Aktualitatea

Faustino Etxebarria bertsolaria joan jaku

Faustino Etxebarria Gogenola bertsolari eta idazle dimoztarra barikuan zendu zan Galdakaon. Bizimodu luzea eta oparoa izan da Faustinorena. 1917an Diman jaio zan Etxenagusia baserrian, Indusi kofradiako Zamakola auzoan.

Zeanuriko Andra Mariak Iñaki Iturriotzegaz

Lehenago be ekarri izan doguz Bizkaie!-raino bertsolari gazteen bertsoak. Horreetako bertso asko egun seinalatuen ganekoak izan dira ganera. Berbarako, laster bueltan etorriko jakun urriko azken astelehen gernikarra. Aratosteak be ekarri doguz orriotaraino, udako opor-egunen kronikaren bat be leidu ahal izan dogu bertsoz...

Oporretan Karibera bazoaze, kontuz urakanakaz!

Txillidaren obrak Alemaniako Köln urian ikusgai

Eduardo Txillidaren erakusketa bat zabaldu eben atzo Alemaniako Köln uriko Boisserée aretoan. Erakusketea urriaren 11 arte izango da ikusgai. Azken 40 urteotan Chillidak egindako ehundik gora lan grafiko batu ditue, hainbat estilotan landutakoak.

Bidasoa Folk jaialdia izango da asteburuan Irunen, Hondarribian eta Hendaian

Antolatzaileen esanetan, aurten sekula baino artista eta ekitaldi gehiago izango dira Txingudiko Badian. Jaialdiaren leloa 'Hiru hiri, hiru historia, kultura bat' da. La Banda del Surdo taldeko kataluniarra edota Herbeheretatik etorritako Muyayos de Raiz taldea izango dira, besteak beste.

'Los Tigres del Norte' mexikarrek Donostian eta Bilbon joko dabe

Egunotan salgai jarritako '25 joyas' bere disko-bilduma barria aurkezteko birearen barruan, taldea Donostian izango da hilaren 21ean eta Bilbon 22an.

Kontzertuok uri bakotxeko Rockstar aretoetan izango dira eta sarrerak eskuragai dagoz Tick Tack Ticket, BBK eta Kutxa guneetan, 22 euroan.

Kepa Junkera izango da Bilboko Txistularien Ohiko Alardeko konbidau berezia

Alardea domekan, abuztuak 24, Aste Nagusiko azken egunean ospatuko da Plaza Barrian, 13:30ean. Bilboko Txistularien Bandeaz gan, hainbat konbidau izango dira 'euskal musika eta jantzarik onena' eskaintzeko.

Robert de Niro margolariaren lanak ikusgai Bilbon

Aktore ezagunaren izen bereko aita margolariaren lehen erakusketea izango da Euskal Herrian, eta aurkezpenean semeak parte hartu dau. BBKren Bilboko Erakusketa Aretoan egongo dira ikusgai pintore estadubatuarraren 35 artelan eta gaur zabalduko da jentearentzat eta irailaren 27ra arte izango da ikusteko aukerea.

Euskal Herriko Meatzaritzearen Museoak 6351 bisitari jaso zituan 2008ko lehenengo seihilekoan

Gallartan kokatuta dagoan museoak igazko aldi berean baino % 39,5 bisitari gehiago jaso ditu. Igaz, urte amaieran, 5.552 bisitari izan ziran guztira.

Zientzia eta teknologiako goi-mailako ikasketetan gradudunen EBko tasarik altuena EAEn dago

Euskal Autonomia Erkidegoan (EAE) zientzia eta teknologiako goi-mailako ikasketetan gradudunen tasea, 20 eta 29 urte bitarteko biztanleen artean, 26,6koa da 1.000 biztanleko. Kopuru hori EBko 27 herrialdeen batez besteko kopuruaren bikoitxa da (12,9 1.000 biztanleko).

Lagartija Nick talde andaluziarrak zabalduko dau Gasteizko Azkena Rock jaialdia

Azkena Rock Jaialdia irailaren 4an, eguena, hasiko da arratsaldeko seiretan, Gasteizko Mendizabala eremuko ateen zabaltze ekitaldiagaz. Lagartija Nick taldearen akordeak izango dira entzungo diran lehenengoak, arratsaldeko 18:25ean.

Bilboko Udaleko Euskera Sailak hitzarmenak sinatu ditu uriko bost alkartegaz

Panpotx Kultur Elkartea, Bizkaiko Ikastolen Elkartea, Bizkaiko Ikasleen Guraso Elkartea, Zazpi Kaleetako Merkatarien Elkartea eta Suspergintza dira akordioaren sinatzaileak eta hezkuntza, aisia, merkataritzea eta teknologia barrien arloetakoak dira.

Danetara, 222 ikaslek parte hartu dabe Udako Eskola ekimenean

Bilboko Udaleko Kultura eta Hezkuntza Sailak antolatutako programearen helburua eskolan arazoak dituen ikasleei arlo horretan laguntzea da. Barrutien arabera, programan parte hartu daben 22 umeetatik gehienak 5. Barrutikoak (Ibaiondo) izan dira.

Bilboko Aste Nagusian genero indarkeriari aurre egiteko plana aurkeztu dabe

'Genero erasoen kontadorea zeroan jarteko' helburuagaz, Konpartsek 8.000 txartel jarriko ditue eskura Arenalean. Udalak inprimiduta, genero erasoei aurre egiteko larrialdietarako telefonoak agiri dira bertan eta egoera horreetan jarraitu beharreko protokoloa jasoten dabe, hau da, Bilboko Konpartsek sortutako protokoloa.

Azken urteotan legez, Bilboko Aste Nagusiko programea doban jaso daiteke eskuko telefonoan

Bilboko Aste Nagusiko ekitaldi, ordutegi eta jaietako programearen ganeko azken barriak eskuko telefonoan doban jasoteko aukerea egongo da, hainbat puntu finkotan eta jaietako eremuan bertan Bluetooth teknologia bidezko Beamzone igorleei esker (sistemea soinean daroen personak).