Galegoz 3.000 argitaratuko ditue, eta asturieraz beste 1.500.

Zortzi blogari gazte Rioko Olinpiar Jokuetara joango dira, Gazte Aukeraren eta Basque Team-en eskutik

Bizkaie! 2015-10-14 13:02

Gazte Olimpic Team lehiaketearen bidez, zortzi gaztek 2016ko Olinpiar Jokuak bertatik bertara ezagutu eta handik informazinoa bialtzeko aukerea izango dabe. BAT Basque Team fundazinoak eta Gazte Aukera atariak antolatutako ekimena da, gazteek teknologia barrien bidez disfrutau daien Rio de Janeiroko kirol ekitaldi erraldoia.

Danetariko ikuskizunak urriaren 23ra arte, Santutxuko Udaltegi barrian

Bizkaie! 2015-10-14 12:06

Bilboko Udalak auzo-etxe edo udaltegi barria inaugurau dau asteon, Santutxu auzoko herritarrei zerbitzua emoteko. Orain arte, Txurdinagako Udaltegira joan behar izan dabe auzotarrek. Remigio Gandasegi kaleko auzo-etxe barriari hasiera bikaina emoteko, jarduera moltsoa eratu dabe, urriaren 14tik 23ra arte. Berbaldiak, zinemea, magia, kontzertuak eta abar programau ditue.

»» Ikusi argazki guztiak (2)

Olatu erraldoien munduko surflari onenak lehiatuko dira Punta Galea Challengeren hamargarren edizinoan

Bizkaie! 2015-10-14 11:16

Beste behin Punta Galean egingo da Olatu Handien Munduko Zirkuituaren Europako proba bakarra. Lehiaketan 24 surflarik hartuko dabe parte, horreen artean zerrendako hamabi onenak, eta jardunaldi bakarrean egingo da. Era horretan, urriaren 15etik zezeilaren 28ra bitarteko denpo tartea ezarri dabe, eguraldiaren baldintzak kontuan hartuta, gitxienez 6-7 metroko olatuak sortzen diran eguna hautatzeko.

»» Ikusi argazki guztiak (2)

Ahoskerearen inguruko jardunaldia egingo dau Euskaltzaindiak urriaren 23an Donostian

Bizkaie! 2015-10-14 10:20   Euskerea berbagai

Jardunaldiaren helburua ahoskerearen ganeko gogoetea egitea izango da. Euskera batuak ahoskera estandarrik behar ete dauen, euskalkiek ahozko batuaren alboan ze leku bete behar daben eta beste galdera asko ipiniko dira mahai ganean. Euskaltzaindiaren Ahoskera Batzordearen ekimenez antolatu da jardunaldia, urriaren 23an, eta batzorde horrek preparautako txostena aurkezteko be erabiliko da.

Durangoko Azokan boluntario izateko aukerea eukiko dabe herritarrek

Bizkaie! 2015-10-13 17:08   Kulturea

Lehenengo aldiz, nahi daben herritarrek boluntario lan egin ahal izango dabe Durangoko Azokan. Lan administratiboa, komunikazinokoa, teknikoa eta abar egin ahal izango dira, bakotxaren ezagutzen arabera. Herritarrei Durangoko Azokea barru-barrutik ezagutzeko aukerea emon nahi jake eta, bide batez, azokearen antolakuntzeari bultzadatxua emon. Urriaren 31ra arte emon leiteke izena.

Arteak hartuko dau Bilbo asteburuan, Bilbao Art District-en eskutik

Dabi Piedra 2015-10-13 14:44   Kulturea

Hirugarren urtez, Bilboko arte galeriek atea zabalduko deutsie herritar guztiei, Bilbao Art District ekimenaren bidez. Museo, unibersidade, ostalari, merkatari eta erakunde publikoen laguntzinoagaz, arteari eskainitako asteburua eratu dabe urriaren 16 eta 17rako eta udagoienean galerietan egongo diran erakusketak aurkeztuko ditue. Berbaldiak, bisitaldi gidatuak, tailerrak eta abar be antolatu ditue.

Bilboko Guggenheim Museoak gazteentzako jarduerak antolatu ditu, 18. urteurrenean

Bizkaie! 2015-10-13 12:52

Hileon berton, 18 urte beteko ditu Bilboko Guggenheim Museoak. 1997ko urriaren 18an inaugurau zan Frank Gehryk diseinautako museoa eta, harrezkero, titaniozko eraikinak miloeka bisitariren arretea erakarri dau. Urteurrena ospatzeko, urrian ekitaldi ugari antolatu ditue Guggenheimen, bereziki gazteei zuzenduta. Street Art tailerra, muralak, proiekzinoak eta abar egongo dira.

Diasporako eta bertoko bertsolariak kantuan, eguaztenean Villabonan

Bizkaie! 2015-10-13 11:58   Bertsolaritzea

Saio berezia eratu dabe urriaren 14an Villabonako Subijana Etxean, Bertsozale Elkartearen eta Mintzola fundazinoaren egoitzan. Izan be, Maialen Lujanbio eta Andoni Egañagaz batera, Martin Goicoetchea eta Johnny Curutchet Amerikako euskaldunak be oholtzan egongo dira. Holan, diasporako bertsolariakaz hartu-emona estutu ahal izango da. Egunotan, beste hainbat jardueratan be parte hartzen dabilz ordezkari euskal-amerikarrak.

González Sinde zuzendariak jasoko dau Simone de Beauvoir saria XX. Zinemakumeak jaialdian

Bizkaie! 2015-10-13 11:11   Barriak

Emakume zuzendarien Zinemakumeak gara! jaialdiaren XX. edizinoa gaur, urriaren 13an hasi eta 17ra bitartean izango dogu Bilboko BBK Salan. Mundu osoan sariak jaso dituen film luze eta laburren erakustaldiak, mahai-inguruak eta omenaldiak be ez dira faltako.

Bizkaiko zazpi museo bisitetako aukerea emoten dau Bost Txartelak

Bizkaie! 2015-10-13 10:42   Kulturea

Bizkaiko Foru Aldundiak atara dau Bost Txartela, zazpi museo eta erakusketa-areto bi nahi beste bidar erabilteko aukerea emoteko. Kanpainea orain hasi dabe eta txartelak zezeilera arte erabili ahal izango dira. Honeek dira museoak: Bilboko Arkeologi Museoa, Muskizeko El Pobal burdinolea, Balmasedako La Encartada fabrika-museoa, Gernikako Euskal Herria museoa, Bermeoko Arrantzaleen museoa, Kortezubiko Santimamiñe kobazuloa eta Bakioko Txakolingunea. Ondare eta Rekalde aretoetarako be balio dau.