Aktualitatea

'Bilbao Bilbao' Arriaga Antzokiaren produkzinoa irailaren 24tik urriaren 4ra

Arriaga Antzokiaren 2009-2010 denporaldiko lehen produkzino propioa 'Bilbao Bilbao' musikala izango da; Jose Antonio Nielfa, 'La Otxoa' goitizenez ezagunagoa dana, izango da protagonista eta irailaren 24tik urriaren 4a eskainiko dabe.

'Patxi Etxeberria, 50 urtez plaza gizon' liburua eta hilaren 27ko omenaldia bertso belaunaldi baten lekuko dan bertsolariaren omenez

Patxi Etxeberria oriotarra da jaiotzez, baina gazterik Lasarte- Oriara etorri zan bizitera bere emazte Inaxigaz. Arrandegi bat edegi eben herrian, baina horrezaz gan, bere bertso ibilbideak egin dau ezagun, bertso belaunaldi baten lekuko eta protagonista baita Etxeberria. Liburuko izenburuak dinoan moduan, berrogeita hamar urte pasau ditu plazaz plaza, eta oraindino be horretan dabil.

The Hot Dogs talde gipuzkoarrak 'Nothing But a Bad Day' laugarren diskoa kaleratuko dau

Urretxuko taldea 2006an barriro alkartu zanetik bigarren diskoa izango da 'Nothing But a Bad Day' eta herri gipuzkoarreko Pagoeta Antzokian grabau eben zuzenean pasa dan martian. Ahotsak Madrileko El Fono Raptor estudioetan sartu zituen eta lana martia eta garagarrila bitartean nahastau dabe. Masterizazinoa abuztuan egin eban A Coruñan Saul Patiñok.

UEUk prest daukaz udagoieneko ikastaroak

Udako ikastaroen oihartzuna oraindino desagertu ez bada be, Udako Euskal Unibersidadeak (UEU) Eibarren, Iruñean eta Miarritzen emongo diran ikastaroak aurkeztu ditu, hamabost guztira.

Andres Orozco-Estrada zuzendari titular barriagaz hasiko dau Euskadiko Orkestra Sinfonikoak 2009-2010eko denporaldia

Euskadiko Orkestra Sinfonikoak, 7.000 abonatuez gan, % 92ko okupazinoa dauka bere jardueretan eta baita 600 lagun inguruko itxarote-zerrendea be. Asteon hasiko dan 28 denporaldian, hiru miloegarren ikus-entzulea hartuko dau orkestreak eta 3.000. ikuskizuna eskainiko dau.

Die Toten Hosen punk-rock talde alemaniarrak Bilboko Kafe Antzokian joko dau barikuan

Die Toten Hosen punk-rock talde alemaniar beteranoak kontzertua eskainiko dau bariku honetan, irailak 25, Bilboko Kafe Antzokian. Emonaldia 21:30ean hasiko da eta sarrerak 20 euroko prezioa dau aurretiaz erosi ezkero eta 23 eurokoa kontzertuaren egunean txarteldegian erosita, areto bilbotarreko iturriek jakinarazo dabenez.

Amaitu dira barreak Frantziako internauten artean

Azkenean, eta danek ekien moduan, Frantziako Biltzar Nazionalak (Parlamentuak) aurrera atara dau Interneteko pirateriaren kontrako legea, 285 parlamentariren aldeko botuakaz eta 235ren kontrakoakaz. Lege horren arabera, internautaren batek saretik legez kanpoko deskargak egiten baditu eta jarrera horretan ekinean jarraitu ezkero, epaile baten aginduz Interneteko konexinoa ebagiko jako.

Lendakaris Muertos taldeak hurrengo lana zuzenean grabauko dau

Lendakaris Muertos taldeak urriaren 23an eta 24an zuzeneko CD eta DVDa grabauko dau. Kontzertuotarako aukeratutako aretoa Gasteizko Jimmy Jazz aretoa (lehengo Azkena aretoa) da eta taldearen lehenengo hiru diskoetako arrakasta mordoa batuko ditue bertan. Horrezaz gan, taldeak DVDan grabauko ditu aitatu bi kontzertuak.

Pedro Miguel Etxenike Belgikako Zientzia, Letra eta Arte Ederren Erret Akademiako kide izentau dabe

Etxenike Materia Kondentsatuaren Fisikako katedraduna da EHUn, Hiru Aldeko Batzordeko kidea eta IDOMeko eta Mapfreren iparraldeko ordezkaritzako aholkularia. Gaur egun, Donostia International Physics Center eta CIC Nanogune zentroetako zuzendaria da, baita 2007ko urriaren 25ean eratu zan Eusko Ikaskuntzako Jakiunde Zientzia, Arte eta Letren Akademiako presidentea be.

Guggenheim Bilbao Museoan Kontrauhina: 'Frantziako zinema barriena' irailaren 22tik 27ra

Ziklo berezi honetan, azken hamar urteetan Frantzian izan diran zinema jokera guztiak jorratuko dira: bildurrezko filmak, egile-zinema, gizarte gaiak jorratzen dituen filmak eta komedia baltza, berbarako.

Eleka enpreseak Opertrad itzultzaile automatikoa erakutsiko dau Madrilen

Eleka Injinerutza Linguistikoa enpresa eta Imaxin-Software enpresa galiziarra Madrileko Simo Network azokan izango dira Opentrad itzultzaile automatikoa (www.opentrad.com) erakusten. Simo Network bihartik eguenera (irailak 22-24) bitartean izango dan nazinoarteko azoka profesionala da, eta enpresentzako IKT zerbitzuak, produktuak eta konponbideak erakustea eta sektoreko enpresen alkar-ezagutzea bultzatzea dira ekimenaren helburu nagusiak.

EHUko ikertzaile batek euskerazko akats sintaktikoak topetako eta zuzentzeko sistemea sortu dau

'Saroi' tresna erabilerraza eta malgua da, eta maila desbardinetako hizkuntza-ezaugarriakaz lan egiteko gai da (morfologia, morfosintaxia, sintaxia, etab.). Egilearen esanetan, hizkuntzalaritzarako lan-tresna egokia eta erabilgarria izan daiteke.

Bilboko XI. Miguel de Unamuno Saiakera Lehiaketarako deialdia zabalik dago

XII. Manhattan Short Film Festival Bilbon egingo da hirugarren aldiz, irailaren 25ean

Jaialdia irailaren 25ean egingo da, Bilbon, EiTBko multi box aretoan, 20:00etatik aurrera. Ekitaldiaren antolatzaileak EiTB eta Bilboko Udaleko Kultura eta Hezkuntza Saila dira eta edonor bertara daiteke; baldintza bakarra izena emotea da, eta, horretarako, e-maila bialdu beharko da izen-abizenakaz, helbide honetara: manhattanshort@eitb.com.

Euskerea sustatzeko hainbat ekimen Bermeon

Bermeoko Udaleko Euskera Sailak, herriko euskaltegiakaz batera, euskera ikastaro bi eta Berbalagun egitasmoa antolatu ditu. Ikastaroak gurasoei eta etorkinei zuzenduta dagoz eta kolektibo horreek biek daukiezan beharrizanak kontuan izanda antolatu dira, ikasketa prozesuan aurrera egin dagien ordu-kopuru, ordutegi eta matrikula aldetik erraztasunak eskaini gura deutsiezalako antolatzaileek.

Bidaiak preparetan eta argazki zein bideoak montetan erakutsiko dabe 'Bidaiariaren txokoan'

Bilboko Udaleko Kultura eta Hezkuntza Sailak antolatutako 'Bidaiariaren txokoa' ekimena bidaiak preparau eta ikusentzunezko montajeak egiteari buruzko bi tailerrez osotuta dago, eta horreetan parte hartu gura dabenek izena 4. Barrutiko (Begoña) Udaltegian edo www.bilbao.net webgunean emon beharko dabe, irailaren 21etik urriaren 13ra bitartean.

Ligea merezimendu osoz Castrora joan dan arren, gure aupadarik beroena Korta, Zurinaga eta Kaikuko ganerakoentzat

Gaztelupeko Hotsak diskoetxea Mexikora

Estaduko musikearen industriako 12 enpresentzako agenda bat preparau da, tartean bilerak eta mahai-inguruak profesional mexikarrakaz. Aitatutako enpresen artean dagoz Gaztelupeko Hotsak (Euskal Herrian aukeratutako bakarra), Discos Lollipop La Nota, Sonifolk, El Volcán Música, Mushroom Pillow, New Day Rising…

'Berbalagun' egitasmoa abiarazo dabe Enkarterrin euskerearen erabilerea sustatzeko asmoz

'Berbalagun' egitasmoaren helburuak bi dira: alde batetik, Enkarterriko euskaldunok alkar ezagutzea eta, bestetik, ikasten dabilzan ikasleek praktiketako aukera gehiago izatea. Horretarako, ekimen nagusi bi antolatu dira: berbataldeak eta euskerearen agendea.