'Haizea alde baita' lemapean, 2009ko Herri Urrats logoaren bila
2008-07-07 11:20
Datorren urteko maiatzaren 10ean ospatuko da XXVI. Herri Urrats, Seaskako ikastolen aldeko jaia, eta honezkero, antolakuntza lanak hasita dagoz. Urteko leloa aukeratu ondoren, logoa sortzeko ordua da eta horregaitik lehiaketa berezia antolatu dau Seaskak 2009ko logoa asmetako.
Ia 280.000 puntu kendu ditue EAEn puntukako gidabaimena indarrean jarri zanetik
2008-07-07 10:57
Arau-hauste zigortuena eta puntu-galera handiena eragin dauena gehiegizko abiadurea izan da, azken bi urteotan gidariek arrazoi horregaitik 172.500 puntu baino gehiago galdu dituelako. Bigarren portaera zigortuena uhala, kaskoa eta segurtasun-elementuak ez erabiltea izan da.
Lekeitioko Udalak eta Bilboko Eleiz Artearen Museoak erakusketa bat inaugurau dabe Santa Maria eleizan
2008-07-04 15:35 KultureaSanta Maria eleizearen esparru osoagaz integraturik eta aldi berean isolaturik dagoan toki batean kokaturik dago erakusketea. 1250etik 1900era arte, garai erromantikotik garaikidera bitarteko Lekeitioko artearen historia batzen dituen 32 artelanek osotzen dabe erakusketea, eta abuztuaren 31ra bitartean izango da ikusgai.
Danetara, 500 gaztek baino gehiagok hartuko dabe parte auzolandegietan uda honetan
2008-07-04 14:40
Auzolandegien helburu nagusia, toki desbardinetatik heldu eta gizarte-maila desbardinetakoak diran gazteei alkarregaz biziteko eta alkar ezagutzeko aukerea emotea da, aurreretxiak gainditzeko lagungarria dan borondatezko esperientzia bateratu baten bidez.
Iker eta Ane dira izen erabilienak Euskal Autonomia Erkidegoan azken hiru urteetan
2008-07-04 14:29Ane da oraindino neska izena aukeratzeko orduan gurasoen kutunena azken hiru urteetan; bigarren Irati dator, hirugarren Naroa, eta gero June, Uxue, Leire eta Nahia. Ikerrek ere eutsi egin deutso gurasoen gustukoena izateari, eta ondoren, Jon, Unai, Ander, Mikel eta Oier, Eustatek gaur jakinarazo dauenez.
Iñaki Goenaga Fundazinoak 255 espezializazino-beka eskaini ditu
2008-07-04 14:14
Bekadunak ikerketa-proiektuan sartuko dira. Urriaren 20tik aurrera, Zientzia, Teknologia eta Berrikuntzako Euskal Sareko zentroren batean egin beharko dabe lan. Izena emoteko epea garagarrilaren 29ra arte egongo da.
'Metropolis' film klasikoaren argitaratu bako kopia bat topau dabe Buenos Airesen
2008-07-04 11:02 Barriak
Buenos Aireseko Pablo Ducrós Zinemaren Museoak Fritz Langek 1927an filmau eban 'Metropolis' klasikoaren kopia bat topau dau bere artxibategian. Kopia horrek badau berezitasun bat, argitaratu bako irudiak. Klasikoen arteko klasiko hau espresionismo alemanaren harribitxia da eta gizartearen ikuspegi apokaliptikoa emoten dau.
834 urte beharko dira euskerea unibersala izateko
2008-07-04 10:56 Euskerea berbagai
Datuen arabera, 15 urtez % 1,6ko hazkundea baino ez dogu izan. ‘Hamabost urteotan lortu ahal izan dan proiekzinoa etorkizunera egiten badogu jaubetuko gara erritmoa onartezina dala euskerearen normalizazinoa nahi badogu, 835 urte beharko geunkezalako ezagutza unibersalera heltzeko’.
The Manhattan Transfer taldeak zabalduko dau Getxoko XXXII. Nazinoarteko Jazzaldia
2008-07-03 15:45 Musikea
Euskal Herriko jazz jaialdien denporaldiari hasierea emonaz, Getxoko XXXII. Nazinoarteko Jazzaldia garagarrilaren 7tik 12ra izango da eta aurtengo kontzertu nagusiak John McLaughlin, Arturo Sandoval, Archie Shepp, Avishai Cohen eta Iñaki Salvador musikari handiek eskainiko ditue.
EHUk Lekuonaren 'Ibaiak basamortuan' poema-liburua plazaratu dau
2008-07-03 11:35 Kulturea
Obreak Juan Mari Lekuona (Oiartzun, 1927 - Donostia, 2005) hil zan momentuan lantzen egoan poemak batzen ditu eta ordutik kaleratzen dan lehenengo lana da.
Jazz, blues eta musika baltza Bergaran, garagarrileko barikuetan
2008-07-03 11:01 Musikea
Bergarako Udalak antolatuta eta bertako Zuhaizti tabernearen laguntzinoagaz, jazz, blues eta musika baltzaren inguruko proposamen musikalak antolatu ditue garagarrileko bariku guztietan Bergarako Espoloi plazan, aire librean eta doban. Kontzertuok 22:30etan hasiko dira.
Alaitz Arenzanak eta Maria Ibarretxek irabazi dabe Argazklik Argazki Lehiaketea
2008-07-02 15:00
Adelina Moya historialariak, Aimar Arriola komisarioak eta Azucena Vieites artista eta Erreakzioa/Reacción kolektiboaren kideak osoturiko epaimahaiak Dios es una chavala manca II lana 3.000 eurogaz saritu dau.
Sopelanako Lasterketa Nudistea garagarrilaren 5ean
2008-07-02 14:49
Euskal Naturista Elkarteak, ENE-k, Sopelanako lasterketa nudistea antolatu dau aurten be, Patxi Ros garaikurra. Garagarrilaren 5ean, zapatuan, egingo da lasterketea, eguerdiko 12:00etan, Barinatxe Hondartzan (La Salvaje), Sopelana eta Getxo artean.
Eusko Jaurlaritzeak Euskerearen Erabilerea Normalizetako Plana onartu dau
2008-07-02 11:14 Euskerea berbagaiPlangintzaldi barrirako helburua euskerea laneko ohiko hizkuntza izatea da, administrazinoan hizkuntza ofizial bien bardintasunera joz. Plan barria helburu horretan oinarrituta egin da.
Kontsumitzaileen eta erabiltzaileen hizkuntz eskubideei buruzko dekretua onartu dau Eusko Jaurlaritzeak
2008-07-02 10:30 Euskerea berbagaiKontsumitzaileen eta Erabiltzaileen Estatutuari buruzko legea garatzen dau dekretu honek; kontsumitzaile eta erabiltzaileek ondasun eta zerbitzuei buruzko informazinoa euskeraz zein gaztelaniaz jasoteko daben eskubidea alde batetik; eta, bestetik, EAEn jarduten daben enpresa zein establezimenduakazko hartu-emonetan bi hizkuntza ofizialetako edozein erabilteko daben eskubidea.
Eusko Jaurlaritzeak ofizialtasuna emon deutso Argentinako Asociación Civil Centro Vasco Misiones zentroari
2008-07-02 10:25 Euskaldunak munduanAintzatespen horren ondorioz, zentro argentinarrak bere zuzendaritza batzordeetan gertatzen diran aldaketa guztiak eta alkarte mailako alderdi guztiak jakinarazo beharko deutsoz Jaurlaritzeari.
Euskaltzaindia Frantses Akademiaren jarrerearen kontra agertu da
2008-07-02 10:07 Euskerea berbagaiFrantziako Konstituzinoa aldatzeko eztabaidea izan da oraintsu Frantziako Parlamentuan. Horren harian, proposamen bat egin da, Frantziako eskualde hizkuntzei zeozelako ezagutzea emoteko, hizkuntza horreek Frantziako ondarearen parte dirala eta, horretan oinarrituta, Konstituzinoan agertu behar dirala azpimarratzeko.
Leioak txakolina omenduko dauen eskultura barria izango dau Mendibilen
2008-07-01 16:40 Jan edanak
Leioako Udalak eskultura barri bat jarriko dau laster Bizkaiko Txakolinaren egoitza ofiziala dan Mendibile Jauregiko inguruetan. Eskulturea jarriz, txakolinaren elaborazinoa omendu gura da, Leioako Udaleko arduradunek adierazo dabenez.
Liburuak Bilboko ugerleku, parke eta plazetara heldu dira udal liburutegi sarearen eskutik
2008-07-01 16:17
Irakurzaletasuna sustatzea, batez be, etxeko txikienen artean, eta udal sarea osotzen daben liburutegien erabilerea bultzatzea dira aurreko edizinoetan 13.000 irakurle erakartea lortu dauen udako programa honen helburua.
Gabriel Aresti XXVI. Ipuin Lehiaketan lanak aurkezteko epea zabalik
2008-07-01 15:42
Gabriel Aresti ipuin lehiaketako aurreko edizinoan, 347 lan aurkeztu ziran erderaz eta 51 euskeraz. Irabazleak Irati Elorrietaren ‘Post H.Pop’ lana eta Begoña Torregrosaren ‘En un cajón del armario’ lana izan ziran.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...