Isabel Allendek irabazi dau Hans Christian Andersen literatura saria
2011-06-29 17:48 sariak-autortzak
Isabel Allende (Lima, Peru, 1942ko abuztuaren 2an) idazle txiletarrari emon deutsie Hans Christian Andersen literatura saria. Holan erabagi dau idazle danimarkarraren izena dauen fundazinoak. Sari hau Andersenen obreagaz zeozelan lotutako idazleen lana autortzeko emoten da eta nazinoarte mailako errekonozimenduaz gan, 500.000 koroa danimarkar (66.500 euro) jasoko ditu Allendek.
'Valeria descalza' filma estreinau dau Ernesto del Ríok
2011-06-29 15:50 Barriak
Valeria descalza pelikulea estreinau eban Ernesto del Riok pasa dan barikuan. Gabriela Griffith, Aitor Mazo, Maiken Beitia, Ruben Breña eta Giselda Calero aktoreek parte hartu dabe filman. Gidoia Luis Eguiraun y Xenia Riveryk idatzi dabe. Sendeja Films / Icaic-en produkzinoa da, eta Euskal Telebistaren partaidetzea eta Eusko Jaurlaritzearen laguntzinoa euki ditu.
'Getxoberpiztu!' proiektua da Wanted 2011 Ideia Lehiaketearen irabazlea
2011-06-29 15:11
Getxoberpiztu!, Ane Abarrategi Zaitegi, Ion Etxabe Gutierrez eta Lur Moragues Saituak bultzaturiko proiektuak irabazi dau hirugarren Wanted ideia lehiaketea. Getxoko Udaleko Gazteria Zerbitzuak bultzatutako lehiaketea da, 18 eta 30 urte arteko gazteen egitasmoak sustatzeko asmoz.
Gerra Zibila eta memoria historikoa literaturan aztertuko ditue garagarrilaren 13an, Donostian
2011-06-29 14:26 jardunaldiak
Gerra Zibila eta memoria historikoa Iberiar Penintsulako literaturan mintegia aurkeztu dabe Eusko Ikaskuntzak eta Etxepare Euskal Institutuak. Alkarlanean atondu dabe ikastaroa, eta garagarrilaren 13an egingo da, Donostiako Bakearen Giza Eskubideen Etxean.
Bilboko Udalak 'Udako Liburutegiak' ekimena jarriko dau martxan Txurdinagako eta Fangoko ugerlekuetan
2011-06-29 13:05 kulturbiz
Bilboko Udal Liburutegi Sareak Udako Liburutegiak programearen hamaikagarren edizinoa jarriko dau martxan datorren barikuan, garagarrilaren 1ean, Txurdinagako eta Fangoko ugerlekuetan. Ekimen horren bitartez, liburuak eta aldizkariak jarriko dira guztien esku, eta irakurketea sustatzeko jarduerak egongo dira umeei zuzenduta.
Donostia, 2016ko Europako Kultur Uriburu
2011-06-29 12:28 kulturbiz
Donostia Europako Kultur Uriburua izango da 2016an. Atzo arrastian emon eban barria Aukeraketa Batzordeko zuzendari Manfred Gaulhoferrek, Madrilen. Beste bost hautagai izan dira: Burgos, Kordoba, Segovia, Las Palmas eta Zaragoza. Donostiak Poloniako Wroclaw uriagaz banatuko dau hautagaitzea.
Javier González de Durana Getariako Cristobal Balenciaga Museoko zuzendari izentau dabe
2011-06-29 11:20 kulturbiz
Javier González de Duranak kargua onartu eta Cristóbal Balenciaga jostun-sortzaile bikainaren obrea, bai nazino mailan bai nazinoartean be, bizirik mantentzea eta sustatzea izango dituala helburu esan dau.
Mikel Markez kantaria disko barria grabetan dabil egunotan
2011-06-28 15:36 Musikea
Mikel Markez musikari errenteriarra disko barria atontzen dabil. Udagoienerako prest eukiko dauela jakinarazo dau, izan be hasi da grabazino saioak egiten Elkar estudioan.
Euskal literaturearen irakurzaletasunari buruzko jardunaldiak Bilbon bagilaren 30ean eta garagarrilaren 1ean
2011-06-28 15:01 jardunaldiak
Fito Rodriguez EHUko irakasleak koordinauta, hizlarien artean izango dira Ander Iturriotz, Iratxe Retolaza, Ur Apalategi, Arrate Egaña eta Patxi Salaberri.
Bilboko aire zabaleko aisialdi-ekipamenduen mapea aurkeztu dabe
2011-06-28 15:01
Bilboko aire zabaleko aisialdiaren mapea aurkeztu dau Obra eta Zerbitzuen Sailak; bertan, aisialdi-ekipamendu eta espazioak non dagozan jaso dabe. Aisialdia herritarrei hurreratzea dau helburu ekimenak, urrunera joan barik ondo pasetako nahi beste toki dagozala erakustea, hain zuzen be.
Kirmen Uribe Kolonbiara konbidau dabe
2011-06-28 14:21 jardunaldiak
Kirmen Uribe Euskal idazlea XXI. Medellingo Nazinoarteko Poesia Jaialdira konbidatua izan da. Aurtengo edizinoa garagarrilaren 2tik 10era izango da. Idazle ondarroarrak lau irakurraldi egingo ditu Medellinen bertan eta Bogotan munduko beste olerkari batzuekaz batera.
EHGAMen aurtengo Urrezko Hirukia, Txalaparta argitaletxearentzat
2011-06-28 13:23
Bagilaren 28a Sexu Askapenaren Aldeko Nazinoarteko Eguna dala-eta hainbat ekitaldi antolatu ditue Euskal Herriko LGTB (lesbiana, gay, transexual eta bisexual) alkarteek. Berbarako, EHGAMek Urrezko Hirukia eta Trapuzko Espartina sariak emongo ditu, eta gauean, urteroko afaria eta jaia egingo ditue Bilboko Kafe Antzokian.
Iban Ayestak hasi dau honezkero 'Vera' euskerazko filmaren grabazinoa
2011-06-27 18:27 Barriak
Iban Ayestak 2009ko irailean egindako landa-lan bat izango da film luzearen abiapuntua. Izan be, pare bat astez, bi artzainakaz batera ibili zan Errege Ardibidean barrena. Holan, bi mila buruko artalde bategaz abiatu ziran Erronkari aldeko bazkalekuetatik Errege Bardeara oinez joateko.
Milaka lagun izan dira Getxo Sea Weeken bigarren edizinoan
2011-06-27 18:17
Milaka lagun batu dira aurten Getxo Sea Week-GSW´11 bigarren ekimenaren inguruan, Udaleko arduradunek egindako balorazinoaren arabera. Bagilaren 20tik 26ra Getxoko Itsasoaren Asteak makina bat jarduera eskaini zituan, turismo, kultura eta kirolaren ingurukoak. Getxoko Udalak, Bizkaiko Foru Aldundiaren babesagaz, antolatutako dau ekitaldia.
Abian dira UEUko 39. Udako Ikastaroak Eibarren, 'Udako ikastaroak murgildu' lemapean
2011-06-27 12:29 jardunaldiak
Gaur hasi dira UEUko 39. udako ikastaroak Eibarko Markeskoa Jauregian, Udako ikastaroak murgildu lemapean. Bagilaren 27tik garagarrilaren 22ra bitartean, hogeita hamabost ikastaro eskainio ditue Eibarreko ikastetxe nagusian, Baionako IUT unibersidadean eta Iruñeako Jaso ikastolan.
XIX. Euskal Encounter party-informatiko erraldoiak barrikuntza nabarmenak dakarz
2011-06-27 11:37
XIX. Euskal Encounter, nazinoartean erreferentziazkoa dan partya garagarrilaren 22tik 25era egingo da Barakaldoko BECen eta 4.000 ordenagailu eta 6.000 bisitari baino gehiago alkartuko ditu 35.000 metro koadroko areto batean.
Jean-Baptiste 'Battittu' Coyos euskaltzain osoak sarrera-berbaldia egin eban zapatuan Maulen
2011-06-27 11:32 Euskerea berbagai
Jean-Baptiste Battittu Coyos euskaltzain osoak sarrera ekitaldia egin eban zapatuan, hilaren 25ean, Mauleko Maule Baitha zinema-aretoan. Igazko zemendiaren 26an izentau eban euskaltzain oso Euskaltzaindiak. Michel Etchebest alkateak ondo etorria emon eutsien bertan ziranei, eta ostean Andres Urrutia euskaltzainburuak egin eban berba, biek euskarearen ofizialtasuna aldarrikatu eben.
Toulouseko Funky Style Brass taldeak irabazi dau Amorebieta-Etxanoko VI. Haizetara Lehiaketea
2011-06-27 11:12 Musikea
Adituen epaimahaiaren erabagiz Toulouseko Funky Style Brass taldeak irabazi dau lehenengo saria; Garonne ibaiaren ertzean jaiotako bederatzi musikarik osotutako taldeak estilo propioa darabil: FSB. Funkya, dancea, barreak eta freestylea, dana sartzen da. Eta horretarako, haizeak, perkusinoa, loopa, samplerrak… Saria: 10.000 euro.
Eikenek 3Dri buruzko lehen jardunaldi profesionala antolatu dau Bilbon
2011-06-24 16:33
Eiken, Euskadiko ikus-entzunezkoen Klusterrak Esteresokopiari buruzko lehen jardunaldia egingo dau datorren martitzenean, bagilak 28, besteak beste, Itesa, Erpin 360 eta Bilbao Nexten laguntzinoagaz.
Miriam Luki kazetariak euskal kultureari buruzko gogoetea plazaratu dau 'Euslandia' liburuan
2011-06-24 15:29 kulturbiz
Euslandia liburua kaleratu barri dau Miriam Luki kazetariak, Mondragon Unibersidadeko Euskal Kulturgintzaren Transmisoa graduondokoan jasotako gogoetakaz osotuta. Ikastaroan landutako poema, komiki, abesti, transkripzino eta beste hainbat elementugaz atondu dau gipuzkoarrak liburua
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...