Aktualitatea

Bizkaiko itsasbazterrak ardatz Bizkaie!-ren argazki lehiaketan

Argazkiak bialtzeko epea abenduaren 2an, domekan, amaituko da eta honakoak dira bideak: bizkaie@bizkaie.biz helbidera bialdu edota Facebook-eko Bizkaie!-ren horman txertatu.

'Kolore&hitz' lemapean, datorren domekan Zizurren dogu hitzordua Nafarroa Oinezegaz

Nafarroako Ikastolen Alkarteko zuzendari Pello Mariñelarenak ikastolen jaian parte hartzera deitu ditu herritarrak; 32. aldia izango da aurtengoa; danera, 200 kilometro inguru egin doguz. Ikastolen jaiaren erronka garbia dala erantsi dau Mariñelarenak: euskerea Nafarroa osoan ofizial izatea, eta irakaskuntzan sendotzea, batez be unibersidadean, hor egiten dauelako huts.

Iban Zalduak literaturea dau ardatz 'Idazten ari dela idazten duen idazlea' liburu barrian

Iban Zaldua idazle donostiarrak 21 ipuin batu ditu Idazten ari dela idazten duen idazlea lanean. Literaturearen mundua dabe ardatz narrazinoek, idazleak, itzultzaileak, irakasleak, dendak, irakurleak, irakurle-klubak, sariketak eta kritikariak.

Lekeitioko emakumeek historian egindako ekarpenak ezagutarazoteko beka deialdia egin dabe

Lekeitioko emakumeek historian egindako ekarpenak plazaratzeko beka deialdia egin barri dau Lekeitioko Udalak. Bekea 4.000 eurokoa da, eta gehienez be 6 hileko iraupena izango dau. Izena emoteko azkenengo eguna zemendiaren 16a da.

Uren Ahotsak Nazioarteko Jaialdiaren egoitza izango da Bilbo

Urriaren 17tik 21era bitartean, aurten, Bilbon izango da Uren Ahotsak zine dokumentalaren nazinoarteko jaialdiaren egoitza. Urari buruzko ikus-entzunezkoen eta dokumentalen jaialdi hori lehenengoz ospatuko da Europan.

Banden Lehiaren laugarren edizinoa martxan da

Banden Lehia musika txapelketearen laugarren edizinoa martxan da. Namek Planet igazko talde irabazleak Bilbao BBK Liven jo eban, eta aurtengo banda onenak be aukerea eukiko dau.

Bergarako Idazle Eskoleak hamar urte bete barri ditu

Bergarako Idazle Eskolako graduondokoak makina bat jarduera antolatu ditu 10. urteurrena ospatzeko. Lehenengo ekimena zemendiaren 10ean egingo dabe, Idazleak Irakurle mintegietako hasierako saio izango da.

Alain Urrutia bilbotarrak 'II. kapitulua; Distopia' aurkeztu dau Guggenheim museoan

Alain Urrutia artista bilbotarrak II. kapitulua; Distopia (Chapter II; Dystopia) lana aurkeztu dau Bilboko Guggenheim museoan. Guggenheim Bilbao Horma lehiaketan aukeratutako laugarren piezea da. Zemendiaren 11ra arte egongo da ikusgai, 103B aretoko horman.

Enkarterri Erdi Aroaren amaieran zelakoa zan ezagutzeko bisita gidatua antolatu dabe

Datorren zapatuan, hilaren 20an, izango da jardunaldia, eta izena emon daben bisitariek Urrestietatik eta ondoan dagoan Urrutia torretik abiatuko dira orain dala 500 urteko Bizkaiagaz lehenengo hartu-emonak izateko.

Prestige itsasontziak bazterrak kakaztu zituanetik 10 urte beteko dira laster. 7-8 bat hileko iraupena izango dauen epaiketea, barriz, gaur hasiko da. Nunca máis!!!

'10 book from the Basque Country' argitalpena aurkeztu dabe Frankfurteko Liburu Azokan

Etxepare Euskal Institutuak 10 book from the Basque Country izeneko katalogoa aurkeztu dau amaitu barri dan Frankfurteko Liburu Azokan. Argitalpenean hamar euskal idazle eta euren liburu banaren lagina jaso ditue.

The Rolling Stones taldeak lau kontzertu emongo ditu aurten bere 50. urteurrena ospatzeko

50. urteurrena ospatzeko asmoz, The Rolling Stones taldeak bina kontzertu eskainiko ditu urte honetan Londresen eta New Yorketik hur. Lehenengo bi emonaldiak Londreseko O2 Arenan izango dira, zemendiaren 25ean eta 29an, eta beste biak Newarkeko Prudential Centeren, abenduaren 13an eta 15ean, taldeak iragarri dauenez.

Martxan da Elhuyar Fundazinoaren Teknoskopioa, Euskal Herriko proiektu-lehiaketea

Teknoskopioaren helburua da gazteak ikerketan eta ikertzaileen jardueran buru-belarri sartzea, eta ikerketa edo proiektu teknologiko bat antolarazotea. Beraz, proiektu baten prozesu osoan hartuko dabe parte gazteek: ideia sortu, proiektua garatu eta proiektuak jentaurrean aurkeztu.

Euskal HerrikoTrikitixa Eguna Bergaran, urriaren 27an

Bergaran egingo dabe aurtengo Euskal Herriko Trikitixa Eguna Bergaran, urriaren 27an. Egitaraua 11:00etan hasiko da, kalejiran. Euskal Herriko Trikitixa Alkarte antolatzaileak trikitilari eta zale ugari batzea espero dau.

Euskadiko Orkestra Sinfonikoak beste arteei eskeiniko deutse aste honetako egitaraua

Abonu denporaldiko bigarren kontzertuaren egitarauan, musikea ez eze, pintureari be lekua egingo deutsie. Esate baterako, eguaztenean Bilboko Euskalduna Jauregian izango dan emonaldian, Ignacio Diaz Olano margolari arabarraren Sonata koadroa ikusi ahal izango da, Bilboko Arte Eder Museoagaz egin daben akordioari esker.

Zinexit Bilbon urriaren 16tik 19ra

Aurreko edizinoek lez, zinema-erakusketeak gizarte-pedagogiako proposamena dakar zinemagintzako artearen bitartez. Helburua da ikus-entzuleei giza eskubideakaz eta alkarbizitza demokratikoagaz zerikusia daben hainbat gairi buruz galdetzea, eta eztabaidagune bat sortzea.