'Zatoz euskarara' kanpainea aurkeztu dabe Bilbon
2014-09-17 14:56 Euskerea berbagai
Zatoz euskarara kanpainearen helburu nagusiak bi dira: batetik, helduen matrikulazinoa sustatzea Bizkaiko euskaltegietan 2014-2015 ikasturtera begira, eta bestetik, euskaltegietan arian-arian euskalduntzen diran herritarrak eta gizataldeak animetea euskerea eguneroko bizimoduan erabil deien euskaltegitik kanpo, edozein gizarte-esparrutan.
Udalbiltzak udaletan kudeatuko ditu Behatokiaren euskerearen telefonoan batutako kexak
2014-09-17 11:08 Euskerea berbagai
Udalbiltzak eta Kontseiluak lankidetza hitzarmen bat aurkeztu dabe bart eta akordioaren ondorioz, Euskal Herriko Garapen eta Kohesino Fondoak 10.000 euro emongo deutsoz Kontseiluari, Hizkuntz Eskubideen Behatokiaren bitartez lana egin daian.
Euskerearen zabalkundean gurasoen garrantzia azpimarratu dabe hezkuntzako eta euskaltegietako arduradunek
2014-09-16 15:24 Euskerea berbagai
Umeen hezkuntzan eta helduen euskalduntzean jarduten diran eragileetako ordezkariek bat egin dabe, Zatoz euskaltegira aldarriaren inguruan. Batez be gurasoak animau nahi ditue euskerea ikastera edo euren euskerea hobetzera, horrek hizkuntzearen transmisinoan eragingo dauelakoan. Seme-alabak D ereduan sartzea ez dala nahikoa eta gurasoek umeak euskalduntzen jarrera aktiboa euki behar dabela azpimarratu dabe.
Euskerazko Tesien Koldo Mitxelena Sarien laugarren edizinoaren deialdia egin dabe
2014-09-10 12:01 Euskerea berbagai
Euskaltzaindiak eta Euskal Herriko Unibersidadeak antolatutako Euskerazko Tesien Koldo Mitxelena Sarien hirugarren edizinoaren deialdia egin dabe. EHUn 2012ko bagilaren 16tik 2014ko garagarrilaren 31ra bitartean euskeraz idatzi eta defendaturiko doktorego-tesiak aurkeztu ahal izango dira deialdi honetara. Eskariak aurkezteko epea 2014ko irailaren 26ra arte egongo da zabalik
Uemari ezarritako betoaz
2014-09-08 10:59 Euskerea berbagai
Nafarroako Gobernuak gure herrietan daukagun errealidade soziolinguistikoa onartu barik jarraitzen dau. Ez ditu ikusi nahi Nafarroan euskereak dituan arnasguneak. Ez gaitu kontuan hartu nahi euskeraz bizi nahi dogun Nafarroako herritarrak. Eta horregaitik, Nafarroako euskerearen arnasguneak ezabatu eta desagerrarazoteko politikak ditu abian.
'Posiblea da eta merezidu dau', AEK-k 2014-2015 ikasturteko matrikulazino kanpainea aurkeztu dau
2014-09-04 15:06 Euskerea berbagai
Euskerea ikasteko hainbat motibazino eta helburu egonik, posiblea dala eta merezidu dauela azpimarratu dabe AEK-ko arduradunek, nor bere arrazoiakaz, bere helburuakaz, nor bere mailatik abiatuta. Euskerea nahi izate hori norberaren esku dago, norberaren gogo eta beharren barruan.
Reyes Prados eta Anne Igartiburu aurkezleek 'Poziktibity' proiektuaren hirugarren bideoa aurkeztu dabe Bilbon
2014-09-03 15:45 Euskerea berbagai
Hirugarren honetan, Reyes Pradosek eta Anne Igartiburuk bestelako mezu bat botaten dabe: sekula ez dala berandu beste hizkuntza bat ikasteko. Heldutan be hizkuntzak ikastea oso garrantzitsua dala, hain zuzen. izan be, hirugarren bideo hau txikitatik etxean edota eskolan euskerea ikasi ez daben personei dago zuzenduta.
'Hamalau Heriotzena' lanaren jatorrizko bertsopapelaren kopia topau dabe Euskaltzaindian
2014-09-03 11:03 Euskerea berbagai
Modesto eta Bertol Arrieta aita-semeek Hamalau Heriotzena izeneko sortearen jatorrizko bertsopapelaren kopia bat topau dabe Euskaltzaindiaren Azkue Bibliotekan. Dokumentu berean agertzen danez, Tolosan argitaratu zan, D. Juan Manuel la Lamaren inprimategian, 1826an.
Uema Udalerri Euskaldunen Mankomunidadeak jaso dau aurtengo Euskara saria, Hau Pittu Hau konparsearen eskutik
2014-08-19 11:12 Euskerea berbagai
Euskerearen normalizazino eta sustapenerako egindako lana saritzeko asmoz, Hau Pittu Hau konparseak Uema Udalerri Euskaldunen Mankomunidadeari emon deutso aurtengo Euskara saria, Bilboko Aste Nagusian, konparsearen eta Uemaren helburua berbera baita, hau da, Euskal Herri euskalduna lortzea.
'Euskera' agerkariaren aholku batzordeak sei kide barri ditu
2014-07-30 12:02 Euskerea berbagai
Mixel Aurnague, Martine Berthelot, Martin Haase, Jose Ignazio Hualde, Xabier Itzaina eta Jon Landaburu dira Euskaltzaindiak argitaratzen dauen Euskera aldizkariaren aholku batzordeko kide barriak. Agerkariaren Idazketa batzordeak proponidu zituan, eta Akademiaren Osoko bilkureak onartu.
'Nafarroako ipar-mendebaleko hizkeren egitura geo-linguistikoa' liburua sarean ipini dau Euskaltzaindiak
2014-07-29 11:09 Euskerea berbagai
Amaia Apalauzak idatzitako Nafarroako ipar-mendebaleko hizkeren egitura-geolinguistikoa beharra Euskaltzaindiaren webgunean irakurgai dago daborduko. Liburua Akademia eta Nafarroako Gobernuaren artean sustatutako Mendaur bildumearen 10. zenbakia da.
'Humboldt: Selected Basque Writings' lana argitaratu dabe Bizkaiko Foru Aldundiak eta Renoko Euskal Ikasketen Zentroak
2014-07-24 11:30 Euskerea berbagai
Iñaki Zabaleta Gorrotxategik atondu dau Wilhelm von Humboldten testuen antologia, Basque Classics Series bildumako bederatzigarrena. Renoko Euskal Ikasketen Zentroak euskal kulturea AEBetan hedatzeko eta sustatzeko bultzatzen dauen programearen barruan dago saila.
Euskerearen aurrekontuek, 'egokiak izan daitezan', aurrekontu osoaren %2 gainditu behar dabela dino Kontseiluak
2014-07-18 15:03 Euskerea berbagai
Euskerearen normalizazinoari behar dauen bultzadea emoteko lau alor nagusitan egin behar da aurrera. Alde batetik, euskerearen aldeko herri gogoa indartu behar da; bigarrenez, arkitektura juridikoaren egokitzapena behar da arauak gaurkotzeko eta hutsuneak beteteko; hirugarrenik, plangintza eragingarriak abiatu behar dira; eta azkenik, diru inbersinoak handitu behar dira.
Ertzaintzearen lehenengo Euskerearen Erabilera Plana aurkeztu jake sindikatuei
2014-07-17 13:17 Euskerea berbagai
Bost urteko planak bere ekintzen artean dakar euskerea ikasteko liberautako ertzainen kopurua igotea. Gaur egun 25 dira, eta 2015. urtetik aurrera, Segurtasun Sailak euskerea ikasteko ikastaroetara 80 eta 100 persona bitartean joan daitezala nahi dau.
Ipar Euskal Herrian euskerea sustatzeko 1,6 miloe euro batu ditue EEPk eta Eusko Jaurlaritzeak
2014-07-16 12:44 Euskerea berbagai
Garbi dakigu bakarka ezin dauela inork aurrera egin. Danok dogulako danon preminea. Euskereak danon preminea dauelako. Danok dogulako euskerearen preminea, gero eta gizarte elebidunago bat eregiteko ahaleginean, baita Iparraldean be. Lankidetza horren emoitzea da, hain zuzen, gaur Euskerearen Erakunde Publikoaren eta Eusko Jaurlaritzearen ordezkariok aurkezten dogun ebazpena, azaldu dau Baztarrikak.
Bizkaiko Aldundiak 355.000 euroko diru-laguntzinoa emongo deutso Euskaltzaindiari
2014-07-15 14:02 Euskerea berbagai
Bizkaiko Foru Aldundiko Gobernu Kontseiluak Eusko Jaurlaritzearen, foru aldundien eta Euskaltzaindiaren arteko 2010-2013 aldirako esparru hitzarmenaren indarraldia 2014an luzatzea onetsi dau, eta holan, foru erakundeak 355.000 euroko diru-laguntzinoa emongo deutso Akademiari.
Automobilgintzako Hiztegia aurkeztu dabe gaur
2014-07-08 15:15 Euskerea berbagai
Automobilgintzako 2.637 kontzeptu batzen ditu hiztegiak, 16 alorretan sailkatuak, eta Interneten konsultau daiteke oso-osorik. Gaur goizean aurkeztu dabe proiektua, Zornotzako Automotive Intelligence Centeren.
Udan makinatxu bat aukera euskerea ikasteko
2014-06-30 17:30 Euskerea berbagai
Hizkuntza Politikarako sailburuorde Patxi Baztarrikak, batetik, goraipatu egin dau euskaldun barriek euskereari eta hizkuntza bizikidetzeari egiten deutsien ekarpena; eta, bestetik, euskal hiztunei erabilerearen aldeko mezua luzatu deutse: euskerea gogotik eta bihotzetik ezpanetara eroatea da euskereari egin geinkion mesederik handiena.
Gasteizko Udalak eta Euskaltzaindiak aurtengo lankidetza hitzarmena sinatu dabe
2014-06-27 15:52 Euskerea berbagai
Gasteizko Udalaren eta Euskaltzaindiaren arteko alkarlanaren emoitza behinena Gasteizko Toponimia ikertzeko egitasmoa da eta holan azpimarratu dabe gaur bi erakundeotako buruek.
Euskerazko lanbide heziketearen alde egingo da 2015eko Ibilaldian
2014-06-27 15:24 Euskerea berbagai
Bilbon egingo da, maiatzaren 31n, datorren urteko Ikastolen Ibilaldia. Barrikuntza nagusia izango da, umeentzako ikastetxe batek antolatu beharrean, oraingoan lanbide heziketako zentro batek antolatuko dauela jaia. Izan be, Bilbo Zaharrean kokatutako Harrobia ikastetxea, Ikastolek bultzatutako proiektua da, lanbide heziketea be euskeraz egiteko aukerea emoteko.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...