Esaera Zaharren Sopelako Txapelketea apirilaren 25ean izango da
2015-04-20 11:44 Euskerea berbagai
Izen-emateak 10 euro balio dau taldeko, eta bazkariak 20 euro personako. Izena emoteko edo informazino gehiago jasoteko, deitu telefonoz (618 57 44 45 / 695 77 40 15), edo bialdu mezua posta elektronikoz (aitor-f@aek.org) apirilaren 20a baino lehen, izan be, izena emoteko epea apirilaren 20an amaituko da.
Sabino Arana Goiri eta euskerea gogoetagai, 'Danon esku dago euskerea biziarazotea' mintegian
2015-04-17 14:37 Euskerea berbagai
Sabino Aranaren jaiotzaren 150. urteurrenaren harira, Euskaltzaindiak eta Sabino Arana Fundazinoak Danon esku dago euskerea biziarazotea mintegia antolatu dabe. Andres Urrutia euskaltzainburuak, Juan Mari Atxutxa Sabino Arana Fundazinoko presidenteak eta Miren Josune Ariztondo Kultura diputaduak hasi dabe jardunaldia. Arana Goirik euskerearen alde egindakoen gaurkotasuna eta garrantzia nabarmendu ditue.
Zapatuan jokatuko da IV. Euskerearen Ginkanaren finala
2015-04-16 12:02 Euskerea berbagai
Kutxa Ekoguneak euskeraz eta euskereagaz gozetako antolatzen dauen lehiaketea da Euskerearen Ginkana eta aurten lehen aldiz, Azkue Fundazinoagaz alkarlanean egin dabe. Laugarren edizino honetan, aurrekoan lez, Euskaltzaleen Topaguneak egin ditu koordinazino lanak.
Euskerea be 'On Kixote poliglota' lanean presente
2015-04-16 10:33 Euskerea berbagai
Euskereak El Tobosoko Udalak bultzatutako proiektu barritzaile batean parte hartu dau, izan be, Toledoko udalerri honek, On Kixote poliglota lana osotu dau, Cervantesen maisulanaren (bigarren zatiaren) edizino eleanitz bat, hain zuzen be. Gogoratu behar da lan honek 400 urte bete dituala aurten eta, hau dala eta, El Tobosoko Udalak hainbat ekimen antolatu dituala ospakizun modura.
'Danon esku dago euskerea biziarazotea' mintegia egingo dabe Euskaltzaindiak eta Sabino Arana Fundazinoak
2015-04-08 11:18 Euskerea berbagai
Sabino Arana jaio zala 150 urte bete dirala eta, urteurrena gogoan, Danon esku dago euskerea biziarazotea mintegia antolatu dabe Euskaltzaindiak eta Sabino Arana Fundazinoak. Apirilaren 17an izango da, Bilbon, Euskaltzaindiaren egoitzan, goizeko 9:30etik 13:30era.
Ekialdeko eta Europako Antxinateko herrien izenak arautu ditu Euskaltzaindiak
2015-04-01 17:35 Euskerea berbagai
Modu sistematikoan batu ditue Ekialdeko eta Antxinateko herrien izenak; herri horreen euskerazko izenen tradizino zahar eta barria aztertu da, hainbat erdaratan zelan idazten diran jaso da, herri-izen horreek euskeraz adierazoteko erabilten diran erispideak zehaztu dira, eta, azkenik, zerrenda eleaniztun batean jaso dira. Hori guztia agertzen da Euskaltzaindiaren 174. arauan.
Ipar Euskal Herrian euskerea sustatzeko 1,6 miloe euro bideratuko ditue EEPk eta Eusko Jaurlaritzeak
2015-04-01 13:06 Euskerea berbagai
Ipar Euskal Herrian euskerearen erabilera sustatzeko ekimenak garatzen dituan erakunde pribaduen lana diruz laguntzeko, 2015. urterako 1.600.000 euroko lankidetzarako funtsa osotuko dabe Euskerearen Erakunde Publikoak eta Eusko Jaurlaritzeak, bien ekarpenakaz. Jaurlaritzearen Hizkuntza Politikarako Sailburuordetzak 400.000 euro ipiniko ditu, eta ganerakoa, 1,2 miloe, EEPk.
Korrikarik handiena izan da
2015-03-30 18:03 Euskerea berbagai
Bilbon domekan amaitu zan 19. Korrikaren balorazinoa egin dabe Asier Amondo Korrika arduradunak, Mertxe Mugika AEKren Koordintzaileak eta AEKren Artezkaritza Kontseiluko kideek. Bilbon ikusi genduan euskaltzaleen uriolea zoragarria izan zan. Bilboko kaleetan bizitakoa, goizean goizetik, Korrika honen adibiderik esanguratsuena izan da, adierazo dau Amondok prentsaurrekoan.
19. Korrikari ondoetorria emoteko jaia prest Bilbon
2015-03-26 14:51 Euskerea berbagai
Azken eguneko ibilbideari jagokonez, goizeko 07:16an sartuko da Bilbon Korrika 19, Enekuritik. Deustua, Zorrotza, Errekalde, Indautxu, Abusu, Alde Zaharra, Santutxu, Guggenheim aldea... euskahaldunduz, 12:25ak aldera helduko da San Nikolasera, Arenaleko zubia pasauta. Urepelen lekukoaren barruan sartu genduan mezua ezagutzeko momentua izango da orduan.
Ipar Euskal Herriko egileak dira protagonista 'Erlea' aldizkariaren zortzigarren zenbakian
2015-03-26 14:08 Euskerea berbagai
Bernardo Atxaga idazleak zuzendu eta Euskaltzaindiak argitaratzen dauen Erlea agerkariaren zortzigarren zenbakia aurkeztu dabe Bilbon, Euskaltzaindiaren egoitzan. Egile ugariren beharrak batu ditue 104 orrialdetan, tartean, Eneko Bidegain, Janbattit Dirassar, Julian Zabalbeascoa, Uxue Apaolaza, Iñigo Astiz, Irati Elorrieta, Josu Txueka eta Josemari Iturralderenak. Azala eta barruko ilustrazinoak Xabier Idoatek egin ditu.
‘Zelan bizi dogu euskeria Elorrixoko gaztiok?’
2015-03-26 10:02 Euskerea berbagai
Gazteen arteko euskera erabilerearen datu txarrak arduratuta, gazte talde bat dogu Elorrion, egoereari bueltea emoteko gogoz. Ebalixu da taldearen izena. Gure kezketatik abiatuta, herriko gazteakana jo dogu eurak euskerea zelan bizi daben galdezka. Batutako materialagaz ikus-entzunezko lan bat egin dogu, eta martiaren 28an proiektauko dogu Arriola kultur aretoan, arratsaldeko 18:00etan.
2015eko Kilometroen abestia aurkeztu dabe
2015-03-23 14:05 Euskerea berbagai
Urriaren 4an, Usurbilen, egingo da aurtengo Kilometroak, Gipuzkoako ikastolen jaia. Jakoba Errekondo agronomo eta paisajista usurbildarrak idatzi dau Lotzen gattunk kantea, eta herriko hainbat musikariren artean osotu dabe. Udarregi Ikastolea da 2015eko Kilometroaken antolatzailea.
Ramón Rubial Fundazinoak eta Euskaltzaindiak alkarlanerako hitzarmena sinatu dabe
2015-03-23 13:40 Euskerea berbagai
Urte birako lankidetza hitzarmena sinatu dabe gaur Ramón Rubial Fundazinoak eta Euskaltzaindiak, Bilbon, Akademiaren egoitzan. Eider Gardiazabal fundazinoko presidenteak eta Andres Urrutia euskaltzainburuak sinatu dabe akordioa, eta eurekaz batera izan dira, besteak beste, Idoia Mendia eta Vicente Reyes, PSE-EEko idazkari nagusia eta Prestakuntza eta Kultura idazkaria, hurranez hurran; Xabier Kintana Euskaltzaindiaren idazkaria, eta Adolfo Arejita Iker sailburua.
Rikardo Arregi XXVII. Kazetaritza Sariaren deialdia zabalik dago
2015-03-16 14:04 Euskerea berbagai
Maiatzaren 12ra arte zabalik egongo da Rikardo Arregi XXVII. Kazetaritza Sarian parte hartzeko epea. 2014ko maiatzaren 7tik 2015eko maiatzaren 6ra bitartean euskeraz argitaratutako kazetaritza lanak aurkeztu daitekez. Andoaingo Udalak antolatzen du urtero sariketea, Eusko Jaurlaritzearen diru laguntzea eta babesagaz.
Bavariarrek barriro be Korrikan hartuko dabe parte
2015-03-10 17:41 Euskerea berbagai
Martiaren 22an, arratsaldeko 15:30ean emongo jako hasierea Municheko urigunetik, kilometro eta erdi bateko ibilbidean barrena. Korrika19ko pankartea, AEKko petoak eta aurtengo doinua abestuz euskerearen presentzia nabarmenduko dabe, bidean topauko dituen ikusleei be konbita eginez jaiaz gozau deien.
EH 11 Kolorek Korrikaren barruan egingo dan Aniztasunaren Korrikaldian parte hartzeko deia egin dau
2015-03-09 16:53 Euskerea berbagai
EH 11 Kolorek Arrazakeriaren kontrako Nazinoarteko egunean, martiaren 21ean, Korrikan parte hartzeko deia egin dau honen barruan egingo dan Aniztasunaren Korrikaldian jenteak parte hartu daian. Korrikaren 5 kilometro izango dira Irungo herrian, euskal jendartearen jatorri eta kultura desbardinen alde eta euskereagaz bat eginez.
Joshua A. Fishman hizkuntzalari eta ohorezko euskaltzaina hil da
2015-03-03 14:07 Euskerea berbagai
Domekan, martiaren 1ean, hil zan Joshua Fishman hizkuntzalari ezaguna, 89 urte zituala. Euskal Herrian batez be hizkuntza-soziologiaren aitzindari lez ezaguna bada be, jakituria-eremu zabalagoak landu zituan. Hiztun-alkarte ahul edo txikien egoerea aztertu eban mundu osoan. Hizkuntzotako bat euskarea izan zan. Euskaltzaindiak ohorezko euskaltzain izentau eban, 2010ean.
Eusko Jaurlaritzea demandatu lez aurkeztuko da euskerazko akten auzian
2015-03-03 12:44 Euskerea berbagai
Agiriak euskeraz bialdu eutsiezan udalak salatu ditu Carlos Urquijok, Madrilgo gobernuak EAEn daukan ordezkariak. Udaletako bat Beizama da, eta honek Jaurlaritzeari parte hartzeko eskari ofiziala egin deutso. Orain, Jaurlaritzeak demandatu moduan personetako ebatzia adierazo dau. Patxi Baztarrika Hizkuntza Politikarako salburuordeak esan dauenez, agiriak euskeraz egitea legezkoa da.
Kalidadezko zerbitzu elebiduna, Kontsumobideren I. Euskera Planaren asmo nagusia
2015-03-03 11:27 Euskerea berbagai
Kontsumobiden kalidadezko zerbitzu elebiduna eta hizkuntza eskubideak bermatzea eta euskera zerbitzu eta lanerako hizkuntza lez erabiltea dira Kontsumoko Euskal Institutuaren I. Euskera Planaren (2013-2017) helburu nagusiak, kontsumitzaileei atentzino hobea eskaintzeko.
Ze Mays taldeak 'Harro ibili' Ibilaldiko kantea aurkeztu dau
2015-02-20 14:13 Euskerea berbagai
Maiatzaren 31n, Bilbo Zaharra auzoko Harrobia ikastoleak harro hartuko dau Ibilaldia jaiaren 37. edizinoa, eta holan adierazo dabe gaur Harro ibili abestiaren aurkezpenean. Zea Maysek sortu dau kantea, baina kolaboratzaile ugari izan ditu, tartean, Doctor Deseoko Francis, Rafa Aceves pianistea eta Jose Antonio Nielfa La Otxoa. Gaur arrastian, 19:30ean, aurkezpen-jaia egingo dabe ikastolan bertan.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...