Nik West, The Inspector Cluzo, Capsula, Mamba Beat eta Mocker's Mundakan aurten
2016-02-18 17:39 Musikea
Garagarrilaren 28, 29 eta 30a gero eta hurrago dagozanez, egun danatarako abonoa 55 euroan erosi zeinke oraindino; laster 60 euroan egongo da salgai. Sarrerak Mundaka festibal webgunean, Kutxabanken webgune eta kutxazainetan, Ticketmaster, Fnac, Halcón Bidaiak eta Viajes Amaiaren bulego guztietan dozuez eskuragarri.
Erromeria giroa albo batera itxi barik, diskoa atara dau Garilak 26-k
2016-02-18 13:06 Musikea
Jaigune eta ospakizunetan joteko jaio zan Garilak 26 eta, izakera horri uko egiten ez deutsien arren, estudioko diskoa atarateko pausua egin dabe, Baga Biga zigiluagaz. Eurek sortutako abestiez hornidutako lan horri Adrenalinaren zain izenburua emon deutsie. Rock doinuak erromeria giroagaz buztartu ditue eta kolaboratzaile ugariren laguntzinoa euki dabe.
Blond:Ish kanadarrak protagonista zezeilaren 19ko Art After Dark saioan
2016-02-16 17:21 Musikea
Art After Dark ekimeneko aste honetako protagonistak Blond:Ish, Aníbal Gómez eta Madelman dira. Era berean, Making Africa – Gaur egungo diseinuaren kontinentea erakusketaz, Ho Tzu Nyenen Ezagutzen ez danaren hodeia bideoinstalazinoaz eta Bilboko Guggenheimeko Bildumako maisulanak erakusketaz gozetako aukerea be izango dabe hurreratzen diranek.
Konpositore erromantikoek hartuko dabe Bilbo, Musika-Musica zikloan
2016-02-16 16:53 Musikea
Erromantikoentzako zubia izenburupean, Schubert, Mendelsohn, Wagner eta Richard Strauss konpositoreak izango dira protagonista. Kontzertu nagusiak martiaren 4, 5 eta 6an izango dira Bilboko Euskalduna jauregian. Ganera, uriko auzoetan emonaldiak egongo dira eta berbaldi ziklo bat be antolatu dabe. Guztira, 75 kontzertutan, 700 musikari profesional baino gehiago batuko ditu Bilboko Udalak eta Bilbao 700 Fundazinoak bultzatutako jaialdiak.
Kendrick Lamar eta Taylor Swift nagusi Grammy sarietan
2016-02-16 11:51 Musikea
Aurtengo ekitaldiko momenturik berezienetakoak bi izan ziran; alde batetik, Lionel Richieri Demi Lobato, John Legend, Meghan Trainor, Luke Bryan eta Tyrese Gibsonek eskaini eutsien omenaldia eta, bestetik, oraintsu hildako Davil Bowieri Lady Gagak egin eutson omenaldia.
Bruce Springsteenek Donostian kantauko dau maiatzaren 17an
2016-02-16 10:37 Musikea
Sarrerak martiaren 4an jarriko ditue salgai, Interneten, Doctor Musicek ohar bidez jakinarazo dauenez. Prezioei jagokenez, jesarleku erreserbatua 65 eta 115 euro bitartean pagau beharko da; pistan, barriz, 80 euro (Prezio horreei banaketa gastuak gehitu behar jakez). Sarrerak internet bidez baino ezingo dira eskuratu: doctormusic.com, ticketmaster.es, fnac.es, carrefour.es eta halconviajes.com plataformatan.
Oskarbi talde mitikoak euskal poesiari lotutako kontzertu berezia eskainiko dau Arriagan
2016-02-15 13:36 Musikea
Oskarbi taldeak 1966ko zemendian emon zituan lehen pausuak. 50 urte beteko dira, beraz, taldea euskal kantu herrikoiak zabaltzen hasi eta euskal kantu barriak egiten hasi zanetik. Bere ibilbide luzean kantaldi eta kontzertu asko emon ditu, Euskal Herrian batez be. Lau urtez, Oskarbikoak Ez Dok Amairuko partaide izan ziran (1967-1971). Hamar disko plazaratu ditue eta hamaikagarrena grabetan hasi dira.
Disko barria plazaratu dau Pier Paul Berzaitzek, Xabier Lete gogoan
2016-02-12 09:51 Musikea
Kantari zuberotarraren ibilbidearen erakusgarri diran 13 abesti dakarz Egunsentiaren kantak diskoak. Joxan Goikoetxeagaz batera sortu dau diskoa Pier Paul Berzaitzek, haren Aztarna produkzino etxearen zigiluagaz. Berzaitzek ezagun egin dituan kantak, bersinoak zein orain arte argitaratu barik euki dauen doinuren bat dagoz lan barrian. Xabier Leteren poema batzuei musikea ipini deutse, ganera.
Chvrches, Slaves, InHeaven eta Love of Lesbian taldeek lehen aldiz joko dabe Bilbao BBK Live jaialdian
2016-02-11 17:04 Musikea
Gaur jakin dogunez, Britainia Handiko Chvrches, Slaves eta InHeaven taldeen eta Estaduko Love of Lesbian taldeek lehen aldiz joko dabe garagarrilaren 7an, 8an eta 9an Kobetamendiko jaialdian. Orain arte hogei taldek baino gehiagok baieztatu dabe Bilbao BBK Live jaialdian egongo dirala.
Arriskatu egin dau Guda Dantza taldeak bigarren diskoan
2016-02-09 13:07 Musikea
Aurreko diskoagaz alderatuta, arrisku gehiago hartu ditu Guda Dantzak Labarraren ertzean lanean (Baga Biga). Ska estiloaren inguruko doinuak ardatz dirala, jantzan egiteko aproposa dan diskoa sortu dabe, baina gogoetea ahaztu barik. Iraganaren ganeko hausnarketea dakar, izan be, Bizkaiko seikoteak Labarraren ertzeanen. Barikuan aurkeztuko dabe diskoa zuzenean, Mungian.
The Long Ryders, The James Hunter Six eta WAS egongo dira Basauriko MAZ jaialdian
2016-02-08 14:36 Musikea
Basauriko Udalak eta Social Antzokiak antolatu dabe, aurten bosgarrenez, MAZ jaiadia. Apirilaren 29tik maiatzaren 7ra bitartean, bertoko eta atzerriko talde ezagun ugari batuko dira, tartean The Long Ryders, The James Hunter Six eta Dan Stuart. Euskal taldeen artean, WAS egongo da, lehen We Are Standard zana.
Bilbao Distrito Jazz zirkuituak askotariko musikea eroango dau uriko auzoetara
2016-02-08 13:04 Musikea
Hilaren 12an, barikua, hasiko da 2016ko Bilbao Distrito Jazz zikloa, Trio Miller-Mc Henry-Le Hir hirukoteak Errekalden emongo dauen kontzertuagaz. Bilboko Udalak aurreratu dauenez, zezeilean eta martian, guztira bost kontzertu izango dira, beste horrenbeste auzotan.
Franco Cesarinik Bilboko Udal Musika Bandeagaz estreinauko dau bere lehenengo sinfonia: 'The Archangels'
2016-02-04 10:13 Musikea
Mundu osoan ezaguna dan Franco Cesarini zuzendari eta konposatzaile suitzarrak Bilboko Udal Musika Bandea aukeratu dau idatzi dauen lehenengo sinfonia, The Archangels, estreinetako. Hirzordua zezeilaren 7an, domekan, eguerdiko 12:00etan izango da, Bilboko Euskalduna Jauregiko Auditorioan, Musika helvetiarra ezagutzen izenburuko kontzertuan.
Diskoa kalean dala, aurkezpen bireari ekingo deutso Lenao talde oñatiarrak
2016-02-03 12:45 Musikea
Iker Martinez de Zuazo (Latzen, Potemkin, Amonal...), Egoitz Olalde (Sharon Stoner, Sorkun...), Joxeba Aranburu (Bitz...) eta Ander Etxaniz (Gas...) dira Lenaoko partaideak. 2015eko garagarrilean Andoaingo Garate estudioan Kaki Arkarazoren gidaritzapean, konposautako material kopuru handi baten erakusle diran 11 abesti grabau zituen.
Bilboko Txistulari Bandeak eta Nafarroako konserbatorioko kideek 'Musikearen koloreak' dakarrez Euskaldunara
2016-02-02 11:03 Musikea
Zezeilaren 3an, eguaztena, izango da saioa, Bilboko Euskalduna Jauregian. Txistuagaz joteko piezak dira Musikearen koloreak emonaldiaren oinarria, pianoak, marimbak, kontrabaxuak eta abarrek lagunduta. Estilo ugaritako errepertorioa preparau dabe. Bilboko Udal Txistulari Bandeak, oraingoan, Nafarroako Konserbatorioko hamar musikari izango ditu alboan.
Kraftwerk taldearen zortzi kontzertu egongo dira urrian Guggenheimen
2016-01-27 16:50 Musikea
Alemaniako Kraftwerk taldearen ibilbide luzeari errepasoa egiteko balioko dabe kontzertuek, emonaldi bakotxa disko baten oinarrituta egongo dalako, Bilboko Guggenheim Museoak azaldu dauenez. Urriaren 7tik 14ra izango dira zortzi kontzertuak eta datorren hilean ipiniko dira sarrerak salgai.
Art After Dark zikloan, Agents of Time hirukote italiarra dator Bilbora
2016-01-22 13:09 Musikea
Guggenheim Museoak antolatzen dauen Art After Dark zikloko saioa antolatu dabe gaurko, barikua. Agents of Time hirukote italiarraren doinu bereziak entzun eta koreografia deigarriak ikusi ahal izango dira oraingoan. Mungo´s HiFi eta Bomb Bass be egongo dira. Saioa gaueko 22:00etan hasiko da.
Bere izakereari ez deutso uko egin Belakok 'Hamen' disko barrian
2016-01-19 13:59 Musikea
Talde gaztea dan arren, arrakastea lortu dau Belakok eta horrek Euskal Herritik kanpoko eszenatokietara eroan dau laukotea. Bapateko ospe horrek presinoa dakarren arren, taldekideek ziurtatu dabe disko barrian euren gustoko musikea egiten segidu dabela. Estilo eklektikoa eta doinu landuagoak dakarrez Hamen diskoko hamabi kantek.
Bakarkako lehenengo diskoa atara dau Jurgi Ekizak
2016-01-15 13:39 Musikea
Musikearen munduan badauka eskarmentua Jurgi Ekizak, Willis Drummond taldean urte askoan ibili da eta. Baina bakarka, hauxe dau lehenengo lana. Izenburua be deigarria ipini deutso diskoari: bH036-LP. Bidehuts zigiluagaz plazaratu dau Ekizak barru-barrutik urtendako hamar kanta daukazan lan hau.
Beira taldeak 'Margotu berria' diskoa plazaratu dau
2016-01-15 11:01 Musikea
Bertsoa eta musikea buztartzen ditu Beira talde gipuzkoarrak. Bigarren diskoa dau Margotu berria (Baga Biga) eta oraingoan be, ondo jagondako letrak eta rock erritmoak dakarz. Hamar kanta sartu ditue lan barrian. Hurrengo emonaldia Oñatin izango da, hilaren 22an.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan