Menchu Galen ibilbide osoko lanak ikusgai, Bizkaia Aretoan
2012-12-14 14:42 KultureaMenchu Galen lanera eta bizitzara hurreratzeko aukera parebakoa da Menchu Gal: Kolorearen indarra erakusketea. Bodegoi, paisaia eta itsasgune kubistekaz batera, artista irundarraren ganeko dokumentala eta argazkiak batu ditue Bilboko Bizkaia Aretoan.
Menchu Galen lanera eta bizitzara hurreratzeko aukera parebakoa da Menchu Gal: Kolorearen indarra erakusketea. Bodegoi, paisaia eta itsasgune kubistekaz batera, artista irundarraren ganeko dokumentala eta argazkiak batu ditue Bilboko Bizkaia Aretoan.
Margolari gipuzkoarraren 167 koadro dagoz ikusgai erakusketaj, lau ataletan banatuta: Bodegoi kubistak, Paisaia kubistak, Paisaia espresionistak eta Itsas-ikuspegi espresionistak. Galen lanaren antologia osotu dau Rafael Sierra erakusketako komisarioak. Carmelo Garitaonaindia EHUko Bizkaiko Campuseko errektoreordearen esanetan, artista irundarraren lana eta bizitzea ezagutzeko erakusketa berezia da.
Menchu Gal: Kolorearen indarra erakusketak osogarri ditu Emakumezkoa gizonezkoen artean dokumentala, Menchu Gal: espiritu askea katalogoa eta Menchu Gal: Paris eta Madrilgo pintore-eskolen harian berbaldia eta mahai-ingurua. Bizkaia Aretoko lehenengo solairuko gela guztiak hartzen ditu erakusketeak.
Esfortzu askoren emoitzea da erakusketea, Joxe Joan Gonzalez de Txabarri Menchu Gal Fundazinoaren idazkari nagusiaren arabera. Izan be, ekimenak hainbat eragile izan ditu, EHu, Menchu Gal Fundazinoa, Kutxabank, Irungo Udala, Euskaltel, Bizkaiko Foru Aldundia eta Bilboko Udala.
Menchu Gal: Kolorearen indarra erakusketea zezeilaren 28ra arte egongo da zabalik: astelehenetik zapatura 10:00etatik 14:00etara, eta 16:00etatik 20:00etara; domeketan, barriz, goizez bakarrik.
Menchu Gal, emakumezkoa gizonezkoen artean
Menchu Gal (1919-2008) Irunen jaio zan, familia errepublikazalean. Txikitatik iozan eban margozteko trebetasuna. Gaspar Montes Iturriozen aholkuz, 13 urte besterik ez eukala, Parisera joan zan Amédée Ozenfanten akademian ikastera. Margolari purista zorrotza zan Ozenfant, hiru kolore bakarrik erabil ahal zituen bere ikasleek. Galek, barriz, kolorea gurago eban. Parisen ezagutu zituan faubismoa eta espresionismoa. 1934an, Madrilen San Fernando Arte Ederretako Eskolan matrikulau zan. Han ezagutu eban Aurelio Arteta.
1936an, Espainiako Gerra Zibila hasi zanean, Gal-Orendain familia Atharratzen hartu eban babesa. Madrilera bueltau zan, Madrilgo eskola izenekoan batzen ziran hainbat artista ezagutu zituan, eta euren lankide izan zan: Benjamín Palencia, Pancho Cossío, Rafael Zabaleta, Juan Manuel Díez-Caneja… Bera zan, hainbeste gizonezkoren artean, emakume margolari bakarra.
1950ean, banakako erakusketa bat aurkeztu eban Madrilgo Arte Modernoko Museo Nazionalean eta haren obra Veneziako Bienaleko Espainiako pabilioian egon zan ikusgai. 1959an, Espainiako Pintura saria irabazi eban Un paisaje de Arrayoz lanagaitik. Sari hori irabazi eban lehen emakumezkoa izan zan. Hamarkada horretan izan eban arrakastarik handiena.
Bere bizitzako azkenengo bost urteak Irunen emon zituan. Kkeinu espontaneoak eta Matisseren pastel koloreak berreskuratu zituan sasoi horretan.
Ikusi argazki guztiak handiago
Erantzun
Erantzuteko, izena emanda egon behar duzu. Sartu komunitatera!