VII. Banden Lehiako finalean izango dira Ozhen, Begiz Begi, Desore eta Yoko Out
2015-11-03 11:33 Musikea
Banden Lehiako zazpigarren edizinoko finalean, beraz, hiru talde bizkaitar eta lapurtar bat izango dira oholtza gainean. Epaimahaiak aukeratzen dauen taldeak disko bat grabau, eta BBK Live eta Euskal Herria Sona jaialdietan parte-hartzea jasoko dau saritzat.
Aurrekoak baino disko neurtuagoa dakar Izaki Gardenak-ek, 'Aurri gara'
2015-11-02 14:17 Musikea
Izaki Gardenak taldearen bigarren disko luzea da Aurri gara (Elkar). Taldearen betiko nortasunari eutsita, kantu eder eta malenkoniatsuak topauko doguz bertan. Koherentziaren bila, taldea, eta bereziki Jon Basaguren abeslaria, neurtuago agiri dira oraingo honetan eta musika-estiloak ez ditue muturrera eroan nahi izan. Gure soinua, 'Izaki soinua', lortu dogulakoan nago, adierazo dau Basagurenek Bilbon egindako aurkezpenean.
Pop-rock melodikora jo dau Enkorek hirugarren diskoan, baina arimea manteniduta
2015-11-02 13:45 Musikea
Hamar abestiko bildumea da Enkore talde bilbotarraren hirugarren diskoa, E izenekoa (Baga-Biga). Aurreko lanetako doinuak aldatu ditue eta, oraingoan, pop-rock melodikora gehiago hurreratzen dan soinua dakarre, baina kanta jantzagarriak erabat ahaztu barik. Letretan aurrerapausua egin dau Enkorek, barru-barrutik idatzitakoak dira eta. Edozelan be, E-n Enkoreren betiko arimea gorde dabela ziurtau dabe taldekideek.
EH Sukarrak 'Azken gezia' diskoa plazaratu dau, barru-barrutik urtendako doinuagaz
2015-10-22 15:22 Musikea
Aurreko diskoa atara eta urte bi eta erdira dakar lan barria EH Sukarrak. Taldea 1989an sortu bazan be, hasierako gogoa eta energia dakarz proiektu honetara. Mikel Gorosabel arduratu da melodiak idazteaz, modu librean, barrutik urten deutsan inspirazinoagaz. Letrak, Asier Serranorenak dira. Hirukote formatuan egindako diskoa da Azken gezia (Elkar).
Udagoienak EH Sona dakar
2015-10-22 14:51 Musikea
EH Sona jaialdiak Bartzelonako mugak zeharkatuz, aurten La Bisbal de l’Empordàko L’Alternativa aretora helduko da, jaialdiko hainbat taldek han eskainiko dabelarik bigarren kontzertu bat, holan Katalunian zehar ezagutarazoz euskal musikea.
Artea eta jakinmina bultzatu nahi ditu Bilboko Udal Bandeak, 2015-16 denporaldian
2015-10-21 13:57 Musikea
Pascual Vilaplanaren zuzendaritzapean eta Bandarekin bazterrak ezagutzen izenburupean, hamar kontzertuko denporaldia aurkeztu dau Bilboko Udal Musika Bandeak udagoien eta neguko denporaldirako. Urriaren 12an izan zan lehenengo emonaldia eta apirilaren 17an izango da azkanengoa. Entzuleak beste arte adierazmolde batzuetara hurreratu eta gauza barriak ezagutzeko jakinmina sortu nahi dabe kontzertuen bidez.
Kritika garratzagoa letretan, The Uski´s-en disko barrian
2015-10-20 15:19 Musikea
Hamabi kanta dagoz The Uski´s talde bizkaitarraren bosgarren diskoan. The Uski´s izena emon deutsie diskoari (Baga-Biga) eta 2003an joten hasi zan taldeak euki dauen garapena garbi erakusten dau: Kritika politiko eta sozial handiagoa letretan eta musika indartsuagoa, ahots-koruei pisua kendu eta gitarrei garrantzia emonda. Hori bai, melodietarako erraztasuna eta ondo pasetako gogoa ez ditu galdu Elantxobe eta Ibarrangeluko boskoteak.
Bertsoetako doinuak dira Igelaren Bandaren disko barriaren oinarria
2015-10-16 15:05 Musikea
Debalde festa (Elkar) laneko kanta guztiak bertsotarako melodietan oinarrituta dagoz, baina Igelaren Banda hirukoteak modu askean interpretau eta moldatu ditu. Emoitzea, 13 abesti instrumentaleko bildumea izan da, batzuk bertso tradizionaletan oinarrituak eta, besteak gaur eguneko doinu modernoagoetan. Bertsotan ohikoa dan inprobisazinoa berbetatik musikara eroan dau Igelaren Bandak, beraz.
'Belatxa' izeneko diskoa plazaratu dau Jean Mixel Bedaxagarrek
2015-10-15 18:41 Musikea
Urdinarbeko kantariak zuberotar tradizinoaren arrastoei eutsi deutse disko barrian be, kantutegiaren bitartez, sustraiagaz lotzen gaituen katebegiak argitzeko eta transmitiduteko ahalegin bikaina eginez. Mixel Etxekopar zuberotar sortzailearen laguntzaz, kantuen bitartez kontakizun ederra lortu dau Jean Mixelek, naturearen usainak eta kanturako doeak borborka eta eskuzabal eskaintzen ditualarik.
'Inoiz egin dugun diskorik onena', Ze Esatek taldearen lan barria
2015-10-15 17:15 Musikea
Izenburuak dinoan moduan sekula egin daben diskorik onena ete dan ez dabe erabat argitu Ze Esatek talde gipuzkoarreko kideek, Donostian egindako aurkezpenean. Halandabe, euren ibilbidean pilotutako esperientziak disko biribilagoa egiten lagundu deutse. Gizarte arloko gai asko modu kritikoan aitatzen ditue diskoko hamar abestietan eta musika koloretsuagoa be lortu dabe.
Joshua Edelman eta Ledian Molaren emonaldiagaz hasiko da barikuan Bilbon 'Poltsiko Musika' egitasmoa
2015-10-08 18:17 Musikea
New Yorkeko eta Habanako erritmoak buztartzen dituan Joshua Edelmanenen eta Ledian Molaren doinuakaz hasiko da Poltsiko Musika egitasmoa Bilbon bariku honetan, urriaren 9an. Bilboko Udalak antolatutako zikloaren hamaikagarren edizinoa da, eta hainbat herrialdetako musika jokerak erakustea da bere helburua, bertako taldeen edo Bilbon bizi diran kanpoko musikarien eskutik, formatu txikiko kontzertuen bitartez.
ON, Niña Coyote eta Chico Tornado, Rubia eta Maizenita talde euskaldunak hautatu ditue Artistas en Rutarako
2015-10-06 18:31 Musikea
Zuzeneko musikea estadu mailan sustatzeko helburua dauen Artistas en Ruta programeak urtean sei hilebeteko bi denporaldi hartzen ditu bere barruan, eta zuzeneko emonaldiak aretoakaz alkarlanean antolatzen ditu.
BOS zazpigarren lekuan geratu da, munduko orkestra gogokoena aukeratzeko lehiaketan
2015-10-06 10:24 Musikea
Britainia Handiko Bachtrack atariak egin dau galdeketa erraldoia mundu zabaleko zaleen artean. Botazinoetarako sasoia amaituta, atari horrek azaldu dau, zaleen arabera Irlandako RTE orkestrea dala gogokoena eta JoAnn Fallettak irabazi dau zuzendarientzako saria. Bilboko Orkestra Sinfonikoa zazpigarren lekuan geratu da. Igazko lehiaketan hamaikagarren izan zan BOS eta, beraz, lau postu egin ditu gora.
Antton Zubikarai, Athleticen ereserkiaren letrearen idazlea, hil da
2015-10-01 15:32 Musikea
Athletic Clubek 1983tik erabili dauen himnoaren letrea idatzi eban Antton Zubikaraik. Kazetaria, musika arloko irakaslea eta musika-kritikaria be bazan. 70 urtegaz hil da. Jose de Olaizola eta Feliciano Beobide dira Athleticen ereserkiaren musikearen egileak, Karmelo Bernaolaren moldaketakaz. Zubikaraik euskerazko letrea asmau eutsan doinu ospetsu horri.
Itxurakerien inguruko disko barria aurkeztu dau Larregik, 'Pantomima'
2015-10-01 14:14 Musikea
2014ko Banden Lehia irabazita, talde arratiarrak Bilbao BBK Live-n jo eban eta diskoa argitaratzeko aukerea be irabazi eban. Horixe da, beraz, Pantomima diskoaren jatorria (Baga-Biga). Bere ibilbideko bigarren diskoan, Larregik soinu argiagoa eta zuzenagoa bilatu dau, punkaren eta rockaren arteko eremuan dagozan doinuakaz. Gizartean guzurrak eta itxurakeriak daukan leku zabala agirian itxi nahi izan dau laukoteak oraingoan.
10 urteko etenaren ostean, Peiremans+ taldea zemendiaren 5ean itzuliko da
2015-10-01 12:57 Musikea
Diskoa argitaratu ebenetik hamar urte pasau diranean bueltan da Peiremans+; bira laburra be iragarri dabe eta kontzertuak emongo ditue Bilbo, Gasteiz, Iruñea, Donostia eta Tolosan, hain zuzen be. Datorren zemendian hasiko dira zuzenekoakaz eta Bilboko Kafe Antzokian eskainiko dabe birako lehenengo kontzertua, zemendiaren 5ean.
The Abercrombie Quartet 365 Jazz Bilbao zikloan
2015-09-30 12:47 Musikea
Bilbao 700 Fundazioak antolatzen dauen 365 Jazz Bilbao zikloaren aretoetako zortzigarren denporaldia urriaren 6an hasiko da Bilboko Alkarte Filarmonikoan, 20:00etan, jazzaren munduan urte piloa daroazan laukote bategaz: The Abercrombie Quartet taldeagaz, hain zuzen be. Antolatzaileek jakinarazo dabenez, New Yorkeko semea dan John Abercrombie da taldeko liderra.
EH Sona jaialdiak euskal musikea ezagutzera emongo dau Katalunian
2015-09-30 10:22 Musikea
Euskal doinuak Bartzelonara eroaten dituan ekimenak 18. edizinoa beteko dau aurten. Urriaren 30etik zemendiaren 27ra egingo dabe EH Sona jaialdia. Bertoko musika-talde eta bakarlariak ez eze, euskal gastronomia eta ohiturak be eroango ditue Kataluniara. Besteak beste, Oskorri egongo da EH Sonan, despedidako birearen barruan.
Musikea, ikuskizunak eta proiekzinoak egongo dira urriaren 9tik 14ra, Bermeoko Mareak jaialdian
2015-09-29 11:53 Musikea
Aurten lehenengoz antolatuko dabe Mareak jaialdia Bermeon, urriaren 9tik 14ra. Batez be, kontzertu musikalak dagoz egitarauan, baina bestelako ekintzak be programau ditue, esate baterako, ipuin kontalariak eta proiekzinoak. Guztira, sei ekitaldi. Bermeoko areto, kulturgune eta museoetan izango dira ikuskizunak eta kontzertuetako bat Aita Guria baleontzian izango da.
Urriaren 2an aurkeztuko dau 2ZIO taldeak disko barria
2015-09-29 10:46 Musikea
Rap erako musikea egiten dabil 2ZIO hirukotea 2010etik eta euren ibilbidean beste pausu bat egin dabe orain. Bideak izeneko diskoa plazaratu dabe eta urriaren 2an, barikua, aurkeztuko dabe Donibane Lohizuneko kontzertuan. Gero, Donapaleu, Bilbo, Iruñea, Tolosa eta beste leku askotan joko dabe. Euskerea eta rapa buztartzea da euren helburu nagusia.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan