Joseba Artzak irabazi dau Arrigorriagan Udabarriko Faseko azken aurreko kanporaketea
2016-05-16 08:41 Bertsolaritzea
Bizkaiko Bertsolari Txapelketako Udabarriko Fasearen hurrengo kanporaketea datorren domekan, maiatzaren 22an jokatuko da, Getxoko Fadura kiroldegiko aretoan, 17:30ean. Kantauko daben bertsolariak: Aitor Ruiz, Igor Menika, Inazio Vidal, Joseba Barandiaran, Julen Erezuma eta Malen Amenabar izango dira.
Munduko kantu inprobisatuetan adituak udan gurean
2016-05-13 09:10 Bertsolaritzea
Garagarrilaren 11tik 15era bitartean, goizeko 09:00etatik 13:30etara, berbaldi, mahai-inguru eta proiekzino zein erakusketa interesgarriak izango dira Donostiako Miramar Jauregian, Europa bat-batean egitasmoaren eskutik. Goizeko 09:00etatik 13:30etara. Jardunaldi akademiko horreetan matrikuletako epea zabalik dago garagarrilaren 6ra arte.
Barikuan jokatuko da, Legution, Oholtzapetik egitasmoko finala
2016-05-09 18:17 Bertsolaritzea
Entzuleek holan erabagita, Oihane Pereak, Manex Agirrek, Izar Mendigurenek eta Serapio Lopezek jokatuko dabe finala. Oholtzapetik Arabako Bertsozale Alkarteak sortutako formatu barritzailea da: Epaimahairik ez dago eta, beraz, saio bakotxeko entzuleek erabagiten dabe irabazlea. Maiatzaren 13ko finalean, ostera, ez da irabazlerik egongo.
Bizkaiko Eskolarteko Txapelketako zortzi finalistak nortzuk izango diran erabagita dago
2016-05-09 11:21 Bertsolaritzea
Aurreko astean jokatu ziran txapelketako lau kanporaketak eta maiatzaren 22ko finalean egongo diran zortzi bertsolariak nortzuk diran erabagi da: Aritz Landeta, Beñat Bilbao, Bittor Altube, Eneko Barruetabeña, Gorka Pagonabarra, Iruri Altzerreka, Txaber Altube eta Unai Mendiburu.
Josu Landetak eta Garikoitz Sarriugartek irabazi ditue Bizkaiko Txapelketako asteburuko saioak
2016-05-09 10:18 Bertsolaritzea
Sodupen eta Orozkon jokatu dira asteburuon, Bizkaiko Bertsolari Txapelketako Udabarriko Faseko kanporaketa bi. Bertan, Josu Landeta Egurrola eta Garikoitz Sarriugarte Onaindia izan dira onenak. Dagoeneko, zazpi kanporaketa jokatu dira fase honetan.
Aritz Landetak irabazi dau Bizkaiko Eskolarteko Txapelketako Deustuko saioa
2016-05-06 11:47 Bertsolaritzea
Getxoko ALBE bertso-eskolako kide bat izan da, bigarren egunez segidan, Bizkaiko Eskolarteko Bertsolari Txapelketako kanporaketako irabazlea. Aritz Landeta izan da onena Deustuko Berbaizu alkartearen egoitzan jokatutako hirugarren kanporaketan eta, horrenbestez, maiatzaren 22an Getxoko finalean egoteko txartela lortu dau.
Unai Mendiburuk Bizkaiko Eskolarteko Bertsolari Txapelketako finalerako txartela lortu dau Bermeon
2016-05-05 10:44 Bertsolaritzea
Bizkaiko Eskolarteko Txapelketearen bigarren kanporaketea jokatu da Bermeoko Eleizalde ikastolan eta Unai Mendiburu izan da irabazlea. Horrenbestez, maiatzaren 22ko finalean izango da ALBE bertso-eskolako kidea. Hurrengo kanporaketea gaur, eguena, jokatuko da Deustuan, 17:00etan.
Txaber Altube da Bizkaiko Eskolarteko Bertsolari Txapelketako lehenengo finalistea
2016-05-04 11:50 Bertsolaritzea
Getxon jokatutako saioan, Durangaldeko bertso-eskolako Txaber Altubek lortu dau punturik gehien eta, beraz, hilaren 22ko finalerako txartela eskuratu dau. Zortzi bertsolarik parte hartu dabe saioan eta, Altubegaz batera, Igor Galarza, Maider Barañano eta Eneko Barruetabeña izan dira onenak.
Xabier Amurizak agur esan deutso bat-bateko bertsogintzeari
2016-05-03 14:43 Bertsolaritzea
Xabier Amurizak agur esan deutso bat-bateko bertsogintzeari 75 urte bete dituan egunean. Legazpin, Bilbon eta Altzon oraintsu eginiko bertso saioak inoiz plazan egindako azkenak izan dirala esan dau Xabier Amurizak Faktoria Euskadi Irratiko saioan, 75 urte bete dituan egunean.
Imanol Uriak irabazi dau Derion Udabarriko Faseko bosgarren kanporaketea
2016-05-02 10:49 Bertsolaritzea
Saioaren irabazlea Imanol Uria izan da, 189 puntugaz. Bigarren Mikel Goiriena sailkatu da 180 puntugaz eta hirugarrena, barriz, Beñat Vidal izan da, 166 puntugaz. Hortik aurrera, Aissa Intxausti izan da laugarren, Ion Barrocal bosgarren, Itxaso Paia seigarren, Xabier Irakulis zazpigarren eta Koldo Gezuraga izan da sailkapenean azkena.
Arratiako eta Galiziako ikasleen arteko trukea, bertsolarien eta regueifeiroen tradizinoan oinarrituta
2016-04-29 13:49 Bertsolaritzea
Regueifa izeneko kopla inprobisaduak Galiziako ohiturea dira, Euskal Herriko bertsolaritzearen antzekoak. Bertsoak eta regueifak buztartzeko asmoz, trukea egingo dabe Arratia BHI institutuko eta Galiziako ikastetxe bitako ikasleek maiatzean. Hilaren 2tik 5era Galizian izango dira arratiarrak eta 13tik 16ra, berton egingo dabe topaketea.
Gaur hasiko da Bizkaiko Eskolarteko Bertsolari Txapelketea
2016-04-27 17:10 Bertsolaritzea
Bizkaiko Bertsozale Alkarteak jakitera emon dauenez, maiatzaren 3tik 6ra jokatuko dira kanporaketak. Finala hilaren 22an izango da, Getxon. Egun horretan, idatzizko eta bat-bateko finalak, bertso-eskolen tartea eta Bizkaiko Txapelketako Udabarriko Faseko kanporaketa bat egongo dirala aurreratu dau alkarteak.
XXXII. Udabarriko Bertso Saioak Santutxun
2016-04-26 13:46 Bertsolaritzea
Santutxuko Bertso Eskoleak eta Bilboko Udaleko Kultura Sailak urtero antolatzen daben Udabarriko Bertso Saioak ekimena maiatzaren 7an hasiko da, Santutxuko Karmelo plazan egingo dan bertso saioagaz. Bertan, Amets Arzallusek, Nerea Elustondok, Beñat Gaztelumendik eta Oihana Iguaranek kantauko dabe.
Manex Agirre aukeratu eben entzuleek Aguraingo Oholtzapetik saioan
2016-04-25 12:35 Bertsolaritzea
Marta Ugarte gai-jartzaile eta aurkezlearen eskutik Manex Agirre, Zigor Enbeita, Felipe Zelaieta eta Asier Rubiok kantau eben. Plazako saio baten formatu eta ariketetan ibili ziran bertsolariak. Saioak goranzko jokerea hartu eban, nahiz eta bertsolariek hasieratik bereganatu entzuleen interesa; oso saio gustagarria subertau zan.
Arrate Illaro eta Nerea Ibarzabal irabazle asteburuan, Bizkaiko Bertsolari Txapelketako saioetan
2016-04-25 10:45 Bertsolaritzea
Zapatuan Astrabuduan eta domekan Ondarroan, saio bi egon dira asteburu honetan Bizkaiko Bertsolari Txapelketako udabarriko fasean. Zapatuan Arrate Illaro izan zan irabazle eta domekan, Nerea Ibarzabal izan zan onena. Hurrengo saioa, hilaren 30ean, Derion jokatuko da.
Saio eder bategaz amaitu dira Europa bat-batean egitasmoko udabarriko saioak
2016-04-25 10:15 Bertsolaritzea
Apirilaren 16tik 23ra, Euskal Herri guztian ibili dira bertsolariak eta Kurdistango, Sardiniako eta Kataluniako inprobisatzaileak, Mintzolak antolatutako Europa bat-batean egitasmoko udabarriko girotze saioetan. Azken emonaldiak, Aramaion, amaiera ederra emon eutsan zikloari, inprobisazinoen arteko nahasketak entzun ahal izan ziralako.
bertsomovieda 2016k baditu irabazleak
2016-04-22 15:25 Bertsolaritzea
Zeuk erabaki lanak jaso dau 1000 euroko lehenengo saria. Egileak Jon Martin eta Izaskun Bernedo dira. Lehenago be parte hartu izan dabe bertsomoviedan, eta era guztietako sariak irabazi be bai. Aurten, lan oso barritzailea egin dabe, ikusleak amaiera askoren artean aukeratu deien bideo interaktibo bat sortuz, eta bide batez, bertsoaren sormen prozesuan bertsolariaren burutik pasetan diran aukerak azalduz.
Joanes Illarregi eta Beñat Mujika nagusi Nafarroako eta Gipuzkoako Eskolartekoetan
2016-04-18 15:17 Bertsolaritzea
Joanes Illarregi eta Xabat Illarregi nafarrek eta Beñat Mujika eta Aizpea Garmendia gipuzkoarrek datorren bagilaren 4an, Ereñozun, ospatuko dan Euskal Herriko Eskolarteko Txapelketako finalean abestuko dabe.
Oihane Perea aukeratu dabe entzuleek, Oholtzapetik lehiaketearen Murgiako saioan
2016-04-18 13:20 Bertsolaritzea
Entzuleak epaile dirala egiten dabilz Araban Oholtzapetik lehiaketea. Asteburuan Murgian jokatutako saioan, Oihane Perearen alde egin eben zaleek eta, hortaz, Legutioko finalean egoteko txartela lortu dau. Hurrengo saioa Agurainen izango da, apirilaren 22an.
Ander Elortegik irabazi dau Bermeon Udabarriko Faseko bigarren kanporaketea
2016-04-18 10:13 Bertsolaritzea
Saioko irabazlea Ander Elortegi Garatea izan da, 179,25 puntugaz. Bigarren sailkatua Julen Ibarguengoitia Ordorika izan da 159,50 puntugaz eta hirugarren, barriz, Aitor Arrutia Azkueta Enkarterriko bertsolaria 153 puntugaz.
Nabarmenak
Eskerrik asko zuri. Suberterik onena opa deutsugu!!!
»» Bertso Udalekuetako hezitzaile bila dabiz