Aktualitatea

Jon Barberena eta Julio Soto nagusi astegoienean jokatutako Nafarroako lehen eta bigarren final-laurenetan

Txapelketako lehen finalaurrekoan, Jon Barberenak lortu zituan puntu gehien eta Berriozarko finalaurrekorako sailkatzea.

Bestetik, Irurtzunen, Julio Sotok irabazi dau Nafarroako Bertsolari Txapelketako bigarren final-laurenan; Julen Zelaieta gelditu zan bigarren eta Miel Mari Elosegi 'Luze' hirugarren. Sarrerak agortu egin ziran Irurtzunen.

Roman Maiz 'Okelar' bertsolari mutrikuarra hil da

Roman Maiz Okelar bertsolaria hil da, 87 urte zituala. Mutrikun 1928an jaiotako bertsolari ezaguna zan Okelar. Izen bereko baserrian bizi zan. Fintasuna umorean eta aparteko dotorezia ziran Okelarren bertsokerearen ezaugarrietako bi.

71

Gogo beroz eta laudorio guztiakaz hartu dabe film hau kritikari gehienek. Ez dot nik berotasun horregaz bat egiten. Entretenigarria bada be, eta dauen erritmo bizia eskertu arren, nekez sinisten dot kontetan deustiena.

Niña Coyote eta Chico Tornado bikoteak 'Lainoland' disko laburra argitaratu dau

Ursula Strong (bateria) eta Koldo Soret (gitarra eta ahotsa) musikariek osotzen daben Niña Coyote eta Chico Tornado bikote donostiarrak Lainoland izenburuko bost abestiko disko laburra argitaratu barri dau.

Zoritxarrez Pujol ez da bakarra eta azkena be ez da izango...

Jon Ander eta Maria Garcia neba-arreben erakusketea ipini dabe Bilbon, Batzar Nagusien egoitzan

Son Gokuren seme-alabak izenburuko bildumea da, Jon Ander eta Maria Garcia Benitez neba-arreben eskutik datorrena. Hamabi pieza dira guztira, eskulturea eta pinturea. Zezeilaren 28ra arte egongo da ikusgai.

Euskerea aurten be Parisko Expolangues azokan izango da

Europako hizkuntzen azoka garrantzitsuenetakoa dan Parisko Expolangues gaur hasiko da. Etxepare Euskal Institutuak eta Azkue Fundazinoak standa ipini dabe aurte be, eta bertan izango dira hilaren 7ra arte, gure hizkuntzeari buruzko argibidea eta baliabide desbardinen barri emoteko.

Koko-eskea Eibarren zezeilaren 7an

Eibarrek koko-jantzari eta koko-marru konparsea izan ditu 2008tik, hain zuzen be Kezka jantza taldeak zeregin horri ekin eutsonetik. Aurten, zezeilaren 7an ibiliko dira kalez kale eta baserriz baserri.

Zabalik dago honezkero 57. Zinebi Zinemaldian lanak aurkezteko epea

Bilboko Zine Dokumental eta Film Laburren Nazinoarteko Zinemaldiaren – Zinebiren 57. edizinoa martxan dago honezkero. Abuztuaren 15era arte zabalik dago, zemendiaren 13tik 20ra egingo dan hurrengo edizinoan parte hartu nahi daben fikzinozko animazinozko lanak eta dokumentalak aurkezteko epea.

Zara McFarlane eta Christian McBride, 365 Jazz Bilbao zikloko lehen zatiko izarrak

Zezeiletik bagilera bitarteko programazinoa Zara McFarlane abeslari ingelesak hasiko dau zezeilaren 11n, eta ondoren etorriko dira Tony Allen bateria jotzaile afrobeata (martiak 11), Manu Katché perkusionista eta konpositore frantsesa (martiak 31), Jane Monheit abeslari estadubatuarra (maiatzak 5) eta Christian McBride baxu jotzaile birtuoso estadubatuarra (bagilak 2).

Bizkaiko Foru Aldundiaren historiari buruzko liburua argitaratu dabe

Joseba Agirreazkuenaga historialariak zuzendu dau Bizkaiko Foru Aldundiaren historia. 1500-2014 liburua. Bizkaiko Diputazinoaren historia herritarrei ezagutarazotea da behar honen helburu nagusia. Liburua Foru Liburutegian dago salgai, 25 euroan. Horrezaz gan, www.bizkaikodiputazioa.com webgunean bersino digitala bajatu daiteke, debalde.

Hizkuntza aniztasuna, Europako Parlamentuan protagonista

Hizkuntza Politikarako sailburuorde Patxi Baztarrikak Europako Hizkuntza Aniztasunerako Bide Orria Europako Parlamentuaren aurrean aurkezteko ekitaldia zarratuko dau bihar, zezeilak 5, Bruselan. Eusko Jaurlaritzea eskubide osoko kide dan NPLD sareak (Hizkuntza Aniztasuna Sustatzeko Europako Sarea) osoturiko dokumentua da Bide Orri hau.

'Gerezien denbora' Lapurditik datorren uri-pastorala Barakaldon taularatuko dabe, zapatuan

Industrializazinoak Baionako gizartean eragindako aldaketea azaltzen dau Gerezien denbora herri antzerkiak. Itxaro Bordak idatzi dau testua, eta Beñat Axiari da zuzendaria. 120 bat lagunek hartu dabe parte pastoral post-industrial honetan, gehienak Lapurdin bizi diran zuberotarrak. Barakaldo Antzokian eskainiko dabe uri-pastorala, zezeilaren 7an, 17:00etan.

Ikus-entzunezko proiektuak sustatzeko erakunde arteko Ikusmira Berriak egitasmoa sortu dabe

Berrikuntzea eta esperimentazinoa ardatz daben ikus-entzunezko beharrak lagunduteko asmoz abiatu da Ikusmira Berriak ekimena. Erakundeen alkarlanaren emoitzea da egitasmoa, hain zuzen be, Tabakalera Kultura Garaikidearen Nazinoarteko Zentroak, Donostia Zinemaldiak, Donostia 2016 Europako Kultur Uriburuak, Donostia Kulturak eta Euskadiko Filmategia Fundazinoak hartu dabe parte.