Brebeta be euskeraz

| Ikusi handiago | Argazki originala

Bagilaren 24an, Seaskako Ikastolen Kontseiluan 34 ikastoletako 110 ordezkari batu ziran biltzar nagusian. Ikastolen Kontseiluak Brebeta euskaraz izaten segidu behar dala eskatu deutso Hezkunde Ministeritzeari eta hizkuntza politikan atzerapausurik ez dauela onartuko adierazo. Debekuen gainetik Brebetako zientzietako frogea euskeraz egingo daben ikasleei eta kolegioei babesa adierazo deutse Brebetea Euskeraz idatzita ekarren afitxa eskutan.

Era berean, datorren eguenean, bagilaren 29an, 13:00ean, Donibane Garaziko Zitadela, Kanboko Errobi eta Ziburuko Piarres Larzabal kolegioen aurrean egingo diran konzentrazinoetarako deia be egin dau Seaskak.

Bordaleko Akademiako Errektoretzeak ez dau onartu Ziburuko Piarres Larzabal kolegioan, Kanboko Xalbador kolegioan, Manex Erdozaintzi Etxart kolegioan 3.ean eskolatuak diran 157 ikasleek brebetako azterketak euskeraz pasau deiezan eta batez be zientzietako azterketea 2017ko bagilean euskeraz egin deien.

2016ko zemendian bialdu geuntsan gutunari errektoretzeak bagilaren 6an erantzun deutso, sano berandu. Brebeta euskeraz aspalditik lortu dan pausua zan eta hori 90. hamarkadan izan zan mobilizazino azkarrari esker, garai haretako 3.eko ikasleak BEPC diplomarik ez ebelako lortu, euskeraz idatzi zituen kopiak ez baitziran zuzenduak izan. Garai hori urrun dago baina egun zilegi eta ezinbestekoa begitantzen jaku ikasgaiak ikasi dituen hizkuntzan segidu deien azterketak egiten batez be DNBeko zientzia azterketa barrian.

Kontuak kontu, azterketa gehigarri hori aurten sortu da Kolegioko Erreforma barriagaz eta teorian tokiko hizkuntzak ez zituan kaltetu behar erreformeak. Hezkuntza ministeritzeari galdegin deutsagu behar diran neurriak hartu daizan zientzietako azterketak euskeraz pasauko dituen ikasleak kaltetuak ez izateko, baina momentuz Errektorearen ezetza baino ez dogu jaso.