'Bota bertsoa!' sariketea antolatu dabe Gipuzkoako sagardotegietan
2016-01-18 11:17 Bertsolaritzea
Hernaniko Dobera euskera alkarteak eta Iraulio Panttalone bertso eskoleak antolatu dabe sariketearen bigarren edizinoa, igazko ekitaldiak eukitako arrakastea ikusita. Martiaren 28ra arte, Usurbil, Hernani eta Astigarragako sagardotegietara doazanek euren bertso-papela itxi ahal izango dabe, horretarako preparauta egongo diran kutxetan. Sariak emongo deutsiez bertso-sorta onenei.
Bertso Eguneko sarrerak salgai
2015-12-22 13:25 Bertsolaritzea
Urtarrilaren 30ean izango da Bertso Egunaren berrogeita zazpigarren edizinoa, Donostian eta dagoeneko sarrerak salgai dagoz www.bertsosarrerak.eus helbidean. Egun osoko egitaraua atondu dabe: goizez, arratsaldez, zein gauez bertsolaritzaz gozetako abagunea izango dabe bertsozaleek.
Beñat Gaztelumendi añorgarra Gipuzkoan txapeldun
2015-12-21 09:41 Bertsolaritzea
Beñat Gaztelumendiri jantzi deutso txapela Inaxi Etxabek 2015eko Gipuzkoako Bertsolari Txapelketan. Inaxi Etxabe oikiarrak plazetan lekua izan ez daben emakumeak ordezkatu ditu Etxabek. Txapela jarteko momentua bertsoa botateko aprobetxatu dau, txapeldunak agurra bota aurretik.
Onintza Enbeita Busturialdean txapeldun
2015-12-14 09:53 Bertsolaritzea
Astegoienean, barriz, Busturialdeko Bertsolari Txapelketearen finala jokatu da Gernika-Lumon. Txapelaren bila sei bertsolari izan ziran Astrako oholtzaren gainean: Julen Erezuma, Ibon Ajuriagogeaskoa, Ibai Amillategi, Julen Ibarguengoitia, Ander Elortegi eta Onintza Enbeita. Azkenean Enbeita muxikarrak jantzi eban txapela.
Maiatzean hasitako bideari amaierea emongo deutso abenduaren 19ko finalak
2015-12-10 14:48 Bertsolaritzea
Hiru hilebetez, 14 saio izan dira Gipuzkoan barrena eta azkenean zortzi dira finalera heltzea lortu daben bertsolariak: Agin Laburu (Astigarraga, 1985), Alaia Martin (Oiartzun, 1987), Arkaitz Oiartzabal (Oiartzun, 1985), Beñat Gaztelumendi (Donostia, 1987), Iñaki Apalategi (Beasain, 1982), Jon Maia (Urretxu, 1972), Oihana Iguaran (Amasa-Villabona, 1991) eta Unai Agirre (Hernani, 1975).
'UNI-bertsoan' berbaldi eta bertso-saioa, abenduaren 15ean EHUn
2015-12-09 11:12 Bertsolaritzea
Bertsolaritzearen inguruko ikerketaz gehiago jakiteko aukerea emoten dau UNI-bertsoan ekimenak. EHUren Gipuzkoako Errektoreordetzeak antolatzen dau, Mintzolagaz alkarlanean. Saioa abenduaren 15ean izango da, Donostian. Maialen Lujanbio eta Beñat Gaztelumendiren bertsoez gan, berbaldia egongo da.
Jon Maiak irabazi dau Eibarreko saioa eta Gipuzkoako Txapelketako finalera sailkatu da
2015-12-07 10:15 Bertsolaritzea
Eibarren jokatu da Gipuzkoako Bertsolari Txapelketako hirugarren eta azken finalaurrekoa. Jon Maia izan da irabazle eta finalerako zuzenean sailkatu da. Ganera, hiru finalerdietako puntuazinoak batu eta Donostian hilaren 19an kantauko dauen zortzikotea zehaztu da: Jon Maiagaz batera, Unai Agirre, Alaia Martin, Beñat Gaztelumendi, Agin Laburu, Iñaki Apalategi, Oihana Iguaran eta Arkaitz Oiartabal Xamoa dira finalistak.
Tolosako saioa irabazita Unai Agirrek finalean kantetako txartela eskuratu dau
2015-11-30 09:28 Bertsolaritzea
Gipuzkoako Bertsolari Txapelketako bigarren finalaurrekoa jokatu da bart arratsaldean Tolosan. Unai Agirre hernaniarrak irabazi dau saioa eta horrenbestez zuzenean sailkatu da abenduaren 19ko finalera. Beñat Gaztelumendi eta Iñaki Apalategi sailkatu dira bigarren eta hirugarren, hurranez hurran. 1.600 bertsozale inguru izan ziran Usabal kiroldegian.
Cantadoriak versus bertsolariak Sardinian
2015-11-24 13:09 Bertsolaritzea
Instituto Etnografico Della Sardegna erakundeak antolatuta, kulturarteko topaketea egingo da Sardinian, Cagliariko Konserbatorioko Auditoriumean eta Mintzola Fundazinoak be parte hartuko dau. Zemendiaren 27an eta 28an, Oihana Bartra eta Igor Elortza bertsolariak izango dira bertan, Karlos Aizpurua Mintzolako kideagaz batera.
Alaia Martin da lehen finalistea, Zarauzko finalaurrekoa irabazita
2015-11-23 09:49 Bertsolaritzea
Gipuzkoako Bertsolari Txapelketako lehenengo finalaurrekoa bart arratsaldean jokatu zan Zarautzen. Alaia Martin oiartzuarrak irabazi eban saioa eta horrenbestez zuzenean sailkatu da abenduaren 19an Ilunben jokatuko dan finalerako.
Alazne Untxalok irabazi dau Xalto bertsolari sariketea
2015-11-23 09:23 Bertsolaritzea
Goizuetan jokatu da Xalto txapelketako finala, Umore Ona txokoan. Bertso-afari formatuan jokatutako saioan, zazpi bertsolari lehiatu dira eta Untxalo izan da, epaileen eretxian, onena. Urte birik behin egiten da Xalto sariketea, Nafarroako bertsolari gazte eta hasibarriei zuzenduta. Holan, txapelketa honetan parte hartuta, jentaurrean kantetako aukerea eukiten dabe eta zaleek bertsolari barriak ezagutu leikeez.
Abian da Bertsotruk, bertso eskolen arteko desafioak antolatzeko egitasmoa
2015-11-16 16:29 Bertsolaritzea
Euskal Herriko Bertsozale Alkarteak azaldu dauenez, bertso eskolen artean sortzen diran desafioak batzeko eta antolatzeko sortu dabe Bertsotruk egitasmoa. Hileon hasi eta maiatzera bitartean, 26 bertso eskolatako kideek parte hartuko dabe bertan. Moltsoka banatuta, alkarren kontrako saioak eratuko ditue.
'Bizkaia zortzi puntutan'
2015-11-12 13:28 Bertsolaritzea
Ekimenaren helburua eskualdea girotzea eta bertsogintzearen oinarria sendotzea da. Txapelketara joango ez diranentzako bestelako plaza bat izango da, eta joango diranentzako entrenamendu aproposa. Ez da Bizkaiko Txapelketarako puntuagarria izango.
Busturialdeko Bertsolari Txapelketea zemendiaren 13an hasiko da
2015-11-11 10:14 Bertsolaritzea
Bizkaiko Txapelketatik kanpo dator aurten Busturialdeko Bertsolari Txapelketea. Hiru kanporaketa eta finala jokatuko ditue eskualdeko hamazortzi bertsolarik. Lehenengo kanporaketea datorren barikuan, zemendiaren 13an jokatuko da Gernikako Harizpe Kultur Alkartean.
Zemendiaren 17an hasiko da Bizkaiko Bertsolari Txapelketako izen-emotea
2015-11-11 09:34 Bertsolaritzea
Taldeak adostuta, ondokoa izango da egiturea: udabarriko fasea: apirilean eta maiatzean; eta udagoieneko fasea: urritik abendura. Kontuak kontu, udabarriko fasean izena emoteko epea zemendiaren 17an zabalduko da, eta zemendiaren 30era arte luzatuko da epea.
Bartzelonan izan da astegoienean 'Europa bat-batean'
2015-11-10 09:38 Bertsolaritzea
Glosan inprobisetan amaitu eben Bartzelonako Sant Andreu auzoan kokatuta dagoan Ateneu L'Harmonia aretora hurreratutako ikus-entzuleek, aurrez glosadore, verseadore eta bertsolariei entzundako emonaldiak hauspotuta. 180 bat ikus-entzule batu ziran zapatuan hiru adieretako inprobisatzaileen jarduna ezagutzera.
Unai Agirrek irabazi dau azkenengo final laurena
2015-11-09 09:16 Bertsolaritzea
Eskoriatzan jokatu da bart Gipuzkoako Bertsolari Txapelketako azken final laurena. Unai Agirre izan da saioko irabazlea eta zuzenean sailkatu da zemendiaren 29ean Tolosan jokatuko dan finalaurrekorako. Haren atzetik, Beñat Lizaso eta Oihana Iguaran sailkatu dira.
Nahikari Gabilondo eta Ander Lizarralde nagusitu dira astegoieneko final laurenetan
2015-11-02 09:26 Bertsolaritzea
Gipuzkoako Bertsolari Txapelketako hirugarren eta laugarren final zortzirenak jokatu dira astegoienean Zestoan eta Ormaiztegin. Nahikari Gabilondo Zestoan eta Ander Lizarralde Ormaiztegin nagusitu dira.
Kantu inprobisaduaren jardunaldia egingo dabe Bartzelonan zemendiaren 6 eta 7an, bertsolariak bertan dirala
2015-10-30 14:09 Bertsolaritzea
Orain dala aste batzuk Leonen egin zan moduan, oraingo honetan Bartzelonan batuko dira kantu inprobisadua daukien kulturetako ordezkariak. Kanariar Uharteetako verseadoreak, Kataluniako glosadoreak eta Euskal Herriko bertsolariak egongo dira. Zemendiaren 6an eta 7an, erakustaldi bitan eta berbaldi baten parte hartuko dabe euskal ordezkariek. Europa Bat-batean egitasmoaren barruan eratu dabe topaketea.
Agin Laburu eta Beñat Gaztelumendi nagusi lehenengo final laurenetan
2015-10-26 09:24 Bertsolaritzea
Urretxun eta Errenterian jokatu dira Gipuzkoako Bertsolari Txapelketako lehenengo final laurenak. Urretxun, Agin Laburuk lehen postua lortu eta zuzenean sailkatu da zemendiaren 22an Zarautzen jokatuko dan lehen finalaurrekorako. Errenterian, barriz, Beñat Gaztelumendik irabazi dau eta horrenbestez zuzenean sailkatu da zemendiaren 29an Tolosan jokatuko dan final laurenetako saiorako.
Nabarmenak
Eskerrik asko zuri. Suberterik onena opa deutsugu!!!
»» Bertso Udalekuetako hezitzaile bila dabiz