Euskaldunak munduan

Xabier de Felipe, 19 urteko biolinista bilbotarra Schleswig-Holstein Orkestran

Oraintsu ‘Acordes-Caja Madrid 2007’ Saria irabazi dauen ‘Kinteto Musikene’-ko biolinistea dan Xabier de Felipe, 19 urteko musikari bilbotarra, izan da Schleswig-Holstein Mundu Mailako Gazte Orkestran hartu daben euskaldun bakarra.

Ryder Cup golf txapelketako kapitainorde izentau dabe Jose Maria Olazabal

Nick Faldo Ryder Cup-eko Europako taldearen kapitainak Jose Maria Olazabal hondarribitarra eta Paul McGinley irlandarra izentau ditu 2008ko txapelketan bere bi kapitainordeak izateko. Halanda be, izentauek txapelketan jokatzea erabagi ezkero, ez dabe kargua beteko eta Faldok beste laguntzaile bi izentau beharko ditu.

Nevada Estaduak (AEB), Euskal Ikasketen Zentroari: ‘Zorionak eta urte askotarako’

Berba horreekaz, euskeraz, emon deutsoz eskerrak Nevada Estaduko Biltzarrak Renoko Euskal Ikasketen Zentroari. Berrogei urte bete dira aurten Euskal Ikasketen Zentroa martxan jarri zanetik. Sasoi haretan Euskal Ikasketen Programea izena izan eban eta William Douglass antropologoa izan zan sustatzaile eta zuzendari.

Bilbon egingo dabe Euskal Gizataldeen IV. Mundu Biltzarra

Lau urterik behin egiten da munduan zehar dagozan euskal etxeen biltzarra eta aurten hitzordua Bilbon jarri dabe. Garagarrilaren 9an hasi eta 13ra bitartean, alkarren barri izan, euskal etxeen egoerea aztertu eta aurrera begira zer egin leitekeen izango dira hartuko dituen gaiak.

Ikus-entzunezko klusterren foroa izango da Eiken, Galizian

Euskadiko Ikus-entzunezkoen Klusterreko (Eiken) zuzendari Itziar Menak eta presidente Ricardo Gonzalezek Konpostelako Santiagon maiatzaren 10ean egingo dan Espainiako Ikus-entzunezkoen Klusterren I. Foroan izango dira.

Artiumeko artelanak New Yorken erakusgai

Gasteizko Artium Museoak bere obren aukeraketa bat aurkeztu dau New Yorken, ‘A propósito de hombres y mujeres. Obras escogidas de la Colección Artium de Alava’ izenburupean, bertako Cervantes Institutuan. Erakusketea irailaren 1era bitartean izango da ikusgai.

New Yorkeko euskal etxeak web orria barritu dau

Ameriketako Estadu Batuetako (AEB) euskaldunen, Euskal Herriaren eta AEBen ganeko albisteen barri izateko New Yorkeko euskal etxeko web orria ezinbestekoa izaten zan. Orain dala gitxi web orria goitik behera barritu eta euskal etxeko jarduerek hartzen dabe orrialdearen zati nagusia.

BOS Tokion izango da maiatzaren 2tik 6ra bitartean, 'Folle Journee au Japon' izeneko jaialdian

Jaialdia Nanteseko Folle Journee-ren bersino japoniarra da, Bilboko ‘Musika-Musica’ jaialdiaren parekoa. Jaialdi japoniarrak Asia eta Europako 1.500dik gora musikari batuko ditu eta 300 bat kontzertu eskainiko dira apirilaren 29tik maiatzaren 6ra bitartean.

Maiatzaren 2an zarratuko da ‘Euskadiko Gazteak Lankidetzan’ programan parte hartzeko epea

Danetara, 20 eta 30 urte bitarteko 100 gazte izango dira 2007. urtean hirugarren munduagazko lankidetza egitasmo honetan parte hartzeko. Lankidetza programa honen helburua hirugarren munduagaz garapen ekintzetan kolaboretea da, eta horretarako euskal gazteek Amerika, Afrika eta Asiako herri desbardinetan egingo diran garapenerako ekitaldietan lan egingo dabe.

EJk atzerrian ikasteko diru-laguntzinoa eskainiko dau

Eusko Jaurlaritzako Hezkuntza, Unibersidade eta Ikerketa sailburuak 2007-2008 ikasturtean Euskal Autonomia Erkidegorako (EAE) interesgarriak diran gaien ganean atzerrian espezializazino ikasketak egiteko laguntzinoa eskainiko dau.

Emakumezkoen euskal futbol selekzinoa Argentinakoaren kontra

Eibarko Armeria Eskolako bi ikasle mekatronika alorreko Alemaniako ‘Skills Germany’ lehiaketan

Joan dan zemendian Lanbide Heziketako III. Erakustaldiaren barruan Mekatronikako I. Euskal Trebaldia irabazi eben Eibarko Armeria Eskolako bi ikasle, Mikel Pizarro eta Alex Etxeberria, Hannover-en (Alemania) izango dira apirilaren 16tik 20ra bitartean, ‘Skills Germany’ leihaketan parte hartzen.

Gernikako alkateak holokausto naziaren biktimak omendu ditu, oswiecimera (auschwitz) egindako bisitan

Miguel Angel Aranaz Gernika-Lumoko alkateak omenaldi hunkigarria egin eutsen Holokausto naziaren biktimei, Oswiecim-Auschwitzeko (Polonia) kontzentrazino esparruetara apirilaren 1ean egindako bisitan.

Korrikea Euskal Herritik kanpora

Aurten, dakigunez, Argentinan, Bartzelonan, Erroman, Irlandan, Madrilen eta Shangain be egingo da Korrikea.

Argentinako Laurak Bat euskal etxeak 130 urte bete ditu

Sasoi hareetan, asko ziran Euskal Herritik Argentinara joaten ziranak behar bila, bizimodua hobetzeko. Eta, holan, hainbat batu ziran suaren inguruan, gogoaren inguruan. Hori guztia eta iraun izana ospatu behar dala-ta, bazkideek jai berezia antolatu dabe.