Apirilaren 26an emongo ditue 2011ko CAF-Elhuyar zientzia eta teknologiaren dibulgazinorako sariak

| Ikusi handiago | Argazki originala

Elhuyar Fundazinoak eta CAF enpreseak apirilaren 26an banatuko ditue 2011ko CAF-Elhuyar zientzia eta teknologiaren dibulgazinorako sariak, Donostiako San Telmo Museoan, sariketaren arduradunek eurek adierazo dabenez. Ekitaldia 18:00etan hasiko da.

Zientzia eta teknologiaren arloko gaien eta ikerketen euskerazko dibulgazino, kazetaritza eta narrazino-lanak bultzatzeko helburua dau sariketeak. Orain 18 urte sortu zan sariketea. Hiru kategoria dagoz: Dibulgazino-artikulu originalak, Gazteei zuzendutako zientzia-narrazinoak eta Zientzia-kazetaritzearen arloko lanak.

Dibulgazino-artikulu originalen kategorian, 2.000 eurokobi sari emongo deutsiez egundo argitaratu bako dibulgazino-artikuluei; bata dibulgazino-artikulu orokorrei jagokiena, eta bestea egilearen doktore-tesian oinarritutako dibulgazino-artikuluari jagokona. Gazteei zuzendutako zientzia-narrazinoaren kategorian, 5.000 euroko sari bat izango da gazteei zuzendutako euskerazko literatura-lan onena aurkezten dauenarentzat. Lanok zientzia- edo teknologia-gaien presentzia izan beharko dabe.

Zientzia-kazetaritzearen arloko lanen kategorian, 2.000 euroko sari bat egongo da jokoan, eta 2011. urtean argitaratutako zientzia kazetaritza-lanak aurkeztu ahal izango dira, edozein formatu eta generotakoak.

Elhuyar Fundazioak antolatzen ditu CAF-Elhuyar sariak, CAF enpresearen babesagaz eta Eusko Jaurlaritzearen Kultura Sailaren diru-laguntzeagaz. CAF enpreseak eta Elhuyarrek eraginda sortu ziran sariak 1994an. Zientzia-gaien euskerazko dibulgazinoa eta, batez be, idazle barriak sustatzeko asmoagaz.