Aktualitatea

Jose Luis Borauren inguruko atzera begirakoa Bilboko Arte Eder Museoan

Bilboko Arte Eder Museoaren Zinematekak Jose Luis Borau zinema zuzendari, produktore eta gidoilariaren atzera begirako zikloa eskainiko dau irailaren 4tik 27ra bitartean.

'Lagrimas y gozos', Ska-P taldearen lan barria laster kalean

Ska-P talde madrildarraren disko berria, 'Lagrimas y gozos', kalean izango da urriaren 7an, taldeak bere web orrian iragarri dauenez. Diskoaren lehenengo singlea 'Crimen Sollicitationis' izango da eta datorren astean jarriko dabe entzungai. Kanta honetan, taldearen estilo aldarrikatzaileari jarrituz, Eleizearen kontra egiten dabe.

Mikel Errazkin 'Sorotan Bele' taldeko sortzaileetakoa izan zana hil da

Bost disko atara zituan bakarlari legez eta hainbat lan egin zituan moldatzaile, konpositore eta produktore moduan beste hainbat artista eta talderentzat. Azken urteotan gaixorik ei ebilen.

Kerobia, The Uski's eta Loquillo, 'Pixkat bat es mucho' kanpaineari amaierea emoteko

'Pixka bat es mucho' euskerearen aldeko kanpaineari amaierea emoteko kontzertu berezi bat preparau dabe irailaren 14rako.

Richard Eyreren 'The Other Man' filmak emongo deutso hasierea Donostiako Zinemaldiari

Bernard Schlink idazle alemaniarraren Liebesfluchten liburuko kontakizun batean oinarritzen dan pelikula honek hiru erpineko amodioa eta obsesino erromantiko bat deskribiduten dau eta intriga elementuz beteta dago.

Urruzuno sariak banatuko dira gaur Gasteizen

Sariak jaso dituen 20 gazteek hamar eguneko bidaia Errumaniara, 300na euroko bidaia-boltsea eta oroigarri bat jasoko ditue. Ganera, euren lanak Sagastiberri sailean argitaratuko dira.

Bihotz Bakartien Klubak zuzenean grabautako disko bat atarako dau euren ibilbidea agurtzeko

Katamaloren bi urteko ibilbideari amaierea emoteko zuzeneko bat grabauko dau Bihotz Bakartien Kluba proiektuak, 'Erantzi katamalo zuzenean' izenpean. 2008ko bagilaren 26an Gernikako Lizeo antzokian egindako grabazinotik atarako dabe diskoaren materiala.

Juan Mari Beltranek lau emonaldi eskainiko ditu Uruguai eta Argentinan

Kontzertu sorta horreetako lehenengoa Uruguain, Montevideoko Metro Antzokian izango da, irailaren 6an. Gero, Argentinara joango da; han Buenos Aireseko Chilicoy Euskal Etxean joko dau domekan, irailak 7 eta uri bereko Arrecifeseko Euskal Etxean bigarren emonaldi bat eskainiko dau irailaren 9an. Azken emonaldia Argentinan irailaren 11an izango da 'Plaza Defensa' kulturgunean.

Celtas Cortos bueltau da

'40 de abril' diskoa argitaratu barri dau Celtas Cortos taldeak eta lan hori aurkezteko showcase bi eskainiko ditu Bilbo eta Donostiako FNAC dendetan, eguenean Bilbon eta barikuan Donostian, biak 19:00etan. Barikuan baita, 23:00etan, kontzertua eskainiko dabe Hondarribian, herriko jaien bezperan.

111 Akademiak baditu jada 111 akademiakide

Hasieran ezarritako kopurua lortu dauen arren, euskal literaturzaleen lehenengo akademiak irakurle gehiagoren bila jarraituko dau.

Doban deskargetako moduan dago Googlek eskainitako Chrome nabigatzailea

Googlek Interneten lekua hartzen jarraitzen dau eta orain arte Internet Explorer, Firefox edo Safari lako nabigatzaileen preminea izan badau be, hemetik aurrera Google bilatzaileak kode edegiko nabigatzaile azkarra abiarazo dau eta doban: Google Chrome, hain zuzen be.

Ikearen 2009ko katalogoa euskeraz be argitaratu dabe

Irailaren 8ra arte ez da Ikearen Barakaldoko altzari dendan izango baina, honezkero, www.ikea.es webgunean, 2009ko euskerazko katalogoa kontsultau daiteke.

Danetara, altzariak saltzen dituan denda suediarrak 2009ko katalogoaren 198 miloe ale argitaratuko ditu mundu osoko 36 herrialdetan eta 27 hizkuntzatan.

Gaitzerdi, Ganso eta Katu Beltza konpainiek parte hartuko dabe Tarregako Kaleko Antzerki Azokan

Gaitzerdik Otsoko aurkeztuko dau, Txanogorritxo eta otsoaren antzezpen berezi bat. Ganso konpainiak Renato eroango dau Tarregara, pailazoen mundura hurreratzen dan lana. Azkenik, Katu Beltz konpainiak Gris Mate lan absurdua aurkeztuko dau. Azokea irailaren 11tik 14ra bitartean izango da.

iPhone 3G: izarren artean distiratsuena, oraingoz

Apple-len hirugarren belanauldiko (3th Generation, 3G) eskuko telefonoa inoiz salgai jarritako arrakastatsuenetarikoa da duda barik.

Bartzelona euskal diasporearen topagune

Irailaren 5etik aurrera euskal diasporea Bartzelonan batuko da, bertan Euskaldunak Europan Topaketak eta Munduko Euskal Gizataldeen XXXI. Mus Txapelketea ospatuko baita. Hamairu herrialde desbardinetatik etorriko diran 120 euskaldunetik gora topauko dira bertan.