Aktualitatea

Fitok Madrilen emongo dau urteko azken kontzertua

Fito Cabrales musikari eta abeslari bilbotarra buru dauen Fito y Fitipaldis taldeak bihar amaituko dau Antes de que cuente diez izeneko diskoa aurkezteko azken hileotan egin dauen birea, Madrilen emongo dauen kontzertuagaz.

Olentzeroren inguruko musikala Donostiako Kursaalera ailegauko da

Olentzero & Co! euskerazko musikala Donostiako Kursaaleko Auditoriumera ailegauko da bihar, abenduak 30, arratsaldeko 17:00etan. Lehenengo euskal musikal handia ikusteko sarrerak 9 eta 12 euroan dagoz salgai.

'El Mago de Oz' musikalagaz hasiko dau urtea BBK Aretoak

Umeei zuzendutako El Mago de Oz musikalagaz hasiko dau urtea Bilboko Kale Nagusian dagoan BBK Aretoak. Ikuskizunaren lehen saioek izan daben arrakastea ikusita, urtarrilaren 3an ikuslego osoari zabaldutako bi saio egingo dira.

Zuzenbide Kanonikoaren Kodea euskeraz kaleratu dau Idatz argitaletxeak

Kode hori 1983an atara eban, latinez, Joan Pablo II.ak, Vatikanoko II. Kontzilio Ekumenikoaren ildoari jarraituz. Berehala emon ziran argitara hainbat hizkuntzetako bertsinoak, baina orain arte ez egoan euskerazkorik. Zuzenean latinetik euskeratu dau Sebastian Uria Donostiako Eleizbarrutiko Bikario Judizialak.

Beharginak estutu eta estutu, argia eta gasa gora, beste konponbiderik ez ete dago krisi boladatik urtetako!!!

EGOk Aukeran konpainiaren hiru saio musikatuko ditu

Urtarrilaren 2an Gasteizko Principal antzokian, 3an Bilboko Euskalduna jauregian eta 4an Donostiako Kursaalean ikusi eta entzun ahal izango diran ekitaldietan, jantzea eta musikea buztarturik, Aukeran jantza taldearen Gernika, mihise gaineko dantza ikuskizunari musikea jarriko deutso EGOk, Juan Jose Ocon zuzendariaren agindupean.

Pedro Bilbao Doktorearen omenezko liburua, barriro salgai

Liburu barriak aurreko argitaraldikoa handitzen dau argazki barriakaz, Getxon XX. mende hasieran jaiotako eta medikuntza prebentiboaren aitzindari izandako personaia honi hurreratzeko aukerea emoten dau.

Koro Navarroren Zertaz ari garen maitasunaz ari garenean Algortan

Solasaldiak Literatura Unibertsala bildumea sustatzea dau helburu: izen hori dauen proiektuaren 20. urteurrena dala eta, sustapen lanetan dabil EIZIE, 20 urte horreetan munduko literaturearen alerik bikainenak euskeratzen egin dan ahalegina gizarteratu guran.

BIOMICs Taldea euskal diasporearen DNA aztertzen dabil

BIOMICs Taldeak UPV/EHUko Arabako campusean dauka egoitza, eta SGIKeren DNA Bankuaren ardura izateagaitik da ezaguna. Halanda be, zerbitzu hori emoteaz gan, euren bankua be aberasten dabe, baita erabili be, ikerketa-lerroen bitartez.

Amazonaseko indigenen bizimodua ikusgai Bilbon, argazki erakusketa bati esker

Brasil eta Venezuelako indigenen bizimodua, ohiturak, arazoak eta mundu ikuskerea ezagutu leitekez Mundu indigenarako bidaia izeneko erakusketan, argazki panelen bidez eta baita Hego Amerikatik ekarritako objektuei esker be.

'Gernika Saria' jasoteko hautagaitzak aurkezteko epea zabalik dago

Gernikako edozein taldek aurkeztu ahal izango dau bere hautagaia, merezimenduen ganeko txosten bategaz batera. Talde bakotxak hautagai bakarra baino ezin izango dau proponidu kategoria bakotxeko. Bi kategoria dagoz: persona edo erakunde anonimoa; eta persona edo erakunde ezaguna.

EAEko hamar familiatik zazpitan krisiak eragin negatiboa euki dau, Euskobarometroaren arabera

2010eko zemendiko ikerketearen barri emon dabe Euskal Herriko Unibersidadearen Euskobarometroko arduradunek eta, aurreko neurketan gertatu zan legez, honako honetan be, egoera ekonomikoa da Araba, Bizkaia eta Gipuzkoako herritarren ardura nagusia.

Jose Luis Muñoyerro kazetariari emongo deutso 'Durangaldeko Teila' Gerediaga Elkarteak

Gerediaga Elkarteak Durangaldea ezagutzera emoteko lan egin daben pertsonei eskerrona agertzeko, bi urterik behin Durangaldeko Teila oroigarria banatzen dau. Eskertza, Merinalde Eguneko ekitaldiakaz batera egiten da. Horregatik, datorren astelehenean, abenduaren 27an, Jose Luis Muñoyerro kazetari bilbotarrak jasoko dau oroigarria.

Artisautza Azokea zabalik izango da Bilbon urtarrilaren 6ra arte

Sortzen Bizkaiko artisau sortzaileen alkarteak Bizkaiko Foru Aldundiaren babesagaz antolatutako Artisautza Azokea zabaldu dabe gaur Bilboko Arenalean eta urtarrilaren 6ra arte egongo da zabalik, Arriaga Antzokiaren ondoan. Hainbat jatorri eta sektoretako 45 tailer izango dira azokan.

Jose Luis Lizundia saritu dabe Abadiñon 'herriagazko inplikazinoagaitik'

Aurten lehenengo aldiz emon dira sari honeek, eta bost izan dira sarituak: Lizundiagaz batera, Andeka Gorrotxategi tenorra, Javier Elorriaga txirrindularia, Angel Alvarez El Campurriano eskultorea eta Abadiño sokatira taldea.

Unescok euskerea galtzeko arriskuan dagoala azpimarratu dau

Erakundeak hizkuntza gitxituak babesteko beharra aitatu dau, eta aholku hau emon dau hizkuntzen desagertzeari aurre egiteko: 'Berbadunek berba egiteko eta seme-alabei erakusten jarraitzeko baldintzak sortu behar dira. Horretarako, hizkuntza gitxituak babestuko dituan estadu politikak behar dira, eta ama-hizkuntzan erakustea bermatuko daben hezkuntza sistemak ezarri'.

'Tamur: Kangchenjungako harribitxia' dokumentalak saria jaso dau Gasteizko Mendi zinemaldian

Tamur: Kangchenjungako harribitxia lan dokumentalari euskerazko film onenaren saria emon deutse Gasteizko Mendi zinemaldian. Hiru aldiz parte hartu eta gero, lehenengoz irabazi dau sari bat Bideografik Ekoizpenak etxe durangarrak jaialdian.

Balada triste de trompeta

Antza, ez dot ondo ulertu Balada triste de trompeta filma. Hori da han eta hemen goraipatu daben filma? Nik ikusten ez dodan zeozer ostenduta dago? Tarantino liluratu dau pelikula honek? Alex de la Iglesia sinpatikoak sinatuko ez baleu, hain kritika onak izango leukez?