Euskerea, galegoa, katalana eta balearrerea IATE datu-base europarrean sartzea eskatu dabe
2011-06-20 13:56 Euskerea berbagai
Datu-base europarrak balioztaturiko zortzi miloe berba batzen ditu, eta bertan sartzea aurrerapausua izango litzateke euskerearen, galegoaren, katalanaren eta balearrerearen nazinoarteko autorpenean.
Zinemea eta musikea protagonista, Bilborockeko jatorrizko bersinoko programa barrian
2011-06-20 11:30 Barriak
Bagilaren 20an hasiko da Bilborockeko jatorrizko bersino azpidatziko zinema-programea. Fatih Akin-ek 2005ean estreinautako Crossing the Bridge: The sound of Istanbul filma izango da zikloko lehenengoa.
Txaber Altube abadiñarra eta Maddi Ane Txoperena hendaiarra txapeldun Euskal Herriko XXII. Eskolarteko Txapelketan
2011-06-20 11:00 Bertsolaritzea
Txaber Altube abadiñarra izan da irabazlea Euskal Herriko XXII. Eskolarteko Bertsolari Txapelketan gaztetxuen mailan eta Maddi Ane Txoperena hendaiarra helduenean. Agurainen jokatu ditue finalak astegoienean.
'Perpetua Saragueta: eskuidatziak eta hiztegia' lana kaleratu dau Euskaltzaindiak
2011-06-17 15:52 Euskerea berbagai
Perpetua Saragueta: eskuidatziak eta hiztegia liburua aurkeztu dau Euskaltzaindiak Iruñeako Euskarabidearen egoitzan. Liburua Andres Iñigo Euskaltzaindiaren Nafarroako ordezkariak atondu dau, eta Akademia eta Nafarroako Gobernuaren artean sustatutako Mendaur bildumaren 9. zenbakia da.
I. Gerardo López de Guereñu Sariak baditu irabazleak
2011-06-17 15:39 Euskerea berbagai
Gerardo Lopez de Guereñu sariketeak Arabako etnografia, folklore eta toponimiari buruz lan ugari egin dituan izen bereko arabar etnografoa omentzen dau. Era berean, euskereak historian zehar Arabako gizartean izan dauen presentzia jakinarazoteko asmoz sortu da aitatu saria.
Bagare! lemapean, Arabako ikastolen aldeko jaia, Laudion
2011-06-17 12:30 Euskerea berbagai
Domekan, bagilaren 19an, Arabako ikastolek jai handia egingo dabe Laudion, Bagare lemapean. Ikastolen aldeko egunaz gan, Laudioko ikastolearen 40. urteurrena be ospatuko dabe. Egitaraua goizeko hamarretan hasiko da.
Guggenheim Bilbao Museoak aldi baterako 6 erakusketa eta Bilduma Iraunkorraren aurkezpen bat eskainiko ditu 2012an
2011-06-17 12:12 Kulturea
Anish Kapoor-en Zuhaitz garaia eta begia (Tall Tree & The Eye, 2009) eskulturea erostea erabagi da. Zuhaitz garaia eta begia Museoko urmael batean instalau zan 2010ean, artista horri eskainitako atzera begirakoa zala eta.
Bilboko Udal Musika Bandeak denporaldiko azkenengo kontzertua eskainiko dau gaur Arenelean
2011-06-17 11:45 Musikea
Bilboko Udal Musika Bandeak, bagilaren 17an eskainiko dau udabarriko azkenengo kontzertua. Bandeak barikuro joten dau Arenaleko kioskoan, eta gaurkoa berezia izango da, izan be Udal Txistulari Bandeagaz joko dabe. Emonaldia 19:30ean hasiko da.
Aurkeztutako gehienek gainditu ditue hautaprobak, bai EAEn bai Nafarroan
2011-06-16 18:48
Unibersidadera sartzeko probak egin zituen ikasle gehienek azterketak gainditu egin ditue; Euskal Autonomi Erkidegoan, % 95,96k, eta Nafarroako Foru Erkidegoan, % 94,7k. EHUra sartzeko probetara 8.413 ikasle aurkeztu ziran, eta Nafarroan, 2.393 ikasle.
Euskerearen familia transmisinoa lantzeko saio bereziak antolatuko ditue Berrizen
2011-06-16 14:29 Euskerea berbagaiUda ostean egingo dira saio bereziak, baina datozen egunetan Udalaren erroldatik abiatuz telefono bidez bat egingo dabe guraso eta bikote gazteakaz. Euskeraz egiten daben bikoteen jarrerea indartu, eta aldaketaren bat egiteko prest dagozan bikoteak identifikau, eta aldaketa hori emoten laguntzea da helburua.
José Castiellaren eta Alvaro Gilen 'Flúor' erakusketea, Bizkaiko Batzar Nagusietan
2011-06-16 12:23 Kulturea
José Castiellaren eta Alvaro Gilen Flúor izenburuko erakusketea zabaldu barri dabe Bizkaiko Batzar Nagusietako erakusketa-aretoan (Hurtado de Amezaga, 6). Lanak erakusketa honetarako beren-beregi egin ditue, Daniel Tamayo irakasle eta artistearen gidaritzapean.
Elhuyar Fundazinoak eta DIPC zentroak On Zientzia Bideo Amateurren II. Lehiaketea antolatu dabe
2011-06-16 11:48
Zientzia eta teknologiaren inguruko bideoak bialdu beharko ditue parte-hartzaileek. Irabazleak 3.000 euro jasoko ditu, bigarren sailkatuak 2.000 euro eta hirugarrenak 1.000 euro. Izena emoteko epea zabalik egongo da 2011ko bagilaren 15etik 2012ko apirilaren 25era.
BizBAk programeak erakusketa bigaz amaituko dau aurtengo ikasturtea
2011-06-16 11:14 Kulturea
BizBAk Bizkaia Bilbao Arte eta Kulturaren egitarauak ikasturtea amaitutzat emongo dau, bagilaren 16tik aurrera UPV/EHUko Bizkaia Aretoan ikusgai egongo diran erakusketa bigaz: Megalímite. Zona conturbada del valle de México, Mexikoko Uritik zehar argazki bidez egindako ibilbidea, eta In the name of Kernel. Series: Ironbird, bideora egokitutako software proiektua.
Bagilaren 20tik 26ra izango da Getxo Sea Week
2011-06-15 18:19
Getxoko Itsasoaren Asteak 50etik gora jarduera eskainiko ditu, turismo, kultura, erakusketa eta kirolaren ingurukoak. Ekitaldi ia guztiak kanpoan, haize zabalean egingo dira, publiko guztiarentzat eta doban.
Eskizofreniari aurrea hartu eta bere kabuz bizi nahi dauen gazte baten kasua azaltzen dau Agifesen azken bideoak
2011-06-15 15:42
Protagonistak dira Su Ta Gar musika taldeko lider Aitor Gorosabel eta Xabi Sarasketa, eskizofrenia paranoidea dauen 27 urteko gaztea. Aspalditik ezagutzen dabe alkar, eta gaixotasunari aurre egin eta bizitza zoriontsu eta autonomoa eroateko egindako esfortzuez berba egiten deutso Xabik lagunari.
Pedro Aguileraren Naufragio filma bagilaren 17an estreinauko da
2011-06-15 15:09 Barriak
Bilboko Multis aretoetan, Gasteizeko Floridan eta Madrilgo eta Bartzelonako Renoir zinema-tokietan Naufragio estreinauko da datorren barikuan, bagilaren 17an; hau da, Pedro Aguilera donostiar zinemagilearen bigarren film luzea, José María Lara nafarrak produzidutakoa.
Begoñazpi Ikastoleak Nestor Basterretxearen eskultura bat eta instalazino barriak inaugurauko ditu
2011-06-15 12:31
Begoñazpi Ikastolearen ibilbidea, 13 ikasle zituala, 1970. urtean Bilboko Karmelo kalean hasi zan. Txiki geratu eta, 1981ean eraikin barria altzau zan Txurdinaga auzoan. Eskariak gero eta gehiago diranez, gaur egun Begoñazpi Ikastoleak dituen 1.540 ikaslek ikasi ahal izateko bai eraikinak bai gelak gehituz joan dira.
Bilbok hirugarren Gau Zuria ospatuko dau bagilaren 18an
2011-06-15 12:26
Zapatuan, bagilaren 18an, Bilbo gauez be zabal-zabalik egongo da, III. Gau Zuria ospatzeko. Museoak edegita egongo dira, eta uriko hainbat lekutan kultur emonaldiak izango dira. Egitaraua 20:30ean hasiko da eta goizaldeko 2:00etan amaituko da. Bilbao 700-III Millenium Fundazinoak antolatu dau ekimena, Bilboko Udalaren lankidetzeagaz.
Ehun ikusle baino gehiago hurreratu dira Birminghameko Zinemaldi euskaldun, galego eta katalanera
2011-06-15 11:11 Barriak
Hiru pelikulak jatorrizko bersinoan ikusi ziran, ingelesezko azpititulakaz. Proiekzino guztiak dobakoak izan ziran Etxepare Euskal Institutuak, Ramon Llull Institutuak, Galiziako Xuntak eta Birminghameko Unibersidadeak emondako babesari esker.
Arriaga antzokiak datorren denporaldiko programazinoa aurkeztu dau
2011-06-14 18:35 kulturbiz
Bilboko Arriaga Antzokiak hurrengo denporaldiko programazinoa aurkeztu dau. Emilio Sagi zuzendari artistikoak eskaintzearen aniztasuna eta orekea azpimarratu ditu prentsaurrekoan. Urte hasieran, Igor Yebra jantzariak Chaikovskiren El Cascanueces eskainiko dau, Oxana Kucheruk-egaz eta Bordeleko Operako Baletagaz batera.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...