30. urteurrena ospatuko dau Folk Getxo BBK jaialdiak
2014-08-28 14:23 Musikea
Datorren astean Folk Getxo BBK jaialdiak hiru hamarkadako ibilbidea ospatuko dau. Irailaren 4tik 7ra, danetara, 11 saio izango dira jaialdian eta horreen artean nabarmendu behar dira Capercaillie, Chambao eta Osibisaren kontzertuak, baita Ara Malikian biolin-jotzaileak Fernando Egozcue, José Luis Montón, Oreka TX eta Kalakan talde eta artistakaz sortutako Sustraiak-Raíces ikuskizuna.
Kepa Junkera eta Oreka TX euskal musikariek kontzertuak eskainiko ditue 'Mercat de Música Viva de Vic' jaialdian
2014-08-25 10:41 Musikea
Kepa Junkerak trikitixa doinuak eroango ditu Vicera, Sorginak taldeko partaideakaz batera. Musikari bilbotarrak laster beteko ditu 35 urte oholtza gainean, eta proiektu honetan bere musikearen mamina dana islatu nahi izan dau, baita trikitixeari omenaldia egin. Kepa Junkera & Sorginak taldeak Trikitixaren historia txiki bat diskoa atarako dau udagoienean kantu barriak eta tradizionalak buztartuz.
120 musikari eta jantzari baino gehiagok parte hartuko dabe domekan, abuztuaren 24an, txistularien alarde nagusian
2014-08-21 13:50 Musikea
Garikoitz Mendizabalen zuzendaritzapean, Bilboko Udal Txistularien Bandeak Aste Nagusiari agur esango deutso bere ohiko alarde tradizionalagaz; bertan, konbidadu legez, euskal musikearen aitzindari eta ospetsuak parte hartuko dau, Gorka Sarriegik, hain zuzen be. Bilboko Plaza Barrian izango da hitzordua, abuztuaren 24an, 13:00etatik aurrera.
Gatos Bizcos madrildarrak Berumuga zikloari amaierea emoteko
2014-08-20 11:30 Musikea
Bergarako Irizar parkean izango da hitzordua, gaur, eguaztena, hilak 20, 20:00retan. Berumuga, musika baltzari eskainitako musika zikloari amaierea emoteko era askotako estiloak buztartzen dituan Gatos Bizcos taldeak joko dau.
Dj Jazzy Jeff, We Are Standard eta Klaxons musikariek kontzertuak doban eskainiko ditue Guggenheim Bilbao Museoan
2014-08-20 10:36 Musikea
Dj Jazzy Jeff, We Are Standard eta Klaxons musikariek kontzertuak eskainiko ditue Guggenheim Bilbao Museoan, Saskibaloiko Munduko Txapelketearen ospakizunagaz batera. Saio guztiak 21:00etan hasiko dira. Abuztuaren 29an, Dj Jazzy Jeffek joko dau eta irailaren 1ean, We Are Standard eta Klaxons taldeek.
Bilboko udal bandeak Arenaleko kioskoan zortzi kontzertu eskainiko ditu
2014-08-18 15:35 Musikea
Ohikoa dan legez, abuztuaren 22an, barikuan, eskainiko dauen kontzertuan, konbidadu moduan gaita-jotzaileen talde batek parte hartuko dau. Aurten, Ziekoko Gaiteroak izango dira beren musikea Bandako interpretatzaileenagaz batuko dabenak, kontzertuaren bigarren zatian.
Napoka Iria taldeak zazpi kontzertu emongo ditu zemendian Japonian
2014-08-14 12:34 Musikea
Tokio, Kyoto, Osaka, Kobe eta Kanagawa urietan joko dau zemendiaren hasieran Napoka Iria taldeak. Emozino handiz emon dabe birearen barri sare sozialetan.
The Kooks, Holy Ghost!, Anna Calvi eta The Barr Brothers taldeak be BIME Live! jaialdian joko dabe
2014-08-12 15:43 Musikea
Urriaren 31n eta zemendiaren 1ean, Barakaldoko BECen egingo dan BIME Live! jaialdiko antolatzaileek kartela osotzen segiduten dabe. The Kooks, Holy Ghost!, Anna Calvi eta The Barr Brothers taldeak dira azkenengo barritasunak. Horrezaz aparte, The National, Placebo, Mogwai, Macy Gray, Basement Jaxx, Mando Diao, The Divine Comedy, Billy Bragg, Imelda May eta Thurston Moore bandek be joko dabe.
Kirmen Uribe idazleak eta Easo Abesbatzak 'Iparragirre oroimenean' emonaldia eskainiko dabe Gernikan
2014-08-07 15:13 Musikea
Donostiako 75. Musika Hamabostaldi barruko Musikea atxaki zikloaren barruan, Jose Maria Iparragirre koblakariaren omenezko emonaldia egingo dabe Easo Abesbatzak eta Kirmen Uribe idazleak zapatuan, hilak 9, Gernika-Lumoko Batzar Nagusietan, 20:00etan.
Oriol Roch Euskadiko Orkestra Sinfonikoaren zuzendari barria aurkeztu dabe
2014-08-06 11:21 Musikea
Egonkortasuna, zabalkuntzea eta kalidadea emon gura deutsoz EOSi Oriol Roch zuzendari barriak. Miramonen egin eben aurkezpen-prentsaurrekoa atzo, orkestrearen egoitzan, Joxean Muñoz Eusko Jaurlaritzako Kultura, Gazteria eta Kirol sailburuordearen gidaritzapean. Abuztuaren 25ean hasiko da beharrean.
Leioako Kantikak Munduko Koru-Musikearen 10. Sinposioan parte hartuko dau
2014-08-05 11:49 Musikea
Aurten Seulen egingo dan Munduko Koru-Musikearen Sinposioan izango da Kantika, abuztuaren 7tik 14ra bitartean. Leioako gazteak IFCMko (International Federation of Choral Music) enbajadore izentau ditue 2014 eta 2015 urteetarako, Etxepare Euskal Institutuko arduradunek jakinarazo dabenez.
Martxan dago Bartzelonako Euskal Etxeak antolatutako III. EH Sona lehiaketea
2014-08-04 15:50 Musikea
Euskeraz abestu eta EH Sona jaialdian egundo parte hartu ez daben talde eta bakarlariek parte hartu leikie lehiaketan. Gitxienez hiru abesti bialdu behar dira, irailaren 28a baino lehen.
Korrontzi talde bizkaitarrak Womex azokako Atlantic Connections atalean joko dau
2014-08-04 14:27 Musikea
Urriaren 22tik 26ra bitartean Santiago de Compostelan egingo dabe Womex munduko musiken nazinoarteko azokan parte hartuko dau aurten Korrontzi folk taldeak, hain zuzen be Atlantic Connections izeneko eszenatokian. Mundu osoko 30 herrialdetako taldeak izango dira jaialdian.
Bermeoko XXIX. Nazinoarteko Musika Asteak bost kontzertu eskainiko ditu, abuztuaren 4tik 8ra bitartean
2014-07-30 11:32 Musikea
Hainbat estilotako musikea entzuteko aukerea izango da Bermeoko XXIX. Nazinoarteko Musika Astean, ganbara musikea, zarzuelea eta organu kontzertua, tartean. Abuztuaren 4tik 8ra bitartean egingo dabe Musika Astea, eta emonaldi guztiak 20:00etan hasiko dira.
Euskal Herriko I. Elektrotxarangen Topaketea egingo dabe irailaren 6an, Bermeon
2014-07-24 15:13 Musikea
Gasteizko Ttek kultur alkartea eta Bermeoko txosnak dabilz antolatzen Elektrotxarangen Topaketea, Euskal Herriko hainbat elektrotxaranga taldegaz batera. Egun osoko egitaraua izango da, eta amaiera ikusgarria eukiko dauela aurreratu dabe arduradunek.
Berri Txarrak taldea Ricky Falkner produktoreagaz beharrean dabil egunotan Madrilen
2014-07-23 13:28 Musikea
Hirukote nafarra 20. urteurreneko sortze-prozesuan buru-belarri dabil. Madrilen dagoz, Reno Studiosen, Ricky Falkner produktoreagaz grabazinoak atontzen. Urte amaieran kaleratuko dabe disko barria. Bilboko Aste Nagusian joko dau Berri Txarrakek, abuztuaren 22an, Europa Parkean.
Agur, Kerobia
2014-07-22 12:31 Musikea
Badoa Kerobia talde nafarra, agur esan dau egunotan bere webgunean. 2001eko abenduan sortu genduan Kerobia izeneko abentura hau hemen amaitzen da. 13 urte ondoren, hau jagokula sentiduten dogu, adierazo dabe.
Europako Medikuntza Ikasleen Orkestra eta Koruak lehen aldiz jardungo dau Euskadin
2014-07-18 11:24 Musikea
Europako Medikuntza Ikasleen Orkestra eta Korua (European Medical Students’ Orchestra and Choir - EMSOC) osotzen daben 75 gazteei harrera ekitaldia egingo deutsee. Nazinoarte mailako kultur egitasmo honek urtero batzen ditu Europako Medikuntza Fakultade desbardinetako medikuntza ikasle eta mediku gazteak hainbat kontzertu emoteko. Aurten, topaketa horretarako Euskadi aukeratu dabe.
Carlos Terronek eta Jose Maria Larrazabalek 2014ko Bilbainada Lehiaketako lehen saria irabazi dabe
2014-07-17 18:36 Musikea
Carlos Terronek Bilbao Botxito, mi tierra izenburuko bilbainadeagaz irabazi dau aurtengo lehiaketea, eta igaz akzesit bat lortu eban Del Bocho y marchoso kantuagaitik. Bestalde, Larrazabalek Aire bilbotarrak izenburuko bilbainadeagaz eskuratu dau aurtengo saria, 2010, 2012 eta 2013ko edizinoetan lortutako garaipenei jarraipena emonez.
EGOk beste erronka handi bati helduko deutso udan: A. Brucknerren 4. sinfoniari, hain zuzen
2014-07-17 15:23 Musikea
Hamazazpi urte igaro dira 1997an Euskal Herriko Gazte Orkestra Fundazinoa sortu zanetik. Datuak taldearen jarduerearen adierazgarri dira: musika sinfonikoko eta ganbera-musikako 150 kontzertu baino gehiago, nazinoarteko biretan emonaldiak dozena erdi herrialdetan, 120.000 entzule baino gehiago, eta urteotan danetara 1.200 gazte igaro dira gure taldetik.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan