Aktualitatea

Euskaldunak munduko taekwondo txapelketan

Euskal Taekwondo Federazinoko Ibone Lallana, Elaia Torrontegi eta Aritz Itxisoa kideak bagilaren 30etik garagarrilaren 2ra arte Suediako Trelleborg urian jokatuko dan Europako Taldekako Taekwondo Txapelketan izango dira.

‘Banda de la María’ musika-taldeak irabazi dau Zornotzako Haizetara jaialdia

Andaluziarrek 9.000 euroko saria jaso dabe. Publikoaren saria, 4.000 euro, ‘Always Drinking Marching Band’ taldeak jaso dau. Ganera, jaialdian izandako 'Dixie Gang' talde portugaldarra ezagutu ostean, urtea amaitu baino lehenago barriro Zornotzara ekartea erabagi dau Udalak.

Bideojokoetako indarkeriaren kontrako legea

Estadu Batuetako zortzi estadu (Oklahoma, St, Louis, Indiana, Washintong, Illinois, Michigan, Kalifornia eta Minesota) lege proiektu baten atzetik dabiz. Proiektuak zera dino: ume eta gazteek ezin izango dabe biolentzia edota sexu hartu-emonak erakusten dabezan bideojokoak erabili.

Asun Balzola hil da

Asun Balzola idazle eta ilustratzaile bilbotarra pasa dan barikuan, bagilak 23, hil zan Madrilen, 64 urte zituala. 60ko hamarkadan hasi zan liburuak ilustretan. Batik bat Mariasun Landarenak ilustrau ditu baina Patxi Zubizarreta, Bernardo Atxaga eta Yolanda Arrietagaz be egin dau lan. Umeentzako dozenatik gora liburu be idatzi ditu.

Mosku eta Seul dira munduko uririk karuenak

Etxebizitzea, garraioa, elikadurea, jantziak, aisialdia eta bestelako faktoreen prezioak hartu ditu kontuan Mercer Human Resource Consulting ikerketa-zentro estadubatuarrak ondorio horretara ailegetako.

Les Extravagances Jaialdia Miarritzen

Aurten, rock, reggae, salsa, folk zein beste estilo batzuetako musikak izango dira entzungai Les Extravagances jaialdiaren bigarren edizinoan Miarritzen. Garagarrilaren 28an eta 29an izango dira kontzertuak eta egun bietarako 12 artista eta talde desbardin dagoz iragarrita.

Gau berezia Euskal Herrian: San Juan gaua

Ohitureari jarraituta, milaka lagun suaren inguruan batuko dira eta, gatxak urrundu guran, suaren ganetik egingo dabe salto. Urteko gaurik luzeenaz gozetako aukera izango da.

Big Brother Mexiko-AEB mugan

Etorkin oldeari aurre egiteko, Mexiko eta Kaliforniaren (AEB) arteko mugan ehunka kamara jarri dabez estadubatuarrek. Norberaren etxetik, ordenadorearen pantailearen aurrean, eskuan garagardaoa daukagula eta filmetako polizia ausarten papelean sartuta, zeozer susmagarria edo arraroa ikusi ondoren, dobaneko telefono batera deitu geinke abisua emoteko. Internautak izango dira ziber-poliziak.

Richard Serraren eskultura batek apainduko dau Bilboko Arte Eder Museoaren aurrealdea

Javier Viar Bilboko Arte Eder Museoaren zuzendariak gaur, bagilak 23, inaugurau dau datozan bost urteotan museoaren kanpoaldean ikusgai izango dan Richard Serra artista estadubatuarraren eskultura bat. ‘New Union’ izeneko obrea 2003an egin eban artisteak. Altzairuzko eskulturearen neurriak itzelak dira: lau metro luze eta 40 tona.

‘Harriet’ tortugea, munduko animaliarik zaharrena hil da

Australiako zoologiko batean hil da 176 urte eukazala. Guiness liburuan 175 urte eukazala sartu zan 150 kiloko anfibioa. Ganera, ustez, Charles Darwinek gizakiaren eboluzinoa aztertzeko erabili eban animalietariko bat izan zan.

Isiltasunak Guggenheim hartu dau

Bagilaren 20tik aurrera, eta 2007ra arte, Guggenheim Museoaren halleko 103. aretoan, ‘isiltasunaren pintoreak’ izenekoen obrak dagoz ikusgai. Oin dala gitxira arte, espazio horretan bertan pop art korronteko lan batzuk ikusi ahal izan dira, eta museoak aurrera segiduten dau XX. mendeko korronterik garrantzitsuenen barri emoten.

Garagarrilaren 1ean indarrean sartuko dan puntukako gidabaimenagaz zuhur ibili ze bestela laster garraio publikoan, oinez edo bizikletaz baino ezin izango dogu hara eta hona ibili

EHGAMek ekitaldi ugari antolatu ditu Bilbon, bagilaren 28ko Askapen Gay eta Lesbianoaren Nazinoarteko Egunerako

Askapen Gay eta Lesbianoaren Nazinoarteko Egunean bertan, bagilaren 28an, manifestazino bat abiatuko da arratsaldeko 20:00etan Bilboko Moyua plazatik.

Nafarroako Gobernuak eta Euskaltzaindiak aurtengo protokoloa sinatu dabe

2006ko bagilaren 20an sinatu da Nafarroako Gobernuaren eta Euskaltzaindiaren arteko aurtengo protokoloa.

Axularren ‘Akelarrea’

Aldaketez josita jatorku Axular Arizmendi ‘DJ Axular’: musika-estiloa, taldekide kopurua... Mutrikuarraren hirugarren lana 'Babel Musik' disketxearen eskutik jatorkun ‘Axular 3.0’ diskoa eta orain arteko estilo techo progresiboa atzean itxita, break dance estilora hurreratzen da erritmo elektronikoetan oinarrituta, ukitu etnikoakaz.