Getxoko Udalak I. Laburmetrai Lehiaketea abiatu dau aniztasunaren alde eta arrazakeriaren kontra zinemaren bitartez aurrera egiteko asmoz

| Ikusi handiago | Argazki originala

Aniztasunaren aldeko eta arrazakeriaren kontrako gizartean pausu gehiago emotea da Zubiak, Aniztasunaren aldeko eta Arrazakeriaren kontrako Laburmetrai Lehiaketearen helburua, Getxoko Udalak antolatutako sentsibilizazino ekimen barria. Laburmetrai Lehiaketea martxan jartea erabagi dogu eta kultur aniztasunari balioa emotea eta arrazakeriaren adierazpenak salatzea da helburua, eta baita herritarrentzako hausnarketarako gunea zinemaren bitartez eskaintzea be, azaldu dau Elena Coria, Gizarte Zerbitzuetako zinegotziak. Horregaitik, kulturartekotasunari buruzko film laburren hautaketea eskainiko jake herritarrei, horreek normalean ibilbide komertzialean ezin diralako ikusi. Inguruan aitzindaria dan ekimena aurrera eroateko Madrileko arrazakeriaren kontrako metraje laburreko filmeen Jaialdia hartu dau kontuan Udalak.

Zubiak lehiaketea antolatu dogu zubia gurutzatu eta tolerantziaren eta aniztasunaren aldeko eta egoera diskriminatzaileen salaketa esparruetara jo nahi dogulako, Getxon gizarte plurala dogulako, etenbarik eraldatzen dagoana eta berton kultura desbardinak batera bizi dira, herritarren balore onenakaz, begirunetik bardintasuneko zubiak eregiteko gehitu dau Elena Coriak.

Film laburretako gaiak kultur, erlijino edo gizarteko aniztasunari lotutakoak izan beharko dira eta kulturarteko proposamenak euki beharko ditue kontuan, eta horreetan bai emakumezkoak bai gizonezkoak, eta edozein tokitako jentea sartu ahal izango dira, salaketa ikuspegiak ahaztu barik. Film laburren gehienezko iraupena 20 minutukoa izan beharko da eta DVD euskarrian entregau beharko dira. Gazteleraz edo euskeraz eginda ez badagoz, horreetariko azpitituluak euki beharko ditue. Epaimahaian, besteak beste, Zuria Arzua, SOS Arrazakeriakoa, Borja Crespo, zinema zuzendaria eta komiki sortzaile getxotarra; Manu Gómez, Zineklubeko ordezkaria eta Rosabel Argote, Californiako Unibersidadeko literatura eta zine espainiarreko doktorea eta CEAR Euskadi alkarteko teknikaria izango dira. Epaimahaiaren erabagia datorren urteko martian, Arrazakeriari amaierea emoteko Nazinoarteko Egunaren ospakizunagaz batera jakingo dogu.

Hautatuko materialak bi saiotan proiektauko dira eta hirugarren batean (martiaren 30ean, Andres Isasi Musika Eskolan) film labur irabazleak ikusteko aukerea izango da. Proiektau ondoren, sariak banatuko dira. Hiru sari dagoz, 400, 300 eta 200 eurokoak eta aitamen berezia eukiko dau publikoak aukeratzen dauen film labur onenak. Lanak aurkezteko epea 2012ko urtarrilaren 20tik zezeilaren 24ra bitartean egongo da zabalik. Parte hartzeko oinarriak urtarrilaren 15ean argitaratuko dira www.zubiak.getxo.net helbidean.

Bestalde, Zuria Arzuak, SOS Arrazakeria taldeko ordezkariak Udala zoriondu egin dau Jaialdia antolatzeagaitik eta gehitu dau bere erakundeak ilusino handiz hartu duela ekimena, adierazpen artistikoak oso tresna garrantzitsuak diralako errealidadea beste ikuspegi batetik ikusi ahal izateko, kultur sormena jarduera eraldatzailea be izan daitekeelako; film laburrak oso baliabide indartsua izan daitekez oso denpora laburrean aurreikusitako errealidadeak hurreratu ez eze aldatu be egin leikiezalako. Aldi berean, gizartean dagozan jarrera xenofobo askoren oinarria diran aurreretxiak hankaz gora jarri leikiez.

Azkenik, Borja Crespo, zinema zuzendariak ekimenean parte hartu ahal izateagaitik poza adierazo eta ondokoa gehitu dau: film laburren formatua oso egokia da jentea sentsibilizetako eta ideiak bialtzeko, gaur egun jente askorengana heltzen diralako, batez be, gazteakana, bideo laburrak ikusten oso ohituta dagozalako. Gaur egun gai sozialak dituen gero eta film labur gehiago dagoz.