Niña Coyote eta Chico Tornado bikoteak 'Lainoland' disko laburra argitaratu dau
2015-02-06 10:22 Musikea
Ursula Strong (bateria) eta Koldo Soret (gitarra eta ahotsa) musikariek osotzen daben Niña Coyote eta Chico Tornado bikote donostiarrak Lainoland izenburuko bost abestiko disko laburra argitaratu barri dau.
Tadusak taldea World Music Charts Europe zerrendan sartu dabe
2015-02-06 10:16 Musikea
World Music Charts Europe zerrenda ezagunean dago daborduko Tadusak boskotea. Europako musika zerrenda esanguratsuenetakoa da, izan be 25 herrialdetako 47 irrati adituk osotzen dabe, eta urteko argitalpenen artean onenak aukeratzeaz arduratzen dira. Tadusak 19. taldea da, Bide luzea Ternuarat (Agorila) lehenengo diskoari esker.
Zara McFarlane eta Christian McBride, 365 Jazz Bilbao zikloko lehen zatiko izarrak
2015-02-05 10:18 Musikea
Zezeiletik bagilera bitarteko programazinoa Zara McFarlane abeslari ingelesak hasiko dau zezeilaren 11n, eta ondoren etorriko dira Tony Allen bateria jotzaile afrobeata (martiak 11), Manu Katché perkusionista eta konpositore frantsesa (martiak 31), Jane Monheit abeslari estadubatuarra (maiatzak 5) eta Christian McBride baxu jotzaile birtuoso estadubatuarra (bagilak 2).
Arriagaren 'Sinfonia para pequeña orquesta en fa mayor' lanaren edizino faksimila argitaratu dabe
2015-01-27 10:34 Musikea
1806ko urtarrilaren 27an, Juan Crisóstomo de Arriaga Bilbon jaio zanetik 209. urteurrena beteten dan honetan, Bilboko Udaleko Kultura eta Hezkuntza Sailak konpositoreak eskuz idatzitako Sinfonía para pequeña orquesta en fa mayor lanaren edizino faksimila argitaratu dau. Lan horren jatorrizko eskuizkribua British Library izenekoan dago.
Abian da Rockein! musika lehiaketearen hirugarren edizinoa
2015-01-23 14:08 Musikea
Hego Euskal Herriko taldeen musika-proiektuak bultzatzea dau helburu Rockein! lehiaketeak. Basauriko Udalak antolatzen dau, Galdakao eta Arrigorriagakoaren laguntzinoagaz. Martiaren 22an amaituko da izena emoteko epea, eta finala maiatzaren 9an izango da, Basauriko Social Antzokian.
EHZ jaialdia garagarrilaren 3an hasiko da, 'Hogei urte, urtero sortzen' lelopean
2015-01-23 12:41 Musikea
Hogei urte beteko ditu aurten Euskal Herria Zuzenean jaialdiak. Sorkuntzea eta kalidadea izango ditu ardatz festibalak atzo Baionako Kalostrapen egindako aurkezpenean arduradunek azaldu ebenez. EHZ jaialdia Lekorneko Garroa gazteluaren inguruan egingo da, garagarrilaren 3, 4 eta 5ean.
Mikel Urdangarin beste musikarien laguntzino barik agertuko da oholtza ganean, '2015' biran
2015-01-22 14:06 Musikea
Erronka barria ipini deutso bere buruari musikari bizkaitarrak. Zezeilean hasi eta maiatzera bitartean, hainbat kontzertu emongo ditu berak bakarrik, orain arte lagun izan dituan musikarien babes barik. Gitarrea eta ahotsa, besterik ez dau erabiliko. Kanta zaharrak eta barriak tartekatuko ditu Mikel Urdangarinek emonaldietan eta entzuleek urte amaieran aterako dauen disko barriko abestiak zelan jaioten diran ikusi ahal izango dabe.
Ain_1 taldeak 'Badoa, badirau' disko barria zuzenean aurkeztuko dau Elgoibarren
2015-01-22 12:59 Musikea
Abenduan kaleratu eban Ain_1 boskoteak bigarren lana, Badoa, badirau autoprodukzinoa. Hamar kanta barri kaleratu ditu behar barrian Arrasateko taldeak. Urtarrilaren 23an, Elgoibarko Ilunpe tabernan joko dabe, 23:00etan.
Rapa eta elektronikea buztartu ditu Revolta Permanent taldeak 'Genesis' disko barrian
2015-01-20 11:01 Musikea
Behar barria eta makina bat zuzeneko dakarz Revolta Permanent taldeak Genesis behar barriagaz batera. Orain, ganera, laukote dira, izan be Iker Villak eta Iker Aginagak lagun izango ditue aurrerantzean Aitor Abio eta Mikel Becerra. Gaur, urtarrilak 20, Gasteizko Parralen joko dabe, 20:30ean.
Alex Niggemannen techno-house doinuek abiatuko dabe 2015eko Art After Dark egitaraua
2015-01-19 14:05 Musikea
Alemaniatik datorren Alexander Niggemann musikaria izango da aurtengo lehenengo Art After Dark ekimeneko protagonistea, urtarrilaren 23an. Lehenago, Chazbo eta Madelman igongo dira eszenatokira musikea ipinteko. Emonaldiak 22:00etan hasiko dira.
Jose Rafael Pascual-Vilaplana, Bilboko Udal Musika Bandako zuzendari titular barria
2015-01-16 09:49 Musikea
Zuzendari titular legez, bere lehenengo jarduna domeka honetan izango da, urtarrilak 18, 12:00etatik aurrera, Euskalduna Jauregian. Pascual-Vilaplana arduratuko da banda zuzentzeaz neguko denporaldiko lehenengo kontzertuan. Haren batutapean, Bandeak Latinoamerikari eskainitako programea osotuko dau, Herbert Owen Reed, Michael Gandolfi eta Victoriano Valenciaren obrak batuz.
Osso bikoteak 'Paraxuta' lehenengo diskoa kaleratu dau
2015-01-15 10:13 Musikea
Musikearen arloan ibilbide luzea daukien Lekter (Kokein, Cobra) eta Serge (Eraso!) dira Osso taldeko kideak, 2013an abiatu eben proiektu barria, eta orain aurkeztu dabe hamar kantako Paraxuta diskoa. Gitarrea, ahotsa eta bateria dira euren osogai nagusiak.
Bilboko Txistulari Bandeak sustraiko musikarik onena eskainiko dau Bilbon
2015-01-14 11:15 Musikea
Bilboko Udal Txistulari Bandeak Euskalduna Jauregiko kontzertu programeagaz jarraituko dau aurten be. Hurrengo emonaldia eguazten honetan izango da, urtarrilak 14, Santurtziko Txistulari Bandea protagonista izango dauen kontzertu berezi bategaz. Iluntzeko 20:00retan hasiko da Euskalduna Jauregiko A3 Aretoan.
La Jodedera laukoteak 'Aio Kurrilo!' diskoa plazaratu dau
2015-01-09 13:21 Musikea
Jenteari jantzan eginarazotea, hori da La Jodedera taldearen helburu nagusia zuzenekoetan. Aio Kurrilo! (Gaztelupeko Hotsak) hirugarren diskoa argitaratu barri dabe, hamabi kantakoa. Aurreko beharretan lez, Karibeko doinuak eta Euskal Herrikoak nahastua.
Priscilla Band funk talde bizkatarrak 'Xalala kale' bigarren diskoa aurkeztu dau
2015-01-08 14:39 Musikea
Bederatzi kanta ditu Priscilla Banden disko barriak, eta bat, diskoaren izen berekoa, euskeraz grabau dabe ganera, bizkaieraz, hain zuzen be. Lehenengo diskoa lez, hau be autoprodukzinoa da, baina oraingoan crowfunding sistemearen bidez, 116 mezenasen laguntzinoa izan dabe. Gaur, 19:00etan, Bilboko Fnac dendan aurrerapen txiki bat eskainiko dabe zuzenean.
Badatoz Donostiako 50. Heineken Jazzaldirako hautaketa prozesuan izango diran tokiko taldeen emonaldiak
2015-01-08 13:20 Musikea
Donostiako 50. Heineken Jazzaldian joko daben tokiko hamar taldeak hautatzeko prozesuaren barruan behin betiko zerrendea erabagiteko balioko daben ikus-entzuleen aurreko emonaldiak barikuan, urtarrilaren 9an, hasiko dira. Heineken Jazzaldia, barriz, garagarrilaren 22tik 26ra izango da.
Bilboko Kafe Antzokiak A Wamba Buluba izeneko kluba zabalduko dau hilean behin
2015-01-02 10:11 Musikea
Urtarrilaren 16tik aurrera, Bilboko Kafe Antzokiak A Wamba Buluba kluba edegiko dau hilero. Aretoko goiko solairuan, vintage eta doinu retroak eskaintzen dituan Stereorocks egitarauaren barruan, zuzeneko ikusgarriak eta musika-jartzaile ezagunak batuko dira.
Euskal Herriko Gazte Orkestreak 'The Kid' pelikulearen musikea eskainio dau barikuan, Bilbon
2014-12-29 10:26 Musikea
Neguko topaketen barruan, EGO Euskal Herriko Gazte Orkestreak Charles Chaplinen The Kid filmearen musikea interpretauko dau zuzenean, pelikulea proiektetan dan bitartean, Bilbon, Donostian eta Gasteizen. Lehenengo hitzordua Euskaldunan izango da, urtarrilaren 2an, 20:00etan. Donostian, urtarrilaren 3an joko dabe, eta Gasteizen, 4an.
Vendettak '13 balas' disko barria zuzenean aurkeztuko dau Hatortxurock jaialdian
2014-12-23 14:45 Musikea
Talde nafarraren laugarren diskoa da 13 balas (Baga-biga). Hamahiru kanta sortu ditue, eta rocka eta ska doinuei funka, reggaea eta musika zeltea gehitu deutsie. Vendetta Suitzatik etorri barri dira, eta martxan dabe Abriendo Camino birea. Zapatuan, hilaren 27an, Atarrabian joko dabe, Hatortxurock jaialdian.
Joe Cocker hil da 70 urte zituala
2014-12-23 10:59 Musikea
John Robert Cocker, Joe Cocker lez ezaguna, Erresuma Batuko rock eta blues abeslaria bart hil da birikietako minbiziak jota, Barrie Marshall artistearen ordezkariak BBC telebistari jakitera emon deutsonez.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan