Zuberoako Maskaraden bost emonaldi egingo ditue aurten, apirilean eta maiatzean

| Ikusi handiago | Argazki originala

Gorabehera askoren ostean, aurten be Maskaradak egingo dituela jakinarazo dabe antolatzaileek. Hitzorduak apirileko lau astegoienetan eta maiatzeko batean izango dira, Hoki, Muskildi, Urdiñarbe, Lexantzü, Barkoxe eta Gamere-Zihigan. Xiberoko Ikastoletako Ikasle Ohien Alkarteak hartu dau Maskaradak egiteko ardurea.

Aurtengo lehenengo Maskaradea apirilaren 8an izango da, Hokin. Hurrengo hitzorduak ondokoak dira: apirilaren 15ean, Muskildi-Urdiñarben; hilaren 22an, Lexantzün; 29an, Barkoxen; eta, maiatzaren 6an, Gamere-Zihigan.

Azkenengo emonaldiaren ostean, maiatzaren 13an beste ekitaldi bat egiteko asmoa dauke antolatzaileek, hain zuzen be, Senpereko lakuaren inguruan, Herri Urrats jaiaren barruan. Maskaradako parte-hartzaileek lakuari bueltea emongo deutse, baina arrastian ez da Maskaradeari jagokon azntzezlana egingo.

Igaz, 2011n, emonaldien erdiak besterik ez ziren egin, ezbehar bat tarteko; aurtengoak be, hasi orduko bertan behera geratu ziren, beste jazoera latz bategaitik.