Aktualitatea

Joaquin Achucarro Fundazioa sortu dabe Dallasen pianista bilbotarraren ondarea garatzeko

Achucarroren eta Dallasen arteko hartu-emonak estuak dira, 1989an, Achucarrok Southern Methodist unibersidadeko Joel Estes Tate katedrea bete ebalako.

‘Asterix Joko Olinpikoetan’, zinema frantziarreko filmik karuena datorren astean ikusgai

Asterix eta Obelix bere lagun leiala zinema-aretoetara itzuliko dira euren abenturen hirugarren zatiagaz. Frantziako zinemaren historiako produkzinorik karuena da pelikulea eta datorren astean estreinauko da Europako 5.000 zine-aretoetan. Europako ia herrialde gehienetan batera estreinauko da pelikulea.

Bardem Bigarren Mailako Aktorerik Onena izentau dau Aktoreen Sindikatuak

Aktoreen Sindikatu Nagusiak saritutako aktoreek zeozelako aldea dabe Oscarretarako, Hollywoodeko Arte eta Zientzia Zinematografikoen Akademian boto eskubidea daben 6.000 personetatik gehienak aktoreak diralako.

Gaiak eta EHUk Elkano 2008 Bekak jarri ditue abian

Elkano Beken bigarren edizinoan aukeratuak izango diran 11 bekadunak, Txina, India, Mexiko, Brasil, Belgika eta Alemania lako herrialdeetara joango dira, eta urtebete arteko trebakuntzea egiten egongo dira praktiketan.

Bizkaiko Txakolinaren 905.000 litro egin dira aurten, 2006an baino 35.000 gitxiago

Kanpainan produzidutako txakolinaren % 80 Bizkaian kontsumiduko da. Ganerakoa Madrilera eta Bartzelonara joango da, eta 40.000 botila inguru nazinoarteko merkatuetara bialduko dira (AEBetara, Norvegiara eta Alemaniara).

Arrantzako produktu barriei buruzko jardunaldia Markina-Xemeinen

Leartiker Lea Artibai Ikastetxeko Elikagaien Teknologiako sailak arrantzako produktu barriei buruzko jardunaldi teknikoa antolatu dau urtarrilaren 29rako. Eusko Jaurlaritzako Nekazaritza eta Arrantza Sailaren laguntzinoagaz preparautako jardunaldi hau Markina-Xemeingo Esperanza eraikineko enpresa-aretoan egingo da.

Hozbero, hotzeri eta eztulakaz kontuz...

'Euskaraz bai zikloa hasi gura dogu'

Kontseiluak 10 urteotan Euskal Herriko hainbat txokotara heltzea lortu dau. Gaur egun 121 herritan egiten dau lan, Uztaritze, Tafalla, Donostia, Amurrio eta Basauri, besteak beste.

Suitzako film batek irabazi dau Zinegoak jaialdiko sari nagusia

Comme des voleurs Lionel Baier zinemagilearen filma saritu dabe. Pelikulea 'emozinoz beterikoa da eta mutil homosexual baten nortasuna zelan garatzen dan' erakusten dau, epaimahaiaren esanetan.

Deustuko Unibersidadeko hiru irakasle saritu ditue Kanadan

Josune Saenz, Nekane Aranburu eta Olga Rivera ikertzaileek komunikazino onenaren saria jaso eben urtarrilaren 18an McMaster World Congress izeneko biltzarraren 29. edizinoan, Ontarioko Hamilton urian (Kanada). Lanaren izenburua honakoa da: 'Knowledge sharing and innovation performance: A comparison between high-tech and low-tech firms'.

‘Dantza Plazetan’ ekimenaren barruan, 7 dantza taldek Bilboko 5 auzotan egingo dabe jantzan urtean zehar

Bilboko Udaleko Kultura eta Hezkuntza Sailak ‘Dantza Plazetan’ programea abiarazo dau euskal folklorea indartzeko eta plaza publikoetan erromeriaren tradizinoa berreskuratzeko.

Ardaoa edan ostean, zer egin botileagaz: berrerabili ala birziklatu?

Estaduko ingurumen ministeritzeak jatetxeetan ardao botilak hutsitu ostean berrerabilteko lege proposamena egin dau. Proposamen hori Hondakinen Nazino Planean dago eta hilabete gitxi barru indarrean jarteko asmoa dabe. Ardaogintza sektorea lege proposamenaren kontra dago.

Kultura ondarearen ikerkuntzarako zentro bat izango dau Gasteizek

Araba, Bizkaia eta Gipuzkoako kultur ondarea ikertzeko eta zabaltzeko zentroa izango da Gasteizko Maturana-Berastegi jauregia 2011. urtetik aurrera baina nazinoarten be erreferente izateko asmoz.

Jaurlaritzeak euskerazko irakurle-programak jarri gura ditu martxan Japonian eta Filipinetan

Patxi Baztarrika Eusko Jaurlaritzako Hizkuntza Politikarako sailburuordea eta Lorea Bilbao Hizkuntza Politikarako aholkularia Japoniara eta Filipinetara joango dira asteburu honetatik hasi eta zezeilaren 2ra arte, bi herrialdeetako hainbat unibersidadetan irakurle-programak martxan jarteko aukerea aztertzeko asmoz.

Euskaltel konpainiak hamargarren urteurrena ospatu dau

Orain dala hamarkada bat hasitako proiektua egia bihurtzen lanean jardun daben parte-hartzaileei (sasoi batekoei eta egungoei) aintzatespena adierazoteko, ekintza instituzional bat egingo dau Euskaltelek gaur, urtarrilak 24, Lezamako Azurmendi Jatetxean 13:30ean. Bertan izango da, besteak beste, Juan Jose Ibarretxe Eusko Jaurlaritzako lehendakaria.

Euskaltzaindia eta Euskerearen Erakunde Publikoa: hitzarmen baten atarian

Gaur, urtarrilaren 24, sinatuko da Bilbon, Euskaltzaindiaren egoitza nagusian, Euskaltzaindiaren eta Euskerearen Erakunde Publikoaren arteko hitzarmena. Horra hor urrats barria, euskerea bera Lapurdi, Nafarroa Beherea eta Zuberoan indartzeko.

SMS Bero-beroen III. Lehiaketea egingo da zezeilaren 1etik 10era Enkarterrin

Enkarterriko Mankomunidadeko eta Balmasedako Udaleko Euskera zerbitzuek SMS Bero-beroen III. Lehiaketea antolatu dabe zezeilaren 1etik 10era bitartean. Sariketan parte hartzeko mezuak 688 666 288 telefonora bialdu beharko dira epe horretan.