Galeusca'09 Arantzazun 'Literatura txikiak, erronka handiak' izenburupean
2009-10-08 18:37 jardunaldiakEuskal Idazleen Alkarteari jagoko aurten Galeusca antolatzea. Arantzazun izango da, urriaren 9, 10, 11 eta 12an, 'Literatura txikiak, erronka handiak' izenburupean.
Trenaren Euskal Museoak XV. urteurrena ospatuko dau zapatuan tren historikoen bost zikulazino eskainiz
2009-10-08 14:55
Trenaren Euskal Museoak 15. urteurrena ospatuko dau datorren zapatuan, urriaren 10ean. Hori dala eta, EuskoTrenek jarduerez beteriko jardunaldi berezia antolatu dau, eta horreen artean tren historikoen bost zirkulazino berezi eskainiko dira, Azpeitian dagoan Trenaren Euskal Museoaren eta Lasao artean (Gipuzkoa).
BLV-ART, Bilbo Zaharra bizibarritzeko egitarau kulturala martxan gaurtik
2009-10-08 12:21 jardunaldiak
Abanguardiako arteak Bilboko kaleak hartuko ditu Bilbo Zaharra Kulturarako Zubia programearen hirugarren edizinoari esker. Aurten, sortzaile gazteen lanak ezagutarazotea da helburua eta, horretarako, egitarau barritzailea preparau dabe antolatzaileek. Horretarako, izen esanguratsua jarri jako edizino barriari: BLV-ART.
Eskaneautako euskerazko testuak lantzeko sistemea garatu dau HPSk
2009-10-08 11:31
Jaurlaritzearen webgunean, HPSk euskeratutako beste hainbat software guztion eskura jarten dituan gunearen plugin-ak atalean, Tesseract-OCRopus euskaraz tresna informatikoa jarri dau erabiltzaile guztion eskura.
Bilboko Udalak uriko merkatariei zuzendutako euskera ikastaroak jarri ditu martxan, HABEgaz alkarlanean
2009-10-07 18:36 Euskerea berbagai
Ikastaroak Biribilko proiektuaren barruan dagoz. Proiektua Euskara Sailak jarri dau martxan, Lan Ekintza udal soziedadearen eta Bilbao Dendak alkarteagaz alkarlanean, bi helburugaz: euskerearen erabilerea normalizetako prozesua uriko merkataritzan bultzatzea eta eskaintzaren eta eskariaren arteko merkataritza komunikazinoan euskerea presente egon daiten saiatzea.
'Errazetak' Andoni Lupiañez eta Eneko Atxaren eskutik
2009-10-07 17:54
Umeak suetera erakarri, suetea jolastoki eta familiaren topagune bihurtu, guraso eta seme-alaben arteko hartu-emonak hobetu eta, bidebatez bertoko kalidadeko produktuak sustatzeko asmoz sortutako liburua da 'Errazetak'.
Bidaiariaren Txokoak berbaldiak, erakusketak, musikea eta ikusentzunezkoak dakarz
2009-10-07 12:00
VI. 'Bidaiariaren Txokoa' ekimenak kultura, ohitura eta jente desbardinak hurreratu nahi ditu bidaien bitartez eta horretarako, Txurdinagako polikiroldegiaren ondoan dagoan Begoñako Udaltegian, berbaldiak, ikusentzunezko emonaldiak, erakusketak, tailerrak eta kontzertuak be izango dira urrian eta zemendian.
Trikiti-pieza gogoangarrien liburua eta CDa argitaratu dabe
2009-10-07 11:48 Musikea
Trikitixearen irakaskuntzarako materiala sortzeko bidean, Euskal Herriko Trikitixa Elkarteak 1980ko eta 1990eko hamarkadatan gehien entzundako trikiti-piezakaz osoturiko partitura-liburua kaleratu dau. Liburuagaz batera, kantu originalak batzen dituan CDa be eros daiteke.
Seguran ospatuko da domekan Euskal Herriko XXXIII. Jantza Txapelketea
2009-10-07 11:19 Kulturea
Euskal Herriko XXXIII. Jantza Txapelketea jokatuko da datorren domekan, urriak 11, Seguran (Gipuzkoa). Punta-puntako 12 bikote izango dira nor baino nor oholtza gainean: hiru arabar, bi bizkaitar eta ganerakoak gipuzkoarrak.
Getxo, euskal antzerki produkzinoaren erakustoki
2009-10-06 18:24 Kulturea
Urriaren 9tik 24ra, Getxo euskal antzerki produkzinoaren erakustoki bilakatuko da 27. Antzerki Jardunaldien eskutik. Aurten genero guztien eta publiko guztietarako 14 antzezlan eskainiko ditue beste horrenbeste euskal antzerki taldek.
Badator Euskaltzaindiak argitaratu eta Bernardo Atxagak zuzenduko dauen 'Erlea' kultur aldizkari barria
2009-10-06 17:23 kulturbiz'Erlea' kultur aldizkari barria aurkeztuko dabe eguenean Donostiako Kursaalen, 11:30etan. Aldizkaria Euskaltzaindiak argitaratuko dau eta Jose Irazu 'Bernardo Atxaga' idazle eta euskaltzain osoa da zuzendaria. Pamiela argitaletxea arduratuko da edizinoaz eta diseinuaz.
Japongo musikea, III. Mangamore Kultura Japoniarraren Jaialdiaren ardatza
2009-10-06 15:38 jardunaldiak
Mangamore eta Kultura Japoniarraren III. Jardunaldiak urriaren 8tik 12ra bitartean egingo dira Amorebieta-Etxanoko Zelaieta Zentroan. Japongo musika mobimentuak eta estiloak izango dira edizino honetako ardatza.
Berbalagun egitasmoa abian Uribe Kostan
2009-10-06 15:02 Euskerea berbagai
Igaz 60 persona inguruk hartu eben parte proiektuan eta euskeraz berba eginez, zaletasunak konpartiduz eta jente barria ezagutuz, euskeraz berba egiteko gaitasuna garatu eben.
Bilboko Udalak antolatutako ikastaro eta tailerretako ia 6.600 plazetatik % 94 bete dira
2009-10-06 14:52Amaitu da Bilboko Udalak antolatutako udal ikastaro eta tailerretan izena emoteko epea, eta ia plaza gehienak bete dira. Holan, 324 ikastarotan eskainitako ia 6.600 plazen % 94a bete da. Ikastaroak lau kategoriatan banatzen dira: 'Gizonen eta emakumeen arteko bardintasunaren aldeko tailerrak', 'Kultur tailerrak', 'Osasuna adinekoentzat' eta 'Aisia eta kirol jarduerak'.
Eurobaskek Kazetaritzako II. Saria deitu dau
2009-10-06 10:25
Eurobask Europako Mobimentuaren Euskal Kontseiluak bigarren urtez deitu dau Kazetaritzako Eurobask Saria, kazetariei, idazleei edo ikertzaileei zuzenduta. Lanak aurkezteko epea 2010eko urtarrilaren 30ean amaituko da, erakundeko iturriek jakinarazo dabenez.
Musika Bandearen eta Txistulari Bandearen kontzertu denporaldi barria aurkeztu dabe
2009-10-05 18:41 Musikea
Talde sinfonikoak domekatan eskainiko ditu bere emonaldiak Euskalduna Jauregiko Auditorio nagusian bi euroko sarrerearen truke eta Udal Txistularien Bandeak astean zehar (eguazten eta eguenetan), A3 Aretoan eta doban.
Internet bidezko marketin kulturalari buruzko mintegia egingo da eguaztenean Bilbon
2009-10-05 17:42SGAEko Autore Fundazinoak 'E-marketin kulturala. Krisialdiko premia' izenburuko mintegia antolatu dau eguaztenerako, urriaren 7rako, Bilbon. Jardunaldiak arte eta kulturako 60tik gora profesionalen interesa piztu dau, eta kudeatzaile kulturalek, ikasleek eta musika zein arte eszeniko arloko profesionalek emon dabe izena mintegian parte hartzeko.
Edizino Independentearen II. Jardunaldiak Bilbon urriaren 9ra arte
2009-10-05 15:49 jardunaldiak
Bilboko liburudenda independenteen alkarteak (Cliblik) antolatuta argitaldari independenteen jardunaldiak martxan dagoz Bilboko Arenalean. Pasa dan zapatuan (Urriak 3) hasi eta datorren barikura arte (Urriaren 9ra arte), astebetez, literatura zirkuituetatik kanpo, badirala beste mundu literario batzuk ezagutarazotea da helburua.
Ortuellako Udalak bertsolaritzea hururreratuko dau herriko hiru ikastetxeetara
2009-10-05 15:25 BertsolaritzeaEkimen honen bitartez, Lehen Hezkuntzako 6. mailako ikasleek eta DBHko 1. mailakoek bertsolaritzearen nondik norakoak ezagutzeko aukerea izango dabe. Danetara, 85 gaztek parte hartuko dabe egitasmoan. (28 Otxartaga eskolakoak dira, 43 San Felix ikastetxekoak -18 L.H. 6.mailakoak, eta 25 D.B.H 1.mailakoak-, eta 14 Ortuellako institutukoak). Lansaioak astero ordubeteko iraupena daben tailer baten bidez egingo dira eskoletan.
Literaturea eta bidaiak buztarturik Miguel Sanchez-Ostiz eta Jon Arretxeagaz Bibebarrieta Kulturgunean
2009-10-05 15:01 Kulturea
'Literaturea, bidaiatzeko beste modu bat', izenburupean, Bidebarrieta Kulturguneak Jon Arretxe bizkaitarra eta Miguel Sánchez-Ostiz nafarra alkartuko ditu. Publikoarentzat zabalik dagoan berbaldia Roge Blasko kazetariak zuzenduko dau, urriaren 6an, martitzenean, 19:30ean udal liburutegian. Sarrerea dobakoa izango da.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...