Kaotikok kalean dauka Bilboko Aste Nagusian grabautako 'X' zuzeneko lana
2011-12-01 17:38 Musikea
Kaotiko taldeak zazpigarren diskoa plazaratu dau, X zuzeneko lana, Baga-biga diskoetxeagaz. Aurtengo Bilboko Aste Nagusian grabau eben diskoa, abuztuaren 24an. Orain arte argitaratutako disko guztietatik abesti esanguratsuenak batu ditue, 28 kanta danetara.
Justuri irrati egitasmo barria aurkeztu dau Uribe Kostako euskalgintzeak
2011-12-01 17:37
Irrati barria multimedia, parte-hartzailea, euskaldun eta tokikoa izango da, komunidadeari zerbitzu publikoa emon eta Euskal Herriko beste irratiakaz alkarlanean ibiliko dana. Oraingoz honako eragileek osotu dabe talde sustatzailea: Berbalamiñe Leioako euskara alkartea, Betiko ikastolea, Bizarra Lepoan Getxoko euskera alkartea, Erandion Euskaraz Berbots!, Koska irratia, UK aldizkaria eta Ukberri.net.
Oihan Vegak 'Olentzero&Co' aurkeztu dau Bilbon, euskerazko lehenengo musikal originala
2011-12-01 17:03 Musikea
Musikal moderno eta apurtzailea da Broadway estiloan, oso bizia eta rock-pop doinuakaz. Familia osoarentzako ikuskizuna. Igaz jasotako arrakastearen ostean, (5.000 personatik gora ikusi eben) aurten Bilbon eta Iruñean izango da. Abenduaren 8an, Bilboko Arteria Campos Eliseos antzokian eta abenduaren 27an, barriz, Iruñeako Baluarte auditorioan.
Xaguxar saileko lau liburu barri kaleraru ditu Elkar etxeak
2011-12-01 16:59 Kulturea
Elkar etxeak lau liburu kaleratu ditu umeentzako Xaguxar bilduman: Irribarrea zabaltzeko ipuinak (Juan Kruz Igerabide eta Jokin Mitxelena), Zabaleko txorimaloa (Juan Luis Zabala eta Maite Gurrutxaga), Nire aita ikusezina da (Julen Gabiria eta Patxi Gallego) eta Motozerra (Xabier Mendiguren Elizegi eta Aitziber Akerreta).
'Udaberririk ankerrena' komikian gerra eta gerra osteko kontuak jorratu ditu Unai Iturriagak
2011-12-01 14:53 Kulturea
Unai Iturriagaren gidoiagaz eta Alex San Vicenteren marrazkiakaz Elkarrek argitaratu dau lana. Memoria historikoa berreskuratzea helburu dauen Durango 1936 kultur elkarteak komikia aukeratu dau Gerra Zibilaren memoria historikoa gordetzearen garrantzia gazteei helarazoteko bitarteko moduan.
Bilblogari euskerazko blogen lehiaketeak baditu irabazleak
2011-12-01 13:39
Julen Gabiria idazle eta euskal blogari aitzindariak eta Karmele Perez de Urraza EHUko irakasleak honako erispideak baloratu ditue saridunak erabagiterakoan: euskerearen mailea, kalidade literarioa, diseinua, gaurkotze mailea eta atarien originaltasuna.
Mundakako Udalak surfa berreskuratu dau herrirako txapelketa barritzaile bi antolatuz
2011-12-01 13:10
Mundakan egingo diran surf txapelketa barri bi aurkeztu ditue: I. Mundaka Surf On Line Txapelketea eta Billabong Mundaka Challenge 2012. Biak txapelketa barritzaileak, bereziak eta desbardinak, Mundakako olatua eta surfeko elitea zein zaletuak batzen dituenak. Asmoa munduko ezkerreko olaturik onenaren onespena berreskuratu eta geure surfa eta surflariak sustatzea da.
Mungiako Izenaduba Basoan, Olentzeroren etxean aurkeztu dabe 'Olentzero eta iratxoen jauntxoa' filma
2011-12-01 12:17 Barriak
'Olentzero eta iratxoen jauntxoa' filmaren aurre-estreinaldia gaur, hilak 1, egingo da Mungiako Olalde Aretoan, 19:30ean eta bihar, hilak 2, Baleukoren film barriaren estreinaldia izango da zinema-aretoetan.
Kontseiluak Hezkuntzeari buruzko VI. Jardunaldia egingo dau abenduaren 16an, Donostian
2011-12-01 11:11 Euskerea berbagai
Abenduaren 16an, Kontseiluak Hezkuntzeari buruzko VI. Jardunaldia egingo dau Donostiako Miramar Jauregian, Haur hezkuntzearen garrantzia euskerearen jabekuntzan eta garapenean izenburupean. Parte-hartzea dobakoa izango dan arren, izena emotea beharrezkoa da.
Esan Ozenki diskoetxe historikoak katalogoa digitalizau egin dau lehenengo aldiz
2011-12-01 10:34 Musikea
Esan Ozenkik bere katalogoa erabarritu eta digitalizau egin barri dau. Badira hamar urte Esan Ozeki desagertu zana,eta haren ostean, Metak sortu zan; ha be 2006an zerratu zan. Aurrerantzean, The Orchard banatzaile digitalak hainbat ataritara edegiko dau, 23 gunetara hain zuzen be.
Erlea – 5 aldizkaria aurkeztu dabe Bilbon
2011-11-30 14:57 kulturbiz
Bosgarren zenbaki honetan, Erleak bere ikurra topau dau, Bernardo Atxagaren hitzetan, eta marrazki bat da, hain zuzen be: Jon Zabaletak marraztutako erle bat, behin eta barriro agertzen dana aldizkariaren orrietan, testuen artean jolasean. Hori erabiliko dogu adierazo dau idazleak.
Click panpinez egindako 'Troia' erakusketea edegi dabe Bilboko Berreginen Museoan
2011-11-30 14:53 Kulturea
Playmobilen click-ez egindako Troia erakusketea edegi barri dabe Bilboko Arte Berreginen Museoan. Erakusketea umeei zuzenduta dago batez be, eta urtarrilaren 8ra arte egongo da zabalik, euron Gabonateko oporrekaz bat eginez. 10.000 pieza inguru erabili ditu Berreginen Museoak Troiako Gerrako ziklo epiko handiaren lau une azaltzeko.
Alex de la Iglesiaren 'La chispa de la vida' pelikula barriaren aurrestreinaldia, gaur, Bilbon
2011-11-30 10:41 Barriak
Euskadiko Filmategiak Alex de la Iglesia zinemagile bilbotarraren ganeko atzera begirakoa egiten dabil Baionan, Bilbon, Donostian eta Gasteizen, eta egitarau horren barruan, La chispa de la vida pelikulearen aurrestreinaldia egingo dabe zemendiaren 30ean, Bilboko Alondigan, 20:00etan, Alta Films, Barton Films eta Golemegaz alkarlanean. Alex de la Iglesiak berak aurkeztuko dau pelikulea, ganera
MinoriTB Hizkuntza Gitxituen Telebisten Jardunaldia antolatu dau EITBk Bilbon
2011-11-30 10:01 jardunaldiak
Hizkuntza Gitxituen Telebisten inguruko MinoriTB Jardunaldia egingo dabe gaur EITBren Bilboko egoitzako Multibox aretoan, 9:00etatik aurrera. Bertara joaterik ez daukenek eitb.com-en zuzenean ikusi ahal izango dabe. Komunikabideek eta euskerearen arloagaz harremona daukenei zuzendutako ekimena bada be, jakin-mina daukan edonork parte hartu leikela jakinarazo dabe EITBko iturriek. Sarrerea dobakoa da.
Amaia Iturbide, Juan Modesto Arrieta eta Eneko Aizpuruaren liburuak kaleratu ditu Ereinek
2011-11-29 17:18 Kulturea
Hiru liburu argitaratu barri ditu Erein etxeak, Amaia Iturbideren Eszenatokietako aztarnak hasten direnean, Juan Modesto Arrietaren Izen bereziak eta Eneko Aizpuruaren Errauts.
Euskerazko Produktuen Katalogo barriaren 10.000 ale banatuko ditu Getxoko Udalak
2011-11-29 14:53 Euskerea berbagai
Oraingoa 14. edizinoa izango da eta danetara 200.000 ale banatuko dira, Euskal Herriko 100 bat udal eta mankomunidadetako Euskera Zerbitzuen eskutik.
Ainhoa Arregi bilbotarrak irabazi dau Euskal Herriko Hitz Gurutzatuen V. Txapelketea
2011-11-29 13:21 Euskerea berbagai
Ainhoa Arregi bilbotarra, nagusitu zan finalean, akatsik bako lana egin ostean. Haren ondotik sailkatu ziran Ibon Zaldua donostiarra, Xabier Azkue zumaiarra eta Txipi Ormaetxea arrasaterra, lehiaketa ederra egin ostean.
The Free Fall Band, Echovolt eta Dr. Skyloop dira Bilbao Hiria 23. Pop Rock Lehiaketearen irabazleak
2011-11-29 12:54 Musikea
Bilbao Hiria 23. Pop Rock Lehiaketako hiru kategorietan parte hartzeko 541 taldek emon eben izena; euskal taldeak batzuk, Espainiakoak beste batzuk eta Europakoak ganerakoak. Taldeotako kideak 18 eta 35 urte bitartekoak dira. Epaimahai profesionalak 40 talde aukeratu zituan irailaren 22tik aurrera Bilborock aretoan zuzenean joteko.
'1512 Euskal lurraldeak eta nafar Estatua' artikulu bildumea plazaratu dau Txertoa argitaletxeak
2011-11-29 10:19 kulturbiz
1512 Euskal lurraldeak eta nafar Estatua kaleratu dau Txertoa etxeak, Euskal Herriko Historialarien II. Biltzarreko txosten eta komunikazinoa guztiak jasoten dituan lana. Iruñean egin eben aurkezpena Joseba Asiron Historian doktore eta Euskal Herriko Historialarien II. Biltzarreko zuzendariak, Angel Rekalde Nabarraldeko buruak eta Martin Anso Txertoako editoreak.
David Tijerok irabazi dau ‘Oihenart’ Aforismoen I. Lehiaketea
2011-11-28 17:30 sariak-autortzak
Euskal Herriko Unibersidadeko Filosofia eta Hezkuntza Zientzien Fakultadeak eta Donostiako Euskerearen Udal Patronatuak alkarlanean antolatu daben Oihenart Aforismoen I. Lehiaketea David Tijero Osoriok irabazi dau, bigarren saria Antton Erkizia Almandozentzat izan da eta Iñaki Etxeberriren, Juan Ramón Alberdiren eta Carmen Valoisen lanak aitamen bereziak izan ditue.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...