Gorbeia Suzien mendi lasterketa eta martxeak bide zaharrak berreskuratuko ditu
2012-10-04 15:52
Gorbeia Suzien Eguzkilore Sari Nagusia mendi lasterketa eta martxea aurkeztu ditue Bilbon. Lasterketea Euskal Kopearen azkenengo probea izango da, eta daborduko korrikalari ezagunek emon dabe izena. Hitzordua urriaren 13an izango da, goizean goizetik.
Jose Ramon de la Ricak marraztutako 23 barku Bilboko Itsas Museoan dagoz ikusgai
2012-10-04 15:41 Kulturea
Euskal Herriko Itsas Ardularitza Eskoleak, bere 30. urteurrena ospatzeko eratu dau erakusketea. Bertoko eta Europa osoko ontzioletan egindako itsasontzien pinturak batu ditue, euskal ontzi-konpainiek erabilitakoak. Jose Ramon de la Rica bilbotarrak (1919-2011) marraztu ditu barku guztiak.
Susana Talayeroren 'Si vola' bideoa ikusgai Bilboko Berreginen Museoan
2012-10-04 14:15 Kulturea
Si vola bideoa, memoria barriro aktibetearen inguruko proiektuaren hasierea da, eta 2011ko abenduan Erroman egindako zenbait grabazinok osotzen dabe. Filmeko mikro-kontakizunak bisitearen ideiaren inguruan egituratzen dira, eta urte luzez egileagaz lotura personala izan daben uriko personakaz izandako topaketak jasoten ditue, besteak beste, Silvano Agosti zinemagileagaz eta Esther Flückiger konpositoreagaz.
EHUko Zientzia Planetarioen Taldeak eta IDOMek diseinautako kamera astronomiko batek Jupiter eta Saturnoren lehen irudiak jaso ditu
2012-10-04 11:34
Sánchez Lavega irakasleak adierazo dauenez, lehen emoitzak oso oparoak dira eta kamereak irudi ederrak atara leikezala ikusi dogu, aurrerantzean, atmosfera prozesu desbardinak aztertzeko balio izango dituenak eta fenomeno arinen jarraipena egiteko, adibidez, meteorito, asteroide, kometa eta gai desbardinen arteko talkak, batez be Jupiterren.
Rekalde-Ortzadar komiki lehiaketako lanen erakusketea zabaldu dabe
2012-10-04 11:29 kulturbiz
Rekalde-Ortzadar komiki lehiaketako bigarren edizinoko erakusketea aurkeztu barri dabe Bilboko Rekalde aretoan. Aurtengo sariketako beharrik aitagarrienak batu ditue, besteak beste, Asier Martínez de la Pera irabazlearenak, eta ohorezko saridun Jon Zabaletarenak.
Bilblogari euskerazko blogen lehiaketan parte hartzeko epea edegi dabe
2012-10-04 10:43
Nontzeberri kultur atariak Bilblogari euskerazko blogen lehiaketearen aurtengo edizinoa martxan ipini barri dau. Ekimenaren helburua gazteen euskerearen erabilerea Interneten eta euskarri digitaletan indartzea, eta ez galtzea da.
Traspasos, Gaitzerdi eta Hortzmuga konpainiak alkartu egin dira indarkeriaren kontra eta giza eskubideen alde
2012-10-03 18:44 Kulturea
Proiektuaren izenburua Eta bihar… zer? da eta Bilbon eskainiko dabe urriaren 26an eta 27an. Aitatzekoa da kontalari lana egingo daben lau gerra-erreportarien presentzia: Hernán Zin, Jon Sistiaga, Mikel Ayestaran eta Mayte Carrasco.
Euskeratik euskerarako hiztegia aurkeztu dau Euskaltzaindiak, adibideduna
2012-10-03 15:44 Euskerea berbagai
Hiztegi Batuaren korpusean oinarrituta, 20.000 berba batu ditue Euskaltzaindiaren Hiztegia. Adierak eta adibideak lanean. Ibon Sarasolak gidatutako taldeak euki dau proiektuaren ardurea eta, azkenean, urte luzeetako helburua izan dan hiztegiak argia ikusi dau, euskerearen munduan erreferentzia izateko asmoz.
Hemen da Bizkaiko Bertsolari Txapelketea
2012-10-03 15:20 Bertsolaritzea
Domekan, hilaren 7an, hasiko dau martxea Bizkaiko Bertsolari Txapelketeak, Berriatuan. Bost kanporaketa eta hiru finalaurre jokatuko ditue 38 bertsolari parte-hartzaileek. Finala Bilboko Miribillan izango da, abenduaren 15ean.
El Columpio Asesino, Soziedad Alkoholika, Sutagar eta Barricada, Zuzen-Zuzenean zirkuituan
2012-10-03 15:17 Musikea
IV. Zuzen-Zuzenean musika zirkuituan 50 kontzertu iragarri ditue urritik apirilera bitartean. Euskal Herriko hainbat aretotan egingo dira kontzertuak. Orain arte iragarritako taldeak ondokoak dira: Soziedad Alkoholika, Zea Mays, Su Ta Gar, Moby Dick, Childrain, Jon Robles, Pablo Marín Stet, Moog Indigo Trío, Sosegua eta Barricada.
Sormena, euskerea eta jantzak buztartzen dituan Sopel&Dub lehiaketea antolatu dabe Sopelan
2012-10-03 14:21 Barriak
Sopelako Udalak eta Euskera Zerbitzuak sormena, euskerea eta jantzak buztartzen dituan Sopel&Dub lehiaketea antolatu dabe. Lehiaketearen bidez, sopeloztarrek euren sormena lantzeko aukerea izango dabe, sari potoloak eskuratuz gainera.
Hiru hilabete eta hamar urte bitarteko umeentzako hezkuntza-egitaraua antolatu dau Guggenheim Bilbao Museoak
2012-10-03 11:58 jardunaldiak
Baby Art 3 eta 12 hilebeteko umeentzako jardueren bidez umeek koloreen gustoa, materialen soinua eta espazioaren testurea ezagutuko ditue. Gurasoek lagunduta, soinuaz, argiaz, koloreaz eta eskulanez esperimentauko dabe. Jolasaren bidez zentzumenak eta arteagazko interesa pizteko modu bat da. Baby Art domekatan izango da, urrian, zemendian eta abenduan.
Mina eta umorea Bertol Arrietaren 'Alter ero' ipuin liburuan
2012-10-03 11:30 Kulturea
Zortzi ipuinez osotu dau Bertol Arrietak Alter ero liburua. Eguneroko jazoerak izan ditu abiapuntu idazle zarauztarrak bere bigarren liburuan. Susa argitaletxeak kaleratu dau lana.
Donostiako Zinemaldiko film hautatuak Bilboko Alondigara datoz asteon
2012-10-02 15:45 Barriak
Gaur, martitzena, hasi eta domekara arte, zazpi film proiektauko ditue, Zinemaldiko Zabaltegi eta zuzendari barrien sailetatik aukeratutako piezak. Aitagarrienak, Pablo Berger bilbotarraren Blancanieves eta Fermin Muguruzaren Zuloak pelikulak dira. Izan be, horreek zuzendari biak proiekzinoan egongo dira, ikusleen galderei erantzuteko.
Nestor Basterretxeak sortu dau aurtengo Durangoko Azokearen kartela
2012-10-02 15:45 Kulturea
Aurtengo Durangoko Azokearen kartela aurkeztu dabe Durangoko San Agustin aretoan. Nestor Basterretxea artista ezagunak sortu dau irudia, enkarguz, prentsaurrekoan azaldu dabenez. Artistea bera eta Aiert Goenaga, Durangoko Azokako zuzendaria, izan dira kazetarien aurrean.
Bilboko Zirkuituak eguenean ekingo deutso auzoetan antolatzen dauen antzerki denporaldiari
2012-10-02 15:39 jardunaldiak
Bilboko Udaleko Kultura eta Hezkuntza Sailak antolatu dauen Bilboko Zirkuitua programeak udagoieneko denporaldiari eguenean, hilak 4, emongo deutso hasierea, bederatzi antzerki ikuskizunakaz, horreetako batzuk estreinaldiak.
Jasone Osorok nerabeentzako 'Ezekiel nora ezean' plazaratu dau
2012-10-02 14:59 Kulturea
Jasone Osoroidazle elgoibartarrak Ezekiel nora ezean nerabeei zuzendutako nobelea kaleratu barri dau. Elkar argitaletxearen Taupadak bilduman argitaratu dabe. Personaia beraren bigarren lana dau egileak.
Santurtziko Nazinoarteko XXXIII. Antzerki Jaialdia urriaren 19tik zemendiaren 25era izango da
2012-10-02 14:09 Kulturea
Santurtziko Nazinoarteko Antzerki Jaialdiak eszena-ikuskizun anitza eskainiko deusku, besteak beste, komedia, thrillerra, antzerki soziala, jantza-antzerkia, musika-antzerkia, operea, jantza garaikidea eta abar, Bizkaiko Antzerki Jaialdirik zaharrena dan honen ezaugarrietako bat publiko mota guztien gogoko lanak eskaintzea da eta.
Euskal musikeak BECeko plaza erraldoia beteko dau zemendiaren 10ean
2012-10-02 13:40 Musikea
Zea Mays, Zuloak, Berri Txarrak, Esne Beltza eta Willis Drummond taldeek osotuko dabe Becatu jaialdiaren kartela zemendiaren 10ean. 14.000 lagunentzako lekua izango da BECen. Sarrerak salgai dagoz.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...