III. Lurraldea eta Hizkuntza. Oraina & Geroa jardunaldiak maiatzaren 12an egingo ditue Donostian
2016-04-28 15:45 Euskerea berbagai
Edizino honetan Eragin Linguistikoaren Ebaluazioa (ELE) tresnaren oraina eta etorkizuna irudikatu nahi da, esperientzia zehatzak aurkeztuz, balizko kalteak apaltzeko neurri zuzentzaileez hausnartuz, eta ELE tresnearen txertaketa legal posiblea iradokiz.
Labayruren hiztegiak eskuko telefonoan doban ikusteko aplikazinoa sortu dabe
2016-04-28 13:45 Euskerea berbagai
Labayru Hiztegia eta Hiztegi Fraseologikoa interneten ipini zituan aurreko udan eta, orain, eskuko telefonotik be konsultau ahal izateko aplikazinoa sortu dau Labayru Fundazinoak. Dobakoa da eta offline ikusi ahal izango da, hau da, interneteko konekzino barik. Hurrengo pausua, hiztegiak tableterako egokitzea izango dala dino Labayruk.
Lanbide Heziketara begira jarriko da Herri Urrats aurten
2016-04-28 10:41 Euskerea berbagai
Gaur egun, Ipar Euskal Herrian ez dago Lanbide Heziketea euskeraz egiteko ezelako aukerarik. Egoera horri bueltea emon guran, aurtengo Herri Urrats jaialdian batutako diruagaz Baionan lizeo profesionala eregiko dabe. Maiatzaren 8an izango da Iparraldeko ikastolen jaia, ohiko moduan Senpereko lakuaren inguruan.
Iruña-Veleiako aztarnen benetakotasunaren aldekoek nazinoarteko topaketea egingo dabe maiatzean
2016-04-26 12:49 Euskerea berbagai
Ia hamar urte bete dira euskerazko eta latinezko idatziak topau zirala Arabako aztarnategi haretan. Faltsuak dirala ondorioztau dan arren, Euskeraren Jatorria, SOS Iruña-Veleia, Martin Ttipia eta Lurmen alkarteek benetakoak dirala aldarrikatzen dabe eta biltzarra antolatu dabe gaia aztertzeko, maiatzaren 2an hasita. Iruña Veleia Europako altxor arkeologiko, linguistiko eta historikoa dala dinoe.
Gazteak, kirola eta euskerea lotu behar dirala nabarmendu dabe Udaltop jardunaldietan
2016-04-22 10:18 Euskerea berbagai
Udaletako euskera zerbitzuen arteko topaketea, Udaltop, egin dabe Lasarte-Orian, atzo eta gaur. Jardunaldietan, udaletan euskerea bultzatzeaz arduratzen diran profesionalak eta erakunde publikoetako ordezkariak batu dira. Aurtengo izenburua, honako hau: Kirolean D eredua noizko? Nork eta zer egin geinke gazteen euskerazko kirol jarduna ziurtatzeko. Umeen astialdian euskerea sartzea ezinbestekoa dala uste dabe parte-hartzaileek.
Ziortza-Bolibarreko Udalak UEMAn sartzea onartu dau
2016-04-19 15:32 Euskerea berbagai
Astelehen iluntzean egindako osoko bilkuran, Ziortza-Bolibarreko Udaleko zinegotzi gehienek Udalerri Euskaldunen Mankomunidadean, UEMAn, sartzearen alde egin eben. Maiatzean egingo dau UEMAk Batzar Nagusia eta bertan onartuko dabe Ziortza-Bolibar, ezusterik ezean. Gaur egun, 73 kide daukaz UEMAk, tartean Bizkaiko 20 udalerri.
Lanpres gidea aurkeztu dabe, Lanbide Heziketan praktikak euskeraz egin ahal izateko
2016-04-19 12:46 Euskerea berbagai
Bilbon antolatutako jardunaldi baten aurkeztu dau Laneki alkarteak Lanpres izeneko gida hori. Lanbide Heziketea euskaldutzearen erronkea izan da jardunaldiko ardatza eta gida horrek, hain zuzen, ikasleek enpresetan euskerazko egotaldiak egiteko aukerea erraztuko dau. Praktiketan be euskerearen alde egiteko deia egin deutsie gazteei.
Getxon, euskerazko ibilbide toponimikoak hasiko dira asteburuan
2016-04-19 11:10 Euskerea berbagai
Bost ibilbide preparau ditu Bizarra Lepoan euskera alkarteak, igaz baino bat gehiago. Punta Begoña inguruko txangoa gehitu dabe oraingoan. Taldeka egiteko ibilbideak dira, eskariaren arabera, baina apiriletik bagilerako asteburuetan edonor joateko aukerea emongo dabe. Lehenengo urteerea apirilaren 23an izango da, Getxoko hezeguneetara.
Harrapazank lehiaketearen finalak izango dira asteburuan Bilborocken
2016-04-15 15:29 Euskerea berbagai
Senior mailako finala zapatuan izango da eta junior mailakoa, domekan. Harrapazank ume eta gazteentzako talentu lehiaketea da eta kultureagaz lotutako euskerazko astialdirako aukerak eskaintzea dau helburu. Bilboko Udalak eta Topaguneak antolatzen dabe. Aurtengo finaletan, Itziar Ituño, Natxo Montero eta Zuriñe Hidalgo izango dira epaileak.
UEMAren hezkuntza proiektua, udalerri euskaldunetarako ekarpen barria eta iraunkorra
2016-04-15 12:55 Euskerea berbagai
Udalak euskaldundu arren udalerriak erdalduntzen doazela jaubetuta, UEMAren bide estrategikoetako bat da udalerri euskaldunetako herritarrak sensibilizetea eta ahalmentzea, arnasguneen garrantziaz jaubetu daitezan, hizkuntza ohituretan euskerearen aldeko hautua egin deien.
Euskerazko 55 liburu braille eta audio sistemetara egokituko ditue, itsuentzat
2016-04-14 14:03 Euskerea berbagai
ONCE erakundearen eta Eusko Jaurlaritzako Hizkuntza Politikako sailburuordetzearen arteko alkarlanari esker, ikusmen urritasuna daukien euskaldunentzako liburuen katalogoa sortzen dabilz. Aurten, 44.000 euroko fondoa sortu dabe, euskerazko 55 obra braille eta audio sistemetan erabilteko. 2006an alkarlana hasi zanetik, 600 liburu baino gehiago egokitu dira.
VII. Euskaraz Bizi Eguna Baionan, apirilaren 16an
2016-04-14 13:20 Euskerea berbagai
Izan, Egin, Eragin. Euskal Herrian Euskaraz lelopean ospatuko da VII. Euskaraz Bizi Eguna Baionan. Aldarrikapen jaia Lapurdira eroaten daben lehenengo aldia da, eta EHEk azpimarratu dauenez, salto kualitatiboa emoteko sasoia da: gure etorkizunerako erabagigarria dan boladea da hau eta bakotxak beretik eta komunidade moduan bultza eginez euskaldunok asmau behar dogu.
Euskaltzaindiaren eta EHUren arteko lehenengo mintegia egin dabe Bilbon
2016-04-12 10:36 Euskerea berbagai
Ikerketea bultzatzeko asmoz eratu dabe mintegi hori. EHUko Euskal Hizkuntzalaritza eta Filologia masterreko eta doktorego programako ikasleei zuzendutako topaketea izan da. EHUko ikasleek praktikak Euskaltzaindian egin ahal izateko lehenengo pausua izan da. Bilbon egin dabe mintegia, Euskaltzaindiaren egoitzan.
Euskerearen erabilerea bultzatzeko hitzarmena sinatu dabe Euskaltzaindiak eta Bilboko Udalak
2016-04-05 15:23 Euskerea berbagai
Uria euskaldunago bihurtzeko sinatu dabe lankidetza hitzarmena Euskaltzaindiak eta Bilboko Udalak. Akordio horren bidez, erakunde biek euskerea eta euskal kulturea zabaltzeko jarduerak antolatuko ditue. Akademiak hizkuntza arloko aholkuak emongo deutsez udaleko zerbitzuetako beharginei.
Ahozko literaturearen ganeko jardunaldia egingo dau Labayruk apirilaren 7an eta 8an
2016-04-05 10:31 Euskerea berbagai
Bilboko Rekalde aretoan izango da topaketea, Labayru Fundazinoak aurreratu dauenez. Ahozko herri-literaturea ardatz hartuta, hainbat persona ezagunek euren ikuspuntua emongo dabe: Jabier Kalzakorta, Maddi Oihenart, Jesus Antonio Cid, Yolanda Arrieta, Kirmen Uribe eta Ruper Ordorika egongo dira.
Europako hizkuntza politikak berbagai izan ditu euskal ordezkaritza batek Korsikan
2016-04-04 15:11 Euskerea berbagai
Europako Batasun Libreak (ALE) antolatuta, hainbat herrialdetako ordezkariak batu dira asteburuan Korsikan, Europako hizkuntza politikak aztertu eta leku bakotxeko esperientziak kontetako. Patxi Baztarrika Jaurlaritzako Hizkuntza Politikako sailburuordeak berbaldia emon dau. Ganera, Eusko Alkartasuneko, Aralarreko eta Gazte Abertzaleetako kideak be izan dira bertan.
Eusko Jaurlaritzeak eta Euskerearen Erakunde Publikoak hitzarmena barritu dabe Baionan
2016-04-01 10:42 Euskerea berbagai
Ipar Euskal Herrian euskerea bultzatzeaz arduratzen da EEP, Euskerearen Erakunde Publikoa eta, zeregin horretan, Jaurlaritzearen babesa dauka. Baionan sinatutako akordioan, hurrengo hileetan landuko diran alorrak zehaztu ditue erakunde biek eta finantziazinoa be adostu dabe.
Euskal Herriko ibaien izenak Euskaltzaindiaren webgunean konsultau leitekez
2016-03-31 13:06 Euskerea berbagai
Informazino zehatza eta eguneratua dakar 166. arauak, Euskaltzaindiak ibai bakotxari emoten deutsan izena ezagutzeko. Akademiaren webgunean konsultau leitekez 414 ibairen izenak. Izen bakotxaren forma egokia, mapak eta, kasu batzuetan, erdarazko baliokideak batu ditue.
Bilboko merkatarientzako euskera ikastaroetan 176 ikasle dagoz aurten
2016-03-31 12:06 Euskerea berbagai
Bilboko dendetako beharginei euskerazko oinarrizko berbak erakusteko edo euskerea hobetzeko kursoak emoten dira Biribilko egitasmoaren bidez. Aurten, 176 merkatarik emon dabe izena eta, beraz, matrikulazinoak % 12 egin dau gora, Bilboko Udalak emondako datuaren arabera.
Matrikulazinoak gora egin dau euskaltegietan, HABEren datuen arabera
2016-03-31 10:30 Euskerea berbagai
Eusko Jaurlaritzako Hizkuntza Politikako sailburuorde Patxi Baztarrikak eta HABEko zuzendari Joseba Erkiziak euskerearen irakaskuntzearen inguruko datuak eta barrikuntzak azaldu ditue agerraldi baten. Batetik, matrikulazinoak gora egin dau eta, bestetik, aldaketak iragarri ditue azterketa ofizial batzuetan. Esaterako, B1 eta B2 mailetan deialdi edegia egongo da.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...