Basque Culinary Centerrek eta Gastronomiaren Euskal Anaiarteak alkarregaz garatu eta zabalduko dabe euskal gastronomia
2010-05-20 18:16 Jan edanak
Basque Culinary Centerreko zuzendari eta Mondragon Unibersidadeko erretoreorde Joxe Mari Aizegak eta Gastronomiaren Euskal Anaiartearen presidente Luis Mokoroak bi erakundeen arteko akordioa sinatu dabe gaur Donostian, euskal kultura gastronomikoaren garapena, hedapena eta tradizinoa sustatzeko.
Les Ballets de Montecarlok errusiar jantzariak omenduko ditu Bilboko Arriaga Antzokian
2010-05-20 17:23 Kulturea
Les Ballets de Montecarlo taldeak jantzak eroango ditu barriro Bilboko Arriaga Antzokira maiatzaren 21etik 23ra, errusiar balletak omentzeko, 'Errusiar balleten espirituagaz' izenburuko saioan. Montecarloko balletak 50 jantzari ditu, eta horreen artean Asier Uriagereka bizkaitarra dago, antzoki bilbotarreko iturriek jakinarazo dabenez.
Lucia Martinez Odriozolak 2. agintaldia egingo dau Euskal Kazetarien Alkartean
2010-05-20 15:48
Euskal Kazetarien Alkarteak joan dan maiatzaren 18an bere Batzordea barriztau eban eta Lucía Martínez Odriozolak buru izaten jarraituko dau. Lucía Martínez Odriozolaren ondoz ondoko bigarren agintaldia da presidente legez.
I. Letren Jaialdia egingo da maiatzaren 21ean Ondarroako Kafe Antzokian
2010-05-20 13:35 jardunaldiakAurten Ipuin Lehiaketako aurreko hamahiru edizinoetan egiten izan dan sari banaketa klasikoaren ordez, beste arnas bat emon nahi izan deutsie antolatzaileek eta horren harira sortu da Letren Jaialdia. Emonaldiaren oinarria ipuinetatik atarako da, izan be, ipuinetako pasarte batzuen irakurraldia egingo da.
Kalinpan ibili, izerditu eta edan
2010-05-20 12:50 Euskerea berbagai
Kalinpan maskoteak Bermeoko kirol-taldeek antolatzen dituen ekitaldietan parte hartuko dau eta berak gogorarazoko deusku kirola euskeraz be egin daitekela eta kirolagaz euskeraz gozau geinkela nekerik eta izerdirik barik.
Getxoko XXVII. Eskulagintza Azokea izango da maiatzaren 28tik 30era bitartean 97 artisauren partaidetzeagaz
2010-05-20 11:40 Kulturea
Areetako Geltokia plazan erakutsiko ditue 83 artisauk euren lanak eta ganerako 14ak Ibaiondo kalean kokatutako gastronomiaren gunean izango dira. Igaz legez, aire zabalean izango da azokea eta sarrerea dobakoa. Azokea 11:00etatik 14:30etara eta 17:00etatik 21:00etara egongo da zabalik, eta zapatuan 21:30ean zarratuko da.
Euskaltzaindiak Sarean jarri dau 'Domingo Agirre. Gutun bilduma' liburua
2010-05-20 11:32
Euskaltzaindiak 'Domingo Agirre. Gutun bilduma' liburua euskarri digitalean eskainiko dau gaurtik aurrera, Iker/Jagon-tegiak atalaren barruan. Lan hau Sebastian Gartzia Trujillok egin dau eta Euskaltzaindiaren eta Labayru Ikastegiaren arteko lankidetzaren emoitzea da. Argitalpen digitala Bildumak sailean kontsulta daiteke, Euskaltzainak bilduman.
Elkar argitaletxeko bi liburuk 'Liburu Gaztea' saria jaso dabe
2010-05-20 02:00 sariak-autortzak
Jokin de Pedro eta Eric-Emmanuel Schmitten liburu bana aukeratu ditue 2009-2010 Liburu Gaztea Sariketarako: alde batetik, 'Irurac bat' (Elkar 2008) - Jokin de Pedro (D.B.H. 2-ko ikasleek aukeratua) eta, bestetik, 'Oscar eta Andre Arroxa' (Elkar 2007) - Eric-Emmanuel Schmitten. Itzulpena: Miren Artetxe (D.B.H. 1-eko ikasleek aukeratua).
601 euroko isunak talde-mezu elektronikoak bialtzeagatik hartzaileen helbideak agirian itxita
2010-05-19 18:20Talde mezu-elektronikoak bialtzea hartzaileen helbideak izkutatu barik (nahikoa zabal dabilen ohiturea) karu pagau daiteke. Horixe egin eta nahi bako jasotzaileetako baten salaketea jaso daben enpresa eta partikular batzuei 601 euroko isuna ezarri deutse Datu Pertsonalen Babeserako Agentziak.
Umore Azoka-Leioako XI. Kale Artisten Azokan parte hartuko daben euskal artista eta konpainiak aurkeztu ditue
2010-05-19 15:57 Kulturea
Maiatzaren 20tik 23ra Umore Azoka-Leioako Kale Artisten Azokan ikusgai izango diran euskal artista eta konpainien hamaika lanetatik hiru jantza ikuskizunak izango dira, sei antzezlanak eta ganerako biak, ibiltariak. Herrialdeka, bost bizkaitarrak dira, hiru gipuzkoarrak bi arabarrak eta bat Gipuzkoa eta Murtziako bi produkzino-etxek sortutako lana.
Googlek euskerea sartu dau bere 'GTranslate' itzulpen-aplikazinoan
2010-05-19 15:26
Googlek beste bost hizkuntza (Euskerea, azerbaiyanera, armeniera, urdua eta georgiera) gehitu ditu GoogleTranslate itzulpen-zerbitzuan. Oraindino garapen fasean dagoz baina euskerea be munduko beste 56 hizkuntzakaz batera agiri da aitatu itzulpen aplikazinoan.
Soul Kitchen
2010-05-19 14:30 Zinema kritikak
Harrigarria da Veneziako Mostran filma honek Epai-mahaiaren Sari Berezia jaso izana. Eta sinisgatxa egiten da produkzino alemaniar hau hainbat eretxi on eta gomendioakaz heltzea gurera. Izan be, komedia zoragarri legez han eta hemen aurkeztu izan dana komedia ganorabakoa besterik ez da.
Euskerearen Aholku Batzordeak bagilaren 11n egingo dau legegintzaldi honetako lehenengo bilerea
2010-05-19 12:45 Euskerea berbagaiAdostasun eta mailakatze erispideetan oinarritzen dan hizkuntz politika baten aldeko 'Euskara 21' agiriak hasitako bidean sakontzen saiatuko dira topaketan, Lourdes Azurmendi Eusko Jaurlaritzako Hizkuntza Politikarako sailburuorde barriak Eusko Legebiltzarreko Kultura Batzordean jakinarazo dauenez. Euskerearen Aholku Batzordearen helburua hizkuntz politikeari buruzko jarduerak aztertzea, bideratzea eta koordinetea da.
'Zabaldu euskerearen atea' kanpainea abiarazo dau Getxoko Udalak
2010-05-19 11:54 Euskerea berbagai
Jarduerako testuak euskeraz ipini nahi dituen establezimenduei eta langile autonomoei erraztasun eta abantaila gehiago eskaintzeko helburuagaz, Getxoko Udalak 'Zabaldu euskerearen atea' lelopeko kanpainea jarri dau martxan.
'Si Fellini levantara la cabeza' Las Felliniren erabateko estreinaldia Bilbon
2010-05-19 11:22 Kulturea
Las Fellini, Caprichossi, Nagore Gore, Nenita Danger eta Yogurninha Borova, edo —gauza bera da- Jaime Seoane, Oskar Delgado, Kepa Olarreta eta Eduardo Gaviña, BBK Salako eszenatokiaren erreginak izango dira gaurtik 23ra arte —domekea-, arratsaldeko 20:00retan eskainiko diran emonaldietan.
Gernika-Lumoko Udalak eta Kontseiluak lankidetza hitzarmena barriztau dabe
2010-05-18 18:50 Euskerea berbagai
Gernika-Lumoko alkate Jose Maria Gorroñok Kontseiluagaz urte honeetan egindako lana nabarmendu dau: 'urte bi daroaguz Kontseiluagaz alkarlanean eta emoitzak begi-bistakoak dira herrian. Bi puntu azpimarratuko neukez: batetik, euskerearen normalizazinoaren aldeko lana herriko euskalgintzeagaz batera egiten gagozala. Eta bestetik, gizarte-eragile eta entidadeen hizkuntza-normalizazinoa bizkortzeko tresna barriak proponidu deuskuzala Kontseiluak'
Oskorri taldearen proiektu barria jantza doinuetan oinarrituta
2010-05-18 18:27 Musikea
Maiatzaren 23an, domekan, eguerdiko 13:00etan, Gasteizko Plaza Barrian egingo dan Euskadiren Uriburutzako XXX. Urtebetetzeko Kontzertuan, entzun, ikusi eta jantzan egin ahal izango da Oskorriren proiektu barria.
150 bat trikitilari batuko dira Getxon Bizkaiko I. Trikitixa Egunean
2010-05-18 18:05 Musikea
- Trikitixa eskolen kalejirak Algortan zehar eguerdiko 12:00etatik aurrera.
- Trikitixa eskolen topaketea Tellegorri plazan, 14:30etan.
- 15:00etan bazkaria Algortako Zabala Eskolan
- Erromeria Triki Ta Ke taldeagaz, Algortako Geltokia plazan, 17:30etatik aurrera.
15.556 ikaslek landu dabe bertsolaritzea ikastetxeetan Bertsozaleren eskutik
2010-05-18 12:30 Bertsolaritzea
Bertsolaritzearen Curriculuma (Bertsozale Elkartea, 2008) da ikastetxeetako proiektuaren oinarri pedagogikoa. Ikastetxetako lanketearen helburuak honeek dira: hizkuntza-komunikazinorako konpetentziak garatzea, umeak bertsozaletu eta euskereagazko jarrera positiboa izatea, bertsolaritza dan kultur adierazpidearen oinarrizko ezagutza izatea eta jentaurrekotasuna lantzea.
Hamar urteko lanen ostean, gaur inaugurau dabe Bilboko Alhondiga
2010-05-18 12:03 kulturbiz
2000. urteko abenduan hasitako zahabarritze lanak amaitu ziran eta 71 miloe euroko inbertsinoagaz, gaurko inaugurazino ekitaldi ofizialaren ondoren, eguenean zabalduko ditu ateak, besteak beste, publikoarentzat ugerleku bi, 6.000 metro koadroko atrioa eta zutabe ikusgarriak zein 1.100 m2-ko gimnasioa dituan Alhondiga Aisia eta Kultura Zentroak.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...