Johnny Cashen omenezko 'Beltza' diskoa kaleratu dau Gaztelupeko Hotsak etxeak

| Ikusi handiago | Argazki originala

Beltza. Bye, bai, Cash Johnny Cash musikariaren omenezko diskoa kaleratu dau Gaztelupeko Hotsak etxeak. Hogei talde batu dira baltzezko gizonaren kanta ezagunak jasoteko, tartean Zarama, Ratzinger, Petti eta Carniceros del Norte. Euskal Herrian kantari estatubatuarrari egin jakon lehenengop omenezko diskoa, diskoetxeko iturriek adierazo dabenez.

Cashen abesti ezagunenetako asko batu ditue diskoan, bai lehenengo urteetan grabautako arrakastak bai American Recordings saileko klasiko barriak bere. Cashen omenezko lan honetan, danetariko bandek hartu dabe parte: punk-rocka( Vómito, Hysteria, Carniceros del Norte, Porco Bravo edo Morfi Grei, La Banda Trapera del Río-ko kide ohia), glama (Diaboli Kash), metala (Elenco, Ratzinger, Arbian), hardcorea (Zartako), AEBetako hegoaldeko rocka (Hash), bluesa (Last Fair Deal, Petti, Travelling Brothers) eta rock&rolla (Los Rotos). Horrezaz gan, Zarama taldeak Cashen bersinorik egin ordez, kanta bat sortu disko honetarako beren-beregi; Jon & Johnny Cash. Txitusa, countrya eta aurreskua dira abesti horretako osogai nagusiak.

Hogei abesti jaso ditue lanean, besteak beste, Ring of fire, Cocaine blues, Jackson, Delias´s gone, Crazy love, Walk the line, Hurt, When the man comes around eta Folsom Prison blues.

Johnny Cash (1932 – 2003) eleizan gospel abestiak kantetan hasi zan musika munduan; amak, ganera, Carter familiaren abesti herrikoiak erakutsi eutsozan. 50eko hamarkadan Memphisera (AEB) joan zan bizitzera; han lehenengo grabazino arrakastatsuak egin zituan. Sun Records diskoetxe mitikoan 60-70eko country musikearen izar bihurtu zan.