Logoa

Liburuak eskuko telefonoetan irakurteko plataformea garatu dabe Elekak, Bluexarek eta Alberdaniak

Bizkaie! 2008-12-01 17:51

Liburua eskukora deskargau eta edozein tokitan eta momentutan irakurri ahal izango da

Aplikazino horren bidez, liburuak eskuko telefonoetara deskargau eta bertan erosotasun osoz irakurri ahal izango dira. Hori egiteko aukerea emoten dauen Euskal Herriko eta Estaduko lehenengo proiektua da, eta bere helburu nagusiak gazteen artean irakurteko zaletasuna bultzatzea eta literatura kontsumoa handitzea dira.

Bilboko Zubietxe arte tailerreko artista etorkin batzuek egindako lanak ikusgai Getxon

Bizkaie! 2008-12-01 17:40   Kulturea

'Giza Art: ahotsak eta ohiartzunak' izeneko erakusketa ibiltaria eguenetik abenduaren 21era bitartean egongo da zabalik Getxoko (Bizkaia) Algorta auzoko Torrene kaleko 3 zenbakian dagoan erakusketa-gelan. Modu honetan hasiko dira abenduaren 18an ospatuko dan Etorkinen Nazioarteko Egunaren inguruan Getxoko Udaleko Immigrazino eta Kulturarteko Unitateak antolatutako ekitaldiak.

Raphaël Dinellik bertan behera itxi leike vendee Globe

Bizkaie! 2008-12-01 17:31   Euskaldunak munduan

Raphaël Dinelli (Foundation Ocean Vital) Trinidad uharterantz doa bela nagusiko drizan matxura bat izan ondoren

Bost izan dira dagoeneko estropadea bertan behera itxi behar izan daben proiektuak, eta beste bat gehiago dago orain arazoakaz, Raphaël Dinelli (Foundation Ocean Vital). Pasa dan zapatuan antolakuntzari bela nagusiko drizan matxura bat euakal eta konpondu ahal izateko Trinidad uharterantz joiala jakinarazo eutson.

Richard Lesterrek jaso dau Zinebiren 50 edizinoko Ohorezko Mikeldia

Bizkaie! 2008-12-01 14:57

Askorentzat bideokliparen aita da iparramerikarra, eta Rossy de Palmak eta Gorka Aginagaldek aurkeztutako amaiera ekitaldian jaso dau ohorezko saria 'Help!', 'Robin and Marian', 'Superman II eta III' zein 'Los Tres Mosqueteros' eta film honen ondorengoen egile dan zinemagileak.

Koblakari topaketeak 400 malabarista eta zirku artista batuko ditu Bilbon

Bizkaie! 2008-12-01 14:33

Zirkua eta kale-antzerkia gustetan jakenentzako ezinbesteko hitzordua dago Bilbon, zemendiaren 29tik abenduaren 8ra arte, Koblakari 2008 VII. Malabarista eta Zirku Artisten Topaketan. Danetara, Euskal Herria, Espainia, Argentina, Txile, Frantzia eta Italiatik etorritako 400 artista inguru izango dira Bilbon egunotan.

Kirmen Uribe: ‘fikzinoagazko kritika inplizitu bat dago nire nobelan’

Karolina Almagia 2008-12-01 13:16   Barriketan

Idazlea

»» Ikusi argazki guztiak (6)

Mikel Laboa hil da

Bizkaie! 2008-12-01 10:45   Musikea

Mikel Laboa musikaria hil da Donostian 74 urtegaz, hainbat egunez ospitalean egon ostean. Gorpua gaur erraustuko dabe.

Danetara 29.835 ikasle ditue HABEren euskaltegiek

Bizkaie! 2008-12-01 10:31   Euskerea berbagai

2000. urteaz geroztik, inoizko ikasle kopururik handienak emon dau izena 2008/2009 ikasturte honetan HABEren 107 euskaltegietan euskerea ikasteko. Igazko ikasturteagaz alderatuta % 5,8ko igoera izan da.

Arkaitz Estiballesek irabazi dau Markina-Xemeinen txapelketako bigarren finalaurrekoa

Bizkaie! 2008-12-01 10:06   Bertsolaritzea

Markina-Xemeingo Udal pilotalekuan sartu ziran 900 bertsozale ingururen aurrean, Arkaitz Estiballes izan zan irabazlea 537,5 puntugaz eta, beraz, zuzenean sailkatu da finalerako. Beste behin kantauko dau finalean galdakoztarrak.

Euskal enpresetan, IKTen presentzia gero eta nabarmenagoa da

Bizkaie! 2008-11-28 15:59

Euskal Autonomia Erkidegoko (EAE) enpresen % 66,4k interneteko sarbidea dauka eta, horreen artetik, konpainien % 42,6k web-orrialdea be badauka, Eustat Estatistikaren Euskal Erakundeak jakinarazotako datuen arabera.

XXI. Bilbo Hiria Lehiaketeak gauza barri ugari dakarz

Bizkaie! 2008-11-28 15:43   Musikea

Aurten gauza barri asko dakarz 'Bilbao Hiria' pop-rock lehiaketeak. Parte hartu nahi daben pop-rock, metal edo joera barrietako taldeek abenduaren 31 baino lehen egin beharko dabe inskripzinoa. Horretarako, hiru kantu bialdu beharko ditue argazkiagaz eta curriculumagaz batera, ondoko helbidera: www.bilbao.net/bilborock.

Arratiako bertsolari gazteak

Gorka Intxaurbe Etxebarria 2008-11-28 14:56   Bertsolaritzea

Behetik gora gogotsu datozan bertsolari biren beharragaz nator oraingoan, Arratiako bertsolaritzea osasuntsu dagoan seinalea. Irati Astondoa zeanuriztarra eta Illart Gumuzio igorreztarra dira protagonistak.

'Otalorea' eta 'La flor de la argoma', Toti Martinez de Lezearen liburu barria euskeraz eta gaztelaniaz aldi berean

Bizkaie! 2008-11-28 14:54   Kulturea

Erein argitaletxearen eskutik, XIX. mendearen amaieran, azken Karlistadan girotutako nobela historikoa dakar Toti Martinez de Lezeak, Oñatin kokatua eta, beraz, Gipuzkoa barrualdeko nekazaritza giroa jorratzen dauena.

»» Ikusi argazki guztiak (2)

Euskerearen Egunak interaktibotasuna topau gura dau

Bizkaie! 2008-11-28 14:36   Euskerea berbagai

Aurten, euskerearen aldeko ekitaldi nagusia egungo joerei egokituko jake eta teknologia barriak, musikea eta gazteak izango dira jaialdiko protagonista nagusiak Une, Gose eta Betagarri musika-taldeen kontzertuetan: ikus-entzuleek, SMS mezuen bidez, ekitaldiaren norabidea moldatu ahal izango dabe. Jai hori abenduaren 5ean izango da eta, 3an, ekitaldi ofizialak egingo dira.

»» Ikusi argazki guztiak (5)

Jaioterritik urrun

Testua Eta Argazkiak Zigor Aldama 2008-11-28 13:52   Bidaide

Industriak Ekialdera eskapau dau. Baina industriak baino ez dauela eskapau pentsetan dauena oker dabil. Gure planetearen grabedade-zentroa Asiara begira dago, eta ekonomia zein gizarte arloetako sektore guztiek pastel gozo hori probau gura dabe. Artea ez da salbuespena.

»» Ikusi argazki guztiak (4)

Sólo quiero caminar

Joseba Terreros 2008-11-28 11:57   Zinema kritikak

Ikusgarritasun zipriztin batzuk kenduta, Sólo quiero caminar film ilun eta aldrebesa da. Gidoia ez da apartekoa eta, are okerragoa, ez da bape sinisgarria. Zuzendariak arin jokatu behar izan dau, eszenak alkarren atzean pilatuta kontakizunak aurrera egin daian, baina, ez dau asmau pelikuleari berezko atmosfera eta giroa emoten.

Datozan lau urteotarako Zuzendaritzako kargudunak izentau ditu Euskaltzaindiak

Bizkaie! 2008-11-28 10:15   Euskerea berbagai

Euskaltzaindiaren zuzendaritzako kargudunak lau urterako izentetan dira; beraz, lau urtero aukeratzen dira eta beti urtearen azken laurenean.

Ikastolen Elkarteak 4 joko barri aurkeztu ditu

Bizkaie! 2008-11-27 17:35

Ikastolen Elkartearen ikasmaterialgintzan, hainbat euskarritako materialak topau daitekez: jostailuak, jolas eta jokoak, CD-ROMak, DVDak, CDak, ipuinak eta liburuak, material osogarriak… Gabonak ate-joka doguzala aprobetxauta, 'Horma-irudiak', 'Olentzero puzzleak', '8 Magnetikoak' eta '8KBZ. Zortzi, katilu bete zorri' aurkeztu ditue gaur.


Barton Filmsek euskerazko filmen 37 emonaldi antolatu ditu Euskerearen Nazinoarteko Eguna ospatzeko

Bizkaie! 2008-11-27 17:22   Barriak

Barton Films-eko arduradunek gaur jakinarazo dabenez, Agurain (Araba), Zalla (Bizkaia), Bermeo (Bizkaia), Arrasate (Gipuzkoa), Bilbo, Barakaldo (Bizkaia), Gasteiz, Bakio (Bizkaia), Azpeitia (Gipuzkoa), Altsasu (Nafarroa), Etxalar (Nafarroa), Errenteria (Gipuzkoa), Viana (Nafarroa), Guardia (Araba) eta Laudio (Araba) lako herrietan izango dira emonaldiak.

70 urte Elorrioko Juan Izurrategi hil zala

Bizkaie! 2008-11-27 17:00

Datorren domekan, zemendiak 30, Elorrioko Udalak eta Gerediaga Elkarteak Juan Izurrategi Berrostegieta Elorrioko abade ohia gogoan hartuko dabe, Dueñaseko kartzelan hil zala 70 urte beteten direnean.