Bertsolari Gazteen XIX. BBK Sariketearen finala Bilbon jokatuko da

| Ikusi handiago | Argazki originala

Bertsolari Gazteen XIX. BBK Sariketeari finala baino ez jako geratzen eta gaur, eguena, hilak 14, arratsaldeko 19:00etan jokatuko da, Bilboko Kafe Antzokian, Lea Artibai eta Ipar Uribe taldeen artean. Sarrerea dobakoa izango da.

Finalera heltzeko, sailkapen-saioak eta finalaurrekoak jokatu dira, martian eta apirilean. Sailkapen-saioetan, Arratia, Durangaldea eta Enkarterriko tadeak kanporatuak izan ziran.

Finalaurreko saioak joan dan astean egin ziran, Ipar Uribe-Busturialdea eta Lea Artibai-Bilboaldea saioen bitartez, eta aurrera egin eben taldeak etzi Kafe Antzokian finala jokatuko daben Ipar Uribe eta Lea Artibai izan dira.

Igaz be eskualde bi horreek jokatu eben finala eta Lea Artibai izan zen irabazlea, beraz argi dago talde bi honeek Bizkaiko indartsuenak dirala gazteen mailan.

Lea Artibaiko taldeak sariketa honen 19 edizinoetan hartu dau parte da eta bera izan zan lehen irabazlea. Ordutik beste 5 alditan irabazi dau sariketa hau eta bitan izan da bigarren. Taldeko partaideak Markina, Ondarroa, Lekeitio eta Berriatukoak izaten dira. Azken urteetan, barriz, Lea Artibaiko taldean markinarrak eta lekeitiarrak dira parte-hartzaileak, eta danak Markinako bertso-eskolakoak.

Ipar Uribeko taldearen oinarria Algortako Bertso Eskolea izaten da eta honek 5 aldiz irabazi dau sariketea eta beste lautan geratu izan da bigarren. Aurten hamairugarrenez hartuko dau parte. Beraz, bistan dago azken urteotako talderik indartsuena izan dala eta aurten be kontuan izatekoa.

Sariketa hau taldeka jokatzen da; sei lagunez osotutako talde bakotxak Bizkaiko eskualde bat ordezkatzen dau. Adin maila bi dagoz: 18 urtera artekoak (1991ean jaioak barruan) eta 19-24 urte bitartekoak (1985ean jaioak barruan). Parte hartu daben taldeak 7 izan dira: Arratia, Bilboaldea, Busturialdea, Durangaldea, Ipar Uribe, Lea-Artibai eta Enkarterri. Sariketan zehar 48 bertsolarik hartu dabe parte, eta euretako 12 izan dira lehenengo aldiz kantau dabenak.

Talde teknikoa:

- Epaimahaia: Arkaitz Estiballes, Juanjo Respaldiza eta Gorka Intxaurbe.

- Aurkezlea: Bernardo Mandaluniz.

- Antolatzaileak: Bizkaiko Bertsozale Elkartea, Bizkaiko Ikastolen Elkartea eta BBK.

Sariak:

- Talde txapelduna: 1.260 € (6 x 210 €).

- Talde txapeldunordea: 900 € (6 x 150 €).

- Bizkaiera egokiena: 140 €.

- Finalistarik gazteena: 70 €.

Bertsolari Gazteen XIX. BBK Sariketearen finalean kantauko dabenak:

Etzira arte ezin da jakin ziurtasun osoz zeintzuk izango diran parte-hartzaileak; edozelan be, orain arte ikusitakoan oinarrituz, ondokoak izan daitekez:

Aurreko urteetako irabazleen zerrendea: