'Bat-batean' musikea eta bertsoa osogai dituan ikuskizuna estreinauko dabe Gallartan
2013-03-18 14:34 BertsolaritzeaBertsoa eta musikea buztartzen dituan Bat-batean izeneko ikuskizuna aurkeztu dau Oskar Estangak. Bertsotan grabautako musikeagaz, gitarrea lagun, beste bertsolari batzuekaz kantuan egingo dau. Lehenengo saioa barikuan daukie, hilak 22, Gallartan.
'Basarri' bertsolariaren omenezko egitarau zabala antolatu dabe Zarautzen
2013-03-18 11:44 BertsolaritzeaIñaki Eizmendi Manterola Basarri-ren jaiotzearen mendeurrenean, kazetari eta ohorezko euskaltzaina izan zanaren omenezko egitarau zabala atondu dabe Zarautzen apiriletik zemendira bitartean. Zemendian egingo dabe ekitaldirik handiena, Basarriri buruzko erakusketea eta Basarritik Azken Portura jaialdia, hain zuzen be.
Oihane Perea bertsolari gasteiztarrak jantzi dau Arabako txapela
2013-03-18 10:26 BertsolaritzeaOihane Perea izan zan nagusi zapatuan Arabako Bertsolari Txapelketako finalean, Gasteizko Principal Antzokian. Bertsolari gasteiztarra ederto ibili zan bai bakarkako bai ofizioko lanetan. Manex Agirre aurreko txapelduna bigarren izan zan. Perea eta Agirre Euskal Herriko Txapelketa Nagusian izango dira.
Durangaldea bertsus Ipar Uribe
2013-03-14 10:28 BertsolaritzeaTalde gaztea eta balientea dauka Durangaldeak eta bertso-saio askoduna Ipar Uribek. Datorren astean, badakizue, tirozue Bilbora eta Kafe Antzokian batuko gara.
Bertsolari Gazteen XXI. BBK Sariketetea Durangaldeak eta Ipar Uribek jokatuko dabe
2013-03-13 16:35 BertsolaritzeaAtzo eta gaur jokatu dira finalaurreak, eta finalerako sailkatutako talde biak Durangaldea eta Ipar Uribe izan dira. Durangaldeak Arratiari irabazi eutson atzo eta gaur, barriz, Ipar Uribek lortu dau finalerako txartela Bilboaldea kanporatuta.
BBK Sariketea be badoa aurrerantza
2013-03-12 09:52 BertsolaritzeaHonezkero badakigu ze eskualdek kantauko daben BBK Sariketako finalaurreetan: Durangaldea-Arratia eta Ipar Uribe-Bilboaldea. Gaur eta bihar jokatuko dira saio biak. Lehenengoa, 12:00etan Durangoko Institutuan eta bigarrena, 11:45ean Algortako Aixerrota Institutuan. Eguenean kontauko deutsuedaz bertako kontuak.
Durango-Arratia eta Ipar Uribe-Bilbo taldeek jokatuko ditue Bertsolari Gazteen XXI. BBK Sariketako finalaurrekoak
2013-03-11 17:43 BertsolaritzeaAmaitu dira sailkapen-faseko saioak, hilaren 6an eta gaur egin diran saio biekaz. Joan dan eguazteneko saioa Zallan izan zan, Enkarterri eta Bilboaldekoen artean eta gaurkoa Markinan, Lea Artibai eta Ipar Uribeko taldeen artean. Irabazleak eta beraz sailkatuak, Bilboaldea eta Ipar Uribe izan dira.
Aimar Karrikak finalerako txartela irabazi dau Elizondoko finalaurrekoan
2013-03-11 09:31 BertsolaritzeaAimar Karrikak lortu dau lehen postua eta, beraz, bertsolari auriztarrak lehenengo aldiz kantauko dau Nafarroako Bertsolari Txapelketako finalean. Ganerako bost bertsolariek ez dabe hori lortu, Elizondotik bertsolari bakarra sailkatu baita Anaitasunako finalerako.
Bertso barnetegia Gorozikako aterpetxean
2013-03-07 09:23 BertsolaritzeaMartian bertso barnetegia egingo da Gorozikako aterpetxean. Bertso eskoletako eta bat-batean lehen pausuak emoten dabilzan ume eta gaztetxuak batuko dira barikutik domekara, martiaren 8tik 10era, hain zuzen be.
Xabier Silveira eta Julio Soto nagusi, Nafarroako Bertsolari Txapelketako lehenengo finalaurrekoetan
2013-03-04 10:47 BertsolaritzeaNafarroako Bertsolari Txapelketako finalaurreko bi jokatu ditue astegoienean, zapatuan, Atarrabian, eta domekan, Etxarri-Aranatzen. Lehenengoan, Julio Soto izan zan nagusi, eta bigarrenean, Xabier Silveira. Biak zuzenean sailkatu dira finalerako.
Iñaki Viñaspre irabazle, Arabako Bertsolari Txapelketako azkenengo finalerdian
2013-03-04 09:58 BertsolaritzeaIñaki Viñaspre izan da garaile Arabako Bertsolari Txapelketako azkenengo finalerdian. Beraz, finala lotuta dago. Martiaren 16an Gasteizko Printzipal Antzokian ondoko seikoteak jardungo dau betsotan: Asier Otamendi, Manex Agirre, Iñaki Viñaspre, Ruben Sanchez, Oihane Perea eta Jagoba Apaolaza.
Bertso Korrikak 25 bertso-eskola eta makina bat bertsozale lotuko ditu
2013-03-01 15:34 BertsolaritzeaBertso-eskolek, AEK-k eta Bertsozale alkarteak Korrikagaz batera joango dan bertso zirkuitua aurkeztu dabe Donostiako Koldo Mitxelena Kulturunean. Euskera ikasleen neurrira egindako saioak izango dira. Euskal Herriko 25 herri lotuko ditu Bertso Korrikak.
Aspaldiko partez, Arratia aurrera
2013-02-27 17:48 BertsolaritzeaIgorreko goizeko freskureagaz hasi zan atzo XXI. BBK Sariketea. Eta halantxe ibili ziran bertsolariak: fresko ideatan eta bertsoa botateko orduan. 18 urtera artekoetan kontua estu eta Busturialdekoen alde egon zan arren, aldea 18-25 urtera artekoetan lortu eban Arratiak.
Bertsolari Gazteen XXI. BBK Sariketea hemen da
2013-02-26 14:19 BertsolaritzeaIgorren abiatuko da bihar Bertsolari Gazteen XXI. BBK Sariketea. Arratia eta Bustuarialdeko taldeak izango dira lehian lehenengo sailkapen-saioan, Lasarte aretoan, 11:30ean. Zazpi taldek eta 50 bertsolari gaztek hartuko dabe parte aurtengo edizinoan. Finala Bilboko Kafe Antzokian jokatuko dabe, martiaren 22an, 19:00etan.
Manex Agirrek irabazi dau 2. finalerdia
2013-02-25 09:57 BertsolaritzeaManex Agirre izan da jaun da jaube 354 puntugaz, jarraian baina tarteko alde handiagaz Ander Solozabal 291,5 puntugaz, Andere Arriolabengoa 289 puntugaz, Paula Amilburu 286,5egaz, Unai Mendibil 281,5egaz eta Zigor Enbeita 280,5 puntugaz.
Oskar Estangak irabazi dau Zubiriko saioa
2013-02-18 11:07 BertsolaritzeaAzkenean, Estangak irabazi dau, baina bi puntuko aldea besterik ez da izan bigarren sailkatuagaz. Joxema Leitzak eta Iban Garrok, bakarkako lan polita egin ostean, hirugarren eta laugarren postua eskuratu ditue. Ozta-ozta Josema Leitzak be finalaurrekoetarako txartela irabazi dau.
Asier Otamendik finalerako txartela Izarran irabazi dau
2013-02-18 10:08 BertsolaritzeaHurrengo saioa zezeilaren 23an jokatuko da Aramaioko kultur etxean; kantauko daben bertsolariak: Manex Agirre, Paula Amilburu, Andere Arriolabengoa, Ander Solozabal, Zigor Enbeita eta Unai Mendibill. Gai-jartzailea: Olatz Santocildes.
Julen Zelaieta eta Eneko Lazkoz Nafarroako Bertsolari Txapelketako finalaurrekoetan izango dira
2013-02-11 09:56 BertsolaritzeaJulen Zelaieta eta Eneko Lazkoz nagusitu dira Nafarroako Bertsolari Txapelketako hirugarren eta laugarren azken-laurenetan, Larraintzarren eta Iturenen, hurranez hurran. Zapatuan, hilak 16, egingo dabe hurrengo saioa, Zubirin.
'Nire gorputza, nire sexualitatea' bertso-paper lehiaketarako lanak aurkezteko epea zabalik
2013-02-05 17:41 BertsolaritzeaGetxoko Udalak Nire gorputza, nire sexualitatea bertso-paper lehiaketea jarri dau martxan, Medicusmundi Bizkaia alkartearen eskutik, Algortako Bertsolari Eskoleak, ALBEk, eta Egizuk lagunduta.
'Umorez: generoa bertsolaritzan' jardunaldien hirugarren edizinoa zezeilaren 14an eta 21ean Villabonan
2013-02-04 17:49 BertsolaritzeaBertsozaleon artean feminismoaren ezagutza zabaldu eta genero rolen bereizketaz kontzientzia piztu asmoz antolatu ditu Bertsozale Alkarteak Umorez deituriko jardunaldiok. Bertsolaritzea genero ikuspegitik aztertzeko aukerea izango da Villabonako Subijana Etxean. Aurten, lau berbaldi eskainiko dira.
Eskerrik asko zuri. Suberterik onena opa deutsugu!!!
»» Bertso Udalekuetako hezitzaile bila dabiz