Aktualitatea

75 hautagai Kimuak 2013 film laburren katalogoan parte hartzeko

Maiatzaren 31n zarratu zan Kimuaken 2013ko edizinora film laburrak bialtzeko epea. 75 aurkeztu ditue aurten. Epaimahaiko kideen esku dagoz orain lanak, eta bagilaren 17an jakinarazoko dabe erabagia.

UEUk lau graduondoko eskainiko ditu hurrengo ikasturtean

UEU Udako Euskal Unibersidadeak 2013/2014 ikasturterako EHU/UPVgaz alkarlanean sustatu dituan lau graduondokoak aurkeztu ditu Bilbon. Euskal Herriko Lurraldea eta Paisaia, Euskal pentsamendu kritikoa XX-XXI. mendeetan, Itzulpengintza eta teknologia eta Hondakinen kudeaketa eta tratamendua dira ikastarook.

'Giovanna d´Arco' Verdiren operea, OLBEren 62. denporaldiko lehenengo emonaldia

Giuseppe Verdiren Giovanna d´Arco lanak edegiko dau OLBE Opera Lagunen Bilboko Alkartearen 62. denporaldia, irailaren 21ean. Danetara, zazpi obra taularatuko ditue Bilboko Euskalduna jauregian. OLBE Txikiren denporaldia, ostera, urtarrilean abiatuko da.

Aro onagaz protestak desagertu egingo ete dira???

Surfilmfestibalen 11. edizinoa abian da Donostian

Hainbat ekitaldi antolatu ditue aurtengo Surfilmfestibalen, 11. abentura lemapean. Izan be, surfa bera abentura bat da antolatzaileen ustez, eta jaialdia atontzea bere bai. Bagilaren 5etik 9ra bitartean atondu ditue ekitaldirik gehienak.

Hiru antzezlan eta opera bat estreinauko ditu Arriaga antzokiak datorren denporaldian

Arriaga Antzokiak hurrengo denporaldia aurkeztu barri dau, aurtengo abuztutik datorren urteko bagilera bitarteako programazinoa, hain zuzen be. Hiru antzezlan eta koprodukzino liriko bat estreinauko ditu Bilboko antzokiak.

'Galde' pentsamendu aldizkariaren lehenengo zenbakia kalean da

Ideiak, eretxiak eta gogoetea izango dira Galde aldizkari politiko-kulturalaren ardatz nagusiak, ganera askea, edegia, eta ezelako lotura politiko eta instituzionalik bakoa dala azpimarratu dabe egitasmoaren bultzatzaileek lehenengo zenbakiaren aurkezpenean.

Gernikako Piratak Egunean aurkeztuko dau Txapelpunkek Athletici egin deutson abesti barria

Piratak athleticzaleen taldeak eta Txapelpunkeko musikariek bat egin dabe proiektu barri baten. Erritmo biziko kantea ez eze bideoklipa be grabau dabe. Piratak taldeak zapatuan egingo dau bere jaia, Gernikan, eta hitzordu hori erabiliko dabe kantea aurkezteko.

Manu Urangak 'Eskuzko etzanera' erakusketea aurkeztu dau Rekalde aretoan

Maitzak 2, 25. Bilbo proiektuaren hirugarren eta azken atala aurkeztu dau Manu Uranga artista zumaiarrak Bilboko Rekalde aretoan, Eskuzko etzanera (Decubito manual) izenekoa. Garagarrilaren 21era arteko egongo da ikusgai.

SGAEko bazkideek Euskadiko Lurralde-Kontseiluetako kideak aukeratu ditue

SGAEko kudeaketan bazkideen parte-hartzea aregotzeko eta bultzatzeko abian jarri dan prozesu demokratikoak aurrerapausu sendoa emon dau bart, izan be, Euskadiko Lurralde Kontseilura hauteskundeak izan dira, Bilbon SGAEk egoitzea dauen Campos Eliseos Antzokian hain zuzen be.

8.820 ikaslek egingo ditue eguaztenetik aurrera unibersidadera sartzeko azterketak UPV/EHUn

Aurten Batxilergoa amaitu daben Euskal Autonomia Erkidegoko 8.820 ikaslek unibersidadera sartzeko probak hasiko ditue UPV/EHUn, igaz baino % 6,10 gehiagok. Igoerak hiru campusetan gertatu dira: Araban, % 2,30 gehitu da, Bizkaian % 7,01 eta Gipuzkoan % 6,30.

David Rubinek egin dau aurtengo Getxoko Komiki Azokako kartela

David Rubínek, Espainian zein kanpoan egun komikigile ospetsuenetako bat danak, egin dau Getxoko 12. Komiki Azokako kartela. Azokea zemendiaren 22tik 24ra izango da Areetako Geltokia plazan eta bertan 60 saltoki kokatuko dira.

Nuptse eta Lhotse mendietan bizitako abenturen barri emon dau Alex Txikonek, K2ra abiatu baino lehen

Zailtasunak zailtasun, esperientzia aberasgarria izan da Nuptse eta Lhotsekoa. Gizartean balore krisia daukagula dinoe, azaldu dau Txikonek, espero dot geure esperientziak bidea erakustea, zailtasun guztiak gainditzeko gogoa eta kemena behar dira.

Karmel aldizkariko zuzendari Julen Urkizak jaso dau Urrezko Luma saria

Egun handia da gaur euskal kuklturearen leiho bat dan Karmel aldizkariarentzat eta zuzendaritzan 30 urteko ibilbidea daroan Julen Urkizarentzat, urteotako lanaren merezidutako autortzea adierazo dau aurkezpen ekitaldian Ana Urkiza idazle eta Karmel aldizkariko artikulugileak.

EIZIEk Literatura Unibersala bildumako itzulpen-lehiaketea abiarazo dau

Euskal Itzultzaile, Zuzentzaile eta Interpreteen Alkarteak (EIZIE) Literatura Unibersala bildumako itzulpen-lehiaketea jarri dau martxan. Itzulpengintzako profesionalek zein hasibarriek parte hartu leikie, eta proiektuak aurkezteko epea garagarrilaren 8an amaituko da.