Aktualitatea

Hesian bueltan da

Urte barriagaz batera, Hesian taldea albiste barriakaz dator: batetik, denporaldi barria zabaltzeko kontzertuz beteriko agenda bategaz datoz, eta bestetik, 2010 urteko azken egunetan grabautako Bihotzetik mundura kanta barriagaz eta honen making off-aren bideoagaz.

Bilbotar gazteek eskuragai daukie 2011ko 'Kultura 18' txartela

Bilboko Udaleko Kultura eta Hezkuntza Sailak gazteak antzerkia, jantzea, operea, musika sinfonikoa edo jazza lako arte adierazpenetara hurreratzeko ekimena jarri dau martxan beste urte batez. Bere izenak dinoan legez, 2011n 18 urte beteten dituen gazteei zuzendutako 'Kultura 18' txartela da. Aurtengo kanpainan, igaz erabilitako Ikuskizuna hastera doa goiburuari eutsiko jako.

OLBEren 'Jostailuen kutxa' obreak emongo deutso hasierea Arriaga Antzokiko 2011ko egitarauari

Umeei zuzendutako ikuskizunak hasierea emon deutso 2011ri Bilboko Arriaga Antzokian: Jostailuen kutxa obrea, OLBEren eskutik jatorkuna eta aktore eta txontxongiloak protagonista dituana. Etcétera izeneko konpainiak produziduta, egurrezko soldaduren, trapuzko panpinaren eta Polichinelaren arteko amodiozko istorioa dau berbagai antzezlanak. Urtarrilaren 3tik 5era bitartean izango da ikusgai.

Sustraiak-Erroak Pariseko alkarteak jaso dau 2010eko ENE saria

Sustraiak-Erroak elkartea 1981ean sortu eben euskerea eta euskal kulturea sustatzeko, eta Pariseko Eskual Etxean dago haren egoitzea. Jarduera katalogo zabala dauka kideen lan boluntarioari esker eta euskaltasuna uriaren bizitzan txertatzeko ikuspegi zabaletik abiatzen da.

Non dagoz erretzaileen eskubideak?

Guggenheim Bilbao Museoak 956.417 bisitari izan zituan 2010. urtean

Guggenheim Bilbao Museoa buru da Europan kultura-erakundeen artean autofinantzaketa mailari jagokonez: 2010ean % 67koa izan zan, hau da, gastau ziran 3 eurotik 2 Museoak berak sortu zituan.

'Zigortzaileak' abenturazko filma urtarrilaren 5ean ailegauko da EAEko zinema-aretoetara

Iruñean estreinaldia aurreratu egin da eta honezkero bertako aretoetan dago ikusgai, filmaren arduradunek jakinarazo dabenez. Euskeraz egina, umeak protagonistak dirala Euskal Herrian egin dan lehenengo pelikulea da. Jose Maria Larak eta Alokatuk etxeak produzidu dabe Arantza Ibarrak idatzitako filma, eta zuzendari lanetan Ibarra bera ibili da.

Badator 'No controles' Borja Cobeagaren bigarren film luzea

Unax Ugalde protagonista dauen erritmo biziko komedia erromantiko eta barregarri honek, George Cukor-en Historias de Filadelfia eta Marianico el Cortoren umorea nahasten dau, zuzendariaren esanetan.

Bene-benetakoa

Ez dakit bideo-emonaldi horrek guztiorrek zeozertarako balioko eusteen, baina bertso-saioetan kamarek enfoketan eben publikoa ezaguna egin jatan azkenerako. Jente guztiaren artean, lehenengotan, ilusino handia egiten eustan niretzako ezaguna zan bikote bat ikusteak. Andra-gizonak, Zeanurikoak biak...

Aurtengo erantzun bikainaren ostean, Cinegourland udaberrian bueltauko da Getxora

Ohiko esparruko zein Interneteko 110tik gora hedabidek, eguneko batez besteko entzule kopurua 37 miloetik gora lagunena dabela, emon eben pasa dan urriko IV. Cinegourland Zine eta Gastronomiaren Jaialdiaren barri.

Jaurlaritzeak eta Eudelek 2010-2011 ikasturterako udal euskaltegien finantzazino-akordioa sinatu dabe

Akordioaren helburu nagusia da udal euskaltegi bakotxean dagoan euskerazko eskolen 'eskari errealari' erantzuten saiatzea. Horrek dakar, alde batetik, aldez aurretik neurririk ez jartea udal euskaltegi bakotxaren finantzazinorako, eta bestetik, finantzazino publikoaren eraginkortasuna bermatzea, euskaltegi bakotxeko giza baliabideak eskari errealera egokitzeko ahalegina eginez.

Fitok Madrilen emongo dau urteko azken kontzertua

Fito Cabrales musikari eta abeslari bilbotarra buru dauen Fito y Fitipaldis taldeak bihar amaituko dau Antes de que cuente diez izeneko diskoa aurkezteko azken hileotan egin dauen birea, Madrilen emongo dauen kontzertuagaz.

Olentzeroren inguruko musikala Donostiako Kursaalera ailegauko da

Olentzero & Co! euskerazko musikala Donostiako Kursaaleko Auditoriumera ailegauko da bihar, abenduak 30, arratsaldeko 17:00etan. Lehenengo euskal musikal handia ikusteko sarrerak 9 eta 12 euroan dagoz salgai.

'El Mago de Oz' musikalagaz hasiko dau urtea BBK Aretoak

Umeei zuzendutako El Mago de Oz musikalagaz hasiko dau urtea Bilboko Kale Nagusian dagoan BBK Aretoak. Ikuskizunaren lehen saioek izan daben arrakastea ikusita, urtarrilaren 3an ikuslego osoari zabaldutako bi saio egingo dira.

Zuzenbide Kanonikoaren Kodea euskeraz kaleratu dau Idatz argitaletxeak

Kode hori 1983an atara eban, latinez, Joan Pablo II.ak, Vatikanoko II. Kontzilio Ekumenikoaren ildoari jarraituz. Berehala emon ziran argitara hainbat hizkuntzetako bertsinoak, baina orain arte ez egoan euskerazkorik. Zuzenean latinetik euskeratu dau Sebastian Uria Donostiako Eleizbarrutiko Bikario Judizialak.

Beharginak estutu eta estutu, argia eta gasa gora, beste konponbiderik ez ete dago krisi boladatik urtetako!!!