Pedro Almodovar eta Enrique Urbizuren pelikulak, 2012ko Goya sarietako faboritoak

Pedro Almodovarren La piel que habito eta Enrique Urbizu bilbotarraren No habrá paz para los malvados pelikulek ditue izendapen gehien 2012ko Goya Sarietan; hain zuzen be, lehenengoak 16 eta besteak, 14. Zezeilaren 19an egingo dabe sarien banaketea, Madrilen. Mateo Gilen Blackthorn eta Benito Zambranoren La voz dormida be film onenaren eta zuzendari onenaren sarietarako hautagai dira. Ohorezko Goya saria Josefina Molinak jasoko dau.

Izentapen bana besterik ez dabe jaso Alex de la Iglesiaren La chispa de la vida eta Montxo Armendarizen No tengas miedo lanek: emakumezko aktore onenaren sarirako hautagai da Salma Hayek bizkaitarren pelikulan, eta Michelle Jenner emakumezko aktore barri onenerako, nafarraren lanean.

Jose Javier Pérez Prietok zuzendutako Alma film labur dokumental onenari sarirako izentau dabe. Pelikuleak Mikel Trueba santurtziarra dau protagonista; 34 urte ditu eta alboko esklerosi amiotrofikoa gaixotasuna dauka. Horrezaz aparte, Gregorio Muroren Zeinek gehiago iraun animazinozko film labur onenaren Goyarako hautagaietako bat da.

Euskal Herriko hautagai gehiago be badira, berbarako, Alberto Iglesias (La piel que habito) eta Pascal Gaigne (Verbo) musikagileak, Michel Gaztanbide gidoilaria (No habrá paz para los malvados) eta Unax Mendia argazki-zuzendaria (No habrá paz para los malvados). Ganera, Ricardo Ramón eta Joan Espinachen Aita zonbia naiz filma animazinozko pelikula onena sarirako izentau dabe.

Gizonezko aktore onaneren saria irabazteko hautagaiak Jose Coronado, Antonio Banderas, Daniel Bruhl eta Luis Tosar dira eta emakumezko aktore onenaren sariari jagokonez, Verónica Echegui, Salma Hayek, Elena Anaya eto Inma Cuesta izentau ditue.

Goya sarien XXVI. edizinoko hautagai guztiak webgunean dagoz.

Ikusi argazki guztiak handiago