Aktualitatea

Urdaibaiko Biosfera Erreserbearen gaineko erakusketa ibiltaria Portugaletera heldu da

'Urdaibai Bizigai - Urdaibai Fuente de Vida' erakusketea ikusgai dago honezkero Portugaleteko (Bizkaia) Santa Clara Kulturuneko Erakusgela Nagusian, eta han izango da zemendiaren 16ra arte. Erakusgelako ordutegia 11:00etatik 13:30etara eta 17:00etatik 21:00etara izango da.

Zientziastea'09 Bilbon zemendiaren 11tik 15era bitartean

Zientziastea'09 Euskadin zientzia, teknologia eta barrikuntzea ezagutarazoteko antolatzen dan gizarte-jarduerea da. Zeregin horreetan dabilzan euskal erakundeek parte-hartze zuzena dabe dibulgazino eta zabalpen alorreko ekintzez beteta dagoan programa ezin zabalagoan.

‘KenZazpi Urte Zuzenean’ CD-DVDa kaleratuko dau Ken Zazpik

Pasa dan urtarrilaren 3an, Donostiako Victoria Eugenia antzokian zuzenean grabautako CD eta DVD dokumentalak osotzen dabe Ken Zazpi taldearen disko barria izango dana. Aurkezpena zemendiaren 11n izango da.

'Elhuyar zientzia eta teknologiaren hiztegi entziklopedikoa', euskeraz argitaratutako era horretarako lehenengoa

Danetara, 23.000 kontzeptu batzen ditu, definizinoakaz eta jagokezan erdal terminoakaz (ingelesezkoak, gaztelaniazkoak eta frantsesezkoak); erderea-euskerea termino-zerrendak eskaintzen ditu: ingelesa-euskerea, gaztelania-euskerea eta frantsesa-euskerea; 607 artikulu entziklopediko ditu, eta 1.500 irudi. CD-ROM euskarria banatzen da liburuagaz batera.

Antxinako liburuak eta liburu merkeak erosteko aukerea Bilbon

Bihar hasi eta zemendiaren 15era bitartean, ehun urte baino gehiagoko liburuak edota merkadutik kanpo geratutako liburuak prezio merkean erosteko aukerea izango da Bilboko Arenalean, Bilboko XXXI. Liburu Zahar eta Aukerakoen Azokeari esker. Danetara, 53 stand egongo dira.

Angela Figuera bilbotarraren olerkien irakurketea Bilbon haren jaiotzearen urteurrena gogoratzeko

Angela Figuera Eguna Bidebarrieta Kulturgunean egingo da, udal liburutegiaren barruan ezagutzari eskaintzen jakon esparruan, kultura eta zientzia sustatu eta garatzea helburu dauena. 'Las voces de Angela Figuera Aymerich' ekimena hilaren 30ean, izango da Bidebarrietako ekitaldien aretoan, 19:30etatik aurrera eta doban. Musikeagaz lagundutako errezitaldi poetikoa izango da.

A gripearen eraso gogorrenetakoa ei dogu egunotan. Zuhur ibili

Bertsolaritzea ikasgelan: 14.450 umek eta gaztek bertsolaritzea landuko dabe ikastetxean

Alkartearen esanetan, urtez urte ikastetxeen eskaria hazten doa. Aurten, igaz baino 1.900 ikasle gehiagok parte hartuko dabe proiektuan. Barrikuntzarik be badago: Txapelketa Nagusiari jarraipena egingo deutse ikasgelan, sekuentzia didaktikoen bidez.

Dantzaroa, Durangaldeko jantzen agerraldia

'Durangon, urriaren 31an, 'Dantzaroa...' izeneko Durango folkloreko agerraldiagaz, gure asmoa, jente askok ezagutzen ez dituen jantza horreek plazaratzea eta ezagutzera emotea da. Bertan parte hartuko dabe Durangaldeko herri desbardinetako jantza taldeek'.

Donostiako Fantasiazko eta Beldurrezko Zinemaren XX. Asteak leku garrantzitsua emongo deutse euskerazko emonaldiei

Donostiako Fantasiazko eta Beldurrezko Zinemaren Asteak, aurten urriaren 31tik zemendiaren 6ra, euskeraz eskainiko dau programazinoaren zati bat bere 20. edizinoan, bai bertsino bikoiztuetan (haur-zinema), bai eta jatorrizko bertsinoetan azpitituluak euskeraz jarriz be, jaialdiaren antolatzaileek azaldu dabenez.

Bilboko Artelan Berreginen Museoaren 'Artelana bere testuinguruan' berbaldi-zikloa hastear dago

Bilboko Artelan Berreginen Museoak bere bildumako pieza nagusiak sakonago ezagutzera bideratutako 'Artelana bere testuinguruan' berbaldi zikloko denporaldi barria hasiko dau bihar, urriak 29, eta Hammurabiren Kodea eskulturea izango da lehenengo saioko protagonistea. Egitarauaren helburua ikusleak artera hurreratzea da, eskulturak aztertzen dituen eta aztertutako artelan horreek museoan dagozan ganerakoakaz lotzen dituen bisiten bitartez.

Artezblaik Carles Battleren ‘Bartzelona ahaztu’ 2008ko Premi Born sariaren irabazlea argitaratu dau

Artezblai argitaletxeak, Antzerki Testu bildumearen barruan, Carles Batlleren ‘Olvidar Barcelona’ euskeraz argitaratu dau, Menorcako Cercle Artistik-ek antolatzen dauen Premi Born sariaren igazko irabazlea. Iñaki Ziarrustak egin dau ‘Bartzelona ahaztu’ lanaren itzulpena.

Euskal Herriari buruzko liburu bat plazan, Zekine Türkeri kazetari kurduaren eskutik

Ez da arrunta Euskal Herriari buruz liburu bat argitaratzea Turkian, baina orain gitxi horreetako bat eskuratu dau Euskaltzaindiaren Azkue Bibliotekak. 'Bask meselesi: bir tarih, bir otonomi, bir sorum (Euskal auzia: herri bat, autonomia bat, historia bat) liburuaren egilea Zekine Türkeri kazetari kurdua da

Xabier Letek jaso dau Euskadi Literatura saria

Letek Egunsentiaren esku izoztuak (Pamiela) lanagaz irabazi dau saria, euskerazko literatura modalidadean. Lanaren klasikotasuna, ahotsaren sendotasuna eta aberastasun diskursiboa goraipatu ditu epaimahaiak.