Eusko Jaurlaritzeak, Generalitateak eta Xuntak eleaniztasunaren interesak defendidu ditue Bilbon
2015-06-19 11:03 Euskerea berbagai
Bilera hau hiru instituzinoek sinatutako hizkuntza politikearen alorrerako Lankidetza Protokoloaren markoaren barruan sartzen da. Bilereak hiru Gobernuek euren indarrak batzeko eta Estadu eta Europa mailan eleaniztasunaren interesak defendiduteko balio izan dau, baita euskerearen, katalanaren eta galegoaren bizibarritze prozesuetan bizitako esperientziak konpartiduteko be.
Farmazia-hiztegi barria sarean
2015-06-17 17:32 Euskerea berbagai
Farmazialariek euren eguneroko zereginetarako behar daben oinarrizko terminologia batzen dauen hiztegi barria aurkeztu dau FEUSE Farmazialari Euskaldunen Elkarteak. Danetara, euskerazko eta gaztelaniazko 3.642 sarrera batzen ditu hiztegi barriak, eta 16 atal nagusitan sailkatuta dagoz sarrera horreek.
Mesopotamiako zibilizazinoetako persona-izen eta izen mitologikoak arautu ditu Euskaltzaindiak
2015-06-15 12:13 Euskerea berbagai
Danetara, 60 persona-izen eta izen mitologiko batu ditue araura, Sumer, Akad, Asiria, Babilonia, Media, Amenestarren Inperio eta Lidiakoak. Erispideak emoten dira, eta zerrenda eleaniztun bat eskaintzen da ondoren. Hori guztia agiri da 175. arauan: Antxinako persona-izenak eta izen mitologikoak (I): Mesopotamia, Mediako Inperioa, Akemenestar Inperioa eta Lidia.
Dagigun! lemapean etorriko da 2016ko Ibilaldia
2015-06-15 10:42 Euskerea berbagai
Ibaizabal eta Kurutziaga ikastolek Ibilaldiaren jatorrizko kontzeptura itzuli nahi dabe, hau da, alegia parte-hartzaileek euskereagazko, ikastolen proiektuagazko eta, batez be, ikastolek Euskal Herriaren euskalduntze eta egituratze prozesuan egin daben lanagazko konpromisoa erakusteko balio izango dauen Ibilaldia egin nahi dabe. Jai giroan, baina atxikimendua erakutsiz.
Herritarrek ipinitako kexei esker aldaketak igarten dirala dino Behatokiak
2015-06-11 14:33 Euskerea berbagai
Hizkuntza Eskubideen Behatokiaren 2014ko txostenean jasoten danez, euskerea ezin erabilteagatik herritarrek ipinitako kexak ez dira gitxitu. Zenbaki zehatzik ez dabe emon nahi izan, kexa bakar baten atzean persona askori eragiten deutsen kasuak egon leitekezalako eta, beraz, kopuru zehatzak ez diralako hizkuntza eskubideen urraketen neurriaren erakusle ona.
'Piztu euskerea' lemapean ospatuko da Araba Euskaraz Gasteizen bagilaren 14an
2015-06-11 11:28 Euskerea berbagai
Datorren domekan, 14an, izango da aurtengo Araba Euskaraz; Oiongo ikastoleak antolatuko dauen arren, Gasteizen izango da jaia, eta Arabako ikastola guztien laguntzinoa jasoko dau.
Dana prest Elgoibarren, domekan Euskal Eskola Publikoaren 24. Jaia egiteko
2015-06-05 11:30 Euskerea berbagai
Gustatzen jata, jaku lemapean dator aurten Euskal Eskola Publikoaren Jaia, EHIGE Euskal Herriko Ikasleen Gurasoen Elkarteak antolatuta. Elgoibarko Herri Eskolan bertan egingo dabe edegiera ofiziala, 11:00etan.
346 kexetatik 342 kasutan euskerearen erabilera ezagatik gertatu da eskubide urraketea
2015-06-04 12:54 Euskerea berbagai
Hizkuntza Politikarako sailburuorde Patxi Baztarrikak eta Herri Administrazinoetan Hizkuntza Normalizetako zuzendari Joseba Lozanok Elebideren 2014ko jarduera-txostena aurkeztu dabe Eusko Legebiltzarrean, Kultura, Euskera, Gazteria eta Kirol Batzordean. Agerraldia sailak berak eskatuta antolatu da.
Milaka lagun eta giro ezin hobea, Ibilaldian
2015-06-01 12:25 Euskerea berbagai
Milaka lagun batu ziran atzo Bilbon, Ibilaldian, Bizkaiko ikastolen jaian, Harro ibili lemapean. Harrobia ikastolea izan da aurtengo antolatzailea, Lanbide Heziketako ikastetxea. Antolatzaileak gustura dagoz: Ibilaldiaren lekukoa hartu zanetik jakin bagenkien erronka handia zala, Bilbon holango ekimena antolatzeak zailtasun bereziak daukaz, eta harro esan geinke horreri danari aurre egin jakola. Zorionak, Ibilaldia!.
Ber2Tek, hizkuntza, ahots eta multimedia-teknologiak hizkuntzen industriaren zerbitzura
2015-05-27 18:35 Euskerea berbagai
Ber2Tek proiektuaren helburu nagusia izan da hizkuntza- eta hizketa-teknologiak ikertzea eta ikerketearen emoitzak aplikazino bihurtu eta jentearen eskura jartea.
'Aniztasunean euskeraz biziz' lemapean dator Eskoriatzan egingo dan Auzoko egitasmoaren bigarren jaia
2015-05-21 11:52 Euskerea berbagai
Bigarren urtez ospatuko da, Auzoko egitasmoa martxan daben herri guztietako parte-hartzaileak alkartuko dituan jaia. Eskoriatzan izango da oraingoan hitzordua, maiatzaren 23an, zapatuan, goizeko 11:30ean hasita. Herritar guztientzat zabalik dagoan egitaraua atondu dabe horretarako, euskerea ardatz hartuta, jatorri desbardinetako hizkuntza eta kulturak be ezagutu ahal izateko.
Euskal Herriko X. Mintza Eguna Beran izango da aurten maiatzaren 30ean
2015-05-20 14:07 Euskerea berbagai
Bazkarirako izen-emotea maiatzaren 26ra arte egin daiteke, tokian tokiko mintzapraktikako dinamizatzaileen zein Euskaltzaleen Topagunearen bidez. Bazkariko txartelak 17€ balio dau eta menu berezia behar dabenek aldez aurretik jakinarazo behar dabe.
'Gabriel Arestiren ondarea' zikloan izena emoteko azkenengo egunak
2015-05-19 12:47 Euskerea berbagai
Maiatzaren 25etik bagilaren 5era bitartean, Deustuko Unibersidadeko DeustoBide Herritartasun Eskoleak Gabriel Arestiren ondarea izeneko jardunaldiak egingo ditu, Gabriel Aresti kultura alkartearen laguntzinoagaz. Izena emoteko epea eguaztenean, hilak 20, amaituko da.
Bilbon dana prest dago 37. Ibilaldia jaia ospatzeko
2015-05-14 15:47 Euskerea berbagai
Maiatzaren 31n Bilbo ganezka egotea espero dabe Ibilaldiako antolatzaileek, hain zuzen be, 150.000 lagun inguru batu daitekez. Harrobia Lanbide Heziketako ikastolea da aurtengo antolatzailea. Bost gune eukiko ditu Ibilaldiak, lehenengoa ikastolan bertan, San Frantzisko auzoko Harrobia plazan.
Hezkuntzako 300 profesionaletik gora Getxolinguae 2015 jardunaldian
2015-05-13 18:05 Euskerea berbagai
Hezkuntza, Hizkuntza Politika eta Kultura Sailak bultzatzen dauen Heziberri 2020 Planaren barruan kokatzen dan ekimenean, Lehen eta Bigarren Hezkuntzako ikastetxeek, hizkuntza proiektuen arloko euren jarduera egokiak azaltzen eta ezagutarazoten dagoz gaur Hizkuntza proiektua: eskolako hizkuntzak birpentsetan izenburupean.
AEK-k udako matrikulazino kanpainea abiarazo dau
2015-05-04 17:59 Euskerea berbagai
Informazino gehiago eskuratu edo izena emon nahi dauenak, ondoko bide honeek ditu eskura: 946 464 000 edo 673 200 100 telefono zenbakiak; AEK-ko edozein euskaltegira joatea; www.aek.eus webgunea; eta udabarnetegiak@aek.org posta elektronikoa.
Ziburuko ikastolea eregiteko erabiliko dabe aurtengo Herri Urratsen batutako dirua
2015-04-29 11:16 Euskerea berbagai
Urtero lez Senpereko lakuaren inguruan makina bat euskaltzale batuko dira maiatzaren 10ean, Herri Urrats Ipar Euskal Herriko ikastolen jai handian. Atxik ikastola bildua lelopean, inoizko diru gehien batu gura dau Seaskak, Ziburuko ikastolea eregiteko, hain zuzen be. Datorren ikasturtean, ganera, hiru ikastola barri zabalduko ditue: Azkarate, Basusarri eta Biriatun.
PuntuEUS Fundazinoak hamar euro emongo deutsoz Seaskari, .eus domeinu bakotxeko
2015-04-28 18:02 Euskerea berbagai
Maiatzaren 1etik 10era bitartean, PuntuEUS Fundazinoak hamar euro emongo deutsoz Seaskari, Ipar Euskal Herriko Ikastolen Federazinoari, erregistrautako .eus domeinu-izen bakotxeko. PuntuEUSek euskereak Ipar Euskal Herrian daukan presentzia indartzen lagundu nahi dau ekarpen honen bidez.
Kontseiluaren eskutik, euskeraz biziteko eskubidearen aldeko ekitaldia izango da Iruñean zapatuan
2015-04-23 18:34 Euskerea berbagai
Euskeraz biziteko eskubidearen aldeko jaialdia egingo da Iruñeko Anaitasuna pabilioian datorren zapatuan, hilaren 25ean, Nafarroan euskereak aurrera egingo badau beste hizkuntza politika bategaz izango dala aldarrikatzeko.
Emaize Sexologia Zentroak irabazi dau IV. Euskerearen Ginkana
2015-04-20 12:19 Euskerea berbagai
Gasteizeko Emaize Sexologia Zentroko kideak nagusitu dira eta eurek jaso dabe sari nagusia: euskerazko proiektu bat sustatzeko 3.000 euro. Saria, sexu hezkuntzarako euskerazko ikus-entzunezkoak sortzeko erabiliko dabela azaldu dabe irabazleek, horreen falta edo bakotasun handia dagoalako gaur egun.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...