Logoa

The Killministers taldearen probokazinoa

Bizkaie! 2006-12-13 01:00   Musikea

Bakioko laukoteak lehenengo diskoa atara dau, sei urtez alkarregaz joten egon ostean, Baga-biga diskoetxeagaz ‘Night City Breakesr’ izenburupean. Ingelesez abesten dabe, 70eko hamarkadako musika amerikarrean eta ingelesean oinarrituta.

Vodafone eta Sony BMG diskoetxeek zigilu digital barria aurkeztu dabe

Gotzon Uribe 2006-12-12 01:00   Musikea

‘Sv Music’ izenagaz jarri dabe martxan zigilu digitala Vodafone eta Sony BMG enpresek. Zigilu barriaren helburu nagusia musikearen industrian dagozan proposamen barriak baliabide digitalak erabiliz entzule eta erosleengana heltzea da.

Getxoko Jazzaldirako izena emoteko epea zabalik dago

Bizkaie! 2006-12-12 01:00   Musikea

Getxoko XXXI. Nazinoarteko Jazzaldiaren talde lehiaketea 2007ko garagarrilaren 4tik 7ra bitartean egingo da eta horretan parte hartu gura daben talde guztiek datorren urteko zezeilaren 17ra arte emon ahal izango dabe izena.

Musikearen ganeko hiru liburu barri

Bizkaie! 2006-11-30 01:00   Musikea

Nobelea, poesia, ipuina... Genero horreek dira nagusi liburudendetan. Baina, oraingoan, hiru lan barri eta desbardin aukeztu ditu Paper Hotsak argitaratzaileak, musika-taldeen ganekoak: Joxi Ubedaren 'BAP: Bai, horixe'; Xabi Bordaren 'JOTAKIE: Urolan pop'; eta Jon Gurrutxagaren 'RORY GALLAGHER, Kemena eta leialtasuna'.

»» Ikusi argazki guztiak (2)

'Hauxe', bapatekotasunean dagoalako diskoaren xarma

Bizkaie! 2006-11-30 01:00   Musikea

'Hauxe' diskoko kantuak eta artista bakotxaren errepertorioko kantuak zuzenean entzuteko aukerea egongo da datozen egun eta asteetan. Lehenengo hitzordua Durangoko Plateruena Kafe Antzokian izango da abenduaren 9an.

»» Ikusi argazki guztiak (2)

Itaka, umezarotik nerabezarora

Saioa Torre Gereketa 2006-11-30 01:00   Musikea

Zumaiatik mundura zabaldu gura dabe euren musikea eta ilusinoz beteta dagoz Aitor Aizpurua ahotsa, Iban Rubio baxua, Jon Brakamonte gitarrea eta Unai Elizagirre bateria, Itaka taldeko kideak. ‘Nerabe’ izentau dabe euren lehenengo lana, ‘diskoa gure umezaro musikaletik heldutasunera heltzeko pausua dalako’.

Nömada TX filma osotzen dauen diskoa kalean dago

Saioa Torre Gereketa 2006-11-30 01:00   Musikea

India, Mongolia, Laponia, Sahara eta munduko beste hainbat txoko inspirazino-iturri legez erabili ostean, Harkaitz Martinez de San Vicentek eta Igor Otxoak Donostiako Zinemaldian aurkeztutako Nömada TX filmean oinarritutako diskoa atara dabe.

Standard talde getxoztarrak ‘Ojo Critico’ saria jaso dau

Gotzon Uribe 2006-11-29 01:00   Musikea

Radio Nacional de Españak ‘Ojo crítico’ saria Getxoko Standard taldeari emon deutso zuzeneko proposamenagaitik eta jantza erritmoei jagokonez eskaintzen daben ikuspuntu barriagaitik.

Gitarra elektrikoa joten ikasteko DVDa

Bizkaie! 2006-11-29 01:00   Musikea

Jose Mari Agirretxea, KEU musikaria da lan honen arduraduna eta gitarrea joten era errazean ikasteko aukerea eskaintzen dau. Etsaiak, Fjord eta UEK musika proiektuetan ibilitako gitarra jotzaile ondarrutarrak zuzendutako gidoian oinarritzen da lana eta Arrasateko Arteman enpreseak egin dau proiektuaren grabazinoa, produkzinoa eta koordinazinoa.

‘San Quirico’ Karidadeko Bentaren hirugarren diskoa

Bizkaie! 2006-11-29 01:00   Musikea

Taldearentzat hirugarrena dan diskora hamaika kantu barri eta munduko musika desbardinak batu ditue, besteak beste, Balkanetako, Italiako eta Arabiako musikak.

Goztgi.kom, trikitia aro barrietara moldatzen

Saioa Torre Gereketa 2006-11-28 01:00   Musikea

Sei urtez diskorik atara barik egon ostean, Gozategi anai-arrebak eta gainontzeko taldekideak lan barriagaz jatorkuz: Goztgi.kom. ‘Sei urte honeetan gauza asko pasau dira, pentsau, azken diskoa pezetetan saldu genduan’, dino umoretsu Asier Gozategik. Hori da, hain zuzen be, disko honen eta, oro har, taldearen ezaugarri nagusia: umorea eta ironia.

»» Ikusi argazki guztiak (2)

Aldapa VII. Maketa Lehiaketako finalistak

Bizkaie! 2006-11-24 01:00   Musikea

Zemendiaren 25ean, zapatuan, hasiko da Aldapa VII. Maketa Lehiaketea. Berrizko Hiltegixe Gaztetxean izango dira kontzertu guztiak.

Sagarrondotik 07

Sagardoaren Kultura Sustatzeko Alkartea 2006-11-24 01:00   Musikea

2007ko Sagarrondotik jaialdia martiaren 17 eta 18an izango da.

»» Ikusi argazki guztiak (2)

Bilboko Txistularien Bandeak eta Alos Quartet ganbera-musika taldeak disko bat kaleratu dabe

Bizkaie! 2006-11-24 01:00   Musikea

Lehen disko honek txistua eta harizko musika-tresna klasikoak buztartzen ditu, eta zuzenean aurkeztuko da Bilboko Euskalduna Jauregian zemendiaren 29an.

»» Ikusi argazki guztiak (2)

Ruper Ordorikaren 'Memoriaren mapea'

Bizkaie! 2006-11-24 01:00   Musikea

Bilboko Kafe Antzokian aurkeztu dau musikari oñatiarrak ‘Memoriaren mapa’ diskoa, ‘eskaini neban lehenengo kontzertua be hemen izan zalako eta leku hau berezia dalako niretzat’. Hamaika kanta akustikoz osotutako lana da, Joseba Sarrionaindiaren poemei musikea jarrita. Ordorikaren esanetan, ‘lan hau egiten dodan lehenengo bakarkako lana dalako’.

‘Aterqueens’, Aterkings markinarren bigarren lana kalean

Bizkaie! 2006-11-22 01:00   Musikea

Gaztelupeko Hotsak diskoetxeagaz alkarlanean atara dau bigarren diskoa Aterkings taldeak. Amorotoko Musikorta estudioan grabautako azken lan hau aurreko lanaren jarraipena da eta, beraz, rock & roll doinuak dira nagusi oraingoan be.

Bidebaten bigarren diskoa: ‘mina eta ezina’

Saioa Torre Gereketa 2006-11-22 01:00   Musikea

Hamaika urteko ibilbide luzearen ostean, hamaika kantuz osotutako bigarren diskoa aurkeztu dau Bide Bat taldeak. Arrigorriagako laukoteak argi izan dau hasieratik zer lortu gura izan dauen ‘Mina eta ezina’ lanagaz eta, horregaitik, ‘grabazinoa bera be errazagoa izan da’, Baga Biga diskoetxeko Agus Barandiaranen esanetan.

Soziedad Alkoholikako kideak errubakotzat jo ditu epaileak

Bizkaie! 2006-11-22 01:00   Musikea

Soziedad Alkoholika musika taldeko bost kideak eta ordezkaria errubakotzat jo ditu Auzitegi Nazionaleko lehen Zigor Aretoak. Terrorismoa goraipatzea leporatuta auzipetu zituen, baina ez dau delitu hori ikusi epaileak.

Babel jaia Durangon: Pog Mo Thon, DJ Axular, Gozategi...

Bizkaie! 2006-11-17 01:00   Musikea

Babel Musik diskoetxeak jai erraldoia antolatu dau Durangoko Azokearen bezperatan, abenduaren 1ean, Plateruena Kafe Antzokian. DJ Axular, Pog Mo Thon, Harrobi, Luhartz, Gozategi eta Txato Plato taldeek eskainiko ditue kontzertuak. Jaialdia arratsaldeko seiretan hasiko da eta sarrerea dobakoa izango da.

Glenn Millerren omenezko kontzertua Euskaldunan

Bizkaie! 2006-11-16 01:00   Musikea

Gaur, zemendiak 16, iluntzeko zortzietan

Jaroslavas Cechanovicius maisuak zuzentzen dauen ‘The Blue Paradise Big Band’ taldeak Glenn Millerren omenez egindako kontzertua emongo dau gaur, zemendiak 16, iluntzeko zortzietan, Bilboko Euskalduna Jauregiko Auditorioan. Sarrerak 36 euroan dagoz salgai.