Anarik 'Zure aurrekari penalak' bere bosgarren diskoa kaleratu dau
2015-05-08 12:10 Musikea
Bederatzi kantako diskoa da Zure aurrekari penalak (Bidehuts), eta danak Anarik berak idatzi ditu. Berbetan ahalegin berezia egin dauela nabarmendu eban aurkezpenean, gaiak aldatu ez dituan arren. Maiatzaren 21ean, Bilboko Kafe Antzokian aurkeztuko dau behar barria zuzenean.
Euskal pianistak izango dira Bilbao Orkestra Sinfonikoaren denporaldi barriko protagonistak
2015-05-07 14:08 Musikea
BOSek 2015-2016 denporaldiko egitaraua aurkeztu barri dau. Erik Nielsen orkestrearen zuzendari barriak lehenengoz gidatuko dau BOS, urriaren 8an, Joaquin Atxukarro piano-jolea protagonista izango dan emonaldian. Aurten, ballet ikuskizun bat eskainiko dau orkestreak, Victor Ullate konpainiaren eskutik.
MAZ Basaurira joateko bonoak agortu dira
2015-05-07 12:01 Musikea
Datorren astean hasiko dan arren, MAZ Basauri festibalak sekulako iksumina eragin dau, izan be, Social Antzokiko kontzertu guztiak ikusteko bonoak agortu egin dira dagoeneko eta eguneko sarrerak baino ez dira geratzen. Halan da be, eguneko sarrerak bakarrik geratzen dira; Burning eta Ruper Ordorika kartelburuen musikaz disfrutetako sarrerak 10 euroan eros daitekez leihatilan eta Mike Farrisen egunerako, 12 euroan.
Chromeo, Julio Bashmore eta Monarchy, Bilbao BBK Live jaialdian
2015-05-06 14:11 Musikea
Bilbao BBK Live jaialdiak beste 14 talde sartu barri ditu egitarauan, Chromeo electrofunk bikote kanadarra, Julio Bashmore eta Monarchy taldeak, besteak beste, Last Tour enpresa antolatzaileak jakinarazo dauenez. Garagarrilaren 9, 10 eta 11n egingo da jaialdia, Kobetamendin. Mumford & Sons, The Jesus and Mary Chain eta Muse taldeak dira aurtengo kartelburuak.
XVI. Eleizetan programeak Amorebieta-Etxanoko ermita eta eleizak ganbera-musikaz beteko ditu
2015-05-06 11:06 Musikea
Maiatzean Amorebieta-Etxanoko ermita eta eleizetan ganbera-musikearen arloan Euskadin egiten dan programarik originaletako bat entzun ahal izango da, XVI. Eleizetan egitarauan. Programeari berezitasuna emoten deutsona hain zuzen be kontzertuen kokapena da. Kontzertuok herriko ermita eta eleizetan egingo dira eta aurten lehenengo aldiz San Antonio ermitan kontzertu bat egingo da.
Musikene ikastegiko musikari gazteak protagonista, Bilboko Udal Musika Eskolako kontzertu zikloan
2015-05-05 13:53 Musikea
Danetara, lau kontzertu eskainiko ditue Musikeneko ikasleek, eta lehenengo gaur izango da, BilbaoMusikako Auditorioan, 19:30ean. Silenzio Contemporánea ganbera musika hirukotea izango da gaurko saioko protagonistea. Sarrera debalde da.
Seth Troxler, Txef_A eta Block2Club maiatzeko Art After Dark saioan, Bilboko Guggenheimen
2015-05-04 15:15 Musikea
Maiatzaren 8ko Art After Dark saioari hasierea Block2Club DJ taldeak emongo deutso, 22:00etan. Euren ostean etorriko dira Txef_A eta Seth Troxler taldeak. Musikea entzuteaz aparte, museoan dagozan erakusketak ikusteko aukerea izango dau publikoak, goizaldeko ordu batak arte.
Skasti taldeak 'Maskarak' disko barria plazaratu dau
2015-04-30 18:36 Musikea
Banda zarauztarrak Maskarak (Elkar) diskoa aurkeztu barri dau, taldearen hamargarren urteurrenagaz bat eginez. Funky aparta, lehen mailako dance musikea, rock telurikoa eta zertzelada aereoak buztartzen ditu dotorezia handiz, dinoe diskoetxeko arduradunek. Donostiako Victoria Eugenia Clubean aurkeztuko dau Skastik diskoa zuzenean maiatzaren 7an, 20:00etan.
Lain seikoteak 'Tximeletak' hirugarren diskoa aurkeztu dau
2015-04-30 15:39 Musikea
Hamaika kanta ditu Lain talde gipuzkoarraren Tximeletak (Baga-biga) behar barriak. Disko landuago, helduago eta pertsonalagoa dala nabarmendu dabe taldekideek. Tolosako Bonbernean aurkeztuko dabe zuzenean maiatzaren 9an.
Bilboko Udal Musika Bandeak 'Pos eso' animazino filmaren soinu bandea interpretauko dau
2015-04-30 14:52 Musikea
Bilboko Udal Musika Bandako 45 musikari baino gehiagok Aritz Villodasek idatzitako lanak interpretau zituen, eta bere zuzendaritzapean, Pos eso lanaren soinu bandea osotzen daben musika lanak grabau zituen, segundoz-segundo, zinemeak eskatzen dauen legez, soinua eta irudia guztiz bat etor daitezan.
Joserra Senperenak '9 ganbera pieza' diskoa kaleratu dau
2015-04-30 14:41 Musikea
Azkenengo urte eta erdian idatzitako bederatzi kantek osotzen dabe Joserra Senperena pianista donostiarrak aurkeztu barri dauen 9 ganbera pieza (Elkar) diskoa. Erreferentzia klasikoak eta garaikideak ditue piezek, euskal folklorea eta popa, eta pelikuletako musikea bere bai. Udagoienean aurkeztuko dau zuzenean.
Gero eta hurrago Bilboko Aste Nagusiko Metal, Pop Rock Erakusketearen XXX. edizinoa
2015-04-28 13:42 Musikea
Aste Nagusiko Pop Rock Erakusketea 1985ean jaio zan pop rock musikan bere tokia bilatzen dabilzan Bizkaiko taldeei bultzada bat emoteko asmoagaz. Urte honeetan guztietan 1871 lan baino gehiago aurkeztu dira eta 294 taldek jentaurrean ezagutzera emoteko aukerea izan dabe Aste Nagusian egiten dan erakusketa honi esker, Bilboko Udaleko Jai eta Herritarrentzako Arreta sailak antolatua.
Euskal Herria Zuzenean jaialdiak 20. edizinoko kartela aurkeztu dau
2015-04-28 11:28 Musikea
Lekorneko Garroa gazteluak garagarrilaren 3tik 5era eskainiko dauen egitarauaren aurkezpena izan zan atzo Baionan. Deluxe, Skip & Die, The Coup, Anestesia, Joseba B. Lenoir Gang eta Massilia Sound System taldeek joko dabe EHZ jaialdian, besteak beste. Antzerkia, jantzea, berbaldiak, bertsolariak eta umeentzako jarduerak be atondu ditue. Sarrerak salgai dagoz daborduko.
Governors taldeak 'Su garaian' zuzeneko lana argitaratu dau
2015-04-16 15:55 Musikea
Sasoi baten lekukoa da Su garaian (Baga-biga) zuzenekoa lana, Governors taldearen bederatzi urteko ibilbidearen laburpena, taldekideen esanetan. Hemeratzi kanta ditu diskoak, euren eta jarraitzaileen artean aukeratutakoak. Makinatxu bat zuzeneko ditue hemendik aurrera, baina 2016an deskantsau egingo dabe. Astegoienean Bizkaian joko dabe, barikuan, Ondarroako Beikozinin, eta zapatuan, Otxandion.
Seiurte talde berriztarrak 'Ezpalak' estudioko seigarren lana aurkeztu dau
2015-04-15 15:53 Musikea
Zortzi kanta ditu Seiurte laukotearen Ezpalak disko barriak, aurrekoetan baino abesti gitxiago, baina indar eta energia beragaz. Laster hogei urte beteko ditu Berrizko taldeak, eta gogotsu dagoz behar barria jentaurrean aurkezteko. Lehenengo kontzertua maiatzaren 1ean emongo dabe, Tolosako Bonberenean.
The Predatorz talde errusiarra Bilboko BreakOnStage jaialdian, apirilaren 25ean
2015-04-14 17:09 Musikea
Munduko breakdance txapelduna The Predatorz zazpikotea eta Infamous talde europar onena Bilbao Arenan izango dira hilaren 25ean, BreakOnStage Nazinoarteko Kultura Urbano Eszenikoen Jaialdiaren 15. edizinoan. Agertoki bakarrean kultura urbanoaren espezialidade anitzak ikusteko aukerea izango da aurten be, 19:00etatik aurrera. Elorrioko Arriola Antzokia eta Logela Multimedia taldea dira antolatzaileak.
Kalakan taldeak 'Elementuak' disko barria aurkeztu dau
2015-04-14 11:23 Musikea
Hamalau kanta daukaz Thierry Biscary, Jamixel Bereau eta Xan Errotabehere musikariek osotutako Kalakan taldearen Elementuak behar barriak. Sinpletasuna eta gordintasuna dira nagusi abestietan. Euskal kantutegiaren mamina aztertu, eta berrinterpretau dabe. Bilbon aurkeztuko dabe diskoa zuzenean, Loraldia jaialdiaren barruan, hilaren 24an.
Pello Serbiellek 'Zara' diskoa kaleratu dau
2015-04-09 11:53 Musikea
Proiektu zabal baten lehenengo pausua da Zara diskoa, izan be kantari mauletarrak trilogia bat osotzeko asmoa dauka, berbaldi eta dokumental bategaz batera. Euskeraz, bretoieraz, gaelikoz, ingelesez eta frantsesez kantetan dau Peio Serbiellek behar honetan. Bederatzi kanta eta errezitautako testu bat ditu diskoak.
Bilbo Hiria Pop Rock Lehiaketearen 27. edizinoan izena emoteko epea zabaldu dabe
2015-04-07 15:29 Musikea
Bilboko Udaleko Euskera, Gazteria eta Kirol Saileko Gazteen Gaietarako Zerbitzuak Bilbo Hiria Pop Rock Lehiaketearen 27. edizinoa ipini dau martxan. Izena emoteko azkenengo eguna maiatzaren 14a da. Hiru modalidade ditu: Pop Rocka, Metala eta Elektronikea eta beste joera batzuk.
'Cómeme Label Night' birea, apirileko Art After Dark saioko protagonista
2015-04-07 13:03 Musikea
Bilboko Guggenheim museoak Art After Dark emonaldi berezia hartuko dau barikuan, hilaren 10ean. New Yorken abiatutako Cómeme Label Night birako saioa eskainiko dabe Christian Sk, Lena Willikensek eta Matías Aguayok. AEBetatik eta Mexikotik zehar ibili ostean datoz Bilbora.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan