Aktualitatea

Beñat Ugartetxea da Getxoko saioa irabazita finalaurreetarako zuzenean sailkatu dan azkena

Getxon, Erromoko Gobela kiroldegian, 350 bat entzuleren aurrean jokatu da astegoienean, Bizkaiko Bertsolari Txapelketako azken kanporaketea eta Gorka Ostolaza, Olatz Ibarluzea, Eneko Arrate, Eñaut Uruburu eta Ion Barrocalegaz izandako lehiaren ondoren, Beñat Ugartetxeak saioa irabazita, zuzenean lortu dau finalaurreetarako txartela.

'Euskararen hitz politena' lelopean ospatuko dau Eusko Ikaskuntzeak aurtengo Euskerearen Eguna

Eusko Ikaskuntzeak 1949tik bultzatzen dauen egitasmoa dala eta, Gazteria Sailak goiburua aukeratzeko proposamen onena saritzeko ekimena antolatu dau aurten sarean. Azkenean, 28 urteko Blanca Lopez de Juan Abad gazteiztarra izan da irabazlea.

Andy Irons hil dan aste berean, Kalifornian marrazo batek surflari bat jan dau

Cirque du Soleil konpainiak Michael Jacsonen irudian inspirautako ikuskizuna estreinauko dau

'The Inmortal World Tour' ikuskizunerako sarrerak aurre-salmentan dagoz honezkero www.michaeljackson.com webguneko harpidedunentzat eta Cirque Club-eko kideentzat. Michael Jacksonen 'jantza bereziak irauli egiten dituan irudi, jantza, musika eta fantasiaren arteko fusino liluragarri' moduan deskribidu dabe ikuskizuna.

Euskal Kazetarien Alkarteak Terry Gould iparamerikarrari emon deutso Jose Maria Portell 2010 saria

Euskal Kazetarien Alkarteak emoten dauen Jose Maria Portell Adierazpen Askatasunaren aldeko 2010eko sariko epaimahaiak aho batez erabagi dau Terry Gould kazetari eta idazle iparramerikarrari emotea saria, bere lan idatziaren bidez kazetaritzearen bozeroaile eta babesle bilakatu dalako nazinoarte mailan.

Erabagita dago Arabako Bertso Txapelketan zein bertsolari lehiatuko diran

Arabako Bertsozale Alkarteko kide Asier de la Fuentek azpimarratu dauenez, 2011ko txapelketan lehenengoz 30 bertsolari abiatuko dira txapelaren bila eta horrek 'freskurea eta arpegi barriak' emongo deutsoz txapelketeari.

Laneki Hiztegia, euskerazko lehen online hiztegi teknikoa Lanbide Heziketarako

Tresna barritzaile horren helburua 'LHri buruzko informazinoa gizartearen eta edozein erabiltzaileren esku jartea da eta, era berean, gizartearen eta euskerearen garapenaren alde egitea' da.

Aurtengo Literaturako Nobel Saria euskeratzeko XXIV. Jokin Zaitegi Lehiaketea deitu dabe

Aurten Suediako Akademiak Mario Vargas Llosa idazle peruarrari emon deutso Literaturako Nobel Saria, eta Jokin Zaitegi Lehiaketearen helburua Vargas Llosak idatzitako Pantaleón y las visitadoras eleberria itzultzea da.

Kultura bonoak barriro eskuragai

Eusko Jaularitzako Kultura Sailak bigarren urtez eskainiko ditu kultura bonoak. Liburuak edo musika-euskarriak erosteko, edo museo eta zuzeneko ikuskizunetan edo bestelako ekitaldietarako sarrerak erosteko balio dau bono horrek.

II. Kantuaren Kantoia zemendiaren 4tik 25era Durangon

-Zemendiak 4: Imanol Ubeda (Bide Ertzean, Deabruak Teilatuetan).
- Zemendiak 11: Aiora Renteria (Zea Mays).
- Zemendiak 18: Rafa Rueda.
- Zemendiak 25: Xabi Bandini (Kerobia).

Kultura-enpresen proiektu barritzaileentzat laguntza-lerro barria hasi dau Eusko Jaurlaritzeak

Laguntzen helburua 2010. urtean gauzatutako edo proiektautako egitasmoak dira, bai banaka bai talde batean onuradun izan nahi dauen enpresa bakotxak aurrez egindako gogoeta estrategikoaren esparruan kokatuta. Betebehar horren arrazoia da bermatzea laguntzen jasotzaile diran enpresek jada kokagune proaktiboa erakustea ingurune digital barrietan.

IX. Nazinoarteko Trikitixa Jaialdia datorren zapatuan getxon

Aurten gure artean izango dira: Filippo Gambetta eta Claudio de Angeli (Italia); Blai Casals eta Manu Sabaté (Katalunia); Imosima (Bretainia); eta Mirari Azkune eta Aitziber Otegi; Xabi Aburruzaga eta Jose Urrejola; eta Kupela taldea (Euskal Herria).

Leioako XXXI. Eskulangintza eta Gastronomia Azokea izango da asteburuan

Bertan, Euskal Herriko eskulangintza mueta guztien erakusketa eta tailerrak izango dira ikusgai. Danetara, 27 erakustoki desbardin izango dira artisauen lanak ikusteko edo erosteko, eta danak kalidadeko ziurtagiriagaz.